9 C
Prizren
E diel, 2 Shkurt, 2025

Shaqiri merr vlerësimin e përzgjedhësit të Kosta-Rikës

Kur Kosta-Rika të përballet me Zvicrën në botërorin e futbollit “Rusia 2018”, përzgjedhësi kostarikas, Oscar Ramirez do ta dijë që rreziku më i madh i skuadrës së tij i vjen nga Xherdan Shaqiri.

Ramirez ka folur në superlativ për Shaqirin dhe për shqiptarët e tjerë të Zvicrës. Zvicra e Kosta-Rika përballen më 27 qershor në Nizhny Novgorod në ndeshjen e fundit në kuadër të Grupit E. Zvicra më 17 qershor luan ndaj Brazilit, ndërsa më 22 qershor ndaj Serbisë, shkruan sot Koha Ditore.

“Shaqiri është futbollist i shkëlqyeshëm. Është i magjishëm ai xhuxh. Ai merr përkrahje nga Granit Xhaka, që e organizon lojën”, ka thënë Ramirez, përcjellin të premten mediat zvicerane. Ai ka lavdëruar edhe lojën e Blerim Xhemailit, për të cilin ka thënë se ka pasime shumë të mira.

Për Valon Behramin ka thënë se i jep stabilitet repartit defensiv pasi skuadra të humbasë topin. Ndërkohë për Shaqirin të premten kanë shkruar edhe mediat në Serbi. E kanë vlerësuar provokim ndaj Serbisë faktin që Shaqiri në botëror do të luajë me këpucë futbolli, në njërën prej të cilave e ka stampuar flamurin e Kosovës. Në pjesën e prapme të këpucës tjetër, Shaqiri ka stampuar flamurin e Zvicrës.

Më Shumë

Prizren, shtyhet rigjykimi për vrasje në tentativë

Në Gjykatën Themelore në Prizren, me kërkesën e të akuzuarit Agron Sopaj, është shtyrë seanca e ditës së martë, për arsye se i njëjti...

Policia shqiptoi 1514 gjoba trafiku për 24 orë

Policia e Kosovës ka bërë të ditur se brenda 24 orëve të kaluara ka shqiptuar 1514 gjoba në trafik. Sipas raportit të policisë, gjatë 24...

Lajmet e Fundit