36 C
Prizren
E martë, 12 Gusht, 2025
type here...
Home Blog Page 104

Aksident i rëndë trafiku në Grazhdanik të Prizrenit

admin
-
0
Aksident i rëndë trafiku në Grazhdanik të Prizrenit

Një aksident i rëndë trafiku ka ndodhur të shtunën rreth orës 18:15 në rrugën “Besim Shala”, në fshatin Grazhdanik të Prizrenit, ku janë përfshirë një veturë dhe një motoçikletë.

Lajmin  e ka konfirmuar, zëdhënësi i policisë për rajonin e Prizrenit, Shaqir Bytyqi.

Sipas Policisë së Kosovës, nga përplasja janë shkaktuar dëme të mëdha materiale, ndërsa dy persona kanë pësuar lëndime trupore – ngasësi i motoçikletës dhe një pasagjer në veturë.

Për shkak të natyrës së rëndë të lëndimeve, ngasësi i motoçikletës është dërguar me urgjencë në Qendrën Klinike Universitare të Kosovës (QKUK) në Prishtinë për trajtim të mëtejshëm mjekësor. Sipas mjekut kujdestar në Spitalin Rajonal të Prizrenit, gjendja e tij shëndetësore është e rëndë.

Njësitet e trafikut rajonal kanë dalë menjëherë në vendin e ngjarjes dhe kanë nisur hetimet për sqarimin e rrethanave të aksidentit.

Policia e Kosovës apelon tek të gjithë pjesëmarrësit në trafik që të respektojnë rregullat dhe shenjat e komunikacionit, me qëllim të parandalimit të aksidenteve dhe garantimit të sigurisë në rrugë.

Marketing

Kliko videon: https://www.facebook.com/PrizrenPress/videos/1684680412412465

Tefik Çanga kampion i Ligës së Dytë

admin
-
0
Tefik Çanga kampion i Ligës së Dytë

Tefik Çanga është shpallur kampion i Ligës së Dytë të Kosovës në futboll, duke siguruar titullin pas një gare të ngushtë deri në javën e fundit. Humbja e Prizrenit në ndeshjen e fundit i hapi rrugën skuadrës nga Ferizaj për të marrë vendin e parë dhe për të ngritur trofeun e kampionit, raporton PrizrenPress.

Me këtë sukses historik, Tefik Çanga siguron ngjitjen në Ligën e Parë të Kosovës, ndërsa gëzimi ka përfshirë të gjithë qytetin e Ferizajt. Klubi ka treguar një formë të qëndrueshme gjatë gjithë sezonit, duke kurorëzuar përpjekjet me titullin e shumëpritur.

Ndërkohë, Prizreni do të vazhdojë në Ligën e Parë si skuadra e dytë e promovuar, por pa arritur të fitojë trofeun./PrizrenPress.com

Marketing

Kliko videon:  https://www.facebook.com/PrizrenPress/videos/1684680412412465

Kërkohet një autoambulancë për QMF-në në Gjonaj të Hasit

admin
-
0
Kërkohet një autoambulancë për QMF-në në Gjonaj të Hasit

Shefi i Grupit të Këshilltarëve të LDK-së në Kuvendin Komunal të Prizrenit, Haizi Hodaj, ka kërkuar që Qendra e Mjekësisë Familjare (QMF) në fshatin Gjonaj të Hasit të pajiset me një autoambulancë.

Sipas tij, nevoja për një mjet të tillë është urgjente për shkak të numrit të madh të banorëve dhe nxënësve që jetojnë dhe veprojnë në këtë zonë.

“Shkolla në Gjonaj të Hasit numëron mbi një mijë nxënës. Prandaj, është e domosdoshme të sigurohet një nivel më i lartë sigurie për ta”, tha Hodaj.

 

Ai shtoi se në këtë fshat zhvillohen rregullisht aktivitete të ndryshme kulturore dhe artistike, çka sipas tij e rrit më tej nevojën për një autoambulancë në dispozicion të komunitetit.

“Është një kërkesë e drejtë e banorëve që të kenë një autoambulancë në shërbim të tyre”, u shpreh Hodaj.

Kliko videon: https://www.facebook.com/PrizrenPress/videos/1684680412412465

Ndërkohë, drejtori i Drejtorisë së Shëndetësisë në Komunën e Prizrenit, Simir Krasniqi, ka konfirmuar se kërkesa do të merret në shqyrtim nga institucionet përgjegjëse.

“Kjo kërkesë do të shqyrtohet dhe, nëse vlerësohet si e nevojshme, QMF në Gjonaj do të pajiset me një autoambulancë”, tha Krasniqi./PizrenPress.com/

Prizreni pret dashamirët e veturave klasike, Oldtimer Fest shënon 20-vjetorin

admin
-
0
Prizreni pret dashamirët e veturave klasike, Oldtimer Fest shënon 20-vjetorin

Kryetari i Komunës së Prizrenit, Shaqir Totaj ka njoftuar nisjen e festivalit kushtuar automjeteve klasike, që tradicionalisht mbahet në qytetin e vjetër.

Bashkë me panelistët tjerë ai ka marrë pjesë edhe në diskutimin mbi traditën e kujdesit ndaj mjeteve motorike klasike, duke ftuar qytetarët që të vizitojnë këtë ngjarje interesante.

“Me një ceremoni të veçantë, sot u hap zyrtarisht eventi treditor i organizuar nga Oldtimer Club Prizren, që sjell një ekspozitë mbresëlënëse të veturave klasike nga vende të ndryshme. Oldtimer Fest & FIVA Youth Forum – festojnë sivjet 20-vjetorin e funksionimit, ku të pranishëm ishin koleksionistë të njohur, qytetarë dhe dashamirë të automobilizmit klasik”, ka bërë të ditur Totaj.

Në kuadër të këtij organizimi, të shtunën është hapur Forumi Rinor me FIVA, ku në panelin e diskutimit në ITP Prizren është trajtuar mbrojtja e trashëgimisë kulturo-teknike të Kosovës si dhe rëndësia e themelimit të Muzeut të Mjeteve Teknike, ndërkohë që ka vazhduar me sesion praktik për sistemin e frenimit dhe sigurinë në komunikacionin rrugor.

Aktiviteti do të vazhdojë në mbrëmje me koncertin në qendër të qytetit, derisa të dielën gjatë tërë ditës do të ketë ekspozitë të veturave dhe motoçikletave klasike në qendër të Prizrenit.

“Mos e humbisni këtë ngjarje interesante që sjell shumë nostalgji”, është shprehur kryetari Totaj, duke i bërë thirrje qytetarëve për pjesëmarrje në aktivitetet e sipërpërmendura. /Telegrafi/

Marketing

Kliko videon: https://www.facebook.com/PrizrenPress/videos/1684680412412465

 

 

‘Motive të Prizrenit’ mbyll dyert e vjetra të Kino Lumbardhit dhe hap rrugën për të ardhmen

admin
-
0
‘Motive të Prizrenit’ mbyll dyert e vjetra të Kino Lumbardhit dhe hap rrugën për të ardhmen

Filmi dokumentar Motive të Prizrenit do të shfaqet sonte në kinemanë e brendshme të Kino Lumbardhit, duke shënuar jo vetëm përmbylljen e sezonit të shfaqjeve, por edhe fundin simbolik të një epoke për këtë institucion historik të kulturës në Prizren.

“Ky do të jetë filmi i fundit që do të shfaqet më 31 maj në kinemanë tonë të brendshme dhe do të përmbyllë programin e shfaqjeve në Kino Lumbardhi dhe do t’i hapë rrugën të ardhmes,” thuhet në njoftimin e Kinemasë Lumbardhi, duke nënvizuar ngarkesën emocionale dhe historike të këtij momenti, raporton PrizrenPress.

Filmi i realizuar në vitin 1952, nga regjisori ?ivorad ‘Žika’ Mitrovic, përkon me vitin e hapjes së vetë Kinema Lumbardhit (atëherë “Bistrica”) dhe është një dokumentar i rrallë që “kap si ndjeshmëritë narrative ashtu edhe ato estetike të kohës së tij”. Ai sjell disa nga pamjet më të vjetra ekzistuese të Prizrenit, duke nxjerrë në pah pasurinë vizuale dhe kulturore të qytetit: rrugët e gurta të epokës osmane, xhamitë, kishat dhe pazaret, si dhe pamje të hollësishme të arkitekturës, jetës së përditshme dhe kulturës popullore të tij.

Pas shfaqjes së filmit, publiku do të ketë mundësi të ndjekë një prezantim special të dizajnit tingullor të filmit, të punuar nga studentët e vitit të tretë të Audio-Produksionit në Universitetin për Biznes dhe Teknologji (UBT), në kuadër të ligjëratave me qëllime edukative.

“Kemi kënaqësinë të mirëpresim ekipin e Muzikës Moderne, Prodhimit Digjital dhe Menaxhmentit në Universitetin për Biznes dhe Teknologji, nën drejtimin e ligjëruesit Dren Suldashi e me mbikëqyrje të ligjëruesit Tomor Kuçi”, thuhet në njoftim, ndërsa përmendet se projekti është realizuar nga studentët Lozart Elshani, Art Zeqiri, Elodi Gaxha, Dorela Nuha, Leon Kollçaku dhe Liridon Mehmeti.

Me këtë ngjarje të veçantë, Kino Lumbardhi ndërthur kujtesën historike me edukimin bashkëkohor, duke i dhënë fund një kapitulli dhe njëkohësisht duke hapur një horizont të ri për të ardhmen e këtij institucioni dhe të vetë qytetit.

Hyrja në këtë mbrëmje kulturore është e lirë dhe e hapur për të gjithë./PrizrenPress.com

Marketing

Kliko videon:  https://www.facebook.com/PrizrenPress/videos/1684680412412465

Prizreni në prag të lavdisë: Një fitore larg titullit të kampionit

admin
-
0
Prizreni në prag të lavdisë: Një fitore larg titullit të kampionit

Sot, kryeqyteti historik i shqiptarëve është në pritje të një prej momenteve më të rëndësishme në historinë e ekipit të tij futbollistik. Prizreni është vetëm një fitore larg titullit të kampionit të Ligës së Dytë të Kosovës, në përfundim të sezonit 2024/25.

Në orën 16:00, në stadiumin “Përparim Thaçi”, do të luhet një ndeshje vendimtare mes Prizrenit dhe Diellit nga Ferizaj. Të dyja skuadrat janë të motivuara, por është Prizreni që e ka fatin në duart e veta: fitorja i sjell titullin dhe ngjitjen në Ligën e Parë si kampion, raporton PrizrenPress.

Pas një sezoni të gjatë e të ngjeshur, me shumë sfida dhe emocione, Prizreni ka arritur të ruajë ritmin e lartë dhe të pozicionohet në majë të tabelës, me pikë të barabarta me Tefik Çangën, por me avantazhin e rezultateve direkte dhe golaverazhit.

Dielli, nga ana tjetër, vjen në Prizren për të mbyllur me krenari një sezon të fortë, duke qenë një nga skuadrat që luftoi deri në javët e fundit për ngjitje.

Tifozët pritet të jenë të shumtë në stadium, duke krijuar një atmosferë elektrizuese që vetëm Prizreni di ta japë në ditët e mëdha. E gjithë vëmendja e futbollit kosovar është përqendruar sot në këtë duel – sepse këtu mund të shkruhet historia!/PrizrenPress.com

Marketing

Kliko videon:  https://www.facebook.com/PrizrenPress/videos/1684680412412465

Linkin Park do të performojë në finalen e Ligës së Kampionëve

admin
-
0
Linkin Park do të performojë në finalen e Ligës së Kampionëve

Linkin Park i bashkohet listës mbresëlënëse të artistëve që kanë pasur tashmë nderin të performojnë drejtpërdrejt në finalen e Ligës së Kampionëve.

Linkin Park

Grupi do të luajë hitet e tyre klasike së bashku me këngë nga From Zero, albumi i tyre i fundit i publikuar në vitin 2024.

Përpara grupit, Camila Cabello, Imagine Dragons dhe Dua Lipa kishin përformuar në finalet e CH.

Marketing

Kliko videon:  https://www.facebook.com/PrizrenPress/videos/1684680412412465

Finalja e Champions-it, PSG apo Inter?

admin
-
0
Finalja e Champions-it, PSG apo Inter?

Paris Saint-Germain dhe Interi i Milanos sonte do të përballen në Munich, në finalen e madhe të Ligës së Kampionëve, një sfidë që premton spektakël dhe emocione të jashtëzakonshme për tifozët nga i gjithë planeti.

Pas një rrugëtimi të fortë dhe plot sfida, dy gjigantët evropianë kanë siguruar vendin e tyre në finalen e madhe të garës elitare në Evropë.

Për PSG-n, kjo finale është një tjetër mundësi për të fituar trofeun më të lakmuar në futbollin evropian, një objektiv që klubi parizien e ndjek prej vitesh. Me emra të mëdhenj në formacion dhe udhëhequr nga një skuadër e kompletuar në të gjitha repartet, parizienët do të kërkojnë të shkruajnë historinë duke fituar ‘Champions-in’ për herë të parë në histori e tyre.

Ndërkaq, Interi synon të rikthehet në majën e futbollit kontinental duke fituar Ligën e Kampionëve për herë të katërt në histori. Zikaltërit kanë treguar një formë të qëndrueshme dhe një organizim mbresëlënës nën drejtimin e trajnerit të tyre Simone Inzaghit duke eliminuar emra të mëdhenj në rrugën drejt finales. Finalja PSG–Inter është më shumë se një ndeshje futbolli, është një përplasje e filozofive, investimeve dhe traditës. Parizienët të pasionuar pas trofeut të tyre të parë dhe Interi që kërkon të rikthehet në majat e Evropës.

Tifozët e futbollit do t’i kenë sytë kah ‘Alianz Arena’ në një natë që mund të përcaktojë fatin dhe lavdinë e një sezoni të tërë.

Marketing

Kliko videon:  https://www.facebook.com/PrizrenPress/videos/1684680412412465

Ndalet një person në Vërmicë me 21 sfera plumbi, kishte plan t’i dërgonte në Spanjë

admin
-
0
Ndalet një person në Vërmicë me 21 sfera plumbi, kishte plan t’i dërgonte në Spanjë

Në raportin 24 orësh, bëhet e ditur se vetura ishte duke u drejtuar nga i dyshuari mashkull kosovarë.

Derisa, sferat metalike te plumbit, i dyshuari i kishte marrë për t’i dërguar për vlerësim në një fabrikë në Spanjë për biznes.

Tutje, në konsultim me prokurorin, i dyshuari është liruar.

“SPK. Vërmicë 30.05.2025 – 01:55.  Është raportuar se zyrtarët policorë, në bashkëpunim me oficerët doganorë, në veturën me targa të huaja e cila kishte hyrë nga Shqipëria në Kosovë, të cilën kishte qenë duke e drejtuar i dyshuari mashkull kosovar, kanë gjete dhe konfiskuar 21 sfera metalike të plumbit të cilat i dyshuari i kishte marr për t’i dërguar për vlerësim në një fabrikë në Spanjë për biznes. Në konsultim me prokurorin lënda e rastit procedohet në procedurë të rregullt, i dyshuari është liruar”, njofton PK.

Marketing

Kliko videon:  https://www.facebook.com/PrizrenPress/videos/1684680412412465

Në Prizren përurohet pllaka përkujtimore për 100-vjetorin e mikrobiologjisë në Kosovë

admin
-
0
Në Prizren përurohet pllaka përkujtimore për 100-vjetorin e mikrobiologjisë në Kosovë

Në Qendrën Rajonale të Shëndetësisë Publike në Prizren, dje, u përurua pllaka përkujtimore në nder të fillimit të veprimtarisë së organizuar të mikrobiologjisë në Kosovë, raporton PrizrenPress.

Në këtë qytet, në vitin 1923, filloi punën Njësia Bakteriologjike e Përhershme, duke shënuar një moment historik në themelimin e mikrobiologjisë moderne dhe të shëndetit publik në vendin tonë.

Sipas IKShPK-së, u theksua se ky jubile na kujton rëndësinë jetike të mikrobiologjisë si një nga shtyllat kryesore në parandalimin dhe luftimin e sëmundjeve infektive – dhe rolin e saj thelbësor në mbrojtjen e shëndetit të popullatës.

Po ashtu, u shpreh mirënjohje e thellë për të gjithë profesionistët shëndetësorë – mjekë, teknikë laboratorikë dhe bashkëpunëtorë të tjerë – për kontributin e tyre të jashtëzakonshëm ndër vite në zhvillimin e këtij sektori në shëndetin publik./PrizrenPress.com

Marketing

Kliko videon:  https://www.facebook.com/PrizrenPress/videos/1684680412412465

1...103104105...8 816Page 104 of 8 816

Të gjitha materialet e portalit janë të mbrojtura me të drejtat autoriale. Ato mund të kopjohen, modifikohen, dhe ripublikohen vetëm duke iu referuar burimit PrizrenPress.com. Të drejtat autoriale janë të rezervuara, sipas dispozitave ligjore në fuqi në Republikën e Kosovës.

© 2019 NuclearAnt.

Kategoritë

Lidhuni Me Ne