Komuna e Malishevës, përmes një njoftimi ka bërë të ditur se AFK-ja, ka pajisur shkollën në Vërmicë me kabinet të biologjisë.
Agjencia për Financim në Kosovë (AFK), sot i ka dhuruar shkollës në Vërmicë të komunës së Malishevës, pajisje për kabinetin e biologjisë.
Në mjetet për kabinetin e biologjisë, përfshihen mikroskopi dhe komplet pjesët e trupit të njeriut.
Përfaqësuesi i AFK-së, Avdullah Bytyçi bashkë me drejtorin e arsimit në Malishevë, Blerim Thaqi, kanë falënderuar donatorët përkatësisht Agjencinë për Financim në Kosovë.
“AFK në vazhdimësi i përkrahë institucionet shkollore në komunën tonë dhe ky donacion është në vazhdën e kësaj përkrahje të vazhdueshme. Këto pajisje të dhuruara sot, kanë rëndësi të madhe për zhvillimin e orës së biologjisë, pasi edhe nxënësit do ta kenë më të lehtë të kuptojnë lëndën. Në emër të Drejtorisë për Arsim dhe Edukim, e falënderoj Agjencinë për Financim në Kosovë, për këtë përkrahje të vazhdueshme”, kishte thënë Blerim Thaçi.
Ndërsa përfaqësuesi i AFK-së në Malishevë, Avdullah Bytyçi, bëri të ditur se fusha e arsimit në vazhdimësi do të ketë një mbështetje të veçantë.
