Kryetari i Nismës në Prizren, Zafir Berisha ka shpërthyer në akuza ndaj kabinetit të kryetarit të Komunës, Mytaher Haskuka, partitë e të cilëve janë në koalicion qeverisës në Prizren .
Ai thotë se disave nuk i dihet misioni në institucionet e komunës së Prizrenit, shkruan PrizrenPress
“Ne dhe fryma jonë socialdemokrate nuk qëndrojmë pas lojërave të fëlliqura të Krenare Koqit, hienave dhe ” komisarëve politik”, të cilët qëndrojnë prapa z.Haskuka, të cilin në bashkëpunim me mbetjet e krimit të organizuar të “Klanit Pronto” kurdisin çdo konkurs ku paraprakisht dihet edhe se kush ka me u pranuar në punë”, shkruan Berisha .
“Partneriteti dhe “koalicioni i heshtur” me persona që i kanw shërbyer 10 vite bandave ( qytetarët para 1 viti i ndëshkuan me vota), nuk është në përputhje me pritjen e prizrenasve”.
“Edhe pse e kemi diskutuar disa herë me z.Haskuka çështjen e njerëzve me dosje të shumta që janë në institucione të komunës së Prizrenit, ai me heshtje tashmë po tregohet i pafuqishëm ndaj atyre dhe njerëzve që e rrethojnë, një pjesë e të cilëve nuk ju dihet edhe misioni në institucionet e komunës së Prizrenit”.
“Bashkëpunimi dhe vendosja në krye të komisioneve intervistues për punësim e njerëzve të PDK-së( të cilit janë me provoj në manipulime dhe lehtë të shantazhueshëm) pjesa dërmuese e të cilëve i kanë shërbyer krimit të organizuar dhe janë me dosje në organet e drejtësisë, nuk është tregues shpresëdhënës se gjendja mund ndryshoj në interes të qytetarëve!!!”.
“Në fund ju rikujtojmë, ne jemi përgjegjës për tri dikasteret që i menaxhojnë aktivistët e Nisma-s dhe mbajmë përgjegjësi politike për punën e mirë dhe jo të mirë mund ta bëjnë ata, shkruan kryetari i degës së Nisma Socialdemokrate në Prizren””./PrizrenPress.com/