Po vazhdojnë punimet në shtrimin e trotuareve me kalldrëm në pjesën e vjetër të qytetit të Prizrenit.
“Me një histori të pasur, Prizreni po e ringjall një simbol të dashur të trashëgimisë kulturore, që synon jo vetëm ta rrisë tërheqjen estetike të qytetit, por edhe t’i rilidhë banorët dhe vizitorët me sharmin autentik të Prizrenit”, njofton Komuna e Prizrenit.
Agjencia e Statistikave të Kosovës (ASK) ka publikuar “Statistikat e Energjisë” për muajin dhjetor 2023 me të dhëna për prodhimin dhe konsumin e thëngjillit, prodhimin dhe konsumin e energjisë, importin dhe eksportin e energjisë, si dhe importin dhe eksportin e energjentëve të tjerë.
Në raportin e ASK-së thuhet se më shumë energji elektrike ka pasur në dispozicion në dhjetor 2023 krahasuar me muajin e njëjtë në vitin 2022.
“Gjatë muajit dhjetor të vitit 2023, energjia elektrike bruto në dispozicion ishte 853.83 GWh, kurse konsumi i energjisë elektrike ishte 608.16 GWh ose 12,69% më i madh sesa në muajin e njëjtë të vitit paraprak (dhjetor 2022)”, thuhet në raport.
ASK-ja ka bërë me dije se pjesëmarrja e energjisë elektrike alternative në kuadër të konsumit të përgjithshëm ishte 13,34%.
Ndërkaq, rënie duket se ka shënuar prodhimi i thëngjillit. “Prodhimi i thëngjillit ishte rreth 7.21 mijë ton ose 1,45% më pak se në muajin e njëjtë të vitit paraprak”, thuhet më tej.
Është miratuar sot në shqyrtim të dytë projektligji nr. 08/L-186 për rregullat e trafikut rrugor.
Për miratimin e këtij projektligji votuan 61 deputetë.
Shefi i Grupit Parlamentar të Partisë Demokratike të Kosovës, Abelard Tahiri, ka thënë se nuk do t’i votojnë marrëveshjet ndërkombëtare me qëllim që të pengohet puna e Kuvendit dhe vendi të shkojë në zgjedhje.
Në një deklarim për media të enjten, ai ka thënë se nuk ka kuptim që të bëhet kuorumi për votimin e marrëveshjeve ndërkombëtare, derisa vendi ndodhet nën sanksionet e Bashkimit Evropian.
Tahiri ka shtuar se bojkoti i PDK-së do të vazhdojë edhe në të ardhmen.
“Nga qershori i viti të kaluar Grupi Parlamentar i PDK-së nuk e voton asnjë marrëveshje ndërkombëtare. Nuk e ka votuar asnjë ligj në kuadër të Kuvendit me qëllimin e vetëm që të mos krijojmë kushte që të punohet me tutje dhe vendi të shkojë në zgjedhje të jashtëzakonshme”.
“Ju e shini që tashmë nuk ka kuptim që të ia bëjmë kuorumin dhe te votojmë marrëveshje ndërkombëtare kur vendi ynë është nën sanksione”, është shprehur shefi i deputetëve të PDK-së.
Sipas tij, shkuarja në zgjedhje të jashtëzakonshme është domosdoshme, marrë parasysh sanksionet ndërkombëtare. Ai ka thënë se Kosovës i nevojitet Qeveri e re “në mënyrë që ta nxjerrim vendin nga ky izolim”.
“Çdo përpjekje e jona që e bëjmë në Kuvendin e Kosovës është që ta çojmë vendin në zgjedhje të jashtëzakonshme në mënyrë që ta nxjerrim vendin nga izolimi ndërkombëtar dhe nga sanksionet ndërkombëtare. Vendit i duhet një kryeministër i ri, një qeveri e re, dhe pa dyshim që do të vije nga PDK-ja në mënyrë që ta nxjerrim vendin nga ky izolim dhe të japim një zhvillim”, ka theksuar Tahiri. /Telegrafi/
Muzeu Historik Kombëtar përkujtoi sot në 91-vjetorin e ndarjes nga jeta, poetin, shkrimtarin, gazetarin, përkthyesin e atdhetarin Hilë Mosi (1885-1933).
Gjatë kohës kur drejtonte dikasterin e arsimit në fund të viteve ‘20, Mosi u përpoq për laicizmin e shkollës, duke vijuar kështu luftën e tij të hershme kundër shkollave të çelura nga klerikët. Shkrimet dhe vjershat e tij të para u bënë të njohura që më 1910 me pseudonimet Zog Sokoli, Liriasi etj. Ka botuar disa përmbledhje me poezi ndër të cilat “Zani i atdheut” (1913), “Lotët e dashtunisë” (1915) etj.. Për nga fryma e përgjithshme, i qëndron afër F. Shirokës, me tone romantiko-elegjiake. Në lirikat i këndoi mallit për atdhe dhe grishi Shqiptarët të bashkohen në luftë kundër pushtuesit (“Jashtë”, “Kënga e shoqërisë”, “Vëllazëria”, “Mashkullori” etj.), Një pjesë e tyre u vunë në muzikë dhe u kënduan si himne dhe marshe luftarake. Lirika e dashurisë e Hilë Mosit përbëhet nga këngë dhe balada romantike, ku përbri gëzimit, lumturisë dhe optimizmit vërehet edhe përmallimi, dhembja dhe dëshpërimi. Vdiq në Tiranë në shkurt e vitit 1933 dhe u varros në Shkodër. / atsh /
Kryeministri i vendit, Albin Kurti, e ka liruar nga detyra zëvendësministrin e ministrisë së Zhvillimit Rajonal, Almir Veliji.
Kurti ka vendosur që ta lirojë Velijin nga detyra, pas kërkesës që vetë ai ia ka bërë shefit të qeverisë.
“Almir Veliji lirohet nga detyra e zëvendësministrit të Ministrisë së Zhvillimit Rajonal, sipas kërkesës së Velijajt të datës 20.02.2024 për lirim nga detyra e Zëvendësministrit”, thuhet në vendim.
Në vendim thuhet se Veliji është i obliguar që të bëjë deklarimin e pasurisë në pajtim me ligjin për deklarimin, prejardhjen dhe kontrollin e pasurisë dhe të dhuratave./
Agjenti i Jurgen Klopp ka insistuar se gjermani nuk do të bëhet trajneri i ri i Bayern Munich-ut në fund të sezonit 2023-24.
Koha e Thomas Tuchel si menaxher në “Allianz Arena” do të përfundojë këtë verë, me të dyja palët që vendosën të ndahen pasi të ketë përfunduar sezoni aktual.
Ndërkohë, Klopp po largohet nga Liverpool këtë verë dhe ka pasur sugjerime se 56-vjeçari mund të jetë në lojë për të zëvendësuar Tuchel-in. Megjithatë, Marc Kosicke, i cili është agjenti i Klopp, ka insistuar se trajneri aktual i Liverpool-it do të ketë 12 muaj pushim nga puna pasi të ketë mbaruar ky sezon.
“Jurgen Klopp nuk do të drejtojë asnjë klub apo ekip kombëtar për një vit pas këtij sezoni aktual. Kjo mbetet e pandryshuar”, konfirmoi Kosicke për “Sky Deutschland”.
Klopp e filloi karrierën e tij profesionale me Mainz 05 në Gjermani, duke kaluar shtatë vjet në krye përpara se të bënte lëvizjen te Borussia Dortmund, ku pati sukses të madh.
Trajneri fitoi dy tituj të Bundesliga-s, një Kupë të Gjermanisë dhe dy Superkupa të Gjermanisë gjatë kohës së tij te BVB, përveç arritjes në finalen e Champions League në 2012-13.
Klopp më pas u transferua te Liverpool në tetor 2015, dhe ai ka fituar Premier League, FA Cup, EFL Cup, Community Shield, Champions League, UEFA Super Cup dhe Kupën e Botës për Klube gjatë kohës së tij në “Anfield”.
Bayern po përballet me përfundimin e këtij sezoni pa trofe, pasi ka tetë pikë prapa liderit të Bundesliga-s, Bayer Leverkusen, është eliminuar nga Kupa, humbi finalen e Superkupës dhe ata humbën me Lazio-n 1-0 në ndeshjen e 1/16-ës në Champions League.
Klopp nuk do të lëvizë në “Allianz Arena” këtë verë, megjithatë, trajneri i Leverkusen-it, Xabi Alonso, thuhet se është objektivi numër një i klubit.
Spanjolli kërkohet edhe nga Liverpool si zëvendësues i Klopp, ndërsa Barcelona do të jetë një tjetër klub i madh evropian në treg për një trajner të ri këtë verë, pasi Xavi përgatitet të largohet.
Ka pasur pretendime se Klopp do të marrë vendin e punës në Kombëtaren e Gjermanisë kur të kthehet në futboll, por një raport i fundit pohoi se ai në vend të kësaj i ka sytë te Real Madrid ose Barcelona.
Real Madrid aktualisht ka Carlo Ancelotti-n në krye, me italianin së fundmi që ka firmosur një kontratë të re deri në qershor 2026, kështu që është e vështirë të imagjinohet se ai pozicion do të hapet verën e ardhshme.
Pas tri ndeshjeve të djeshme, elita e futbollit tonë, do të vazhdojë sot pasdite me dy sfidat e fundit të javës së 21-të.
Dukagjini do t’i bëjë ‘konak’ Lirisë, në një ndeshje tejet të rëndësishme për të dy skuadrat.
Ndërkohë, në duelin tjetër do të ballafaqohen Fushë Kosova dhe Llapi, përballje në të cilën llapjanët llogariten favorit të paktën në letër.
Skuadra e Tahir Batatinës ndaj Fushë Kosovës, do të kërkojë fitoren e radhës në mënyrë që të bëjë hapin e madh në garën për kreun e tabelës.
Superliga / Java e 21-të
Sot takohen:
Dukagjini-Liria
Fushë Kosova-Llapi
Të gjitha ndeshjet fillojnë në orën 13:00.
Sipas Meteo Kosova, temperaturat minimale do të lëvizin nga minus dy deri në një gradë Celsius, ndërsa ato maksimale prej 12 deri në 15 gradë Celsius, transmeton Klankosova.tv
Era do të fryjë nga jugperëndimi, e cila kohë pas kohe pritet të jetë mjaft e fuqishme, kryesisht në regjionin e Gjakovës dhe Malishevës, me shpejtësi prej 15-55 km/h
Millosh Gjergj Nikolla i njohur më shumë përmes nofkës Migjeni, ka qenë një poet dhe prozator i shquar shqiptar. Migjeni konsiderohet si një ndër shkrimtarët më të lexuar e më të rëndësishëm të letërsisë shqipe të shekullit të 20-të. Për epokën ishte një zë krejtësisht novator nga brendia dhe forma. Ndikimi i tij mbi letërsinë shqipe të kohës ishte i madh.
Thënie nga Migjeni:
Mjerimi s’do mëshirë, do vetëm të drejtë.
Kafshatë që s’kapërdihet asht, or vlla, mjerimi
Shpresa vdes e fundit, prandaj falim e shpresojmë.
Përditë shoh qartë e ma qartë dhe vuej thellë e ma thellë.
Ambëlsinën, ambëlsinën e jetës kërko ta gjesh se e hidhuna e jetës vjen vetë.