Në Prizren deri më sot janë shfaqur 75 raste me COVID-19, nga ta 15 të shëruar, ndërsa janë shënuar 2 viktima, një nga Prizreni dhe një nga fshati Korishë.
Rastet e fundit në këtë komunë u shënuan mbrëmjen e së premtës, ku 6 persona u konfirmuan të prekur me koronavirus. Kryetari i kësaj komune, Mytaher Haskuka, në një postim në Facebook, ka tregur se të gjithë janë kontakte dhe familjarë të rasteve të identifikuara më parë.
“Të gjithë janë kontakte dhe familjarë të rasteve të identifikuara më parë. Kërkesa jonë është që gjurmimi i kontakteve të rasteve të vazhdojë me intensitet të shtuar, ashtu që të identifikohen dhe të izolohen të gjitha rastet”, thotë Haskuka, transmeton PrizrenPress.
Ai, ka bërë të ditur se të shtunën do të ketë një numër të lartë të testimeve në Komunën e Prizrenit, rreth 30 teste.
“Nesër sërish do të ketë një numër të lartë të testimeve në komunën tonë (rreth 30 teste), me shpresë që ky trend në rritje të ndalet”.
Postimi i plotë i Haskukës:
Sot nga Qendra për Parandalim dhe Kontrollë të Sëmundjeve u informova që janë edhe 6 raste të reja të diagnostifikuara me COVID-19. Të gjithë janë kontakte dhe familjarë të rasteve të identifikuara më parë. Kërkesa jonë është që gjurmimi i kontakteve të rasteve të vazhdojë me intensitet të shtuar, ashtu që të identifikohen dhe të izolohen të gjitha rastet. Andaj nesër sërish do të ketë një numër të lartë të testimeve në komunën tonë (rreth 30 teste), me shpresë që ky trend në rritje të ndalet.
Qytetarë të nderuar po ju drejtohem me apelin e Instituti Kombëtar i Shëndetësisë Publike të Kosovës:
JU LUTEMI TË RESPEKTONI MASAT E SHPALLURA TË PARANDALIMIT NGA INSTITUTI KOMBËTAR DHE MINISTRIA E SHËNDETËSISË!
RUAJENI SHËNDETIN TUAJ! PAKUJDESIA KUSHTON ME JETË!
AKOMA NUK KA KALUAR RREZIKU, ANDAJ:
QËNDRONI NË SHTËPI, KJO UA SHPËTON JETËN!
MBANI DISTANCË FIZIKE PËR SË PAKU 2 METRA!
NA NDIHMONI PAK QË TË JU NDIHMOJMË SHUMË!
Ju faleminderit për mirëkuptim!