Shkencëtarët kanë zbuluar një specie të re të ngjashme me njerëzit në një sistem shpellash në Afrikën e Jugut.

Zbulimi i 15 skeletëve të pjesshëm është më i madhi i këtij tipi në Afrikë.

Sipas BBC, shkencëtarët thonë se ky zbulim do ndryshojë idetë tona në lidhje me paraardhësit e njerëzve.

Studiuesit thonë se të dhënat tregojnë se këta individë ishin në gjendje për sjellje rituale.

Ata ende nuk mund të përcaktojnë se sa gjatë kanë jetuar këto krijesa, por udhëheqësi i ekipit, profesor Lee Berger tha për BBC se mendohet se ata mund të jenë të parët e llojit tonë (genus Homo) dhe mund të kenë jetuar në Afrikë rreth 3 milionë vjet më parë.

Të quajtur “naledi”, këto krijesa mund të jenë ajo që quhet edhe lidhja e munguar, ose ndryshe ‘ura’ mes primatëve primitivë dhe njerëzve.

Profesor Chris Stringer nga “Natural Histori Musem” thotë se ky zbulim është i një rëndësie të jashtëzakonshme.

“Ajo që ne po shohim është se ka gjithmonë e më shumë specie që sugjerojnë se natyra po eksperimentonte se si të evoluonte njerëzit, duke rritur disa krijesa të ngjashme me njerëzit, në mënyrë paralele, në vende të ndryshme të Afrikës. Vetëm një linjë mbijetoi përfundimisht, duke sjellë rritjen tonë,” tha ai.

Homo naledi nuk janë si të tjerët njerëz primitivë të gjetur në Afrikë.

Ata kanë një tru të vogël, sa i një gorillë, dhe legen e shpatulla primitive.

Por kanë një kafkë më të avancuar, dhëmbë relativisht të vegjël, këmbë të gjata karakteristike dhe shputa moderne.

Eshtrat e zbuluara janë në gjendje shumë të mirë, ndërsa për të hyrë në ‘dhomën’ ku ishin varrosur u desh të përdoren gra me trup të vogël.

Aksione, drama, komedi dhe filma romantikë; vjeshta e 2015 sjell disa nga filmat më të bukur të këtij viti.

Everest

A mund të jetë ky “Gravity” i këtij viti? Një triller 3D për aventurën dhe shkatërrimet, “Everest” është vendosur jo në hapësirë, por në një mal të lartë. Bazuar në një incident real të vitit 1996, kur një përpjekje për të ngjitur malin Everest përfundoi në katastrofë, filmi mban regjinë e Baltasar Kormakur. Në të përshkruhen përpjekjet e dëshpëruara për të mbijetuar të dy grupeve të alpinistëve. Ai do të dalë në kinema më 18 shtator.

The Martian

Një tjetër film hapësinor i Ridley Scott, por kësaj here frymëzuar nga një roman i Andy Weir, “The Martian”, ka në qendër të tij aktorin e njohur, Matt Damon. Ai luan rolin e një astronauti që mbetet në Mars dhe duhet të përdorë çdo aftësi të tijën për të mbijetuar. Me aktorë të tjerë si Jessica Chastain, Chiwetel Ejiofor, Kristen Wiig dhe Jeff Daniels, filmi premton më shumë sesa thjesht një argëtim të vetëm një protagonisti. Premiera botërore e filmit do të jetë festivali në Toronto.

The Intern

Aktorja e njohur nga “Djalli vishet me Prada”, Anne Hathaway, është në filmin e ri të regjisores Nancy Meyers, një drejtoreshë e një kompanie online mode. Një praktikant i ri në eksperiencë, por i vjetër në moshë, pranë kësaj firme është Robert De Niro. Ky i fundit fillon të përshtatet me modën e re dhe mënyrën aktuale të funksionimit të gjërave. Filmi do të dalë në SHBA më 25 shtator.

Burnt

Bradley Cooper shfaqet kësaj here si një shef kuzhine me shumë pikëpyetje. Nën një dramë romantike, ndaj tij ekziston presioni për t’u bërë një nga kuzhinierët më të mirë në botë. Në film luajnë emra të njohur si Sienna Miller, Uma Thurman, Alicia Vikander dhe Emma Thompson. Premiera do të jetë më 23 tetor.

By the Sea

Ndryshe nga dy filmat e mëparshëm të regjisores Angelina Jolie, këtë herë ajo edhe aktron në realizimin më të ri dhe të shumëpritur. Filmi është një bashkëpunim me bashkëshortin e saj, Brad Pitt, plot 10 vjet pas filmit aksion Mr & Mrs. Smith. Historia e një çifti që kalon vështirësi gjatë pushimeve në Maltë do të shfaqet në kinema më 13 nëntor.

Star Wars: The Force Awakens

Një super realizim me regji të J. Abrams, filmi i ri “Star Wars” do të përmbajë çdo aktor të shumëpaguar të Hollivudit. Nga Harrison Ford te Carrie Fisher dhe Mark Hamill, si dhe fytyrat e reja si John Boyega, Adam Driver, Oscar Isaac dhe Lupita Nyong’o, filmi premton të marrë vëmendje maksimale nga adhuruesit. Në kinema nga 18 dhjetori.

Grandma

Lily Tomlin po shijon një karrierë të re falë serive televizive në Netflix nën titullin “Grace and Franki”. Filmi tregon jetën e një poeteje lezbike që udhëton me mbesën e saj adoleshente për të mbledhur fonde për abortin e kësaj të fundit. Ky është roli i parë protagonist i Tomlin pas 27 vjetësh, shkruar për të nga regjisori Paul Weitz. Ajo madje nget makinën e saj, një Dodge Royal të vitit 1955. Në kinema nga 11 dhjetori.

The Good Dinosaur

Një film vizatimor nga Pixar, “The Good Dinosaur” do të jetë i dyti për këtë vit pas “Inside Out”. Filmi tregon aventurat e një dinozauri dhe një fëmije, të cilët miqësohen së bashku nën frymën e natyrës. Një realizim mjaft i arrirë që pritet të tërheqë vëmendjen e fëmijëve nga e gjithë bota. Në kinema më 25 nëntor.

Black Mass

Me lojën e veçantë të një aktori shumë të kërkuar si Johnny Depp, filmi “Black Mass” i tejkalon rolet e tij dhe e vë atë në ekranet botërore si një gangster irlandez-amerikan që kërkon të ngjitet në botën e krimit të Bostonit. Një realizim origjinal dhe shumë i veçantë, filmi i Scott Cooper do të dalë në kinema më 18 shtator.

Carol

Një film i mrekullueshëm dhe shumë sensual, “Carol” është përshtatja e regjisorit Todd Haynes nga romani i vitit 1952, “Princi i Kripës”. Historia tregon dashurinë midis një shitëseje në dyqan dhe ndihmëses së saj, luajtur nga Cate Blanchett. Marrëdhënia e tyre bëhet shumë e vështirë dhe e dhimbshme, aq sa tensioni bëhet i padurueshëm. Luajtur me mjeshtëri aktori dhe nën sfondin e viteve të shkuara, filmi rikthen histori të parrëfyera. Premiera e tij do të jetë data 20 nëntor.

Hunger Games: Mocking jay 2

Nën të tjera aventura, aktorja e njohur, Jennifer Lawrence, nën rolin e Katniss shkakton një revolucion të thellë në radhët e qeverisjes autokratike të vendit të saj. Një film që mezi po pritet nga audienca dhe të cilin do ta ndiqni në kinema më 20 nëntor. Burimi: “Guardian”. /Gazetashqip.com/

Lëvizja Vetëvendosje vlerëson se në mbledhjen e fundit të Qeverisë së Kosovës ndodhi edhe një bllokim i ri nga Ministrat e Listës Serbe. Projektligji për Arsimin e Lartë në Kosovë me gjithë vërejtjet apo sugjerimet lidhur me të përkufizon institucionet e arsimit të lartë që veprojnë në vendin tonë.

Vetëvendosje thekson se këto institucione pra, kolegjet dhe universitetet janë të Kosovës dhe për qytetarët e Kosovës.

Ato nuk mund të ndahen dhe kategorizohen brenda ligjeve tona sipas etnisë. Sidomos universitetet karakteri i të cilëve është universal dhe lidhet me dijen e dobinë shoqërore.

”Bllokimi i miratimit të këtij projektligji në Qeverinë e Kosovës nga ana e Ministrave të Listës Serbe me kërkesën për futjen në ligj si kategori e veçantë e Universitetit të Mitrovicës së veriut dhe financimit të tij nga Serbia është kërkesë për ta etnizuar sistemin universitar në Kosovë.”

”Universiteti në fjalë është i rregulluar në normativët e pushtetit komunal meqenëse paraprakisht Kosova ka bërë lëshime që këto Komuna më shumicë të popullsisë serbe të kenë hapësira për shkollim universitar specifik”, thekson VV.

Por Listës Serbe kjo nuk i mjafton. Ata kërkojnë që ta mbajnë të izoluar këtë universitet nga pjesa tjetër e Kosovës dhe ta kategorizojnë brenda ligjit si Universitet të një etnie.

Bllokimi e kërkesat e tyre, njëjtë si me ndërmarrjet publike dhe me çështjen e Forcave të Armatosura të Kosovës, po shkojnë në të njëjtin drejtim me atë të marrëveshjes për “Zajednicën”, pra ndarjes etnike të Kosovës në çdo zonë të rregullimit shtetëror e shoqëror.

VV i bën thirrje profesorëve e studentëve të ngrenë zërin për mos ta lejuar këtë kërkesë që shkon në kundërshtim me çdo parim të funksionimit të universiteteve, shoqërisë dhe republikës sonë. /PrizrenPress.com/

Këshilli i Prindërve ka falënderuar MASHT-in për pajisjen e nxënësve me tekste shkollore, lehtësim ky financiar për prindërit, por njëkohësisht kanë shprehur brengën e madhe lidhur me çantat e mbingarkuara të nxënësve.

Në një komunikatë për media, thuhet se prindërit mbesin të shqetësuar me peshën e rëndë të çantave, veçanërisht për nxënësit e shkollave fillore, nga klasa e parë deri në pestën, ku pesha e çantave është rreth 20% e peshës trupore të fëmijëve.

Ndërkaq, me standardet e përcaktuara nga Organizata Botërore e Shëndetit, parasheh që ngarkesa fizike te fëmijët nuk guxon të kalojë 10 përqindëshin e peshës trupore të fëmijëve.

Edhe prindërit janë të vetëdijshëm që plan-programet aktuale të cilat i ka hartuar Ministria e Arsimit Shkencës dhe Teknologjisë parashohin të gjitha ato tekste, por vlerësohet se është momenti i fundit që Qeveria dhe Komunat e Kosovës urgjentisht të trajtojnë këtë problem mjaft shqetësues i cili ndikon drejtpërsëdrejti në shëndetin e fëmijëve. (Kosova Sot)