Monitoruesja e Ekzekutivit të Prizrenit nga OJQ “Ec Ma Ndryshe”, Elmedina Baxhaku, thotë se vendimi i kryetarit të Prizrenit, Ramadan Mujës për ndalimin e përdorimit të veturave nga shtëpia për në punë dhe anasjelltas nuk është duke u respektuar.

“Një vendim i tillë le edhe shumë për të dëshiruar, ngase prej qe është marrë vendimi, që nga fillimi nuk është duke u zbatuar nga shumë zyrtarë të tij”, tha Baxhaku për ‘Zërin’.
Sipas saj kryetari Muja duhet ta jetësoj këtë vendim duke mos anashkaluar dhe bërë selektime, tek asnjë nga zyrtaret e tij.

Kryetari i Prizrenit Ramadan Muja në fillim të mandatit të tretë ka marrë vendim që t’i ndalojë drejtoëret e Ekzekutivit që t’i përdrin vetuart zyrtare për në shtëpi. Por, ky vendim deri më tash nuk është respektuar. /PrizrenPress.com/

Nënkryetari i partisë NISMA për Kosovën, Jakup Krasniqi shkuarjen në zgjedhje të jashtëzakonshme për të dalë nga ngërçi politik nuk e sheh të nevojshme.

Kjo pasi që sipas tij ekziston shumica parlamentare e përbërë nga katër parti politike dhe se institucionet mund të krijohen nga këto parti.

“Do të duhej të shkohet në zgjedhje nëse nuk do të ekzistonte shumica parlamentare. Nuk ka nevojë të shkohet në zgjedhje sepse ekziston shumica parlamentare dhe mendoj se zgjedhja e ngërçit është e mundshme përmes Bllokut”, ka thënë Krasniqi për “Zëri”.

Sa i përket asaj se nëse zgjedhjet mbesin alternativa e fundit për të dalë nga ky ngërç, Nisma, do të shkojë e vetme apo si Bllok, Krasniqi ka thënë se një gjë të tillë nuk e kanë diskutuar asnjëherë.

“Nuk e kemi diskutuar sepse nuk e kemi parë të nevojshme shkuarjen në zgjedhje. Por nëse një gjë e tillë ndodhë atëherë mbetet ta shqyrtojmë pasi që deri më tani nuk e kemi diskutuar”, ka thënë ish kryeparlamentari Krasniqi.

Që nga shpërbërja e Kuvendit të Kosovës apo mbajtja e zgjedhjeve të 8 qershorit, shumë procese që i duhen vendit kanë stagnuar.

Kjo ka ndodhur si pasojë e ngërçit politik dhe mosmarrëveshjeve ndërmjet partive politike bllokut opozitar dhe PDK’së në anën tjetër.

Si pasojë e moskrijimit të institucioneve, tash e disa muaj shumë procese po konsiderohen si të dështuara, e në mesin e tyre edhe procesi i përafrimit të vendit me Bashkimin Evropian dhe liberalizimi i vizave.Analistët politik vlerësojnë se e gjithë përgjegjësia për dështimin e shumë proceseve i takon spektrit politik të vendit dhe problemeve që ata kanë mes vete. /Kosova Sot/

Këshilltari i parë i Ramush Haradinajt, Avni Arifi, ka thënë se nëse PDK-ja e Thaçi mendon se vetëm me ndërhyrjen e ndërkombëtarëve mund të qeverisë në mandatin e ardhshëm, atëherë ky sipas Arifit, është një lajm i keq për Kosovën.

“Shpresoj që nuk nevojitet ndërhyrja e ndërkombëtarëve, por PDK shpresoj se do të reflektoj dhe do të hapë rrugë Bllokut për krijimin e institucioneve. Nëse kemi të bëjmë me një parti, që mendon se vetëm ndërkombëtarët duhet me i folë në gjuhë të huaj e me marrë vesh, është lajm i keq për Kosovën. Nëse shpresa e Partisë Demokratike të Kosovës, për me mbet në pushtet është që ndërkombëtarët do t’ia mundësojnë me qeverisë, ky është shumë lajm i keq për Kosovën”, ka deklaruar Arifi për “zeri.ino”.

Sipas tij, Kosova vetë duhet t’i zgjidh problemet dhe punët e veta dhe në asnjë mënyrë, Bashkësia Ndërkombëtare nuk duhet të ndërhyjë apo të ndryshoj vullnetin politik të deputetëve të Kuvendit të Kosovës.

“Do të ishte befasi në rast se Bashkësia Ndërkombëtare kërkon nga deputetët e Parlamentit të Kosovës që të votojnë kundër vullnetit politik të tyre. Koalicioni është në një vend sovran dhe të pavarur, po flasim se ne në logjikën tonë ne po rezonojmë ende sikur Kosova me qenë e menaxhuar nga UNMIK-u, por po flasim për rolin e Bashkësisë ndërkombëtare, është e pa imagjinueshme që në Kosovën e pavarur dhe sovrane të jetë dikush nga Bashkësia Ndërkombëtare dhe të urdhëroj deputetët e Parlamentit të Kosovës që të votojnë për një person që të jetë kryetar i Parlamentit, kushdo qoftë ai. Për mua është e paimagjinueshme dhe kish me qenë një situatë shumë e habitshme. Ne insistojmë në të drejtën tonë, ne insistojmë në vullnetin politik të deputetëve dhe vullnetin e lirë të tyre. Problemin që e ka Kosova sot me kryeparlamentarin, qëndron te fakti se askush nuk dëshiron të jetë partner i Partisë Demokratike të Kosovës, si rezultat i dëshmive të Partisë Demokratike të Kosovës si partner i keq. Unë thjeshtë nuk pres një gjë të tillë”, deklaroi tutje Arifi.

Arifi po ashtu ka thënë se në Kosovë është krijuar një kulturë e keqe që për çdo problem t’i drejtohemi Bashkësisë Ndërkombëtare, i cili shtoi se ka ardhur koha që Kosova dhe kosovarët duhet ti zgjedhin vetë problemet e tyre dhe të mos presin nga askush.

Policia e Kosovës ka regjistruar aksidente me 22 të lënduar në 24 orët e fundit. Prej tyre, në fshatin Reshtan të Suharekës, një person duke lëvizur me veturën e tij me targa civile duke mos e përshtatur shpejtësinë e lëvizjes me kushtet e rrugës e humb kontrollin, del jashtë rruge dhe godet një shtyllë elektrike.
“Si pasoj e aksidentit përveç dëmeve materiale lëndime trupore pësojnë ngasësi dhe një pasagjer mashkull shqiptar të cilët pasi marrin tretmanin mjekësor në Spitalin e Prizrenit lirohen”, njofton Policia e Kosovës.

Në Suharekë ka nodhur edhe një tjetër aksident me të lënduar. Konkretisht në fshatin Duhël, rreth orës 07:30 të ditës së djeshme, raportohet se i dyshuari mashkull shqiptar duke lëvizur me veturën VË Bora nga pakujdesia dhe mos përshtatja e shpejtësisë së lëvizjes me kushtet e rrugës, ka dal nga rruga me ç’rast ka shkaktuar vet aksident.
Si pasojë e aksidentit, ngasësi ka pësuar lëndime trupore dhe i njëjti ka pranuar tretman mjekësor.
Në fshatin Zhabar i Ulët të Mitrovicës, raportohet se ka ndodhur aksident trafiku në mes dy veturave civile.

“Deri tek aksidenti ka ardhur kur i dyshuari shqiptar duke lëvizur me veturën Opel nga pakujdesia ka goditur veturën Honday me ngasëse viktimën femër shqiptare. Si pasojë e aksidentit përveç dëmeve materiale, lëndime trupore ka pësuar viktima e cila dërgohet në spitalin e Mitrovicës për tretman mjekësor”, thuhet në raportin e Policisë së Kosovës, përcjell koha.net.
Në Vushtrri raportohet se një burrë duke lëvizur me veturën Mercedes me targa lokale nga pakujdesia dhe mos përshtatja e shpejtësisë me kushtet e rrugës ka goditur veturën Opel Zafira me targa lokale të cilën e drejtonte një burrë.

“Si pasojë e aksidentit një pasagjere femër, e mitur ka pësuar lëndime trupore dhe e njëjta është dërguar në QKUK-Prishtinë për tretman mjekësor”.

Një tjetër aksident është ai i fshatit Ternovc të Mitrovicës, kur një shofer duke lëvizur me veturën Ford me targa lokale nga pakujdesia dhe mos përshtatja e shpejtësisë me kushtet e rrugës ka goditur veturën VË Pasat me targa lokale të cilën e drejtonte viktima mashkull shqiptar.

“Si pasojë e aksidentit pesë pasagjerë katër femra dhe një mashkull K-Shqiptare kanë pësuar lëndime trupore dhe e njëjta kanë pranuar tretman mjekësor”.

Sekretari i përgjithshëm i LDK-së, Ismet Beqiri thotë analistët para se të vlerësojnë joserioze qasjen e Bllokut VLAN, ndaj situatës në të cilën aktualisht ndodhet vendi, duhet ta vlerësojnë të papërgjegjshëm veprimin e partisë në pushtet.
Ai thotë se kërkesa që seanca të mbahet në mesin e javës është dhënë si një afat për PDK-në që të reflektojë.

“Ne e kemi pasur parasysh që edhe gjatë këtyre ditëve është festë, dhe mbi të gjitha koha më e përshtatshme është menduar që të jetë kjo, pra e enjtja e ardhshme, duke pasur parasysh që është vikendi dhe festa. Besojmë që gjatë kësaj jave do të reflektojnë, do të kthjellen, në të kundërtën pasojat për këto që po ndodhin në vendin tonë, duhet t’i bartin ata që e kanë në dorë të bllokojnë siç po bëjnë deri më tani”, tha deputeti i LDK, Ismet Beqiri.

Ishte analisti Imer Mushkolaj, në mesin e atyre që thoshin se blloku është në konfuzion dhe duhet të jenë më serioz për të mos lënë hapësirë për çfarëdo qasje ndryshe nga PDK.

G.B. është vetëm njëri nga mijëra shqiptarët që edhe këtë vit ia kanë mësyrë kurbetit.

Trendi i shqiptarëve që e kanë kaluar kufirin ilegalisht nga Kosova përmes Serbisë e më pas në Hungari e shtetet e tjera, është më i ulët se vitin e kaluar, por së paku nga 650 qytetarë janë larguar çdo muaj nga Kosova.

Sipas të dhënave të Ministrisë së Punëve të Brendshme të Kosovës, që nga janari i këtij viti e deri në qershor, numri i azilkërkuesve të rinj nga Kosova në shtetet e Bashkimit Evropian ka arritur në 4455 persona.

“Për fat të keq një trend në rritje është sidomos në muajt korrik, gusht që i ka shprehur shqetësimet edhe ambasadori i Hungarisë që është rritur fluksi i shkuarjes në Hungari e sidomos nga dy qytetet, Ferizaj dhe Fushë Kosovë, më shumë nga komuniteti RAE, por edhe shqiptarë që deklarohen apo jo si ashkali, në mënyrë që ta kenë si alibi për të fituar azil edhe pse azili nuk fitohet më”, thotë për gazetën “Zëri” ministri Bajram Rexhepi.

Krahasuar me vitin e kaluar kur nga Kosova në vendet evropiane ishin paraqitur gjithsej 17 mijë e 755 azilkërkues, ky trend sivjet është më i vogël, por prapë sipas ministrit është shqetësues.

“Kemi pasur prioritete të tjera, ndoshta kemi qenë të fiksuar te lufta ndaj islamit ekstrem dhe ndoshta kjo neglizhencë ka mundur të ndikojë”, thotë ai.