Në Prizren u arrestua një burrë dhe një grua gjatë së enjte nën dyshimin për posedim të narkotikëve.
Sipas Policisë së Kosovës, të dyshuarve gjatë kontrollit iu gjetën dhe konfiskuan një qese me substancë narkotike e llojit marihuanë me peshë 2.59 gramë, një grinder dhe një cigare e dyshuar të jetë me marihuanë dhe me peshë prej 0.81 gramë.
Të dyshuarit, pas intervistimit, me vendim të prokurorit kujdestar u liruan në procedurë të rregullt.
Është arrestuar një burrë në Prizren pasi që dyshohet që në shtëpinë e tij është gjetur e mitura femër kosovare.
Përndryshe e mitura më datë 05.12.2023 është raportuar si person i zhdukur, thuhet në raportin e policisë.
Pas intervistimit, me dëshirën e saj viktima është kthyer tek prindërit e saj, ndërsa me urdhër të prokurorit kujdestar, i dyshuari është dërguar në mbajtje.
Janë arrestuar pesë të dyshuar meshkuj kosovarë në Carravranë të Malishevës, pasi që të njëjtit pas një mosmarrëveshje janë rrahur mes vete.
Viktima mashkull kosovar ka pësuar lëndime trupore, i cili është duke u trajtuar në QKUK.
Njërit prej të dyshuarve i është konfiskuar një pushkë gjysmë automatike që dyshohet se është përdorur në rast por nuk është qëlluar askush, thuhet në raportin e policisë.
Me vendim të prokurorit pesë të dyshuarit janë dërguar në mbajtje.
Rasti vazhdon në procedurë hetimore.
Instituti Hidrometeorologjik i Kosovës ka bërë të ditur se sot do të mbajë mot me vranësira të shpërndara dhe me intervale me diell.
Ndërkohë temperaturat minimale do të ulën në -2 deri 0 gradë Celsius, ndërsa maksimalet e ditës parashihen të lëvizin ndërmjet 4-7 gradë Celsius.
Parashihet se do të fryjë erë nga drejtimi i jugperëndimit dhe veriperëndimit me shpejtësi 1-8m/s.
Nënkryetari i Komunës së Prizrenit, Kujtim Gashi, tha se nga kjo falje e tatimit në pronë nuk përfitojnë shumica e qytetarëve.
“Një vendim i tillë do t’i shkaktonte telashe komunës së Prizrenit në realizim të projekteve. Nuk është një vendim i cili do të ndikonte shumë, nëse do të ndodhte, tek ata që kanë nevojë, tek ata që janë me asistencë sociale, tek ata që kanë probleme financiare sepse shumica prej tyre jetojnë me qira”, tha Gashi.
Pozita e ka bojkotuar seancën e jashtëzakonshme e ftuar nga Vetëvendosje për faljen e tatimit në pronë prej 100 euro.
Drejtoria Komunale e Arsimit(DKA) në Prizren ka nënshkrua një memorandum bashkëpunimi me “Dokufesti”-in.
Postimi i plotë dhe pa ndërhyrje i drejtoreshës së DKA-së, Luljeta Veselaj-Gutaj
Kënaqësi të nënshkruanim sot Memorandum Bashkëpunimi me DokuFest.
Ky memorandum synon funksionalizimin e bashkëpunimit afatgjatë në mes të DokuFest dhe Komunës së Prizrenit, përkatësisht Drejtorisë Komunale të Arsimit, për përdorimin e platformës “Biblioteka Digjitale e Mësimdhënësit” që nxit dhe mbështet shkollat përkatësisht mësimdhënësit në përdorimin e mjeteve audiovizuale në planifikimin dhe zhvillimin e procesit edukativ-mësimor, në shkollat e mesme të larta, me qëllim të përmbushjes të kërkesave dhe rezultateve të Kornizës Kurrikulare të Arsimit Parauniversitar të Kosovës, që nxënësit dhe të rinjtë/ të rejat e Kosovës të përgatiten për t`u përballur me sfidat e shekullit XXI dhe të gjenerojnë dije të reja konkurruese në mënyrë aktive për tregun global të punës.
Lëvizja Vetëvendosje ka akuzuar kryetarin e Prizrenit Shaqir Totajn dhe subjektin e tij politik(PDK), për bojkotimin e seancës së jashtëzakonshme të Kuvendit për faljen prej 100 euro të tatimit në pronë.
“Sot ishim dëshmitarë se si pushteti i PDK-së në Prizren, përmes bojkotit të kuvendarëve të saj në Kuvendin Komunal pamundësoi votimin për propozimin tonë dhe të kuvendarëve tjerë, atë të faljes së tatimit në pronë në vlerën të 100 euro për vitin 2023”,thuhet në reagimin e LVV- së në Prizren.
“Shaqir Totaj përmes veprimeve korruptuese, për të cilat e kemi parë tek fliste në një audio inçizim, duke treguar se si është e rëndësishme që një kryetar të ketë nën kontrollë Kuvendin Komunal, dëshmoi edhe sot, që atë kontrollë e përdorë kundër interesave të qytetarëve”.
“Sot, PDK-ja bojkotoi seancën e jashtëzakonshme të Kuvendit Komunal, duke pamundësuar një vendim të drejtë, legjitim dhe të konfirmuar nga Gjykata Kushtetuese në interesin e qytetarëve të komunës sonë”.
“Ishte po i njëjti Shaqir Totaj, që kishte kishte kundërshtuar mundësinë e faljes së tatimit në pronë në shumën deri në 100 euro, duke dërguar ligjin për falje në Gjykatën Kushtetuese”.
“Edhe pse ajo në Aktgjykimin e nxjerrë me datën 22 nëntor i dha të drejtë Qeverisë lidhur me këtë çështje, pushteti në Prizren nuk reflektoj edhe pas këtij vendimi”.
“Qytetarët e Prizrenit do të mbajnë mend shumë gjatë këtë veprim të partisë që po qeverisë me Prizrenin”.
Parlamenti i Danimarkës e ka ndaluar “trajtimin joadekuat” të teksteve fetare – projektligj që në këtë shtet njihet si ligji për Kuranin.
Shkelësit tani përballen me gjoba apo burgim prej dy vjetëve.
Projektligji është miratuar me 94 vota për dhe 77 kundër.
Dokumenti është miratuar pas një serie të djegieve të librit të shenjtë në Islam, veprime që kanë nxitur tensionet në shtetet myslimane.
Danimarka dhe Suedia fqinje, kanë regjistruar së fundi disa protesta, për shkak të këtyre incidenteve, çka ka rritur shqetësimet për sigurinë në Skandinavi.
Përgjatë debatit të së enjtes në parlament, shumë deputetë të opozitës janë deklaruar kundër projektligjit.
“Historia do të na gjykojë ashpër për këtë gjë, dhe me arsye… në fund do të ketë rëndësi nëse kufizimet në liri të shprehjes janë të përcaktuara prej nesh, apo nëse janë të diktuara prej jashtë”, ka thënë Inger Stojberg, lidere e demokratëve të Danimarkës.
Mirëpo, koalicioni qeveritar i qendrës së djathtë, i kryeministres Mette Frederiksen, ka thënë se kritikat ndaj fesë do të jenë ligjore, pasi ligji do të ketë vetëm ndikim margjinal.
Në fund të gushtit, kur Qeveria i ka propozuar ndryshimet, ka thënë se dëshiron të dërgojë sinjal te bota.
Edhe Qeveria në Stokholm ka thënë se është duke shqyrtuar projektligj të ngjashëm.
Si Danimarka, ashtu edhe Suedia, i kanë shfuqizuar që një kohë ligjet për blasfeminë./REL
Poeti Benjamin Zephaniah ka vdekur në moshën 65-vjeçare.
Vdekja e tij vjen vetëm tetë javë pasi ishte diagnostifikuar me tumor në tru.
“Benjamini ishte një pioneer dhe inovator i vërtetë, ai i dha botës aq shumë”, thuhet mes tjerash në letrën e njoftimit.
“Përmes një karriere të mrekullueshme që përfshinte një grumbull të madh poezish, letërsisë, muzikës, televizionit dhe radios, Benjamini na lë neve me një trashëgimi fantastike dhe të gëzueshme”. / KultPlus.com
Ka filluar asfaltimi i rrugës Gurbardh – Turjakë, rrugë e cila përveç që lidhë këto dy fshatra, shërben edhe si rrugë transite, për shumë fshatra të cilat lidhen në këtë rrugë dhe gjithashtu krijon lehtësi për qarkullim edhe për sektorin e bujqësisë.
Asfaltimin e kësaj rruge e ka parë nga afër edhe i pari i Malishevës, Ekrem Kastrati me bashkëpunëtorët e tij.
Kastrati, është shprehur i kënaqur me realizimin e këtij projekti, pasi ka qenë kërkesë e kamotshme e banorëve të këtyre fshatrave.
Kjo rrugë është e gjatë rreth 2500 metra dhe është e realizuar në bashkëfinancim në mes të Ministrisë së Infrastrukturës dhe Komunës së Malishevës.