Enver SULAJ
Mes ëndrrash gjej rrugët e humbura
Netët zhduken pas çdo psherëtime.
E pashë në ëndërr buzëqeshjen tënde
Ani pse këmbët s’të mbanin.
Fjalë s’kishe në gojë
Shikimi qe zhdukur tej pafundësisë.
Kur të vij te ti
Do t’i lidhim vitet e humbura
E ngrohtësinë që u tret në shtegun e luleve.
Janar 2024
Kryetari LDK-sw nw Prizren, Driton Selmanaj dhe disa anëtarë të kryesisë kanw mirëpritur shefin e Grupit Parlamentar të LDK-së, Arben Gashi dhe deputeten Rrezarta Krasniqi.
Takimi u shoqërua me biseda dhe tema të veçanta rreth Prizrenit dhe punës së madhe që po bëhet për fitoren e LDK-së në Prizren dhe Kosovë.
Arbnor Morina ka lindur në Prizren, më 07.07.1983. Pasionin për pikturën Arbnori e ka shprehur qysh fëmijë, madje ka hapur ekspozita qysh në shkollën fillore.
Shkollën fillore dhe të mesme i përfundoi në Prizren, derisa vazhdon të jetoj dhe të punoj në Prizren, qytetin e tij të lindjes.
“Nuk e kam zgjedhur unë pikturën, por më duket se piktura më ka zgjedhur mua…, në fakt se kam ditur që do të bëhem piktor, ka rrjedhur krejt natyrshëm. Një pjesë (disa vite) të shkollës fillore i kam kryer në Suedi. Arti, për mua sidomos vitet që kam qenë në Suedi ma ka mundësuar një jetë ma të mirë sociale”, theksoi Morina, raporton ObserverKult.
Studimet e larta i kreu në Fakultetin e Arteve, departamenti pikturë në vitin 2010-2011 në klasën e profesor Nagip Berishës.
Morina ka punuar punime në zhanre të ndryshme.
“Natyrë të qetë, anatomi, analitik, pikturë. Fillimisht e kemi mësuar pikturën, pastaj gradualisht jam ndalë të ekspresionizmi”, theksoi Morina.
Ajo që e veçon punën e tij është se pikturat janë të dimensioneve të mëdha, gjë që e bën të shprehet më shumë dhe më lirshëm.
Në përfundim të studimeve të nivelit master në vitin 2019-2020, në prag të diplomimit në drejtimin e Specializmit në Pikturë, Morina ka marrë pjesë në dhjetëra ekspozita kolektive dhe simpoziume, brenda dhe jashtë vendit.
Është bashkëthemelues i Asociacionit të Artistëve Vizual të Kosovës dhe Shoqatës së Artistëve Pamorë – Prizren.
Po ashtu ishte bashkëpunëtor i jashtëm profesional i Muzeut Kombëtar të Kosovës dhe Institutit Arkeologjik të Kosovës 2006 – 2020.
Në vitin 2011 është shpërblyer me çmimin Piktor i Vitit në Prizren.
Këtu janë vetëm disa nga ekspozitat e shumta kolektive dhe personale të Arbnorit:
Ekspozitat kolektive:
1.Ekspozitë Kolektive, Flaka e Janarit 2018
Galeria e Artit, Gjilan
2. Ekspozitë Kolektive, 2019
Galeria e Artit, Ferizaj
3. Ekspozitë Kolektive, Flaka e Janarit 2020
Galeria e Artit, Gjilan
4. Ekspozita Vjetore e Asociacionit të Artistëve Vizual të Kosovës
Muzeu Kombëtar i Kosovës, viti 2020
5. Ekspozita Vjetore e Asociacionit të Artistëve Vizual të Kosovës
Galeria e Fakultetit të Artit, viti 2021
6. Ekspozitë Kolektive, Tiranë
Galeria e Artit Bashkëkohor – Tiranë 2021
7. Ekspozitë kolektive në Turqi, Safranbollu, në qyetin muze.
Galeria e Artit Safranbollu, 2022
8. Salloni i Kombëtar i Vjeshtës, Shkodër
Galeria e Artit në Shkodër, 2022
9. Bienalja Ndërkombëtare e Grafikës, Mitrovicë
Galeria e Artit “Kadri Kadriu”
Ekspozitat personale:
1. Ekspozitë personale, kuratoriale
Galeria e Artit – Hamam, Prizren 2017
2. Ekspozitë personale në Prishtinë
Galeria Tillt, 2019 – Prishtinë
3. Ekspozitë personale në Teatrin e Qytetit të Prizrenit
Nën patronatin e Drejtorisë së Kulturës – Prizren 2020
/ObserverKult
Kryetari i Prizrenit, Shaqir Totaj, priti sot në një takim Prof. dr. Arsim Bajramin.
Ata, diskutuan për procesin e zhvillimit të Komunës së Prizrenit.
“Z. Bajrami është prej njerëzve më meritorë, që me kontributin e tij shembullor profesional, ka qenë aktiv në etapat më të rëndësishme të ndërtimit të shtetit tonë”, tha Totaj.
Me këtë rast, Arsim Bajrami i dhuroi kryetarit Totaj librin e tij të fundit “Gjenocidi i Serbisë në Kosovë”, që shfaq periudhën e vështirë të kombit tonë gjatë luftës së fundit.
Asociacioni i Gazetarëve të Kosovës (AGK) dhe Këshilli i Mediave të Shkruara të Kosovës (KMSHK) kanë shprehur shqetësimin e tyre lidhur me projektligjin e ri për KPM-në i cili synon që video dhe audio-materialet e publikuara në platformat për shpërndarjen e videove dhe mediat online të kontrollohen nga Komisioni i Pavarur i Mediave (KPM), raporton Ekonomia Online.
Këtë Projektligj, ata e quajtën sulm të drejtpërdrejtë ndaj mediave dhe tendencë e pushtetit për t’i kontrolluar ato.
Kryetari i AGK-së, Xhemajl Rexha, ka thënë se këtë projektligj e konsideron si një përpjekje të Qeverisë Kurti për t’i kontrolluar mediat.
“Këto ndryshime ne i shohim si një përpjekje të re të qeverisë aktuale që të sulmojë mediat dhe tendencë për t’i kontrolluar ato sepse parashihet që KPM-ja t’i kontrollojë, monitorojë dhe t’i ndëshkojë nëse ka nevoje mediat online që kanë përmbajtje të videove duke përfshirë edhe nevojën që ato të licencohen në një mënyrë të veçantë”, është shprehur Rexha.
“Këtë e shohin si një tjetër përpjekje dhe sulm të qeverisë ndaj lirisë së mediave sepse konsiderojmë se rregullimi i deritashëm duhet të vazhdojë dhe të merret parasysh konteksti lokal i zhvillimit të mediave”, ka shtuar kryetari i AGK-së.
Rexha i ka ftuar në dialog të gjithë të interesuarit duke përfshirë mediat dhe shoqërinë civile, në mënyrë që të jenë në gjendje që ta bëjnë punën e tyre pa presionin politik.
Juristja e së Drejtës së Medias, Flutura Kusari, ka thënë se përmes këtij ligji Lëvizja Vetëvendosje po përpiqet që t’i kontrolloj mediat.
“Projektligji për KPM është aprovuar në mbledhje të Qeverisë dhe është publikuar online në faqen e kryeministrit pas kërkesës sonë që ky dokument të bëhet publik. Për herë të parë në histori ndryshon radikalisht mënyrën e mediave online që publikojnë video nga sistemi i vetë rregullimit. Duke i detyruar ato që për herë të parë t’i nënshtrohen licencimit shtetëror. Iniciativa ligjore është iniciativë e qeverise për t’i kontrollua mediat online. Kërkojmë nga qeveria që ta tërheq këtë projektligj nga procedimi i Kuvendit”, tha ajo.
Drejtori Ekzekutiv i KMShK-së, Imer Mushkolaj, tha se Qeveria e udhëhequr nga Albin Kurti, fillimisht ka sulmuar mediat dhe tani përmes këtij ligji po mundohet që t’i kontrolloj mediat online përmes KPM-së.
“Qëllimi i projektligjit është pikërisht dobësimi i mediave të shkruara. I bëjmë thirrje qeverisë që ta tërheq këtë projektligj”, tha ai.
Ndryshimet kryesore ligjore të propozuara janë:
1.Mediat online do t’i nënshtrohen licencimit shtetëror dhe kontrollit nga KPM-ja;
2.Mediat online, të cilat funksionojnë si organizata joqeveritare, do të detyrohen që të hapin kompani për t’i plotësuar kërkesat e licensimit;
3.Mediat online do të detyrohen të regjistrohen në Regjistrin e mediave online, i cili do të menaxhohet nga KPM-ja;
4.Mediat online do të duhet të marrin leje në KPM në rast të ndryshimit të pronësisë mbi 10%;
5.Mediat online do t’i nënshtrohen regjimit të sanksioneve me gjoba deri në 40,000 euro;
6.KPM-ja do t’i ketë 11 anëtarë dhe jo shtatë, siç i ka aktualisht;
7.Anëtarët e KPM-së nuk do të kenë më mandate të përshkallëzuara prej dy, tre dhe katër vjetësh, por mandat prej katër vjetësh me mundësi të rizgjedhjes edhe për një mandat tjetër.
Është arrestuar një burrë në Dragash nën dyshimin se ka penguar zyrtarët policor derisa ishin duke i shqiptuar një gjobë komunikacion drejtuesit të për kundërvajtje në veturës, në të cilin ndodhej edhe i dyshuari.
Me vendim të prokurorit, i dyshuari pas intervistimit është dërguar në mbajtje.
“Dragash / 31.01.2024 – 10:25. Është arrestuar i dyshuari mashkull kosovar, pasi që i njëjti ka penguar zyrtarët policor derisa ishin duke i shqiptuar një gjobë komunikacion drejtuesit të për kundërvajtje në veturës, në të cilin ndodhej edhe i dyshuari. Me vendim të prokurorit, i dyshuari pas intervistimit është dërguar në mbajtje”, thuhet në njoftim.
Zef Jubani (Shkodër 1818 – 1 shkurt 1880) ka qenë nëpunës, ekonomist, folklorist, shkrimtar e ideolog i Rilindjes Kombëtare. Më 1862 bashkëpunoi në organizimin e lëvizjes antiosmane të Mirditës.
Ai është i njohur për botimin e një Koleksioni të Këngëve Folklorike Shqipe dhe Rapsodive në dialektin Geg Shqiptar. Jubani mbrojti krijimin e një alfabeti unik të gjuhës shqipe.
Në shkurt të 1868 i kushton një poezi Elena Gjikës, me titullin “Princesha prej fisit të Zotnive të Shqipnisë – Kangë lavdit për të nderueshmen Zojë e dijetare në shkrim Dora d’Istria”, ku autori nënshkruan Sepi Ndokë Illija-Jubani. Përmend sesi princesha, me punë e art ishte përpjekur të ndriçonte Shqipërinë, duke ndihmuar shqiptarë e arbëreshë. Nëna e tij ishte nga Malta, kështu që midis 1830 dhe 1838 ai studioi atje ndërsa jetonte me xhaxhain e tij. Pas kthimit në Shkodër ai punoi që nga viti 1848 si sekretar në konsullin francez të qytetit dhe gjithashtu u bë asistent i zv / konsullit të Mbretërisë së Bashkuar në 1853.
Jubani kaloi një pjesë të konsiderueshme të jetës së tij në Trieste, Venecia dhe Mali i Zi modern. / KultPlus.com
Everton ka refuzuar një qasje nga Milan-i për mbrojtësin Ben Godfrey me pak më shumë se 24 orë të mbetura nga dritarja e janarit.
Duke qenë qendërmbrojtësi i katërt i Everton-it këtë sezon, Godfrey ishte paraqitur vetëm tre herë nën drejtimin e Sean Dyche këtë sezon para kësaj jave.
Këto paraqitje erdhën në Kupën EFL ndaj Doncaster Rovers, si zëvendësues ndaj Sheffield United, dhe kundër Burnley-t në krahun e majtë gjatë krizës së përzgjedhjes së mbrojtësve të Everton-it në dhjetor.
Duke mbetur prapa çiftit fillestar James Tarkowski dhe Jarrad Branthwaite, Godfrey gjithashtu me sa duket ishte nën Michael Keane në hierarki në “Goodison Park”.
Megjithatë, me numrat duke u pakësuar javë pas jave në skuadrën e Everton-it, Godfrey u vendos në ekip për përballjen e tyre me Fulham të martën në mbrëmje si një mbrojtës i djathtë.
Ashtu si kundër Burnley-t, Godfrey e ndihmoi Everton-in të mbante një portë të pastër në “Craven Cottage”, dhe edhe një herë shpëtoi një gol me një ndërhyrje të rëndësishme në shtyllën e dytë.
Godfrey u lavdërua nga ekspertët, gazetarët dhe tifozët për performancën e tij dhe ka ndezur një bisedë se ai është një lojtar që klubi duhet ta mbajë gjatë dritares së janarit.
Kjo është kryesisht për shkak se skuadra është e paqartë tani që dëmtimet vazhdojnë të shtohen, pasi Dyche kishte në dispozicion vetëm një mesfushor qendror të lartë të martën, me Amadou Onana që iu bashkua Abdoulaye Doucoure, Andre Gomes dhe Dele Alli në fushë, ndërsa Idrissa Gueye ende nuk është kthyer nga Kupa e Kombeve të Afrikës.
Me Ashley Young dhe Seamus Coleman që kanë hyrë në muzgun e karrierës së tyre dhe kanë vuajtur nga më shumë se një dëmtim tashmë këtë sezon, Godfrey mund të ketë një të ardhme si mbrojtësi i djathtë.
Raportet javën e kaluar thanë se Milan-i po tregonte interes për Godfrey për shkak të mungesës së kohës së tij të lojës te Everton, pasi ata gjithashtu kanë një krizë të tyre për të zgjidhur.
Sidoqoftë, burimi i besueshëm pranë Everton-it, “The Bobble”, pretendon se klubi ka refuzuar një qasje nga klubi i Serie A për të nënshkruar me Godfrey përpara afatit të së enjtes.
Besohet se shkathtësia e Godfrey është ajo që paralajmëroi Milan-in për të kontrolluar disponueshmërinë e tij, pasi kuqezinjtë kanë mjaft probleme në vijën e pasme aktualisht.
Milan-i do të humbasë objektivat si Lilian Brassier dhe Clement Lenglet, dhe Everton tani nuk ka gjasa të bie dakord për një marrëveshje kaq të vonë.
Godfrey ka të ngjarë të jetë në formacionin fillestar të Everton-it për ndeshjen e tyre me Tottenham të shtunën, nëse një lëvizje nuk ndodh në ditën e fundit. Albanian Post
Luiz Ejlli dhe Kiara Tito kanë qenë ndër personazhet më të përfolur të vitit të kaluar në Big Brother VIP Albania.
Ata bënë bujë të madhe, ndonëse krijuan një histori të bukur dashurie, brenda shtëpisë më të famshme në Shqipëri.
Të njëjtit gjegjësisht me 1 shkurt të vitit 2023 organizuan një dasmë në shtëpi, ku edhe artisti shkodran rrëmbeu puthjen e parë nga moderatorja.
Ky moment magjik mori vëmendje të madhe dhe u komentua gjithandej nëpër rrjete sociale.
Meqë ka kaluar një vit, çifti rikujtoi këtë datë me postime në llogaritë e tyre personale.
“Trend prej një viti. Faleminderit Ejllat që kurrë nuk u dorëzuat. Ju duam”, tha Tito.
“Për shumë vjet 1 shkurtin”, tha në anën tjetër fituesi i edicionit të dytë të BBVA.
Dyshja tani janë në pritje edhe të një vajze së bashku. /Telegrafi/
Për shkak të mungesës së dëshmitarëve Refki Kryeziu dhe Mirlinda Gashi, ka dështuar gjykimi ndaj Avni Morinës, i akuzuar për keqpërdorim të pozitës apo autoritetit zyrtar.
Sipas gjyqtarit Ilir Rashkaj, për dëshmitarin Kryeziun janë njoftuar nga Posta se gjendet jashtë vendit, kurse për dëshmitaren Gashi i njëjti tha se ka bërë të ditur përmes email se ka rast vdekje, raporton “Betimi për Drejtësi”.
Gjyqtari Rashkaj tha se për sigurimin e pranisë së dëshmitarit Refki Kryeziu, gjykata do të urdhërojë Stacionin Policor të Kosovës për sjellje me detyrim.
Seanca u caktua për muajin mars të këtij viti, në të cilën pritët të bëhet dëgjimi i dëshmitarëve që munguan.
Ndryshe, sipas aktakuzës, Avni Morina po akuzohet se nga muaji janar-qershor të vitit 2021, në cilësinë e drejtorit të Drejtorisë së Arsimit në Rahovec, ka keqpërdorur detyrën e tij zyrtare, duke i shkaktuar dëm të dëmtuarës Xhevahire Hajda, dhe buxhetit të Republikës së Kosovës, në atë mënyrë që i njëjti në zyrën e tij, iu ka mundësuar Refki Kryeziu-profesor në lëndën e Edukatës Fizike në SHMTP “Selajdin Mullabazi” në Rahovec dhe të dëmtuarës së lartcekur që të nënshkruajnë një marrëveshje-deklaratë të përbashkët, të njëjtën e vërteton me vulë zyrtare.
Sipas aktakuzës, nga kjo marrëveshje ka përfituar Refki Kryeziu që të marrë pagën e plotë mujore janar-qershor, pa dalë fare në punë, po ashtu dhe shtesat për COVID-19 në shumë prej 100 euro çdo muaj. Gjatë kësaj kohe sipas kësaj marrëveshje, e dëmtuara Xhevahire Hajda, e kishte zëvendësuar të njëjtin pa përfillur procedurat ligjore për rekrutim, ashtu që pa kontratë i ka mbajtur 26 orë mësimore, duke mos figuruar fare në listën e pagave dhe për muajt janar-shkurt, nuk paguhet fare.
Sipas aktakuzës e dëmtuara nga muaji mars-qershor ishte paguar në mënyrë private nga profesori Refki Kryeziu.
Për këto, i pandehuri Avni Morina po akuzohet se ka kryer veprën penale “Keqpërdorim i pozitës apo autoritetit zyrtar” nga neni 414 paragrafi i parë i Kodit Penal./BetimipërDrejtësi