(I freskuar)Eqrem Kryeziu është shprehur i rezervuar sa i përket urimit të tij për Ramadan Mujën, i cili ka fituar garën për kryetar të Prizrenit. Ai ka thënë se do të kishte dëshirë t’ia uronte fitoren, por atëherë, sipas tij, ky urim do të kuptohej amnisti për Mujën.
“Paj, është e vërtetë se unë nuk kam fituar. Sa për urime, a mendon se duhet uruar një i ndjekur penalisht për shkelje të rënda, pikërisht duke shpërdorur detyrën e kryetarit? Ah, sa kisha dashur t’ia uroja çdokujt tjetër, qoftë nga PDK-ja a cilado parti, sepse ky është kod i mirësjelljes, veçanërisht për moshën e re, që na vëzhgon dhe mëson prej nesh. Mirëpo, në këtë rast urimi im do të thoshte, në njëfarë mase, amnisti për të”, ka thënë për “Epokën e re”, Kryeziu.
Megjithatë, fitoren ia ka uruar vetëm PDK-së dhe i kërkuar falje se i ka frikësuar paksa për garën në Prizren. “Ia uroj PDK-së fitoren. U kërkoj falje, se i frikësova goxha, por të fortë janë ndaj meje: pa pushtet, pa para dhe pa presione. Nuk po ankohem, përkundrazi: krenohem se e kam bërë betejën elektorale si njeri i varfër”, ka thënë Kryeziu.
I pyetur se kjo humbje në Prizren do të ndikojë në vazhdimin e karrierës së tij politike, Kryeziu ka thënë se karriera e tij politike do të varet nga mbështetja që mund të gjejë në shoqërinë kosovare. “Eh, kjo është herët të thuhet prerazi. Varet sa mund të gjej rezonancë në shoqërinë kosovare”, është shprehur Kryeziu.
Kryeziu, i cili në kohën e Fatmir Sejdiut e drejtonte LDK-në, thotë se për humbjen në Prishtinë mekanizimi i partisë nuk ka funksionuar si duhet. Por ka thënë se për këtë çështje do të ulën për të biseduar me Mustafën. “Nuk jemi takuar me z. Mustafa ende për t’i shoshitur gjërat. Personalisht, besoj se mekanizmi i LDK-së nuk ka reaguar si duhet. Qenë akomoduar, duke thënë se Isa mundet edhe vetë, ne po bëjmë piknikë pak. Kjo është përshtypja ime. Mbase gaboj”, ka thënë Kryeziu.
Se sa janë shanset që Isa Mustafa të jetë kandidat i duhur i LDK-së për kryeministër edhe pas humbjes në Prishtinë, Kryeziu merr shembull Edi Ramën. “Ka humbur Prishtina, ka avancuar LDK-ja. Varet prej Isës ç’do të bëjë. Edi Rama, po ju kujtohet rasti i tij, pata nderin ta shoh në Shatërvan, nga ekrani televiziv”, ka thënë Kryeziu.
Unë s’isha në luftë me Ramadan Mujën, por me Hashim Thaçin
Pakica në Prizren nuk po e kupton gjuhën. Ata nuk po e dinë se çfarë po bëhet në Prizren, prandaj edhe Ramadan Muja e ka rimarrë pushtetin në këtë komunë.
Kështu ka thënë për Gazetën Express, Eqrem Kryeziu kandidati i LDK’së për të parin e Prizrenit. I bindur se Muja ka fituar falë pakicave, Eqrem Kryeziu thotë se arsye tjetër se ai u mposht këtë herë është edhe lufta që ai ka pas jo veç me kundërkandidatin e tij, por edhe me krejt Qeverinë. Kjo pasi thotë se kundërkandidat nuk e ka pas Ramadan Mujën e PDK’së, por e ka pas Qeverinë e
Kosovës me në krye Hashim Thaçin.“Askund në Kosovë Qeveria nuk ka qenë më e koncentruar se këtu. Edhe e kam përshtypjen se me këtë ai tash po lufton për ekzistencën e vet e Prizrenin e ka pas fushëbetejën kryesore”, ka thënë Kryeziu për Express.
E përveç kësaj, edhe vizitat e dy kryeministrave, atij të Turqisë dhe Shqipërisë, kanë ndikuar që LDK’ja e Prizrenit ta pësoj këtë disfatë. “Për atë punë kryeministri edhe i ka sjell dy kryeministra tjerë. Edhe kjo ka pas ndikim edhe tek shqiptarët edhe tek pakicat. Secili ka thënë se të fort janë këta kur i bijën kryeministrat e tjerë në Prizren”.
“Atyre fundi i fundit nuk iu intereson a po gjykohet njeriu apo jo… 3 mijë vota janë të pakicave lagjet e mëdha të Prizrenit. Këto kanë ndikuar që ne të mos mund ta zëmë PDK’në”, është shprehur Kryeziu. E krejt këto vota nga pakicat që jetojnë në qytetin për të cilin luftoi që nga 3 nëntori, Kryeziu