Emma Louise tregoin trupin e saj të pabesueshëm, duke lançuar koleksionin veror të të brendshmeve Ann Summers.
Sali Berisha: Edi Rama ka gisht në videon erotike të Sokol Ballës
Ish-Kryeministri i Shqipërisë, Sali Berisha ka drejtuar gishtin në drejtim të Edi Ramës se është i përfshirë në zbulimin e videos erotike të gazetarit Sokol Balla.
Berisha ka thënë se për një kohë të gjatë Edi Rama e ka përcjellë Ballën dhe ky i fundit ishte në dijeni.
“Ky ishte standarti çnjerezor e cinik i Rames ndaj Balles, i cili deshmon se edhe ne qofte se Rama nuk ka gisht ne regjistrimin dhe botimin e videos, ndonese ka prova te pakundershtueshme se Rama ka survejuar per kohe te gjate muajt e fundit Ballen (dhe kete Balla e di me mire se une), perseri Rama eshte autori i sigurte i aktit te trete te skenarit qe vet Balla e cilesoi akt terrorist kibernetik ndaj tij”, ka shkruar Berisha.
Lexojeni të plotë reagimin e Berishës
Standarti i Rames dhe standarti Balles!
Te dashur miq, gazetari Sokol Balla ishte keto dite viktime e nje sulmi hakmarres e primitiv ndaj privatesise se tij. Pavarsisht nga mendimet e mia per Ballen dhe Top Story, konsideroj vjedhjen dhe publikimin e videove te tij private nje krim te denueshem dhe uroj qe organet e zbatimit te ligjit te japin pergjigjen e merituar ligjore autoreve te tij. Por dua t’ju siguroj se ne kete akt te shemtuar, Edi Rama nuk eshte duar jashte. Nuk kam te dhena qe ai te jete prapa videos, regjistrimit apo shperndarjes, ndonese duke ditur disa gjera te tjera dhe zhvillime recente midis tyre as nuk e perjashtoj dhe doren ne zjarr nuk e ve, por ne kete status deshta te ndalem mbi dy standarte diametralisht te kunderta njerezore te Balles dhe Rames ne qendrimet e tyre ndaj njeri tjetrit.
Keshtu, kur keshilltari aktual me i ngushte i Rames botoi fotot cullak te Rames ne nje plazh publik, madje dopio cullak, si dhe foton erotike te tij ne shtrat, gjithashtu cullak, njeriu qe i qendroi me prane e qe e ftoi menjehere ne Top Story dhe qe denoi me ashpersine me te madhe aktin e Mjeros, ishte Sokol Balla. Dhe mund te themi se Balla adaptoi nje standart njerezor ndaj Rames dhe dhunimit te privatesise se tij. Le te shohim pak standartin Rama ndaj dhunimit flagrant te privatesise se Balles!
– Rama, si kontrollor absolut i bordit te Top Channel qendron prapa dy vendimeve talebaniste te ketij bordi per Ballen.
– Ne fillim Rama rrufeshem urdheroi bordin ti jepte duart e te largonte Ballen nga Top Story dhe bordi, si ne Shqiperine e viteve 70 -te, mori menjehere vendimin per largimin e tij nga puna pavaresisht nga kontributet e tij ne kete media e madje filluan te permendin pasaardhesin e armikut Balla.
– Dje, po me urdher te Rames, ky vendim u terhoq por vetem pjeserisht dhe kjo pas reagimit te fuqishem te perfaqesuesve te spikatur te mediave. Por perseri Rama i lig ne shpirt, urdheroi terheqjen jo te plote te vendimit por te pjeseshme.
Rama ne vend qe te paraqitej mbreme ne emisionin Top Story siç ishte njoftuar, qofte dhe per solidaritet ndaj mikut te tij ne dite te veshtire, goditi rende emisionin Top Story.
Ai, per te shmangur daljen e programuar te mbremshme ne Top Story me Ballen urdheroi plotesisht i diskretituar me qendrimin e tij bordin qe te pezulloje sine die, tashme jo Ballen por Top Story duke deshmuar se ai eshte drejtori dhe pronari i vertete i TCH. Per me teper, ne nje akt per te lare duart si pilati, Rama doli jo aty ku e priste publiku por ne livadhin e kryeministrise dhe dha nje interviste, me jeshile se vet bari i livadhit, per televizionin Klan. Ky ishte standarti çnjerezor e cinik i Rames ndaj Balles, i cili deshmon se edhe ne qofte se Rama nuk ka gisht ne regjistrimin dhe botimin e videos, ndonese ka prova te pakundershtueshme se Rama ka survejuar per kohe te gjate muajt e fundit Ballen (dhe kete Balla e di me mire se une), perseri Rama eshte autori i sigurte i aktit te trete te skenarit qe vet Balla e cilesoi akt terrorist kibernetik ndaj tij.
Perpjekjet e sugarit Fuga per te justifikuar xhestin çnjerezor te Rames, refuzimin e tij per te qene ne Top Story gjasme jo per shkak te Balles por per shkak te fotove te tij cullak e dopio cullak ne plazhin publik nderkohe qe ai po darkonte mbreme me Mjeron, gajasen te gjithe gazetaret madje edhe vet papagajt e Rames!! sb
Mësimdhënësve u paguhet përvoja e punës me pagat e prillit
Sindikata e Bashkuar e Arsimit të Kosovës njofton se sot është takuar me ministrin e Arsimit, Arsim Bajrami, atë të Financave Avdullah Hoti dhe ministrin e Administratës Publike Mahir Jagxhillar.
Sipas njoftimit të SBASHK-ut bëhet e ditur se nga ky takim ka rezultuar se 0.5 përqindëshi i përvojës së punës për mësimdhënësit do të implementohet me pagat e prillit.
Sipas SBASHK-ut kjo nënkupton se për momentin nuk ka arsye që të ketë ndonjë veprim sindikal.
SBASHK konsideron se kjo është një arritje e angazhimit të përbashkët të SBASHK-ut, MASHT-it dhe Qeverisë së Kosovës.
SBASHK-u po ashtu kërkon mirëkuptim nga të punësuarit në arsimin e Kosovës sepse për arsye të numrit të madh të të punësuarve në këtë sektor dhe procedurës së procedimit të të dhënave , eventualisht, mund të vonohen për pak ditë listat dhe pagat.
Ndryshe muajve të fundit SBASHK-u ka organizuar greva duke bojkotuar mësimin për shkak të kërkesës që t’u paguhet përvoja e punës mësimdhënësve.
Theret më thikë një person në Prizren
Është ther me thikë një person në rrugën “De Rada” në Prizren. Viktima është dërguar për trajtim mjekësor në Spitalin e Prizrenit.
“Raportohet se i dyshuari mashkull K-Shqiptar ku për shkaqe të panjohura e ka sulmuar me një mjet të prehtë (thikë) viktimën mashkull K-Shqiptar. Viktima ka pësuar lëndime në dy pjesët e pasme të kraharorit dhe i njëjti është dërguar për tretman mjekësor në spitalin e Prizrenit”, njofton Policia e Kosovës.
Sipas viktimës të njëjtin e kanë sulmuar 5-6 persona. Lidhur me rastin është njoftuar prokurori. Me rast po merren njësit relevante policore./PrizrenPress.com/
Babai sulmon djalin në Prizren
Një person ka sulmuar fizikisht djalin e tij në Prizren.Policia njofton se sulmuesi ka qenë nën ndikim të alkoolit.
“Është arrestuar i dyshuari mashkull K-Turk, pasi që i njëjti nën ndikimin e alkoolit e ka sulmuar fizikisht viktimën mashkull K-Turk-djalin e tij”, njofton PK.
“Nuk raportohet për të lënduar. Me urdhër të prokurorit i dyshuari është liruar në procedurë të rregullt pas gjashtë(6) orëve”/PrizrenPress.com/
Konfiskohen disa armë në Planejë të Hasit
Policia gjatë një aksioni ka konfiskuar disa armë në fshatin Planejë të Hasit. Konfiskimi i armëve është bërë në disa objekte banimi të dy të dyshuarëve.
“Njësiti policor ka zbatuar urdhëresën nga Gjykata Themelore, Departamenti për Krime të Rënda, me ç’rast janë kontrolluar objekte banimi dhe ndihmesë prona të dy të dyshuarve meshkuj K-Shqiptarë. Gjatë kontrollit janë gjetur dhe konfiskuar: 22 fishekë të cal. të panjohur, 39 fishekë gjuetie të cal. të panjohur, një (1) pushkë ajrore, dy (2) pushkë gjuetie, dy (2) karikatorë të AK-47, një (1) pushkë automatike, dy (2) kondakë të drurit dhe një (1) kondak i plastikës, një (1) pushkë model M-056 i cal. 5.6 mm, 22 fishekë të cal 5.6 mm dhe një (1) revole model 991. Lidhur me rastin dy të dyshuarit janë arrestuar dhe me urdhër të prokurorit pas intervistimit njëri dërgohet në mbajtje ndërsa i dyshuari i dytë lirohet në procedurë të rregullt”, njofton Policia e Kosovës .
Pse dhe si dështuan veteranët e UÇK-së në Vërri
Shani Berisha
Në historinë e popullit shqiptarë Ushtria Clirimtare e Kosovës padyshim që do të mbetetë si organizata më e organizuar luftarake, e cila platfotmën e vetë çlirimtare e shtriu dhe koordinojë në tërë territorin e Kosovës. Si pjesë unike gjeografike e këtij unifikim e koordinimi ishte edhe treva e Vërrinit, në kufijt administrativ të Komunës së Prizrenit, gjithmon si unifikim e koordinim e udhëhequr nga Shtabi i Përgjithshëm i Ushtrisë Clirimtare të Kosovës. Fillet e lidhjeve dhe të koordinimit për organizimin dhe shtrirjen e frymës çlirimtare për lirinë e Kosovës në trevën e Vërrinit ishin veprimet e vazhdueshme të djemëve e vajzave të kësajë treve nëpër vite e dekada, deri në çlirimin përfundimtar të Kosovës.
E vërteta e organizimit UCK – së, në Vërri.
E vërteta mbi themelimin, orgamizimin, zhvillimin dhe funksionimin e UCK-së në Vërri është e mbështeturë në këto fakte, që nuk ka forcë që mundë t’i mohojë:
1. Në vazhdimësi në vite e dekada djemët e vajzat e Vërrinit ishin si pjesë e pashkëputur e veprimtarive politike e ushtarake për çlirimin e Kosovës.
2. Në lidhje e koordinim me përfaqësuesit qëndror të UCK-së , në vitet 1996 / 97 në Vërri u themeluan celulat e para të UCK-së
3. Në Prillin e vitit 1998 me Vendim të SHP të UCK-së formohet Shtabi Lokal i UCK-së për Komunën e Prizrenit (SHLP) me pikë vendosje në Vërri gjegjësisht në fshatin Jeshkovë
4. Nga Prilli e gjerë në Korrik 1998 nën komandën e SHLP uniformohen mbi 600 luftëtar nga të gjitha fshatrat e Vërrinit (Shënimet e faktet janë).
5. Në mesin e muajit korrik1998 , si platformë organizative e SHP të UCK-së, themelohet brigade 125 e definuar me të gjitha nivelizimet e organizimit ushtarak të saj.
6. Me vendim të SHP të UCK-së pika e vendosjes së brigadës 125 mbetetë në Vërri gjegjësisht në fshatin Jeshkovë.
7. Nën komandën e Brigadës 125, mbi 600 djemë e vajza të Vërrinit, pas përgatitjeve ushtarake dhe konfrnontimit dhe përleshjeve të kohë pas kohshme me forcat policore – usharake serbe, prej 1 e deri më 5 shtator të 1998 luftuan guximshëm, heroikisht kundër forcava të armikut, me vendim luftë deri në vdekje, ku si përfundim i kësajë beteje në altarin e lirisë ranë shumë djem të kësajë treve.
8. Pas luftimeve dhe Betejes së Shtatorit 1998, djemët e vajzat e Vërrinit në pamundësi të rrethanave për të vepruar në Vërri, përkohësisht kalojnë në territorin e Shqipërisë ku pa ndërprerje vazhdojnë angazhimin e tyre luftarak deri në çlirimin e Kosovës.
Faktet e paraqitura në këtë shkrim për veprimtarin e UCK-së në Vërri, mund të konsiderohen vetëm si fakte bazike, kjo e vërtetë nuk mund të përfundojë vetëm me kaq.
Mbështetur në këto fakte e dëshmi mbi UCK-në në Vërri , besonë dikush (që i ka vetëm dy kokrra mend) se Komisioni Qeveritar për verifimin dhe kategorizimin e e luftarve nuk e bëri punën e djallit, kur nga kjo trevë (Vërrini) nxorri vetëm 80 lufëttar me status të Veteranit.
Kush duhet të ndjehet jo mirë për këtë padrejtësi ndaj luftëtarve të Vërrinit.
Ata të cilët paturpësisht shkelën me apo pa vetëdije mbi mundin e sakrificën e djemëve e vajzave luftëtar të UCK-së së Vërrinit, herët a vonë do të marrinë dënimin e merituar, e këta janë :
1. Përfaqësuesit e Shtabit të Përgjithëshëm të UCK-së të cilët e kan diturë të vërtetën mbi UCK-në, në Vërri.
2. Përfaqësuesit e Komisionit Qeveritar për Verifikimn e kategorive të dalura nga lufta, të cilët u pah se bënë punën e djallit.
3. Përfaqësuesit ( si pjesë e komisionit) nga brigata 125 e trevës së Vërrinit, të cilët në pesëmbdhjetë vjetshin e fundit kanë tundur mjetet e informimit me intervista trimërie e burrëri, dhe tani na del e vërteta se, jo që nuk e paskan kuptuar ligjin mbi kategorit e daluara nga lufta , por as që e paskan lexuar atë ligj.
Një përpjekje për përmisimin e gabimit.
Mundësia për përmisimin e gabimit është e atyre që vetë e bënë këtë gabim, ata që e bënë këtë padrejtësi me djemët e vajzat e Vërrint, është koha e fundit që më rastin e shqyrtimit të ankesave , ta pyesin vetveten, ta dëgjojnë zërin e arsyes, e padrejtësin ndaj djemve e vajzave të Vërrinit ta përmisojnë dhe ta shëndrrojnë në drejtësi.
Irina Shayk & Bradley Cooper lidhen bashkë?
Bradley Cooper dhe Irina Shayk kanë qenë në të njëjtën datë në Broadway. “American Sniper”, është parë me Irina Shayk të mërkurën mbrëma, teksa kanë qenë si pjesë e audiencës për filmin “Finding Neverland”.
Burimet tregojnë se Cooper dhe Shayk janë njohur me njëri – tjetrin me anë të miqve të përbashkët.
Cooper është ndarë me modelen Suki Waterhouse në fillim të këtij viti, por më pas ata janë parë në Coachella, duke përhapur zëra se janë rikthyer sërish bashkë.
Nga ana tjetër modelja ruse Shayk është ndarë nga futbollisti portugez Cristiano Ronaldo në janar 2015.
Nëse ka diçka më tepër se miqësi mes Cooper dhe Shayk asnjëri prej tyre nuk ka hezituar të japë një përgjigje.
“Natyra” kap 3 prostituta në Fier
Policia e Fierit ka arrestuar tre femra me akuzën e ushtrimit të prostitucionit.
Tre prostitutat paguheshin nga 5 mijë deri në 15 mijë lekë të reja.
Arrestimi i tyre është kryer mbrëmjen e 23 prillit 2015 në kuadër të operacionit “Natyra”.
Të arrestuarit janë:
Majlinda Gjeçi, 26 vjeçe, banuese në fshatin Halilaj, Komuna Bubullimë, Lushnjë, për veprën penale “Ushtrim prostitucioni” parashikuar nga neni 113 i Kodit Penal.
Erjona Bardho, 26 vjeçe, për vepren penale “Ushtrim prostitucioni” parashikuar nga neni 113 i Kodit Penal.
Vida Fonija, 42 vjeçe, për veprën penale “Ushtrim prostitucioni” parashikuar nga neni 113 i Kodit Penal, banues në fshatin Halilaj, Komuna Bubullimë, Lushnjë.
Arbri Ahmetaj, 22 vjeç, banues në lagjen “1 Maji”, Fier, për veprën penale “Shfrytëzim i prostitucionit” dhe “Moskallëzim i krimit”, parashikuar nga neni 114 dhe 300 i Kodit Penal, banues në fshatin Halilaj, Komuna Bubullimë, Lushnjë.
Aranit Toromëni, 30 vjeç, për veprën penale “Moskallëzim i krimit”, parashikuar nga neni 114 i Kodit Penal, banues në fshatin Halilaj, Komuna Bubullimë, Lushnjë.
Ndërkohë tetë klientë po ndiqen në gjendje të lirë me akuzën për dhënie dhe përfitim personal nga prostitucioni.
Klientët ishin nga Berati, Lushnja, Fieri e madje edhe Durrësi.
Si i vodhi 1 milion euro drejtori i bankës nga llogaritë e klientëve
Një ditë pas arrestimit të ish-drejtorit të një banke të nivelit të dytë në Bilisht, zbardhet skema që përdorte drejtuesi i kësaj banke për të vjedhur 1 milion euro nga llogaritë e qytetarëve dhe bizneseve të zonës. Ishte denoncimi i një qytetari, klient i bankës, ai që vuri në lëvizje hetimin e brendshëm, i cili më pas denoncoi në prokurori veprimet abuzive të drejtorit Ervin Çokani.
I pyetur nga autoritetet e bankës, drejtori ka pranuar vjedhjen e të paktën 15 klientëve, nga të cilat dyshohet se ka përvetësuar shumën e 945 mijë eurove. Hetimet për këtë çështje nisën në shkurt të këtij viti, kur Prokuroria e Korçës regjistroi procedimin penal për akuzat e “vjedhjes së bankës” dhe “falsifikimit të dokumenteve” ndaj 39-vjeçarit Ervin Çekani.
I dyshuari ka mbajtur detyrën e drejtorit për një periudhë 10-vjeçare në filialin e një banke të nivelit të dytë në qytetin e Bilishtit. Fillimisht ishte klienti i kësaj banke, shtetasi S.D, i cili më datë 2 shkurt 2015 u paraqit pranë filialit të bankës për të kërkuar ekzistencën e depozitave bankare, të cilat ishin çelur prej tij. Nga personeli i bankës është konstatuar fakti se librezat e kursimit të paraqitura nga ky klient përmbanin shuma parash, depozita me afat, të cilat nuk rezultonin në sistemin kompjuterik të bankës.
Pretendimi i klientit është dokumentuar edhe në deklaratën e plotësuar prej tij në datë 02.02.2015, ku ka pasqyruar numrin e depozitave dhe shumat e pretenduara prej tij pranë bankës. “Nga ana e punonjësve të bankës është marrë kontakt me të dyshuarin Ervin Çokani, i cili para autoriteteve të bankës ka pranuar përvetësimin e shumës së depozituar nga S.D, si dhe shuma të tjera të konsiderueshme nga klientë të tjerë.
Në lidhje me këto fakte, shtetasi Ervin Çokani ka përpiluar deklaratën e datës 04.02.2015, në të cilën ka deklaruar se përveç shumave të depozituara nga shtetasi S.D, ka përvetësuar edhe nga 9 klientë të tjerë shumat e depozituara në bankë”, thuhet në dosjen e prokurorisë. Sipas hetimit rezulton se i dyshuari Ervin Çokani, gjatë punës së tij si drejtor i degës së një banke të nivelit të dytë në Bilisht i ka shkaktuar bankës një dëm që paraprakisht llogaritet në vlerën e 774 325 eurove nëpërmjet përvetësimit të mjeteve monetare të klientëve.
“Ky përvetësim shumash është kryer nëpërmjet veprimeve të paautorizuara të mbylljes së parakohshme të depozitave me afat të klientëve, disbursimit të kredive fiktive të pengëzuara me depozita me afat, disbursimit të të paktën një kredie konsumatore fiktive, si dhe nëpërmjet debitimit të llogarive rrjedhëse dhe depozitave elastike të klientëve. Shuma totale e veprimeve të paautorizuara debitore e përfshirë në këtë skemë mashtrimi është 945 583 euro, nga të cilat 160 mijë e 196 euro janë ricikluar brenda skemës nga i dyshuari Ervin Çokani për të mbuluar gjurmët”, thotë prokuroria.
Ky aktivitet i jashtëligjshëm, sipas hetimit ka nisur më 16 janar të vitit 2008 dhe ka vazhduar deri më 29 dhjetor 2014. Gjatë kësaj kohe Ervin Çokani ka ngritur dhe ushtruar një skemë mbivendosjeje borxhi, e cila përfshin: mbyllje para afatit të depozitave me afat, disbursim të kredive fiktive me peng mbi depozitë me afat, disbursimin e të paktën një kredie konsumatore fiktive, si dhe prekje të vazhdueshme të llogarive të klientëve.
I dyshuari ka mbyllur para afatit 24 depozita, të cilat u përkasin 15 klientëve, me vlerë totale prej 596 mijë e 384 eurosh. 12 veprime me vlerë gjithsej 323 mijë e 839 euro janë kryer nga Ervin Çokani personalisht gjatë periudhës janar 2008 – janar 2010 dhe 12 veprime me vlerë gjithsej 272 mijë e 545 euro, janë kryer nga specialistët e tjerë të degës.
“Balancat e krijuara në llogaritë e klientëve nëpërmjet derdhjeve ‘cash’ apo transfertave në mbërritje nga jashtë nuk janë investuar në depozita me afat, siç klientët besonin. Nga kjo skemë janë prekur 6 klientë, në vlerë gjithsej 174 mijë e 832 euro. Në 3 raste të tjera fondet nuk janë depozituar në arkë, por i janë dorëzuar Ervin Çokanit në një vlerë 38 mijë e 209 euro”, thotë prokuroria.
Pas llogarive të kryera duke zbardhur skemën e mashtrimit dhe përvetësimit të parave të klientëve dhe disa kompanive private, Prokuroria i kërkoi Gjykatës së Korçës arrestimin e të dyshuarit për dy akuza. Gjykata miratoi kërkesën e prokurorisë duke caktuar masën e sigurisë “arrest me burg” ndaj 39-vjeçarit, i cili ka pranuar vjedhjen e llogarive të klientëve në bankën ku punoi si drejtor për të paktën 10 vite.