Kryetarja e Gruas së Nismës për Kosovën, Valdete Bajrami, tha se Prizreni shumë shpejt do të drejtohet nga kandidati i Nismës, Zafir Berisha. Sipas saj, Berisha do t’a rikthejë krenarin këtij qyteti.

“Prezenca masive e juaja në këtë takim, është dëshmia më e mirë se së shpejti Prizrenin do ta qeverisë kandidati ynë Zafir Berisha dhe NISMA për Kosovën”, tha Bajrami, gjatë një takimi mobilizues me gratë e Prizrenit.

Kryetari i Nismës në Prizren, Zafir Berisha, tha ndërkaq se prezenca e grave në këtë takim është fuqizim i orientimit social-demokrat të kësaj partie .

“Gratë, si një nga shtylla më të rëndësishme e familjes dhe shtetit, do të kenë vendin e merituar në institucione për t’i dhënë kuptimin e duhur demokracisë në shtetin tonë”, tha Berisha./PrizrenPress.com/

Sot është shënuar përmes një manifestimi përkujtimor edhe 18- vjetori i Betejës së Landovicës, ku janë nderuar 7 dëshmorët e rënë për liri dhe 15 martirë të këtij lokaliteti.

Para familjarëve të dëshmorëve dhe martirëve, veteranëve dhe invalidëve të luftës, bashkëvendësve dhe përfaqësuesve të institucionëve, ka folur përfaqësuesi i këtij lokaliteti, Fadil Berisha, i cili tha se “sot Landovica ka dhimbje, por edhe krenari për bijtë e vet, që me gjakun e tyre u flijuan për Lirinë e vendit”.
Edhe ish komandanti i UÇK-së nga ky lokalitet, Osman Qerreti, tha se kontributi i djemve trima të Landovicës në luftën çlirimtare ishte i jashtëzakonshëm në këto anë, karshi një armiku barbar dhe të paepur me gjak të shqiptarëve.

Në emër të komunës së Prizrenit, ka folur nënkryetari Lulzim Kabashi,i cili vlerësoi lartë traditën e atdhedashurisë që kultivuan banorët e Landovicës, e që u dëshmua edhe në luftën e fundit për Lirinë e Kosovës. Ish- komandanti i brigadës 125 të UÇK-së së ZOP-it, Nehat Basha, tha se amanetin e dëshmorëve do ta jetësojmë për një Kosovë siç e deshën ata, dhe nuk do të tolerojmë që të zhvlerësohen vlerat e atyre që u flijuan dhe sakrifikuan për çlirimin e vendit.

Para mbajtjes së tubimit përkujtimor, janë bërë homazhe dhe janë vendosur kurora lulesh në varrezat e dëshmorëve në Landovicë, ndërsa është mbajtur edhe një program i pasur artistik me këngë, valle dhe recitale, në kuadër të manifestimit përkujtimor që u mbajt në qendër të Landovicës./TV Prizreni/

Në fshatin Randobravë të Prizrenit, u zbulua lapidari i 22 dëshmorëve.

Kryetari i Prizrenit, Ramadan Muja, tha se zbulimi i lapidarit të dëshmorëve, duhet të jetë udhërrëfim për brezat e ardhshëm.

“ Duhet të përkujtojmë të kaluarën tonë të lavdishme”, tha Muja.

Ndërkaq, deputeti i Kuvendit të Kosovës, Nait Hasani, tha se dëshmorët e rënë nën emblemën e UÇK-së, duhet gjithmonë t’i përkujtojmë me nderimet më të larta për sakrificën e tyre sublime që Kosova të jetë e lirë.

“ Lapidari që po e përurojmë sot, ka një porosi për brezat e rinj se sa e vështirë ka qenë rruga drejt lirisë”, tha Hasani.
Në emër të fshatit dhe shkollës, ka folur drejtori i këtij institucioni arsimor, Hazër Shala.

Ai tha se “sot është një ditë e veçantë, pasi që në oborrin shkollës që e bart emrin e atyre që nuk kursyen asgjë nga vetja për lirinë e Kosovës, po i zbulojmë një lapidar për frymëzim të gjeneratave të reja duke i përkujtuar 22 dëshmorët e rënë që dha Randobrava për çlirimin e Kosovës”.

Në emër të shoqatave të dala nga lufta në Prizrenit, në këtë ngjarje ka folur, Burim Shala, kryetar i SHIL , dhe deputetet e Kuvendit të Kosovës, Time Kadrijaj e Luljeta Veselaj – Gutaj, të cilët thanë se se e kaluara jonë e cila është përcjellë me shumë gjak, dhe duhet të na shërbejë që të jetësojmë amanetin e atyre që ranë në altarin e lirisë për një Kosovë të zhvilluar dhe prosperuese./TV Prizreni/

Kryeministri i Kosovës, Isa Mustafa përmes një shkrimi në Facebook, ka përkujtuar dy prej masakrave më të rënda të Kosovës, atë të Krushës së Rahovecit dhe të familjes Berisha në Suharekë, transmeton Indeksonline.

Sipas tij, 18 vjet më parë, Kosova përjetojë dy prej masakrave më të rënda, ku mbi 240 bashkëqytetarë duke përfshirë fëmijë, gra e burra u vranë në Krushë të Rahovecit dhe 50 anëtarë të familjes Berisha nga Suhareka që u masakruan nga forcat serbe.

Ky është statusi i tij:

Me dhimbje të madhe, përkujtojmë sot dy prej masakrave më të rënda që populli ynë përjetoi 18 vjet më parë.

Mbi 240 bashkëqytetarë tanë, fëmijë, gra e burra, u vranë më 25, 26 dhe 27 mars 1999, në Krushë të Rahovecit.

Ndërkaq, në Suharekë, Familja 50 anëtarëshe Berisha, u masakrua nga forcat serbe.

Qytetarët e Kosovës nuk do t’i harrojnë kurrë të gjithë të rënët, sakrifica e të cilëve na mundësoi të jemi të lirë.

Bota demokratike, ashtu siç i bombardoi forcat serbe 18 vjet më parë, duhet ta detyrojë shtetin serb, që të dënojë të gjithë kryesit e krimeve, të zbardh fatin e të pagjeturve dhe të kërkojë falje për krimet e panumërta në Kosovë.

Në Krushë të Madhe në Rahovec është mbajtur një ceremoni përkujtimor për shënimin e 18 vjetorit të masakrës, të bërë nga forcat serbe me 26 mars 1999, njofton Klan Kosova.

Preng Gjetaj, nga Komisioni i të Pagjeturve ka thënë se ka kanë kërkuar që bashkësia ndërkombëtare atë që ndodhi në Krushë të madhe ta njeh si gjenocid.

Ndërsa, kryetari i Rahovecit, Idriz Vehapi, tha se shembulli i grave të Krushës është shembulli më i mirë që dëshmon mbijetesën dhe sakrificën e popullit shqiptar.

Në këtë tubim përkujtimor u vendosën edhe kurora lulesh nga përfaqësues institucionalë, si të nivelit qendrorë ashtu dhe lokalë tek lapidari i dëshmorëve.

Në fshatin Krushë të Madhe të Komunës së Rahovecit sot u mbajt tubim përkujtimor për përkujtimin e 241 martirëve të vrarë dhe të masakruar me datë 25,26,27 mars të vitit 1999.

Në tubimin përkujtimor të organizuar nga këshilli i fshatit Krushë e Madhe morën pjesë Idriz Vehapi, me bashkëpunëtor, Preng Gjetaj nga Komisioni i të Pagjeturve, Avdullah Hoti Ministër i Financave dhe banor Krushjan dhe të fshatrave përreth.

Selami Hoti kryetar i fshatit Krushë e Madhe, në fjalën e tij tha se sot jemi mbledhur në këtë vend të shenjtë dhe historik, për të kujtuar rrugën e gjatë të lirisë, jemi këtu për të kujtuar luftën dhe sakrificën sublime të martirëve Krushjan të cilët para 18-vjetve ranë në altarin e lirisë. Nuk ka vend në Kosovë që nuk është derdh gjak për liri, nuk ka pëllëmbë toke që nuk është larë me gjak të bijave dhe bijve tanë, por Krusha e Madhe e pagoi shumë shtrenjtë sepse për dekda të tëra nuk kishte rreshtur së vepruari. Me 25,26 dhe 27 mars të vitit 1999 u vranë dhe u masakruan 241 qytetar 206 dhe 35 të tjerë të fshatrave Xërxe, Retijë, Opterushë, Zoqisht, Carralevë dhe nga Komuna e Prizrenit.

Një fjalë rasti në tubimin përkujtimor mbajti edhe Kryetari i Komunës së Rahovecit Idriz Vehapi i cili para të pranishmëve ka thënë se ne paguam çmimin e lartë të lirisë, sidomos atëherë kur armiku shumëvjeçar po bënte përpjekjet dëshpëruese për pushtimin e tokave tona. Kur kjo ëndërr e tyre po përfundonte, ata na i vranë fëmijët e burrat, na larguan nga shtëpitë dhe na i dogjën ato. Për më tepër na lanë shumë varre të hapura dhe ne vazhdojmë ti kërkojmë më të dashurit tanë që ti kthejmë të pushojnë përjetësisht në tokën për të cilën ranë.

Ne ende vazhdojmë të kërkojmë Ukshin Hotin që biografisë së këtij intelektuali të madh Krushjan ti japim një epilog. Ne nuk do të ndalemi së kërkuari, por ndërkohë do të punojmë shumë që ta zhvillojmë vendin tonë , për fëmijët tanë dhe për tu ndjerë më mirë përballë kujtimeve dhe emrave të atyre që këtij vendi i falën jetën.

Preng Gjetaj, nga Komisioni i të Pagjeturve ka thënë se ka kanë kërkuar që bashkësia ndërkombëtare atë që ndodhi në Krushë të madhe ta njeh si gjenocid.

Krusha përkujton 241 të masakruarit, 64 ende të pagjetur

18 vite më parë konkretisht më 25, 26, 27 mars të vitit 1999, në fshatin Krushë të Rahovecit janë masakruar 241 persona, 7 fëmije, 5 femra, derisa ende janë 64 të pagjetur.

Po ashtu, Krushës i mungon edhe ideologu Ukshin Hoti.

Në tubimin përkujtimor që po mbahet në Kompleksin Memorial në Krushë të Madhe, po marrin pjesë ministri i Financave, Avdullah Hoti, kryetari i Rahovecit, Idriz Vehapi, zëvendësministër i Kulturës, Rexhep Hoti, Prenk Gjetaj, kryetar i komisionit për të pagjetur, Nait Elshani, kryesues i Kuvendit Komunal, Smajl Latifi, ish kryetar i komunes, kryetari i komunës së Malishevës, Ragip Begaj dhe familja Demiri nga Prespa, Kanada.