Ekzekutivi i Prizrenit, ka marrë vendim për realizimin e disa projekteve në infrastrukturë. Zëdhënësi i Komunës, Ymer Berisha thotë se është marrë vendim që Drejtoria e Urbanizmit dhe Planifikimit Hapësinor të shpallë tenderin për rrënimin dhe ndërtimin e murit të jashtëm të shtëpisë së Ymer Prizrenit.
“Drejtoria e Shërbimeve Publike,po ashtu do të bën rehabilitimin e rrugëve lokale me asfalt, si dhe do të ndërton kanalizimin dhe sheshin në fshatin Kobaj”, tha Berisha.
“Është marrë vendim që të shpallët tenderi për ndërtimin e rrugëve në fshatin Kushnin, Korishë, Shpenadi, si dhe ndërtimin e murit mbrojtës në Landovicë”.
“Drejtoria e Shëndetësisë, do të mbështet financiarisht me nga 300 euro, mjekimin e 32 pacientëve”./PrizrenPress.com/