16.1 C
Prizren
E mërkurë, 4 Qershor, 2025
Home Blog Page 306

Totaj ndan përvojën e Komunës së Prizrenit në samitin e USAID-it

0

Kryetari i Komunës së Prizrenit, Shaqir Totaj, mori pjesë në samitin e organizuar nga USAID për programin “Kontrata Sociale”, ku ndau përvojën dhe arritjet e Komunës së Prizrenit si një nga përfituesit e këtij programi.

Samiti, që u zhvillua me pjesëmarrjen e liderëve dhe përfaqësuesve të komunave të ndryshme, kishte për qëllim ndarjen e përvojave dhe praktikave më të mira në fushën e menaxhimit të shërbimeve publike dhe angazhimin e qytetarëve.

Komuna e Prizrenit ka qenë një aktor i rëndësishëm në këtë iniciativë, duke marrë pjesë aktive në çdo hap të këtij programi, që ka ofruar mbështetje profesionale dhe këshilla konkrete për zhvillimin e projekteve lokale.

Totaj theksoi rëndësinë e këtij programi, i cili ka ndihmuar në forcimin e kapaciteteve të komunave për të udhëhequr dhe implementuar projekte të suksesshme dhe për të siguruar shërbime më të mira për qytetarët.

“Karakteri i këtij programi është i veçantë, pasi ofron mbështetje të vazhdueshme dhe praktika të dobishme që i ndihmojnë komunat të rrisin efikasitetin dhe cilësinë e shërbimeve. Për Komunën e Prizrenit, ky program ka qenë një mundësi e shkëlqyer për të përvetësuar mësime të vlefshme dhe për të udhëhequr me sukses iniciativat tona të zhvillimit,” u shpreh Totaj./PP/

Marketing

Përjetoni pushime të paharruar dhe dasma magjike në Hotel “Albes Residence”

Albin Kurti publikon video duke kënduar “Mora fjalë” me Shkurte Fejzën

0
Kryeministri i Kosovës, Albin Kurti, ka shprehur mirënjohjen dhe respektin e tij për këngëtaren e njohur shqiptare Shkurte Fejza në një mënyrë unike, duke publikuar në llogarinë e tij zyrtare në Facebook një video ku shihet duke interpretuar bashkë me të këngën e njohur “Mora fjalë”.

Ky moment i veçantë erdhi në ditën kur Shkurte Fejza, një emër i madh i muzikës shqiptare, festonte 63-vjetorin e lindjes. Përveç kësaj, pas disa muajsh, të dy ata kishin bashkëpunuar për të shënuar 50-vjetorin e karrierës së Fejzës me një organizim madhështor, ku këngëtarja e njohur e muzikës popullore shqiptare dha një performancë të paharrueshme.

Në mbishkrimin e videos, Kurti theksoi rëndësinë e këngës dhe kulturës për identitetin dhe njohjen e Kosovës në botë. Ai u ndal në promovimin e kulturës kombëtare, duke e konsideruar atë si një nga asetet më të çmuara të vendit. “Sot ishim në Suharekë dhe e vizituam Shtëpinë e Kulturës ‘Ukë Bytyçi’, ndër investimet më të mëdha të qeverisë në infrastrukturën kulturore të vendit”, shkruante ai, duke nënvizuar rëndësinë e mbështetjes së kulturës dhe promovimit të saj nëpërmjet investimeve dhe ngjarjeve kulturore.

Kryeministri Kurti, po ashtu, ndau një mesazh urimi për Shkurten Fejzën, duke e falënderuar për kontributin e saj të paçmuar në muzikën shqiptare dhe duke i dëshiruar jetë të gjatë dhe shëndet të mirë. “I urova shëndet e jetë të gjatë, me dëshirën që përveç Prishtinës e qyteteve tjera, tash e tutje ta dëgjojmë duke interpretuar edhe në skenën e bukur të shtëpisë së kulturës në Suharekë”, shtoi ai.

Ky moment, i mbushur me emocion dhe respekt për trashëgiminë kulturore, ka theksuar edhe një herë rëndësinë e bashkëpunimit ndërmjet institucioneve shtetërore dhe artistëve të njohur për promovimin e kulturës shqiptare dhe vlerave të saj. /Telegrafi/

Dua Lipa publikon album të ri më 6 dhjetor

0

Këngëtarja e famshme botërore, Dua Lipa, ka njoftuar të martën se po sjellë album të ri.

Këngëtarja me prejardhje nga Kosova ka shkruar në rrjetet sociale se tashmë edhe zyrtarisht, albumi i saj do të publikohet më 6 dhjetor.

 

Bëhet fjalë për albumin me këngët e interpretuara “live” gjatë koncertit që ka mbajtur në “Royal Albert Hall” në Londër javë më parë.

“Është zyrtare, albumi me këndim drejtpërdrejt nga salla ‘Royal Albert’, më 6 dhjetor.  Të dëgjosh këngët e mia dhe t’i interpretosh në këtë formë për herë të parë ishte eksperienca më e veçantë, ndërsa tani janë tuajat”, ka shkruar ajo.

Albumi i fundit që ka publikuar Dua është “Radical Optimism”, në muajin maj.

Kurti takon në Suharekë Shkurte Fejzën, i dhuron lule për ditëlindje

0

Kryeministri i Kosovës, Albin Kurti, ka takuar këngëtaren e njohur, Shkurte Fejzën dhe bashkëshortin e saj.

I pranishëm në këtë takim ishte edhe Ministri i Kulturës, Rinisë dhe Sportit, Hajrullah Çeku.

Artistes shqiptare i janë dhuruar edhe lule, pasiqë dje ajo festoi ditëlindjen e 63-të.

Foto: Klan Kosova

Për këtë, e njëjta ditën e djeshme (e hënë) ndau një buqetë me lule që mori edhe nga presidentja Vjosa Osmani.

“Sot për nder të ditëlindjes pranova urime nga shumë miq dhe dashamirë të këngës sime. Por një urim i veçantë më erdhi nga Presidentja e vendit znj. Vjosa Osmani”, u shpreh ajo.

Tutje, theksoi: “Ju falemnderit znj. Presidente për kujdesin dhe respektin e treguar. Jemi me fat që kemi në krye të vendit një Presidente si ju”.

Shkurte deri më tani ka realizuar një sërë hitesh që vazhdojnë të mbahen mend akoma.

Pesëshja e javës në Superligën e Basketbollit të femrave

0

Basketbollistja më e mirë e kësaj xhiro ishte Amari Heard nga KBF Bashkimi, e cila arriti dyshifror të dyfishtë me 23 pikë, 10 kërcime dhe një asistim, duke udhëhequr ekipin e saj në një fitore të rëndësishme.

Bashkimi vazhdon dominimin e tij në Superligë, duke regjistruar gjashtë fitore në po aq ndeshje. Në përballjen e tyre me Prishtinën, që përfundoi me rezultatin 71:78, nuk ishte vetëm Heard që shkëlqeu, por edhe Arbnore Përquku, e cila kontribuoi me 16 pikë, gjashtë kërcime dhe 11 asistime – një paraqitje e jashtëzakonshme që ndihmoi ekipin të mbajë ritmin e fitoreve.

Në një ndeshje tjetër të rëndësishme, Junior 06 siguroi  fitore duke mundur Trepçën. Këtu, performanca e Tanya Gordon ishte e shkëlqyeshme me: 40 pikë, 10 kërcime dhe një asistim.
Po ashtu, Peja 03 regjistroi fitoren e katërt, ku Veronika Liubitines dha një paraqitje të mrekullueshme me 26 pikë, 17 kërcime dhe një asistim, ndërsa Anila Selmani gjithashtu shkëlqeu me 18 pikë, pesë kërcime dhe tri asistime, duke kontribuar në suksesin e ekipit të saj.

Top 5

Amari Heard (KBF Bashkimi) – 23 pikë, 10 kërcime, 1 asistim
Arbnore Përquku (KBF Bashkimi) – 16 pikë, 6 kërcime, 11 asistime
Veronika Liubitines (KFB Peja 03) – 26 pikë, 17 kërcime, 1 asistim
Anila Selmani (KFB Peja 03) – 18 pikë, 5 kërcime, 3 asistime
Tanya Gordon (Junior 06) – 40 pikë, 10 kërcime, 1 asistim

Superliga femrash vazhdon të ofrojë ndeshje të paharrueshme dhe lojëra me performanca të larta, duke tërhequr gjithnjë e më shumë vëmendjen e pasionuar të tifozëve.

Marketing

Përjetoni pushime të paharruar dhe dasma magjike në Hotel “Albes Residence”

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri  

Kamarieri nga Prizreni i bën thirrje rinisë: Kthehuni dhe kontribuoni në zhvillimin e Kosovës

0

Në njërën prej kafiterive më të frekuentuara të Prizrenit, “Corner”, flamuri i ri i shërbimit është Flamur Berisha, i cili ushtron zejen e kamerierit me pasion dhe angazhim të palodhur. I buzëqeshur dhe gjithmonë plot dashuri për punën që bën, ai është një shembull i rinisë që e do dhe e vlerëson vendin e tij.

Flamuri, duke shërbyer çdo ditë në këtë kafiteri të njohur, ka një apel të fortë për moshatarët e tij që janë jashtë Kosovës: “Kthehuni në atdhe, sepse jeta në Kosovë ka kuptim dhe mundësi për një jetesë dinjitoze.” Ai gjithashtu lavdëron pronarin e kafiterisë “Corner” për korrektësinë dhe mundësinë që i jep atij të zhvillohet profesionalisht.

“Ndihem shkëlqyeshëm këtu. E di që puna ime ka një rëndësi dhe një lidhje të veçantë me njerëzit që vijojnë të vijnë në këtë kafiteri. Takimet me njerëz të ndryshëm, të cilët ndajnë historitë e tyre dhe e duan këtë vend, më kanë thelluar lidhjen time me tërë Kosovën”, thotë ai.

Flamuri ka mundësinë të shërbejë një gamë të gjerë klientësh: nga kryetarët e komunës, deputetët, ministrat dhe shumë të tjerë që vizitojnë Prizrenin.

Ai shprehet krenar për mundësinë që ka të shërbejë për ata dhe të ndihmojë në krijimin e lidhjeve me njerëzit e njohur të Kosovës.

“Vetëm në Prizren mund të shijoni kafenë në ‘Shadërvan’, një vend që është i mbushur me kujtime, qofshin ato të fëmijërisë apo të rinisë,” – thotë ai. “Prizreni është një qytet i mrekullueshëm, një perlë e Ballkanit. Ky qytet ka ruajtur me shekuj traditën dhe bukurinë e tij, dhe është një vend që thërret të rinjtë tanë të kthehen, të shijojnë çdo moment dhe të kontribuojnë për të ardhmen e Kosovës”.

Flamuri përfundon me një mesazh të thjeshtë dhe të fuqishëm për bashkëmoshatarët e tij: “Kosova është vendi ku mund të jetoni me dinjitet, kthehuni dhe bëni pjesë të këtij zhvillimi”./qendrapress.com/

Marketing

Përjetoni pushime të paharruar dhe dasma magjike në Hotel “Albes Residence”

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

 

Aktakuzë për krime lufte në Panorc të Malishevës

0
Prokuroria Speciale e Kosovës, ka ngritur sot aktakuzë në Gjykatën Themelore në Prishtinë  kundër të pandehurit  S.L.,  nën dyshimet se në bashkëkryerje ka kryer veprën penale “Krim i luftës kundër popullsisë civile”.

 

Sipas aktakuzës, veprimet penale janë kryer gjatë periudhës 1998-1999 në fshatin Panorc të Malishevës.

“ I pandehuri, duke vepruar në bashkëkryerje me pjesëtar të tjerë të forcave policore dhe ushtarake serbe, ka shkelur rregullat e së drejtës ndërkombëtare, duke kryer arrestime të kundërligjshme, tortura fizike dhe psikologjike të rreth 500 qytetarëve që nuk ishin të përfshirë në luftë, dëbime masive të popullatës shqiptare, shkatërrim të pronave dhe plaçkitje”.

 

Bëhet e ditur se i pandehuri gjendet nën masën e paraburgimit deri në një vendim tjetër të gjykatës. Kjo çështje penale tashmë i ka kaluar në kompetencë Departamentit Special të Gjykatës Themelore në Prishtinë.

Marketing

Përjetoni pushime të paharruar dhe dasma magjike në Hotel “Albes Residence”

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

 

 

Sot i jepet lamtumira e fundit 21-vjeçarit nga Malisheva që humbi jetën në një aksident në Itali

0

Sot i jepet lamtumira e fundit 21 vjeçarit nga Malisheva, Rilind Thaqit, i cili vdiq si pasojë e një aksidenti të rëndë në Itali para disa ditësh.

Familjarët kanë njoftuar se varrimi i tij do të bëhet sot në ora 14:00, në varrezat e fshatit Pllaqicë.

“Miq e bashkëvendas, ju njoftojmë se varrimi i djalit te axhes, Rilind Thaqit behet sot në orën 14:00 ne varrezat e fshatit Pllaqice”, ka shkruar vajza e axhës së të ndjerit.

Marketing

Përjetoni pushime të paharruar dhe dasma magjike në Hotel “Albes Residence”

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri  

 

Azem Shkreli për Havzi Nelën: Kërkonte vazhdimisht liri brenda ferrit

0

Nga Azem Shkreli

Për herë të parë mësova për Havzi Nelën në një shkrim të “Rilindjes”, aty kah viti 1993.

U trondita thellë për çka mësova për jetën e atij njeriu.

Ai njeri çdo gjë e kishte pasë të kufizuar: edhe ditën, edhe natën, por vetëm në mendjen e tij s’mundën të futeshin dot.

Kohë më vonë kur lexova vjershat e tij, pata një tronditje në shpirt. Ato vjersha qenë të thjeshta, nuk kishin shumë figura artistike, por qenë fati i njeriut që kërkonte vazhdimisht liri brenda ferrit.

Më herët kam shkruar poezinë “Poetëve të vdekur”, por edhe pse i kushtohej poetit të varur Benjamin Maloise, kam pasë parasysh të gjithë poetët e ekzekutuar. Ajo poezi, tani më duket sikur qe shkruar edhe për Havzi Nelën, por si parandjenjë e hershme për fatin e tij dhe të poetëve të tjerë që do të ekzekutoheshin. Po, po, litar në fytin e njeriut, poetit…

(Nga libri “Fjala në litar”, Botime Onufri, Tiranë 2005)

Marrë nga profili në facebook i Petrit Palushit

Përjetoni pushime të paharruar dhe dasma magjike në Hotel “Albes Residence”

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri