Burime të portalit Infokusi bëjnë me dije se sot rreth orës 9:15 në rrugën Ardian Krasniqi në Prishtinë disa persona kanë sulmuar Ministrin e Bujqësisë, Memli Krasniqi, dhe se të njëjtit janë konfrontuar edhe me truprojat dhe shoferin e tij, shkruan INFOKUSI.COM
Sipas Burimeve nga vendi i ngjarjes janë parë shoferi dhe truproja e Memli Krasniqit janë parë duke ndjekur disa persona me revole në dorë. Këto burime kanë bërë me dije se në vendin e ngjarjes më pas kanë arritur edhe policia dhe ambulanca, ndërsa në vendin ku qëndronte vetura e ministrit është parë edhe shenjimi i vendit të ngjarjes me shirit sigurie.
Mirëpo dëshmitarët e rastit kanë thënë se nuk ka pasur të lënduar dhe krisma armësh dhe krejtë ajo që është parë, ka qenë tollovia e shkaktuar nga shoferi dhe truproja e Krasniqit që po ndiqnin disa persona, përgjatë rrugës.
Deri më tani nuk dihet se kush ishin personat që e sulmuan ministrin Krasniqi dhe policia nuk ka raportuar për këtë rast, kurse edhe Lëvizja Vetëvendosje nuk ka raportuar se aktivistë të saj kanë sulmuar Krasniqin. Këta të fundit sa herë që kanë ndërmarrë aksione ndaj personave zyrëtarë menjëherë e kanë bërë publike edhe rezultatin e aksionit./INFOKUSI.COM/