15.1 C
Prizren
E hënë, 12 Maj, 2025
Home Blog Page 7468

Cliff: Nuk është situata që Presidentja të thërrasë zgjedhje të reja

0

IanCliff6-12Zgjedhjet e reja nuk i duken ide e mirë ambasadorit britanik në Kosovë, Ian Cliff. Madje thotë se vendi nuk është në pozitën që Presidentja të thërret ato. Sipas tij, Kuvendi nuk mund ta zgjedh këtë çështje derisa nuk konstituohet.

Cliff thotë se plotë vende janë ballafaquar me këtë situatë, por sipas tij, me dialog zgjidhet gjithçka. Kështu ambasadori britanik në Kosovë, Ian Cliff, nuk jep as ide se si mund të dilet nga ngërçi.

Ai bën thirrje që të vazhdohet dialogu,e veçanërisht përpjekja e Presidentes së Kosovës, Atifete Jahjaga.

Cliff thotë se ajo që po ndodh në Kosovë nuk është për komunitetin ndërkombëtarë.

“Sa i përket pyetjes për zgjedhjet e reja unë mendoj se çdokush prej komunitetit ndërkombëtarë kanë thënë se ne nuk mendojmë se zgjedhjet janë një ide e mirë… Nuk mendoj se zgjedhjet janë në të vërtetë në interes të Kosovës, madje nuk jam i sigurt nëse jemi në pozitën që Presidentja të thërrasë zgjedhje të reja. Parlamenti nuk mund ta zgjedhë këtë çështje deri sa të konstituohet”, tha Cliff.

Mirëpo, Cliff mendon që është shumë e mundur që të gjendet një zgjidhje, derisa theksoi, se ata i mbështesin përpjekjet e Presidentes për të gjetur zgjidhje, përpjekje këto, që sipas tij, duhet të vazhdojnë.

“Besoj se ende është e mundur për t’u gjetur një zgjidhje, por ne, komuniteti ndërkombëtarë nuk do të zgjedh se kush do të jetë kryeministër i Kosovës, kjo i mbetet liderëve, politikanëve që janë pjesë e zgjedhur e parlamentit nga njerëzit e Kosovës… Ky është një vend i pavarur dhe ata duhet të punojnë për të gjetur zgjidhjen. Shumë vende janë ballafaquar më një situatë të tillë, dhe kanë gjetur zgjidhjen përmes dialogut”, shtoi Cliff.

Gati tash e katër muaj spektri politik në vend nuk po arrin që të zgjedh kryetarin e Kuvendit, e më pas t’i hapet rrugë formimit të Qeverisë.

Kjo, pasi në njërën anë katër partitë që humbën zgjedhjet, LDK-AAK-Nisma dhe Vetëvendosje janë bashkuar dhe nuk po bëjnë koalicion me PDK-në, ndërsa në anën tjetër kjo e fundit në bazë ë një aktvendimi të Gjykatës Kushtetuese e pati të drejtën për të propozuar kandidatin për kryetar të Kuvendit, por i cili nuk mori shumicën e duhur prej 61 votave. /Telegrafi/

Nuk habitet me ngërçin politik

0

Eqrem KryeziuuIsh-nënkryetari i parë i LDK-së, Eqrem Kryeziu nuk është i habitur me ngërçin politik që po ndodhë në Kosovë.

Ai tregon se zhvillimet e fundit politike e kanë bindur plotësisht se lidhjet e krijuara përmes shantazhit janë më të forta “jo vetëm se lidhjet brenda partiake, por se lidhjet e gjakut”.

“Sikur të kishte zhvillime të premtuara nuk do të kisha ikur“, thotë Kryeziu për “PrizrenPress”. Sipas tij, largimi nga politika në qershor të këtij viti ka thënë shumë gjëra.

“Besoj se veprimi im ka thënë shumë gjëra, për ata që duan të kuptojnë”, shprehet Kryeziu. /PrizrenPress.com/

Dëshiron të takohet me Kryeministrin e Suedisë

0

AlbinKurti1205Albin Kurti, ka uruar Kryeministrin suedez, Stefan Löfven, për detyrën e re, ndërkohë që ka shprehur dëshirën për një takim me të në përpjekje për të rritur edhe më shumë bashkëpunimin në mes të dy vendeve.
Në letrën dërguar Kryeministrit Löfven, Lideri i Vetëvendosjes ka shkruar edhe për programin e partisë të cilën e udhëheq.

Lexoni të plotë letrën e Albin Kurtit:

Kam kënaqësi t’ju dërgoj përshëndetjet dhe urimet e mia më të ngrohta për zgjedhjen tuaj si Kryeministër i Suedisë. Më lejoni t’ju uroj mbarësi të madhe në përgjegjësinë tuaj të re dhe të shpreh shpresën time për një takim të ardhshëm në përpjekjet tona për të rritur më tej bashkëpunimin e shkëlqyer mes dy vendeve tona.

Unë do të doja të përfitoja nga ky rast për të prezantuar shkurtimisht Lëvizjen VETËVENDOSJE!, lëvizjen që unë përfaqësoj. Programi ynë politik dhe alternativa jonë qeverisëse janë të themeluara në demokracinë sociale, dhe janë të bazuara në tri shtylla: shtetin e së drejtës, shtetin social dhe shtetin zhvillimor. Lëvizja jonë është aktualisht subjekti politik i tretë më i madh në Kosovë, dhe në vitin 2013 ne kemi fituar edhe zgjedhjet lokale për kryetar komune në kryeqytetin e Kosovës – Prishtinë – duke e qeverisur që atëherë bazuar në platformën tonë social-demokratike.

Ne jemi të angazhuar për sovranitetin e shtetit, zhvillimin ekonomik të vendit dhe mirëqenien e qytetarëve. Ndërtimin e shtetit e shohim me këta komponentë themelorë brenda tij: subjektivitetin, demokracinë, drejtësinë dhe shtetësinë. Ndërsa zhvillimi socio-ekonomik për ne do të thotë ngritje e kapaciteteve prodhuese dhe sigurim të rishpërndarjes së drejtë të pasurisë me qëllim të rritjes së mirëqenies. Për ne parakusht themelor për arritjen e këtij projekti politik-ekonomik mbetet një shtet sovran dhe republikan.

Kam shumë shpresë se në të ardhmen e afërme do të krijohet mundësia për takim personal me ju për t’i diskutuar këto çështje dhe për të krijuar një bashkëpunim të frytshëm të bazuar në idealet e përbashkëta.

Ju lutem pranoni urimet e mia të sinqerta për një mandat të suksesshëm të administratës suaj.

Pse Modiano e jo Kadareja

0

modiano kadareShkrimtari francez Patrick Modiano, u shpërblye me çmimin Nobel, me arsyetimin se ai është një artist i evokimit të kujtesës nga njëra nga periudhat më të vështira të Evropës, Luftës së Dytë Botërore. Por a mund t’i atribuohet një cilësi e tillë edhe shkrimtarit shqiptar Ismail Kadare. Shkrimtari Ndue Ukaj thotë se autorët e mëdhenj shquhen për evokim të kujtesës, e ndër ta është edhe Kadareja i njohur botërisht. Publicisti Halil Matoshi e krahason “Gjeneralin e ushtrisë së vdekur” të Kadaresë, me veprën “Missing Man” të Modianos.

Dita e enjte ishte ditë e zakonshme për shkrimtarin francez Patrick Modiano. Në paradite, si zakonisht me siguri, ai do të dal në parkun e qytetit për t’u shëtitur e çliruar paksa duke ecur. Ai njihet si shkrimtar që evokon kujtesën nga e kaluara, veçanërisht nga Lufta e Dytë Botërore dhe okupimi nazist. Por të enjten, Modiano si duket e ka anashkaluar artin e tij të kujtesës. Me gjasë, ai ka harruar që po atë ditë mund t’i bie zilja e telefonit nga një institucion mjaft i rëndësishëm. Mbase ajo ditë edhe nuk ia ka tërhequr vëmendjen aq shumë. Të paktën, kështu kuptohet nga një deklaratë e tij. Derisa po ecte në qytet, Modiano pranon një thirrje nga e bija e tij. Ajo ia kumton lajmin se është shpallur fitues i çmimit Nobel për letërsi për vitin 2014.

“Isha pak i befasuar, prandaj vazhdova të ec”, ka cituar Modianon, botuesi i tij Antonie Gallimard, transmeton ‘nytimes.com’. “Nuk e kam pritur këtë”, ka shtuar shkrimtari, megjithëse ka qenë kurioz pse juria ka vendosur t’ia ndaj çmimin.
“Gjithmonë jam ndier sikurse po shkruaj çdo herë librin e njëjtë për 45 vite”, është shprehur Modiano, teksa sipas Gallimard, ai e ka konfirmuar udhëtimin e tij në Suedi për ta pranuar çmimin. Nobeli iu nda Modianos me arsyetimin se ai është një artist i kujtesës, i evokimit të saj në një nga kohërat më të vështira që e ka përshkuar Evropën, Luftën e Dytë Botërore. Kjo cilësi, sigurisht e pamohueshme për shkrimtarin francez, mund t’i atribuohet edhe shkrimtarit shqiptar Ismail Kadare.

Poeti Ndue Ukaj, mendon se gjithë autorët e mirë janë ata që evokojnë kujtesën dhe luftojnë harresën, sepse shkrimtarët shkruajnë pikërisht kundër harresës dhe për të kultivuar kujtesën, duke krijuar realitete estetike, për ngjarje e ndodhi joestetike.
“Motivimi i Akademisë suedeze, ishte shumë përgjithësues dhe nuk specifikonte shumë për artin e Patrick Modianos. Sidoqoftë, e kam thënë dhe e përsëris: ata që fitojnë çmimin Nobel, janë autorë të mirë, dhe këtë fakt e ka dëshmuar përvoja e gjertanishme e këtij çmimi”, konsideron Ukaj. Sipas tij, Ismail Kadare, është një nga autorët ma të mirë planetar dhe e ka evokuar mrekullueshëm Luftën e Dytë Botërore.
“Do të mjaftonte në këtë kontekst, të përmendej vetëm romani ‘Gjenerali i ushtrisë së vdekur’. Unë pajtohem me mendimin se: ‘Ismail Kadare është luani i letërsisë shqipe, me një reputacion ndërkombëtar’, siç shkruan Rita Tornborg, shkrimtare dhe kritike suedeze, ne një recension për romanin ‘Lulet e ftohta te marsit’”, vlerëson Ukaj. Në këtë kontekst, ai shton se Kadare është një nga shkrimtaret ma të mirë planetar dhe në këtë pikëpamje, ka një mendim të pranuar në qarqe të rëndësishme letrare në botë dhe në Suedi. Ukaj thotë se Kadare lexohet me ëndje, studiohet dhe admirohet në gjithë planetin dhe për shume njohës të letërsisë, ai veç është në një rrufësh më të lartë se nobelistë të shumtë. Prandaj sipas tij, Kadare pa Nobel, nuk është më pak i rëndësishëm dhe nuk ia ul vlerën prej shkrimtari. Përkundrazi, nëse ai do të laurohej me këtë çmim, vlera do t’i shtohej Akademisë Suedez.

“Duhet kujtuar se ka shumë shkrimtarë të mëdhenj, që nuk e kanë marrë çmimin Nobel, e njeri nga ma të ndritshmit e të gjitha kohërave, është Jorge Luis Borges. Po ashtu, këtë çmim prestigjioz s’e ka marrë as Ernesot Sabato, e shumë të tjerë. Mirëpo, pa Borgesin, ashtu sikurse pa Sabaton, letërsia e përbotshme, do te ishte shumë ma e varfër. Të njëjtën gjë e themi edhe për veprën e madhe të Kadaresë, pa të cilën, letërsia e përbotshme, do të ishte shumë më e varfër. Kadare është korifeu i kulturës moderne shqiptare dhe botërore. Prandaj, laurimi i tij me këtë çmim, do ta nderonte edhe Akademinë Suedeze”, u shpreh Ukaj.
Publicisti Halil Matoshi, mendon se nuk ka vend për zemërim pse Kadare nuk po shpërblehet me Nobel. Ai vlerëson se letërsia kadareiane është tashmë “Welt-literature” dhe e krahasueshme me veprat e Modianos.

“E ne, pse te zemërohemi? Kemi një shkrimtar të zotin që i ka dhënë shumë letërsisë botërore, porse dilemat e tij, të vërtetat e tij shtrihen thellë në histori, kryesisht gjatë Perandorisë osmane dhe ‘Gjenerali…’ që ka të bëjë me kohën e fashizmit është kryevepra e tij – e krahasueshme me ‘Missing man’ të Modianos”, deklaron Matoshi. Megjithatë, sipas shkrimtarit Matoshi, Kadare ka probleme serioze me nacionalizmin deri në përmasa raciste në një pjesë të veprës së tij letrare e publicistike.

“Ai poashtu ka probleme etike më një pjesë të jetës së tij si funksionar nën komunizmin enverian, që ka ditë ta madhërojë ndonjëherë. Duket se këto po i kushtojnë shtrenjtë. Porse, shkrimtari i madh s’do të thotë se duhet të marr domosdo Nobel-in. Shkrimtari i madh mundet edhe pa të, si Joyce e Kafka ose Borges”, thotë Matoshi. Në librin e tij “Udhëtim nëpër zgjëndërr të keqe”, Matoshi trajton temën e fatkeqësisë së popullit shqiptar në kohën e pushtimit serb. Megjithatë, ai konsideron se letërsia shqiptare ka bërë pak sa i përket dramës kolektive nëpër të cilën ka kaluar.
“Sa i përket temës së dramës individuale e kolektive nën pushtimin serb, frikës nga zhbërja dhe ‘njeriut të humbur’ ende asnjë shkrimtar shqiptar nuk ka bë depërtime serioze letrare. Pra as Kadare. Por pa modesti, ju sugjeroj leximin e veprës sime”, përfundoi Matoshi./tribuna/

Ramadani: Xhamia dhe imami i Suharekës të vihen nën kujdesin e Policisë

0

Burim Ramadani AAKSekretari i Përgjithshëm e Aleancës për Ardhmërinë e Kosovës, Burim Ramadani ka këshilluar Policinë e Kosovës që të ketë nën kujdes xhaminë dhe imamin e Suharekës.

Ramadani në një postim në facebook ka shkruar ndër të tjera se, incidenti i raportuar që ka ndodhur në xhaminë e Bardhë në Suharkë është një zhvillim tejet negative.

Ja postimi original:

Xhamia dhe imami në Suharekë të vihen nën kujdesin e Policisë

Të dashur miq,
Incidenti i raportuar që ka ndodhur në Xhaminë e Bardhë në Suharekë është një zhvillim tejet negativ, i papranueshëm dhe i patolerueshëm.
Imami Muhamet Paçarizi dhe Xhamia e Bardhë duhet të vihen nën kujdesin e Policisë së Kosovës.
Nuk duhet lejuar që incidentet të përsëriten, sepse këtë nuk e meritojnë as besimarët e devotshëm, as xhemati, as punëtorët e Bashkësisë Islame në Suharekë dhe as imami Muhamet Paçarizi.
Suhareka, sikurse e tërë Kosova, ka nevojë për zhvillim të përgjithshëm, arsimim kualitativ, vende të reja pune, zhvillim shpirtëror dhe perspektivë.
Nuk ka nevojë për incidente të asnjëlloj natyre, e aq më pak incidente në vendet ku besimtarët i falen dhe i luten Zotit për të mirën e përbashkët.
Burim R.

Blloku nuk ka vendosur për seancë dhe pikën 127

0

DonikaKadaj-Bujupi-aakBlloku LAN dhe VV, ende nuk ka vendosur nëse gjatë javës së ardhshme do të thërrasin seancë për konstituimin e Kuvendit të Kosovës, në rast të heshtjes së Flora Brovines. Blloku nuk ka marrë asnjë vendim edhe për mundësinë e dërgimit të pikës 127 për sqarim në Gjykatën Kushtetuese.

Koalicioni LDK-AAK-Nisma dhe Vetëvendosje, nuk kanë bërë të ditur nëse do të thërrasin seancë në Kuvendin e Kosovës, gjatë javës së ardhshme në qoftë se kryesuesja Flora Brovina, nuk e bënë një gjë e tillë.

Zyrtarë të Aleancës për Ardhmërinë e Kosovës (AAK), parti kjo e cila nga koalicioni LAN, ka të nominuar kryetarin Ramush Haradinaj për kryeministër të vendit, kanë thënë se ata do të vazhdojnë si shumicë parlamentare për ndryshim në vend, por nuk kanë treguar nëse gjatë javës që vjen do të tentojnë të zgjidhin kryesinë e Kuvendit.

Donika Kadaj-Bujupi nga deputete e AAK-së, ka thënë për lajmi.net se Kosova nuk mund të mbetet peng e individëve dhe se ata do të vazhdojnë përpjekjet e tyre si shumicë parlamentare.

Por e pyetur nëse do thërrasin seancë dhe do të provojnë të zgjedhin kryesin e Kuvendit, ajo ka thënë detajet do të bëhen të ditura nga liderët e partive.

“Askush nuk ka të drejtën ta bllokojë çështjen e konstituimit të organeve në Kuvend, sidomos këtë të drejtë nuk e kanë një pakicë parlamentare e cila tash e katër muaj po e mban vendin peng duke mos lejuar formimin institucionet aq të nevojshme”.

“Kjo po shihet edhe në Raportit e Progresit që tregon se ky vend kërkon ndryshime substanciale. Prandaj veprimet tona do të jenë në këtë frymë dhe konform interesave të qytetarëve të Kosovës, duke vazhduar rrugëtimin tonë si një shumicë absolute parlamentare, në konstituimin e Kuvendit të cilat do ti hapin dyer edhe formimit të qeverisë së re”.

“Detajet do t’i u bëjmë të dituar gjatë javës, unë sot nuk mund të flas për detaje ato do të bëhet të ditura nga liderët pas takimeve të radhës dhe vendimeve të marra”.

“Nëse zonjën Brovina e kap skleroza po e them hipotetikisht edhe nuk e thirr asnjëherë seancën, kjo nuk do të thotë që Kosova duhet të mbetet pengë i një individi ose një mosgatishmërie për të vepruar konform rregullores së Kuvendit, konform ligjeve në fuçi”, ka thënë ajo.

Kadaj-Bujupi, nuk ka treguar nëse blloku ka marrë ndonjë vendim për ta dërguar në Gjykatën Kushtetuese, për sqarim pikën 127.

Ka thënë se edhe për këtë do të njoftojnë me kohë, ndërkaq është shprehur se pika 127 për kundër brishtësisë së saj, është pikë e cila ofron mundësi për daljen nga situata e tanishme.

Policia në Prizren, largon lëmoshë-kërkuesit nga vendet publike

0

LypsariNë Komunën e Prizrenit, Policia e Kosovës ka nisur një aksion për largimin e lëmoshë-kërkuesve nga vendet publike.

Me këtë rast, vetëm ditën e djeshme PK ka shoqëruar në stacion policor pesë shtetas të Shqipërisë, dy meshkuj si dhe tri femra.

Pas inicimit të procedurës për kundërvajtje, të dyshuarit janë liruar.

NO BEL PRIZE/ Përse nuk e mori Kadare?

0

IsmailKadare6-30Rudolf Marku: Gjykojeni Nobelin nga munguesit e mëdhenj

ismail kadare 2 (1)Ashtu siç ndodh që kriteri i vlerësimit të një Antologjie Letrare bëhet jo nëpërmjet autorëve që janë përfshirë në Antologji, sesa nga autorët që nuk janë përfshirë, po ashtu dhe çmimi “Nobel” do të duhej të gjykohej nga munguesit e mëdhenj të tij. Në vitin e hershëm 1901, për herën e parë çmimi “Nobel” i jepet Sully Prudhomme-it, një poet dhe eseist francez. Dhe të mos harrojmë që asokohe dy gjigantë të letërsisë botërore, që peshojnë sa 1000 Prudhomme të marrë së bashku- Lev Tolstoj dhe Anton Checkov- janë të gjallë dhe u mohohet çmimi. Jashtë çmimit “Nobel” kanë mbetur po ashtu dhe Henrik Ibsen, Mark Twain, August Strindberg (të cilit iu dha ironikisht një çmim anti-Nobel nga admiruesit e tij të shumtë), Marcel Proust, Franc Kafka, Cavafy, Ezra Pound, James Joyce, W.H. Auden, R.M.Rilke, L.F. Cèline, Pessoa, E. Waugh, Salinger, John Updike, R. Bolâno, Ismail Kadare…Më e drejtë se këta shkrimtarë të shquar kanë mbetur jashtë çmimit “Nobel”, do ishte të thuhej se në të vërtetë është çmimi “Nobel” që ka mbetur jashtë tyre…Fatkeqësisht, balanca e shkrimtarëve të shquar që nuk e kanë marrë çmimin “Nobel” peshon shumë më tepër nga shkrimtarët shpesh mesatarë, madje ndonjëherë edhe të panjohur, që janë nderuar me këtë çmim. Shumë pak e dinë se një shkrimtar finlandez i quajtur Frans Eemil Sillanpää, apo një shkrimtare amerikane e quajtur Pearl Buck, janë fitues të çmimit “Nobel”. Në vitin 1917, “Nobel”-i iu dha madje dy shkrimtarëve njëherësh, sikur Akademia të qe e vetëdijshme se asnjëri prej tyre veçmas nuk përbënte një shkrimtar me aq dinjitet sa të meritonte çmimin prestigjioz (Karl Adolp Gjellerup, poet dhe Henrik Pontoppidan, prozator danez). Kritikët e çmimit “Nobel” kanë folur për konjukturat politike në përzgjedhjen e fituesve të “Nobel”-it. Akademia suedeze, e cila shpeshherë është një refleks i psikës socialdemokrate suedeze të political correctness, ka refuzuar të përkrahë shkrimtarin e shquar Salman Rushdie në vitin 1989, pasi Ayatollah Khomeini lëshoi fatwa-në famëkeqe për vrasjen e shkrimtarit. Dy anëtarë të Akademisë, në shenjë proteste, patën dhënë dorëheqjen. Zgjedhja e vitit 2005 ndoshta mund të ketë qenë njëra ndër zgjedhjet më të këqija, së bashku me zgjedhjen e italianit Dario Fo. Harold Pinter është një dramaturg pa origjinalitet dhe pa forcë, një shkrimtar që, për nga format shprehëse, endet mes S.Becket-it dhe E. Jonescos, por pa patur imagjinatën dhe forcën e sarkazmës së asnjërit prej tyre. Shumëkush e shpjegoi zgjedhjen e tij për arsyen e kundërshtisë skenike që Pinter i pat bërë pushtimit të Irakut dhe politikës së jashtme amerikane. Ndërsa zgjedhja e artistit performativ italian, Dario Fo, vetëm e vetëm pse ai është kundër katolicizmit, është shpërblimi më i dyshimtë i mediokritetit artistik.

Dy vite më parë çmimi iu dha shkrimtarit kinez Mo Yan. Është në nderin e shkrimtares gjermane, Herta Muller (edhe ajo fituese e “Nobel”-it) të tallej për këtë zgjedhje. Shkrimtari argjentinas Jorge Luis Borges ka qenë i nominuar disa herë për çmimin “Nobel”, por Akademia ia ka refuzuar dhënien e çmimit për shkak të përkrahjes që ai i paska dhënë të djathtës kiliane (e pavërtetuar kurrë), në një kohë që po kjo Akademi ka nominuar shkrimtarë që haptazi kanë përkrahur Stalinin dhe diktatura të majta (rasti i Sartre, Nerudës dhe Shollohov)…Krijimtaria e shkrimtarit Ismail Kadare e ka merituar prej vitesh çmimin “Nobel”, dhe kjo nuk përbën më asnjë sekret për njohësit e mirë të letërsisë. Por fakti se shkrimtarëve më të mëdhenj iu është mohuar ky çmim, shpjegon arsyet përse një shkrimtari si Kadare,vepra e të cilit i ka folur dhe vazhdon t’i flasë me një zë sa origjinal aq dhe të fuqishëm njeriut të sotëm modern, i mohohet përsëri çmimi “Nobel”. Kadare ka folur dhe vazhdon të flasë nga një vend dhe nga një gadishull i mbushur me tragjedi njerëzore, nga një vend që paragjykohet- me dashje dhe padashje- në mediat e botës, duke u bërë pre e ca stereotipeve të mendësisë së klasit të katërt. Dhe në krijimin e këtyre stereotipeve kemi kontribuar dhe vazhdojmë të kontribuojmë me një zell të frikshëm dhe ne shqiptarët, me snobizmin tonë provincial, tek besojmë se të gjitha fatkeqësitë ndodhin vetëm në shtëpinë tonë, dhe se vetëm shkrimtarët që marrin çmimin “Nobel” janë vërtet shkrimtarët më të mëdhenj, dhe se vetëm shkrimtarët që kanë emra të huaj janë shkrimtarët më të shquar…

Ylljet Aliçka: Ne, jo Kadare, kemi nevojë për këtë çmim

Më duket e pamundur të gjejmë apo gjykojmë arsyen se pse Kadare apo çdokush tjetër kandidat nuk e fiton çmimin “Nobel”.

Por, nëse na duhet të kërkojmë anën pozitive të humbjes së radhës, them se kjo gjendet te fakti që për dekada me radhë, një autor shqiptar që shkruan në gjuhën shqipe është i pranishëm në listën e të nominuarve për çmimin “Nobel”.

Veçse për ne shqiptarët, zhgënjimi do ishte më i madh, nëse (është thjesht hamendësim) mosdhënia nuk buron nga vlerësimi estetik apo nga ajo që Komisioni Nobel nderoi shkrimtarin Modiano, pra “nga arti i kujtesës që zbulon universin e pushtimit” (nuk di që kjo vlerë t’i ketë munguar ndonjëherë veprës së Kadaresë), por nga ndonjë paragjykim i mundshëm.

Hamendje e tillë më vjen ndër mend kur kujtoj se çmimi “Nobel” i është dhënë dhe një shkrimtari që, as më shumë e as më pak, propozoi “ndarjen e Shqipërisë mes Italisë dhe Jugosllavisë dhe shpërnguljen e shqiptarëve myslimanë në Turqi” (Bogdan krizman:1977, L’analyse du Dr Ivo Andriç sur l’albanie de l’anne 1939, vol 2, Zagreb, P.77-89).

Vetë historia e çmimit “Nobel” është karakterizuar nga polemika dhe kontestime të nxehta, ku jo rrallë kriteri i “idealizmit”, i fiksuar në testamentin e Alfred Nobel-it, është kompromentuar nga konsiderata politike apo gjeografike.

Sipas shkrimtarit Philippe Roth, çmimi “Nobel” më shumë bazohet te “vlera e perceptuar e drejtësisë shoqërore, sesa te cilësia letrare”, ndërkohë që sipas kritikut të njohur Laroche “çmimi Nobel po merr një dimension të theksuar diplomatik”.

Vetë përfaqësuesit e Akademisë mbrohen se “ne mbështetemi te vlera letrare, por është opinioni publik e ai mediatik që bën interpretime të tilla politike”.

Sidoqoftë, njihet fakti se Akademia Nobel pranon që ka gabuar jo rrallë me disa monumente të letërsisë universale si: Prust, Lorka, Rilke, apo me motive jashtë sferës letrare, të tilla si: aksh shkrimtar është përkrahës i së djathtës, (Ezra Pound, Borhes), një tjetër përkrahës i së majtës (Gorki), dikush antisemit (Celine) apo një tjetër ithtar i eksentrizmit fetar (Tolstoi…).

Në mbyllje, them se ne s’kemi gjë në dorë të ndikojmë te komisioni gati hermetik i çmimit “Nobel”, as t’i themi Kadaresë shkruaj më mirë që t’i bindësh anëtarët e Komisionit, por të paktën kemi mundësi të mos e shajmë lart e poshtë, pasi më shumë se Kadare, jemi ne shqiptarët e tjerë që kemi nevojë për këtë çmim.
Visar Zhiti: Nobeli, nuk i jepet vetëm shkrimtarit…?

Nuk do të doja ta komentoja çmimin “Nobel” pasi shpallet, nuk ka kuptim, sipas meje, nuk ndryshon asgjë, edhe kur shkon atje ku nuk pritej. Është e drejta supreme e atyre që e japin, por meqenëse jam pyetur, po vazhdoj të them diçka, lidhen me të tjerë dhe, i mendoj më me interes se ajo që mund të thosha vetë.

Jam ndodhur në shtëpinë e akademikut, piktorit Ibrahim Kodra në Milano, kur atij i vjen letra akademike që të propozonte me shkrim një emër për Nobelin e atij viti. “Do propozoj dy, – tha maestro Kodra, – Ismail Kadare dhe Carbo Bo… Kadare është djalë i talentuar”, po shpjegonte gjithë dashamirësi dhe duke qenë i moshuar, i shkonte ajo e folur. Ishte viti 1991 dhe bëja një kurs specializimi në gazetën “Corriere della Sera”, mbaj mend kur e gjithë salla e “insertit kulturor” priste me padurim shpalljen e Nobelit të atij viti. Bënin si tifozët e sportit. Gazetari i njohur Cesare Medail, në çantën e tij të shpinës kishte futur libra të autorëve mëtues të çmimit, t’i kishte gati për ç’mund t’i duhej, kur të bënte shkrimin me ngut. Kishte dhe Kadarenë në çantë. – Hë, si thua, do ta merrni? – m’u drejtua mua me zë të lartë nga kreu i sallës, teksa po hapte kompjuterin e tij. – Ne, italianët, nuk kemi këtë vit…– E meritojmë, – i thashë.

Po prisnin orën, kur një gazetare e vjetër klithi: – Një grua më së fundi, pas kaq vitesh, Nadine Gordimer. Ndoshta ngaqë u trishtova që nuk iu dha Nobeli bashkatdhetarit tim, gazetari Cesare Medail më tha që ta zgjidhja unë fotografinë e shkrimtares jugafrikane Gordimer që do të shoqëronte artikullin. Zgjodha një ku ajo ishte me qenin e saj dhe i dukeshin gjunjët, kështu është botuar atëherë në “Corriere della Sera” dhe ai, Cesare Medail, duke u ndjerë mik me mua, më tha me zë të ulët: – Kadare e meriton, por aq sa i jepet shkrimtarit, i jepet dhe popullit të tij. Ju nuk jeni gati… Shtanga. Ai si italian ndoshta kishte parasysh ikjet masive të shqiptarëve në ambasada, me ato anijet-fantazma, stadiumet ku i mbyllën si në kampe përqendrimi. Arrita t’i them pak a shumë kështu që, sipas tij, ne qenkëshim gati vetëm për të mos e marrë Nobelin, por kjo është një lloj padrejtësie. Ai qeshi hidhur. S’e kam harruar, megjithëse kanë kaluar më shumë se 20 vjet e ne prapë nuk qenkemi gati?! Të jetë vërtet kështu? Që populli ka shkrimtarët që meriton dhe e anasjellta, që shkrimtarët kanë popullin që meritojnë? Të dy palët bëjnë njëri-tjetrin? Dëshpërohem nga mendime të tilla, por të gjithëve na duhet letërsia e mirë dhe me mundime, duke pritur me shekuj, po e kemi.

Në fund të fundit, çmimi “Nobel” paradoksalisht është dhe i padrejtë, se e meritojnë shumë e më shumë shkrimtarë nëpër botë, një pjesë e meriton më shumë se fituesit, sipas një pjese, por e merr vetëm njëri, i cili nuk ia “rrëmben” askujt dhe nuk mposht “kurrkënd”, siç ndodh dhe të trajtohet ndonjëherë.

Rishoh motivacionin e botuar për shkrimtarin e 2014, Patrick Modiano:“Për artin e të kujtuarit… O Zot, mos ne jemi popull që harrojmë më shumë?… ka evokuar fatet njerëzore më të vështirët për t’u kuptuar…pra letërsia është e atyre që e pësojnë historinë dhe jo e atyre që e bëjnë historinë. Jo në anën e më të fortëve, të fitimtarëve, të shtetit. Po letërsia është letërsi, ç’punë ka me halle të tilla? Është fjala për frymën e saj… dhe ka zbuluar universin e pushtimit… atë nazist të Francës, kështu po thuhet, por sipas meje të çdo pushtimi, dhe të atij nga vetvetja, më e keqe, nga diktaturat.
Agron Gjekmarkaj: Kadare, një klasik që bën edhe pa Nobelin

Të gjykosh Nobelin rrezikon të konsiderohesh delirant, diletant duke i siguruar vetes një shumicë absolute kundra. Pyetja ‘kush je ti?’ ‘kush është ky?’ të bie mbi kokë me lehtësinë e një shikimi!? Kjo gjithandej, ndërsa në Shqipëri pak më tepër për faktin se një shkrimtar shqiptar qysh nga fundi i viteve ‘70 diskutohet për këtë çmim. Fituesin e shpallur të enjten, një shkrimtar francez, nuk e njoh. E kisha dëgjuar si emër, por si shumë të tjerë që në momentin e parë nuk ke ndonjë interes t’i memorizosh dhe di që ka një libër të botuar në shqip. Natyrisht, kjo mosnjohje nga ana ime nuk e ka penguar atë të marrë Nobelin. Rastësi, paragjykim, mungesë informacioni apo të gjitha bashkë, nuk e kishin bërë të njohur për mua. Ky fakt nuk u heq asgjë cilësive të këtij shkrimtari, që më sa duket, Akademia e Nobelit ia ka njohur nëpërmjet aktit të saj. Stokholmi befasoi në zgjedhje sepse zakonisht ruan disa kritere gjeografike, kontinentale le t’i quajmë. Pak vite më parë një tjetër shkrimtar francez, Le Klezio ishte nderuar me çmimin e madh e të paktën për mua ishte shumë më i njohur sesa Modiano, ndonëse edhe për atë pat një ndjesi surprize. Pra Franca, dy herë në harkun e pak viteve. Natyrisht, vendimi i jurisë më nxit t’i gjej dhe t’i lexoj sa më parë veprat kryesore të këtij autori. Kam bërë të njëjtën gjë kur u shpall nobelist edhe shkrimtari kinez Mo Yan, i cili në gjykimin tim ishte një shkrimtar interesant, por jo në atë lartësi përfytyrimi që kemi për Nobelin. Enigmatike janë shfaqur ndonjëherë vlerësimet e jurisë së famshme suedeze. Tolstoi nuk e ka marrë për shembull çmimin “Nobel”, ndërsa Karduci e Grazia Deleda me shumë më pak peshë dhe ndikim, po. Prusti jo e Prudom po, një habi kjo për vetë francezët. Xhoisi, Kafka, jo e Curcill me kujtimet e tij po (kujtime të mrekullueshme, por çmimin e ka marrë në letërsi). Lui Borges, Kortasar, Fuentes, Sabato, shkrimtarë të përbotshëm jo, është gjetur gjithmonë një vjegë për të justifikuar mosdhënien, ndërsa Dario Fo, një dramaturg jo aq i rëndësishëm po, ndërkohë që italianët do kishin preferuar ku e ku më shumë Dino Buzatin, Alberto Moravian, Mario Luzin, Sanguinetin etj. Pritshmëria e lexuesve duke gjykuar nga çmimet ndërkombëtare, botimet, përkthimet, opinionet kritike, fama pse jo edhe bastet nëse duam, prej disa vitesh shkonte te Kadare, Kundera, Murakami, Filip Roth, Amos Oz, Adonis a ndonjë tjetër, por nuk mbërrinte te Modiano. Por ajo që ne shqiptarëve na intereson më tepër është raporti ynë me këtë çmim, dmth raporti i Kadaresë. Ky shkrimtar i përfolur qysh nga fundi i viteve ’70, pra prej disa dekadash, duket sikur çdo vit ka bërë “faj” që nuk e merr! Por harrojmë të mendojmë se gjatë këtyre dekadave kultura shqipe, letërsia e saj, më i rëndësishmi shkrimtar i saj është aty, prezent në tavolinën e vogël në majë të diskutimit. Cilat janë arsyet që kurora nuk mbërrin? Me siguri nuk mund ta dimë kurrë, por të hamendësojmë nuk e kemi të ndaluar. Një gjë është e qartë për çdo lexues të emancipuar: vepra e Ismail Kadaresë si cilësi letrare dhe si kontribut për mendimin njerëzor prej kohësh mund ta kishte fituar atë, e thënë kjo në raport me historinë e letërsisë, apo me fitues të ndryshëm. Gjuha shqipe si një gjuhë e vjetër e këtij kontinenti e meritonte Nobelin e saj. Por, ajme, gjuhë e vogël e një shteti të vogël shpesh ngatërrestar e të paorientuar qartë gjatë historisë, nga ato shtete të gjykuara si problematike, nëse referencë kemi kohën nga pavarësia e këndej. Shtetet e mëdha e kanë më efikase fuqinë e lobimit, për të mos folur se ndonjëherë lobojmë edhe kundër vetvetes me cicmicet tona pëshpëritëse. Një pyetje që mund të shtrohet: Nobeli, a e bën Kadarenë shkrimtar më të mirë? Sigurisht që jo, thjesht e bën pjesë të një liste më të veçantë. Eskili, Dante, Shekspiri, Balzaku apo Hygoi nuk jetuan në kohën kur harlisej Nobeli e me ç’duket, nuk ia ndiejnë mungesën e pavarësisht se nuk janë nobelistë, mendimi njerëzor nuk bën dot pa ta. Po letërsinë bashkëkohore, a kemi kurajë ta mendojmë pa Xhojsin dhe Borgesin? – Jo, ndonëse nuk janë nobelistë. Unë mendoj që Ismail Kadare është tashmë një klasik i letërsisë botërore, nuk e di nëse do ta marrë ndonjëherë Nobelin, ndonëse e dëshiroj, por as i lutem Zotit në ndonjë kishë, si Mira Meksi, që ta marrë, sepse ai gjithmonë besoj që do të lexohet si Kadare me apo pa “Nobel”, ashtu siç lexohen të gjithë shkrimtarët e mëdhenj të racës e siç harrohen edhe në vendin e tyre ata që nuk janë të tillë, qoftë edhe me Nobelin ngarkuar në kurriz. Pa mëdyshje që do të gëzohesha nëse Nobeli do të kishte mbërritur në Shqipëri. Për të kundërtën asnjëherë, e kundërta është mazokizëm, frustrim./Mapo/

Sot është Dita Ndërkombëtare e Vajzave

0

Dita e vajzaveSot është Dita Ndërkombëtare e Vajzave.

Më 19 dhjetor të vitit 2011, Asambleja e Përgjithshme e Kombeve të Bashkuara ka miratuar Rezolutën 66/170, me të cilën ka shpallur 11 tetorin Ditë Ndërkombëtare të Vajzave.

Kjo ditë ka për qëllim të njohë të drejtat e vajzave dhe sfidat me të cilat përballen ato.

Tema e këtij viti është “Fuqizimi i vajzave adoleshente: Fundi i ciklit të dhunës”.

LDK: Ramadan Muja po e shkatërron Prizrenin

0

LDK-zyraLidhja Demokratike e Kosovës(LDK) në Prizren, ka reaguar rreth një varg dëmesh që po i shkakton qeverisja e kryetarit Ramadan Mujës.

“Qeverisja e të dënuarit Ramadan Muja tani më ka humbur të gjithë kuptimin e një qeverie funksionale. Prizreni dhe vet institucioni i komunës tani më ndodhët në një anarki totale ku askush nuk jep përgjegjësi për as gjë. Përkundrazi, secili në mënyrën dhe dëshirën e vetë ndërton dhe shkatërron gjithëcka ku do ku i konvenon. Shkatërrimi i qendrës historike të qytetit të Prizrenit tani më nuk është lajm, ajo tani më veç është shkatërruar dhe degraduar. Falë bakshishit të të dënuarit Ramadan Muja dhe vartësve të tij nostalgjinë për të shkuarën e bukur të Prizrenit mundemi ta shuajmë në fotografi “, thuhet në komunikatë të LDK-së në Prizren.

“Kur anarkia e Ramadan Mujës lejon shkatërrimin e qendrës historike të qytetit, ku shtëpitë shekullore janë zëvendësuar me objekte shumë katërshe betoni e ku kalldrëmi është zëvendësua me rrasa guri, logjikisht shtrohet pyetja a thua cila është gjendja në pjesët periferike të Prizrenit ?!.
Natyrshëm se kjo gjendje është shumë e dhimbshme . Përkundër ndërtimeve pa leje në prona private dhe në ato me pronësi të dyshimtë, kjo anarki që e ka kaplua Prizrenin në qeverisjen e të dënuarit Ramadan Muja, tash e sa vjet për interesa të përfitimit të tyre, po lejon edhe uzurpimin e pronës publike që i takon interesit kombëtar . ! “.

“Që nga Krusha e Vogël e deri në stacionin e trenit hekurudha e Kosovës si pjesë e pasurisë publike është e uzurpuar. Ky uzurpim është i theksuar që nga rruga e fshatit Atmaxhë e deri në stacionin e fundit . Vetëm në pjesën e Arbanës shumë ndërtime janë lejuar dhe sot veprojnë me lejen e anarkisë, ku përveç mbulimit me zhavorr kemi edhe mbulimin e hekurudhës me asfalt, aty kemi një pompë karburanti që ka varros hekurudhën”.

“Në mungesë të veprimit institucional, nga të gjithë qytetarët e komunës së Prizrenit kërkojmë bashkëpunim në demaskimin dhe luftimin e të keqes së përbashkët. Ky njeri i dënuar, ky pushtet i korruptuar po i numëron ditët e fundit në pushtet. Prizrenin e presin ditë të mira, por pasojat nga kjo anarki shumë gjatë do ti vuajmë së bashku “./PrizrenPress.com/