Edhe Nisma për Kosovën i është përgjigjur pozitivisht thirrjes për protestë nga Vetëvendosje.
Ky subjekt politik opozitar, përmes një komunikate për media, u ka bërë thirrje anëtarësisë dhe të gjithë qytetarëve që të dalin nesër në orën 12 në Prishtinë.
“NISMA për Kosovën, duke i konsideruar më se të drejta shqetësimet e qytetarëve të vendit, kërkesat e tyre për shkarkimin e ministrit Jabllanoviq dhe për sjelljen në Kuvend të ligjit për Trepçën, fton të gjithë qytetarët, anëtarët dhe simpatizantët e saj që të përkrahin dhe të marrin pjesë në protestën që organizohet nesër me datë 27 janar 2015, në ora 12:00, në Prishtinë”, thuhet në njoftimin për media të Nisma-s.