Një patrullë policie po qëndron 24 orë në Kijevë të Malishevës. Policët nuk po lejojnë asnjë banor të futet në territor të Malishevës tash e dhjetë ditë.
Shkak është paraqitja e virusit korona ndërsa që nga koha kur është lajmëruar rasti i parë me këtë virus në Bubavec të kësaj komune, Qeveria kishte vendosur që kjo komunë të futet menjëherë në karantinë.
Ekipi i IndeksOnline ka parë nga afër se aty lejohet qakullimi i banorëve të Kijevës vetëm deri të ambulanta, barnatorja e fshatit apo marketet, mirëpo çdo herë ata duhet të bartin me vete dorëza e maska.
Përveç banorëve të Kijevës, në territor të Malishevës lejohen të futën edhe automjetet e firmave ushqimore, mirëpo çdo herë shoferët duhet të japin të dhënat në polici se ku e kanë destinacionin.
IndeksOnline ka qenë në këtë fshat dhe ka parë nga afër punën të cilën po e bënë Policia e Kosovës, respektivisht pjesëtarët e Policisë së Trafikut nga Rajoni i Gjakovës në parandalimin e këtij virusi.
Shikojeni pamjet të realizuara live nga ekipi i IndeksOnline: