Është ndarë nga jeta në moshën 84-vjeçare, mjeshtri i valles popullore shqiptare, Besim Zekthi.
Artisti Besim Zekthi, humbi betejën me një sëmundje të rëndë, në shtëpinë e tij në Tiranë. Gjatë krijimtarisë së pasur artistike, Zekthi ka dhënë kontribut, si kërcimtar, mjeshtër i valles popullore shqiptare, por ka shkëlqyer edhe si solist i Ansamblit të Këngëve dhe Valleve Popullore.
Ajo që do të mbahet mend gjatë në brezat, është “Vallja e shqipeve” dhe “Festë ka sot Shqipëria”, nga të cilat, kjo e fundit është vlerësuar me çmimin “Gjerdani i Artë” për Shqipërinë, në festivalin e Dizhonit në Francë, në vitin 1970.
Për kontributin e vyer në kulturën shqiptare, mban titujt “Mjeshtër i madh” dhe “Nder i Kombit”.