12.6 C
Prizren
E hënë, 17 Mars, 2025

Rrëfimi i Ancelottit: Ndryshova idetë për futbollin falë Zidane

Carlo Ancelotti ka një eksperiencë të madhe në stol. Italiani e di mirë që nuk ka një skemë perfekte, më e mira është ajo nëpërmjet së cilës ia del të marrësh maksimumin nga skuadra që drejton.

Në fillim ishte i fiksuar pas klasikes 4-4-2, por në vitin 1999 u ul në pankinën e Juventusit dhe aty ndryshoi gjithçka. Kjo falë Zinedine Zidane, i cili luante si numër 10-sh. Trajneri i Everton sqaron idenë e tij për Sky Sport, duke u ndalur edhe te Ronaldo, me të cilin punoi e fitoi te Real Madrid.

“Zidane ndikoi që të ndryshoja sistemin tim të lojës, ishte i pari futbollist që më krijoi mundësinë të ndryshoja dhe të luaja në një mënyrë ndryshe. Vitin e parë kalova te skema 3-4-1-2. Del Piero dhe Inzaghi luanin në sulm, ndërsa Zidane pozicionohej pas tyre.

Në fillim isha i fiksuar pas skemës 4-4-2, por Zidane ndryshoi idenë time të futbollit. Doja ta vendosja në pozicionin ku do të jepte më të mirën, kështu që hoqa dorë nga skema që përdorja. CR7? Nuk është e nevojshme të ndërtosh skuadrën rreth tij.

Është e njëjta situatë si me Zidane, Ronaldo duhet vendosur në pozicionin ku jep maksimumin. Mos të harrojmë që nuk është e nevojshme t’u japësh shumë udhëzime këtyre lloj lojtarëve, janë profesionistë dhe kampionë të mëdhenj“, deklaron Ancelotti.

Më Shumë

Digjet një stallë e bagëtive në Suharekë, dyshohet se zjarri u shkaktua nga djegia e mbeturinave

Në Sopi të Suharekës është djegur një stallë e bagëtive.   Siç njofton Policia e Kosovës në raportin 24 orësh, dyshohet se zjarri është shkaktuar nga...

‘Bubullimë te Shkëmbi i Kavajës’

Nazmie Hoxha është këngëtare e njohur shqiptare e muzikës popullore. Ajo lindi më 25 tetor 1952 në Gjonaj të Hasit të Prizrenit. Fillet e para...

Lajmet e Fundit