Të premten është bërë me me një manifestim solemn, përurimi i projektit për renovimin e tërësishëm të objektit dhe aneksit të ri të shkollës “ 26 marsi” në fshatin Landovicë.
Pjesë e këtë manifestimi, ishte kryetari i Prizrenit, Shaqir Totaj, I shoqëruar nga bashkëpunëtorët e tij më të ngushtë, nxënës dhe stafi drejtues i shkollës “ 26 marsi” dhe banorë të Landovicës.
Kryetari Totaj, e vlerësoi të rëndësishme këtë ngjarje që po mbahet me rastin e fesëts së Pavarësisë së Kosovës, dhe tha se “duhet t’I vlerësojmë sukseset që po arrijmë, por me synim që të punojmë edhe më tepër sidomos në investimet për të ardhmen e të rinjve tanë përmes sektorit të arsimit”.
Drejtoresha e Arsimit, Luljeta Veselaj- Gutaj, tha se përmirësimi i infrastrukturës shkollore tregon përkushtimin tonë se sa i rëndësishëm është arsimi dhe edukimi, si dhe mbjellja e atdhedashurisë për të rinjtë tanë.
Drejtori i shkollës, Besnik Berisha, u shpreh falënderues për këtë projekt të rëndësishëm, duke mundësuar punë efikase për mjedis cilësor arsimor dhe frymëzues për nxënësit.
Përfaqësuesi i fshati, Islam Thaçi, në emër të komunitetit falënderoi komunën për investimet e duhura që po realizon në rregullimin e infrastrukturës së përgjithshme në këtë lokalitet. Nxënësja, Hume Gashi, u shpreh e lumtur që nga tani e tutje, nxënësit do të ndjekin mësimet në kushte shumë më të volitshme.
Vlera e përgjithshme e renovimit të tërësishëm të shkollës dhe ndërtimi i aneksit të ri, buxhetit të komunës së Prizrenit i ka kushtuar 572 mijë e 456 euro. Për të gjithë të pranishmit, u shfaq një program i pasur artistik nga nxënësit e shkollës./tv Prizreni/
