Instituti Kombëtar i Shëndetësisë Publike të Kosovës ka apeluar që të mos vriten kafshët.
Përmes një postimi në Facebook – ky institut bën thirrje që të mos vritet edhe ariu i shumëkërkuar, shkruan Insajderi.
Më tej thuhet se duke ruajtur kafshët, ruajmë natyrën dhe mjedisin ku jetojmë.
Shkrimi i plotë i IKShpk-së:
Ruani ariun!
Ruani natyrën!
Ruani mjedisin ku jetoni!
E keni ruajtur ekosistemin dhe shëndetin tuaj!
Dëmet e shkaktuara në bagëti nga ariu kanë qenë temë diskutimi para disa dite në takimin e përbashkët ndërmjet Drejtorisë për Emergjencë dhe Siguri, Drejtorisë së Bujqësisë dhe Zhvillimit Rural, shoqatës “Sharri”, shoqatës “Bistrica”, Drejtorisë së Parkut Nacional, Policisë së Kosovës dhe ekspertëve të faunës në komunën e Prizrenit.
Teksa, Inspektorati i Agjencionit të Pyejeve ka dhënë autorizimin për vrasjen e ariut, kryetari i Prizrenit, Mytaher Haskuka ka thënë se nuk kanë vendosur ende se a do ta zbatojnë apo jo këtë vendim, shkruan Insajderi.
Në kërkim të ariut të murrmë kanë dalë edhe ushtarë të Kosovës./Insajderi.com