29 C
Prizren
E diel, 13 Korrik, 2025

USAID-i ndihmon në ndriqimin e Rahovecit

USAID-logoZyra e USAID-it në Kosovë, ka kontribuar edhe në ndriçimin e 3.5 kilometrave rrugë në Komunën e Rahovecit. Projekti ka kushtuar mbi 107 mijë euro, ku edhe komuna ka participuar me 21 mijë euro. Sfidë për këtë komunë ngelet ndriçimi i fshatrave.

Populli amerikan ka kontribuar në zhdukjen e errësirës në qytetin e Rahovecit. Nëpërmjet zyrës së USAID-it, është mundësuar që mbi 3.5 kilometra rrugë, të pajisen me ndriçim publik. Në përfundimin e këtij projekti mori pjesë edhe drejtoresha e USAID-it , Maurin Shauket, e cila shpreson që, ky ndriçim të sjellë gjallëri edhe në orët e natës në këtë komunë.

Kreu i komunës së Rahovecit Smajl Latifi, tha për RTK-në se ndihma e popullit amerikan, ka ardhur gjithmonë kur ne kemi patur më shumë nevojë për të.

Ndonëse projekte të tilla përfundojnë me sukses, ata duhet edhe të mirëmbahen. Për këtë drejtori i shërbimeve publike Përparim Krasniqi, thotë se është menduar, po ashtu, do të fillojë puna për ndriçimin e pjesës tjetër të qytetit dhe disa fshatrave.

USAID-i në Komunën e Rahovecit, ka kontribuar edhe në blerjen e pajisjeve thelbësore të Kuvendit Komunal, ka mbështetur zyrën e informimit, gjithashtu ka ndihmuar edhe në funksionalizimin e qendrës për shërbim të qytetarëve, menaxhimin e mbeturinave të gurta, menaxhimin e shpenzimeve të automjeteve komunale nëpërmjet GPS e shumë projekte të tjera.

Më Shumë

Kurti në fshatin Sopijë të Therandës: Sivjet kemi mbi 21 mijë hektarë më shumë të mbjella me grurë sesa vitin e kaluar

Kosova sivjet ka mbi 21 mijë hektarë më shumë të mbjella me grurë sesa vitin e kaluar. Kështu tha kryeministri i vendit, Albin Kurti përmes...

U zgjidh problemi në stacionin e pompimit, rikthehet furnizimi me ujë të pijshëm në Vërmicë

Pas disa orëve ndërprerje të furnizimit me ujë, banorët e fshatit Vërmicë në Komunën e Prizrenit janë rikthyer të kenë qasje në ujë të...

Lajmet e Fundit