Kryetari i Prizrenit, Shaqir Totaj, ka pritur në një takim njoftues e miqësor Zyrtarin Politik të Ambasadës së SHBA-ve në Prishtinë, Dominic P. McIntyre.
Ata, në këtë takim diskutuan për çështje të aktualitetit politik në përgjithësi, me theks të veçantë për avancimin e trajtimit të temave që ndërlidhen me komunitetet pakicë në Komunën e Prizrenit.
“Totaj dhe McIntyre biseduan edhe për vlerat e Prizrenit – trashëgiminë kulturore e historike, bashkëjetesën e qytetarëve tanë në harmoni të plotë dhe marrëdhëniet e mira me prijësit e të gjitha religjioneve që praktikohen tek ne, që e bëjnë Prizrenin një qytet tërheqës dhe interesant për të gjithë vizitorët”, njofton Komuna e Prizrenit./PrizrenPress.com/