13 C
Prizren
E mërkurë, 8 Prill, 2026
type here...
Home Blog Page 1594

Haradinaj u propozon deputetëve: Të shkojmë në mocion për të shkarkuar Qeverinë Kurti

admin
-
0
Haradinaj u propozon deputetëve: Të shkojmë në mocion për të shkarkuar Qeverinë Kurti

Kreu i Aleancës për Ardhmërinë e Kosovës, Ramush Haradinaj ka thënë se kryeministri i vendit, Albin Kurti është sinonim i “poshtërimit deri në pabesi”.

Haradinaj tha se si rezultat i mosbesimit të Kurtit po ndodhin ndëshkimet nga aleatët.

“Ky mosbesim i tij deri në pabesi sot po ndodh si kryeministër dhe rezultat i këtij mosbesimi të mbjellur  nga ky, e deri në pabesi po ndodhin ndëshkimet nga aleatët, për shkak të pabesive të kryeministrit të një vendi që është ndihmu me u shliru dhe janë garant i sigurisë sonë, mosbesim deri në pabesi” – deklaroi Haradinaj.

“Kryeministri Kurti sot është sinonim i poshtërimit deri në pabesi, ka poshtëru aparatin shtetëror, popullin e vetë, po vazhdon me i poshtëru të gjithë me i shtypë deri në poshtërim. Kurti po vazhdon me provu me i mashtru edhe aleatët e sigurisë, po vazhdon me provu me i mashtru edhe garantët tonë të sigurisë dhe mashtrimet e tij shkojnë në tradhti. Janë tradhti e llojit të vetë”- shtoi ai.

Kreu i AAK-së ka propozuar para deputetëve që të shkojnë në një mocion për të shkarkuar Qeverinë Kurti.

“Ju propozoj deputet të respektuar, pa ju nda në parti, të shkojmë në mocion dhe ta ndërprejmë mosbesimin deri në pabesi, poshtërimin deri në armiqësi dhe mashtrimin deri në tradhti. Pra ta shkarkojmë Qeverinë Kurti”- u shpreh Haradinaj.

Kuvendi i Kosovës po mban seancë të veçantë për situatën në veri të vendit dhe raportet e Kosovës me SHBA-në.

Nga e hëna serbët në veri janë duke protestuar për të kundërshtuar idenë që kryetarët e rinjë të ushtrojnë detyrat e tyre nga objektet komunale.

SHBA-të dhe BE vazhdimisht kanë kërkuar shtendosje të situatës në veri të Kosovës. Madje SHBA ka përjashtuar ushtrinë e Kosovës nga ushtrimi Defender 23 si pasojë për ‘mosdëgjimin’ që e ka bërë Qeveria e Kosovës.

SHBA po kërkojnë nga qeveria që kryetarët e ti të mos ushtrojnë detyrat e tyre nga objektet komunale dhe policia e Kosovës të largohet nga ato ndërtesa.

Për kryeministrin e Kosovës, Albin Kurti kryetarët duhet të ushtrojnë detyrat nga zyrat e tyre, sepse sipas tij ‘Kosovës nuk i duhet sistem paralel’.

Dje, Presidentja Osmani ka takuar presidentin e Francës, Emmanuel Macron dhe kancelarin e Gjermanisë, Olaf Scholz si dhe ka mbajtur një takim ‘joformal’ me presidentin serb Aleksandar Vuçiq.

Nga këto takime është propozuar ideja që në katër komunat veriore, Zveçan, Leposaviq, Zubin Potok e Mitrovicë të Veriut të përsëriten zgjedhjet edhe njëherë.

Cristiano Ronaldo dëshiron të qëndrojë në Arabi

admin
-
0
Cristiano Ronaldo dëshiron të qëndrojë në Arabi

Cristiano Ronaldo këmbëngul se ai do të qëndrojë te Al-Nassr pavarësisht se flitet për rikthim te Real Madrid.

Sulmuesi, 38-vjeç, hodhi poshtë thashethemet se dëshiron të kthehet në Evropë pasi shpreson që legjendat e tjerë si Karim Benzema dhe Lionel Messi t’i bashkohen atij në Ligën Pro të Arabisë Saudite.

Ish-sulmuesi i Manchester United zbuloi gjithashtu ëndrrën e tij për t’u bërë kampionati saudit liga e “pestë” më e mirë në botë.

Ronaldo ka qenë i lidhur me një rol ambasadori te Real-it, por duket se gjigantët spanjollë e kanë përjashtuar një rol për të luajtur.

Tani ai thotë se dëshiron të ndihmojë në transformimin e futbollit saudit në një forcë të madhe.

“Nëse ata vijnë, lojtarë të mëdhenj dhe emra të mëdhenj, lojtarë të rinj, lojtarë të vjetër, ata janë shumë të mirëpritur sepse nëse kjo ndodh, liga do të përmirësohet”, tha Ronaldo.

“Mosha nuk është e rëndësishme, por lojtarët konkurrues, lojtarët e rinj, varen nga shumë faktorë.

“Për të folur për ligën, mendoj se liga është shumë e mirë, por mendoj se kemi shumë, shumë mundësi për t’u rritur akoma. Mendoj se liga është e mirë dhe konkurruese. Kemi ekipe shumë të mira, kemi lojtarë shumë të mirë arabë”.

“Infrastruktura mendoj se duhet të përmirësohet pak më shumë. Edhe gjyqtarët, sistemi VAR, mendoj se ata duhet të jenë pak më të shpejtë. Mendoj se gjëra të tjera të vogla duhet të përmirësohen, por jam i lumtur këtu, dua të vazhdoj këtu”.

“Unë do të vazhdoj këtu dhe për mendimin tim nëse ata vazhdojnë të bëjnë punën që duan të bëjnë për pesë vitet e ardhshme, mendoj se Liga Saudite mund të jetë e pesta në botë”, përfundoi ylli portugez.

Sezoni i parë i Ronaldo-s në Arabi u mbyll pa trofe, pasi ai humbi në finalen e Kupës dhe përfundoi në vendin e dytë në kampionat pas Al Ittihad. Megjithatë, ai bëri atë që di të bëjë më mirë, të shënojë gola. Në 19 paraqitje në total, portugezi realizoi 14 gola dhe dy asistime.Albanian Post

Krasniqi, Kurtit: I ke gënjyer kryetarët se do të kenë takim me Elbertin e i ke çu në zyrë

admin
-
0
Krasniqi, Kurtit: I ke gënjyer kryetarët se do të kenë takim me Elbertin e i ke çu në zyrë

Kryetari i PDK-së, Memli Krasniqi, i tha kryeministrit të vendit, Albin Kurti, se po sillet si gazetar mediokër e jo si kryeministër.

Raportimin e Kurtit për situatën në veri, Krasniqi e quajti histori, teksa tha se ai s’diti të tregoi se cka do të arrij me ato veprime dhe se ishin pa koordinim me partnerët ndërkombëtarë.

“Histori na dhe, historia e vërtetë është se zgjedhjet janë mbajtur si shkak i gabimeve të tua, për shkak të asaj se iu ke premtuar partnerëve ndërkombëtar se do ta shtysh vendimin për targa në veri e në fund s’e mbajtur atë premtim. Ka filluar një proces i daljes prej institucioneve e në fund je tërhequr prej vendimit të targave, sic tërhiqesh gjithë. Cfarë targa në veri, janë targa që kanë qenë gjithmonë, të Serbisë”, tha Krasniqi, njofton Klankosova.tv.

Sipas Krasniqit, pikërisht sot një javë, kryetarët e komunave veriore janë gënjyer se do të kenë takim me ministrin e Administrimit të Pushtetit Lokal, Elbert Krasniqi, e janë çuar në zyrë.

“Sot një javë në këtë kohë, ti krye në vete pa folur me asnjë njeri e ke nisur një veprim avanturesk pasi s’iu ke treguar as kryetarëve të komunave se do t’i coni në zyrë. I keni mashtruar duke iu thënë se keni takim me Elbert Krasniqin”.

“E ke mbyllur një kryetar si Oso Kuken atje, me kë është duke punuar ai. Por, pse s’po e çon Erden Atiqin në komunë, por e ke çuar në ndërtesë dytësore ashtu sic është edhe Izmir Zeqiri e Ilir Peci”, tha Krasniqi,

Abdixhiku: Reagimet e Bashkësisë Ndërkombëtare, pasojë e keqveprimeve diplomatike dhe strategjike të Kurtit

admin
-
0
Abdixhiku: Reagimet e Bashkësisë Ndërkombëtare, pasojë e keqveprimeve diplomatike dhe strategjike të Kurtit

Kryetari i Lidhjes Demokratike të Kosovës, Lumir Abdixhiku, para deputetëve në Kuvend, foli për situatën në veri dhe reagimet e Bashkësisë Ndërkombëtare në lidhje me këtë situatë.

Ai tha se gjithë këto reagime janë pasojë e keqveprimeve diplomatike dhe strategjike të kryeministrit Kurti, përcjell Klankosova.tv.

“Reagimet e sekretarit Blinken, pra të vet Departamentit Amerikan të Shtetit, të Bashkimit Evropian, të NATO-s, e shteteve më mike të Kosovës, kundër shtetit tonë, kundër Republikës së Kosovës, popullit tonë, në një kauzë të drejtë, janë si pasojë e keqveprimeve diplomatike dhe strategjike të një njeriu të vetëm, të atij që sot e mban postin e kryeministrit të Kosovës”.

“Ky kryeministër i njëjtë i cili para pak kohësh ka pranuar publikisht se është informuar po nga këta miq, mbi gjërat të cilat ai vet nuk i dinte si kryeministër, të njëjtën njerëz, të njëjtit aleatë sot janë naivë, nuk dinë, por ky dinë”, u shpreh ai.

Kurti në Kuvend: Jepjani mbështetjen Policisë e cila është në vijë fronti me milicinë fashiste

admin
-
0
Kurti në Kuvend: Jepjani mbështetjen Policisë e cila është në vijë fronti me milicinë fashiste

Kryeministri i Kosovës, Albin Kurti, para deputetëve në Kuvend ka folur për situatën në veri të vendit.

Ai tha se për gjendjen në terren deklaratat që lëshohen nga organet tona të sigurisë, janë ato që, siç u shpreh ai, janë të sakta edhe të vërteta.

“Për gjendjen ne terren, deklaratat që lëshohen nga organet tona të sigurisë, janë ato që janë edhe të sakta edhe të vërteta. Rolin kryesor në organizimin e protestuesve në terren janë duke e kryer anëtarët e formacionit ilegal të së ashtuquajturës mbrojtje civile dhe ish-pjesëtar të Policisë së Kosovës, ku është parë prezencë e madhe e tyre në terren. Këto protesta me gjithë dashakeqësinë e tyre neve na kanë shërbyer që të bëjmë identifikime të vlefshme”, tha ai,

Kurti para deputetëve kërkojë mbështetje për Policinë, duke thënë se kjo iu duhet atyre, përcjell Klankosova.tv.

“Për këtë përballje, Policisë së Kosovës i duhet Qeveria e Republikës së Kosovës, e ka, Policisë së Kosovës i duhet Kuvendi i Republikës, ju tregoni a e ka, Policisë së Kosovës, i nevojitet populli i Kosovës, e ka, pra është në dorën tonë kjo fitore e radhës për sundim të ligjit dhe kushtetueshmëri, Policia jonë ka nevojë për mbështetje, jepjani këtë mbështetje”, tha Kurti.

Tutje, teksa kërkojë mbështetje për ta, tha se Policia është në vijë fronti me milicinë fashiste.

“Jepjani këtë mbështetje Policisë së Republikës e cila është në vijë fronti me milicinë fashiste, nuk jemi kundër serbëve, i kemi ftuar që të kthene në institucione, iu kemi thënë merrni pjesë në proces demokratik, mirëpo gabimin e Listës Serbe që i bojkotoi zgjedhjet, që i braktisi institucionet, nuk duhet ta paguajë Republika jonë, por Lista Serbe, ai është vendim politik i tyre, pasojat e të cilit duhet t’i marrin ata vet”, u shpreh tutje ai.

Ushtria e Ukrainës: Më shumë se 200,000 trupa ruse të vrarë që nga fillimi i pushtimit rus

admin
-
0
Ushtria e Ukrainës: Më shumë se 200,000 trupa ruse të vrarë që nga fillimi i pushtimit rus

Rreth 208,000 ushtarë rusë janë vrarë që nga fillimi i pushtimit të Ukrainës nga Rusia, ka pohuar një zëdhënës i Grupimit Lindor të Forcave të Armatosura të Ukrainës.

Zëdhënësi Serhii Cherevati vuri në dukje se kjo shifër është më shumë se rreth 170,000 forcat ruse për të cilat ai thotë se ishin të përfshira në pushtimin fillestar në vitin 2022.

Ndërkohë, CNN nuk ka qenë në gjendje t’i konfirmojë në mënyrë të pavarur këto numra.

Vlerësimet e humbjeve ruse kanë ndryshuar nga burime të ndryshme, me administratën e Bidenit që pati thënë në maj se Rusia i ka pësuar më shumë se 100,000 viktima – që do të thotë të vrarë dhe të plagosur – që nga muaji dhjetor.

Kremlini zyrtar e pati hedhur poshtë atë shifër në atë kohë, me një zëdhënës të sajin duke thënë se SHBA “nuk ka absolutisht asnjë mënyrë për ta dhënë ndonjë shifër të saktë”.

Ministria ruse e Mbrojtjes nuk ka lëshuar përditësime mbi viktimat e saj që nga shtatori i vitit të kaluar, kur ministri i Mbrojtjes Sergei Shoigu tha se më pak se 6,000 ushtarë rusë janë vrarë./CNN

Vetaksident në Rahovec, lëndohet ngasësi i automjetit

admin
-
0
Vetaksident në Rahovec, lëndohet ngasësi i automjetit

Një vetaksident ka ndodhur në rrugën “Shkodrani” në Rahovec, ku është lënduar ngasësi i automjetit.

Këtë për Klankosova.tv e konfimuar edhe zëdhënësi i policisë për rajonin e Gjakovës, Sheremet Elezaj, i cili tha se ngasësi e ka humbur kontrollin mbi automjetin dhe është vetaksidentuar.

“Rreth orës 08:50 është raportuar aksident trafiku në rrugën “Shkodrani” në Rahovec. Policia ju ka përgjigjur rastit, ku ngasësi i një automjeti kishte humbur kontrollin mbi automjetin dhe ishte vetaksidentuar. Për pasojë përveç dëmeve materiale, ngasësi (mashkull i moshës madhore) ka pësuar lëndime të lehta trupore”, thuhet tutje në konfirmim.

Rexhaj shpjegon ‘ofertën’ e Kurtit: Nuk do të ketë zgjedhje blanko e të menjëhershme, duhet të de-kriminalizohet veriu

admin
-
0
Rexhaj shpjegon ‘ofertën’ e Kurtit: Nuk do të ketë zgjedhje blanko e të menjëhershme, duhet të de-kriminalizohet veriu
Deputeti i Vetëvendosjes, Arbër Rexhaj ka komentuar bisedën telefonike të kryeministrit të Kosovës, Albin Kurti me Zëvendëskëshilltarin për Siguri Kombëtare të Shteteve të Bashkuara të Amerikës, Jonathan Finer, ku u përmendën edhe zgjedhjet e reja në katër komunat veriore.

Rexhaj, duke folur në emisionin DPT te Fidan Jupolli ka thënë se nuk bëhet fjalë për zgjedhje të menjëhershme dhe blanko, por sipas tij do të ketë një proces ligjor dhe një proces de-kriminalizimi nga bandat në veri së pari.

Rexhaj ka thënë se më nuk do të ketë sanksione amerikane ndaj Kosovës.

“Aty është një hapësirë dhe një kohë. Nuk është fjala për zgjedhje blanko, të drejtpërdrejta, të menjëhershme. Është një proces. Besoj që kryeministri përmes tëeet-it të tij ka dashur ti thotë dy gjëra: që marrëdhëniet me SHBA-në nuk janë ashtu siç duken nga jashtë, nuk do të ketë sanksione të reja për Republikën e Kosovës”, ka thënë Rexhaj në emision.

Sipas Rexhajt, Kurti gjithashtu ka kërkuar që para zgjedhjeve, veriu të de-kriminalizohet nga bandat që kanë demonstruar dhunë ndaj KFOR-it, Policisë së Kosovës dhe gazetarëve.

“Ai ka dashur të thotë që zgjedhjet e reja në veri të Kosovës, nuk mund të mbahen në mënyrë blanko, sic dëgjoj analistë e opozitarë, si një marrëveshje blanko politike. Deri në zgjedhjet ka një proces, pra de-kriminalizimi i bandave kriminale, i atyre brigadave 72 që sulmuan edhe KFOR-in edhe me armë zjarri”, ka deklaruar ai.

Sipas tij, përmes kësaj telefonate është dëshmuar që VV nuk i ka prishur marrëdhëniet e Kosovës me SHBA-në, siç është akuzuar ditëve të fundit.

“Mesazhi i kryeministrit është që mohon ato zëra që VV i ka prishur marrëdhëniet me SHBA-në.

Prizren/ Dëshmitari thotë se me inspektorin e akuzuar nuk kishte marrëveshje për mbylljen e lokalit

admin
-
0
Prizren/ Dëshmitari thotë se me inspektorin e akuzuar nuk kishte marrëveshje për mbylljen e lokalit

Në Gjykatën Themelore në Prizren, të enjten, dëshmitari Bislim Bislimaj, pronar i market “Vrrini”, ka mohuar se me të akuzuarin Albrim Poniku ka pasur marrëveshje për mbylljen e marketit gjatë inspektimit në kohën e pandemisë.

Në këtë rast, i akuzuari Poniku, po ngarkohet se në cilësi të inspektorit Agjencionit të Ushqimit dhe Veterinarisë, nga telefoni i tij i ka dërguar Besart Bytyqit punëtor në market “Vrrini” një SMS, me përmbajtje:“Ej mshile se po vina ka ti”. Me ç’rast market “Vrrini” përfiton përparësi për mos t’u gjobitur për shkak të mosrespektimit të vendimit të Qeverisë, raporton “Betimi për Drejtësi”.

Bislimaj ka thënë se gjatë kohës së pandemisë por edhe tani ka kontratën me Policinë e Kosovës dhe Forcat e Sigurisë së Kosovës (FSK), për të cilët tha se lokali i tij është në shërbim 24 orë.

Tutje, ai tha se të akuzuarin Poniku nuk e ka njohur me emër por vetëm si inspektor dhe ka mohuar të ketë komunikuar ndonjëherë me të njëjtin.

Për këtë, prokurorja Ervehe Gashi e ka ballafaquar dëshmitarin Bislimaj me provën të cilën e ka propozuar Prokuroria, ku sipas saj në këtë provë gjenden transkriptat e bisedave që janë bërë me anë të rrjetit social “viber” mes të akuzuarit Poniku dhe dëshmitarit Bislimaj.

Mirëpo, këtë e ka mohuar Bislimaj duke thënë se nuk ka pasur marrëveshje me të akuzuarin Poniku dhe se nuk e ka njohur me emër, por sipas tij arsyeja e bisedës ka qenë të njoftohej rreth të drejtave të punës.

Ndër të tjera, dëshmitari Bislimaj tha se gjatë kohës së pandemisë vazhdimisht kanë pasur kontrolla të lokalit nga inspektorët së bashku me Policinë.

Në pyetjen e kryetares së trupit gjykues, gjykatëses Raima Elezi lidhur me arsyen e shqiptimit të dënimit të 3 shtatorit 2021 nga inspektorët, Bislimaj tha se dënimi është bërë për arsye se kanë gjetur njërin nga punëtorët duke pastruar.

Pas kësaj, me kërkesën e mbrojtësit të akuzuarit Poniku, avokatit Sylejman Klinaku për përgatitje të mbrojtjes, seanca e sotme është ndërprerë.

Seancat e radhës për këtë rast janë caktuar të mbahen më 7 dhe 10 korrik 2023.

Sipas aktakuzës së ngritur nga Prokuroria Themelore në Prizren, i akuzuari Albrim Poniku, po ngarkohet se më 3 shtator 2021 në cilësi të personit zyrtar, e keqpërdorë informatën zyrtare, me qëllim që për personin tjetër të përfitojë ndonjë përparësi që nuk i takon,

Sipas aktakuzës, Poniku në cilësi të inspektorit të Agjencionit të Ushqimit dhe Veterinarisë, në momentin kur kupton se janë duke shkuar të bëjnë inspektimin e market dhe qebaptoren “Vrrini”, e cila gjendet në afërsi të fshatit Vlashne, lidhur me respektimin e orareve të punës në situatë të pandemisë COVID-19 të përcaktuar nga Qeveria e Republikës së Kosovës, njofton punëtorin e këtij marketi, informatë në të cilën është qasur si rezultat i detyrës së inspektorit, e cila informatë nuk ka qenë publike.

Tutje, sipas aktakuzës i akuzuari Poniku nga telefoni i tij i dërgon Besart Bytyqit punëtor në market “Vrrini” një SMS, me përmbajtje “ej mshile se po vina ka ti” me ç’rast market “Vrrini” përfiton përparësi për mos t’u gjobitur për shkak të mosrespektimit të vendimit të Qeverisë.

Me këtë, ai akuzohet se ka kryer veprën penale “Keqpërdorim i informatës zyrtare” nga neni 416, par.1 të Kodit Penal. /BetimipërDrejtësi

Po vazhdon vendosja e rrethojave në parqet e Prizrenit

admin
-
0
Po vazhdon vendosja e rrethojave në parqet e Prizrenit

Po vazhdon vendosja e rrethojave në parqet e gjithë Komunës së Prizrenit.

Tashme ka përfunduar një pjesë e këtij projekti në lagjen Ortakoll, në afërsi të shkollës “Abdyl Frashëri”.

“Kufizimi i hapësirave të gjelbëruara publike shton vlerën e qytetit – ta ruajmë bashkë ambientin e Prizrenit tonë”, është shprehur kryetari i Prizrenit,Totaj.

1...1 5931 5941 595...9 146Page 1 594 of 9 146

Të gjitha materialet e portalit janë të mbrojtura me të drejtat autoriale. Ato mund të kopjohen, modifikohen, dhe ripublikohen vetëm duke iu referuar burimit PrizrenPress.com. Të drejtat autoriale janë të rezervuara, sipas dispozitave ligjore në fuqi në Republikën e Kosovës.

© 2019 NuclearAnt.

Kategoritë

Lidhuni Me Ne