Barcelona njoftoi pak ditë më parë se do kërkojë nga lojtarët e saj një tjetër ulje pagash, për të arritur të mbyll disa nga problemet financiare.
Mirëpo sipas raportimeve të mediave spanjolle, tre lojtarë e kanë refuzuar ta bëjnë diçka të tillë dhe jo pa shkak.
Gerard Pique, Sergio Busquets dhe Jordi Alba e kanë njoftuar klubin se nuk do të pranojnë një tjetër ulje, pasi e kanë bërë dy herë më parë.
Sipas asaj që raportojnë mediat në Spanjë, tre lojtarët e mësipërm, e kanë refuzuar kërkesën e klubit pasi lojtarët e tjerë të ekipit të parë nuk e kanë marr ulje në asnjë moment.
Kjo situatë e ndërlikon jo pak merkaton e Barcelona-s, duke qenë se një afrim i mundshëm i Robert Lewandowski-t do të shoqërohej dhe me pagë të majme.
Vendimi i tyre mund të shoqërohet me largime si Frenkie de Jong dhe Sergino Dest.
/Albanianpost.com