16.8 C
Prizren
E premte, 29 Mars, 2024

Suharekë: Aprovohet marrëveshja për pranimin e fajësisë, dënohet me kusht i akuzuari për rrezikim të trafikut publik

Gjykata Themelore në Prizren, dega në Suharekë, të mërkurën, e ka dënuar me burgim në kohëzgjatje prej një viti Mursel Kolgecin, për rrezikim të trafikut publik, i cili nuk do të ekzekutohet në afatin e verifikimit prej 2 viteve.

Sipas aktgjykimit të shpallur nga gjykatësi Qemail Suka, i akuzuari po ashtu është obliguar që në emër të paushallit gjyqësor të paguajë shumën prej 100 euro, ekspertizën e komunikacionit në shumë prej 40.88 euro si dhe për kompensimin e viktimave të krimit shumën prej 30 euro, raporton “Betimi për Drejtësi”.

Ky aktgjykim është shpallur pasi ai paraprakisht me mbrojtësen e tij, avokaten Leudita Skoro, më 22 shtator të këtij viti, kishin arritur marrëveshje me Prokurorinë Themelore në Prizren për pranimin e fajësisë, të cilën marrëveshje të mërkurën e ka aprovuar gjykatësi Suka.

Të pranishëm në seancë kanë qenë i akuzuari Mursel Kolgeci, mbrojtësja e tij Leudita Skoro, përfaqësuesi i palës së dëmtuar, avokati Sehad Haliti, si dhe prokuroi Musli Gashi.

Prokuroria Themelore në Prizren më 12 dhjetor 2019, ka ngritur aktakuzë ndaj Mursel Kolgecit, me arsyetimin se ai më 16 shtator 2019, rreth orës 10:20, në Suharekë, ka shkaktuar rrezikim të trafikut publik.

Sipas aktakuzës, ai duke drejtuar automjetin- kamionin e mbeturinave të tipit “Isuzu”, shkel Ligjin mbi Trafikun Rrugor dhe vë në rrezik jetën e njerëzve, në atë mënyrë që nga pakujdesia, gjatë lëvizjes  me kamionin e lartcekur, vë në rrezik jetën e njerëzve, ashtu që nga pakujdesia nuk e verën të dëmtuarën Xhylije Sylaj, e cila kishte qenë duke e pastruar rrugën dhe e godet të njëjtën me pjesën e  pasme të kamionit duke e futur nën kamion, por pa e shkelur fare me rrotë.

Sipas aktakuzës, kur vozitësi është sinjalizuar nga punëtorët se e ka futur nën rrotë të dëmtuarën, është ndalur dhe me këtë veprim i shkakton lëndime të rënda trupore, ku më pas e njëjta ndërron jetë pas tretmanit në QKUK.

Andaj, i akuzuari me këto veprime ka kryer veprën penale rrezikim i  trafikut publik nga neni 370 paragrafi 9 lidhur me paragrafin 6 dhe 1 të KP-së. /BetimipërDrejtësi

Më Shumë

Hovenier për masakrën e Krushës: NATO reagoi për të ndaluar gjakderdhjen

Ambasadori amerikan në Kosovë, Jeffrey Hovenier ka thënë se inaugurimi i Muzeut të Masakrës së Krushës së Madhe të Rahovecit, i dokumenton këtë ngjarje...

Latifi në Kavajë mbjell pemën e miqësisë në emër të Komunës së Rahovecit (FOTO)

Kryetari i Komunës së Rahovecit, Smajl Latifi, njofton se me ftesë të kryetarit të Bashkisë së Kavajës, Fisnik Qosja, bashkë me kryetarët e komunave...

Dhimbja

Lajmet e Fundit