Diplomatët e Kosovës, përfshirë edhe disa ambasadorë në disa prej kryeqendrave kryesore të Evropës siç janë Brukseli, Berlini, Berna, Vjena por edhe në Washington, në vend se të përfaqësojnë shtetin e tyre dhe agjendat zyrtare shtetërore, nga Ministri i Jashtëm Hoxhaj dhe Kryeministri në detyrë Thaçi kanë marrë direktiva konkrete dhe janë angazhuar tash 2 muaj intensivisht për të lobuar për PDK-në dhe kundër Bllokut.

Ajo që burime diplomatike në Bruksel dhe Berlin i kanë thënë Gazetës Blic është se diplomatët po kërkojnë edhe takime të veçanta me diplomatë dhe udhëheqës referatesh për Ballkin ku në mënyrë eklatante po ua keqinterpretojnë situatën e krijuar në Kosovë duke tentuar që t’i bindin zyrtarët ndërkombëtarë se kinse “humbësit e zgjedhjeve duan të bëhen fitues”.
Jo pak diplomatë të huaj ndjehen të habitur kur dëgjojnë se PDK-ja nuk ka dalur fitues e zgjedhjeve e vetme por në koalicion me tri parti tjera, përfshirë edhe “një parti me agjendë fetare islamike” dhe se diplomatët kosovarë kur i“informojnë“ nuk ua thonë këtë.

Poashtu në bisedat e tyre diplomatët nga Kosova (emrat e të cilëve Gazeta Blic i ka dhe në ditët në vijim do t’i botojë) përmendin faktin se koalicioni paszgjedhor i ka të “siguruara” votat në Kuvend. Në vend të kësaj vëtëm u thonë se “Hmbësit e zgjedhjeve po mundohen në mënyrë anti- kushtetuese të vijnë në pushtet”.
Në anën tjetër një burim i lartë diplomatik në Bruksel e ka quajtur bukur “naive” këtë sprovë të Prishtinës për të “lobuar” për rrethanat e brendshme politike.

“Ne i kemi në Kosovë edhe në nivel nacional edhe në atë multilateral përfaqësuesit tanë. Dhe është naive kur kjo gjë ose harrohet ose të mendohet që s’jemi të informuar për rrethanat në Prishtinë. E tëra është për keqardhje”, ka thënë ky burim diplomatik për Gazetën Blic.

Përndryshe nuk ka nevojë këtu të thuhet se si në të gjtiha shtetet demokratike edhe diplomacia e Kosovës do të duhej t’i shërbejë shtetit e jo ndonjë partie politike. Por sikur edhe disa institucione në Kosovë, ku do të duhej të jenë të pavarura, nga partia në pushtet -PDK-ja , edhe diplomacia e Kosovës që është vënë tërësisht në shërbim të partisë. /Gazeta Blic

Zgjedhjet e jashtëzakonshme po shihen si alternativa e vetme për të dalë vendi nga kriza politike. Barrikadimi i LVAN-it dhe PDK-së rreth pozitës së kryeparlamentarit, po e dërgon pashmangshëm vendin në zgjedhje të reja.

Ky opsion tashmë nuk po përjashtohet as nga partitë politike.

Të dy blloqet LVAN dhe PDK shprehin besimin se do të triumfojnë në rast se do të mbahen zgjedhjet e reja.

Sekretari i LDK-së, Ismet Beqiri ka thënë për ORAionfo se PDK-në përfundimisht do ta dërgojnë në opozitë në rast se vendi do të shkojë në zgjedhje të reja.

Në këto zgjedhje partitë e Bllokut, LDK-AAK-NISMA pritet të hyjnë me një listë të vetme zgjedhore

Megjithatë sipas tij, Kosova ka shumicë Parlamentare dhe nuk ka nevojë të shkojmë në zgjedhje.

“Por nëse nuk ka alternativë tjetër, jemi të bindur që do ti fitonim zgjedhjet dhe PDK sikurse që për ne tani veç janë në opozitë, dhe pas zgjedhjeve eventuale PDK do të ishte në opozitë”, ka thënë Beqiri. /orainfo/

Lëvizja Vetëvendosje që është pjesë e koalicionit paszgjedhor me partitë, LDK, AAK dhe Nisma nuk do t’i përgjigjet ftesës së presidentes, Atifete Jahjaga, për t’u takuar së bashku me të gjithë liderët politikë.

Zëdhënësi i Vetëvendosjes, Erzen Vraniqi, ka thënë për “Radion Evropa e Lirë”, se udhëheqësit e Vetëvendosje!-s, nuk do të ulen në një tavolinë me liderin e Partisë Demokratike të Kosovës, Hashim Thaçi.

“Ne nuk e shohim PDK-në si zgjidhje të problemit apo bisedën me të, por e shohim si vet problemin. Është qeverisja e PDK-së, që e ka katandisur Kosovën në këtë gjendje edhe ky ka qenë qëllimi pse blloku është bërë bashkë dhe pastaj edhe Lëvizja Vetëvendosje e ka nënshkruar marrëveshjen e 10 shtatorit me ta. Pra, ne jemi shumica parlamentare, kemi 63 vota në Kuvend dhe duhet të na jepet e drejta për formimin e institucioneve në Kuvendin e Kosovës, e jo në takime të liderëve”, ka thënë Vraniqi

Gjatë kësaj jave, presidentja e Kosovës, Atifete Jahjaga, ka theksuar domosdoshmërinë e një takimi të përbashkët të liderëve politikë, në zyrën e presidentes. “Nisur nga të gjitha këto kërkesa, besoj se është e domosdoshme që liderët e partive politike parlamentare të pajtohen që të mblidhen në një takim të përbashkët në Zyrën e Presidentes”, është thënë në një komunikatë për media nga presidenca, në rastin kur presidentja i është përgjigjur kërkesës së subjekteve politike të bllokut të përbërë nga Lidhja Demokratike e Kosovës, Aleanca për Ardhmërinë e Kosovës dhe Nisma, ku kanë kërkuar që presidentja të kërkoj nga Gjykata Kushtetuese sqarime shtesë lidhur me pikën 127 të aktgjykimit të Gjykatës Kushtetuese rreth postit të kryetarit të Kuvendit të Kosovës.

Ndër të tjera, në komunikatë është thënë se qëllimi i takimit është gjetja e zgjidhjes përbrenda këtij kuadri të përcaktuar nga vendimet e Gjykatës Kushtetutës dhe në Kushtetutën e Republikës së Kosovës.

Presidentja ka shprehur gatishmërinë që të vazhdoj lehtësimin e procesit përmes të cilit liderët e partive politike parlamentare do të gjejnë zgjidhje për situatën e krijuar.

Sekretari i përgjithshëm i Aleancës për Ardhmërinë e Kosovës, Burim Ramadani, përmes një postimi në Facebook, ka shpalosur një historik të shkurtër të marrëdhënieve të Arsim Bajramit, kandidat për kryetar të kuvendit nga radhët e PDK’së me shefin e tij, Hashim Thacin.
Ndërkohë, Ramadani nuk është marrë me bllokadën e Bllokut.

Lexoni të plotë postimin e tij në Facebook:
“Loja e Thaçit me Arsim Bajramin – e pati shkarkuar më 2010 për “fuqizim të shtetit dhe qeverisjes së mirë”
(foto-dokumente)
Të dashur miq,
Kryetari i PDK-së, Hashim Thaçi, më 31 mars 2010 (atëherë Kryeministër), pati shkarkuar Arsim Bajramin nga detyra e ministrit të Administratës Publike, si dhe disa ministra tjerë.
Më 31 mars 2010, Thaçi pati thënë se këtë po e bën për të “fuqizuar shtetin e Kosovës, për të avancuar qeverisjen e mirë, për të thelluar reformat demokratike…”.

Në mesin e atyre që u shkarkua në mënyrë që të hapet rruga për “të avancuar qeverisjen e mirë” ishte edhe Arsim Bajrami, sot kandidat i PDK-së për Kryetar të Kuvendit që mori 44 vota në Kuvend.
Tash, çështja domosdoshmërisht shtrohet kështu:

Për të thelluar reformat demokratike në vitin 2010 paska qenë dashur që, ndër të tjerë, të shkarkohet Arsim Bajrami – a është reformë kandidimi i tij nga PDK-ja për Kryetar Kuvendi?
Apo, thjesht kjo është një lojë e Thaçit në të cilën fatkeqësisht Profesor Arsim Bajrami është i “detyruar” të luaj?

Kam respekt të veçantë për Profesorin tim Arsim Bajrami, prandaj kjo lojë e partisë së tij me të po më duket jokorrekte.

Për Thaçin dhe PDK-në qëllimi i lojës nuk është tek Kryetari i Kuvendit, por tek Qeveria e ardhshme.
Nuk mërziten ata për fatin politik të Profesorit Bajrami.”

Polica e Kosovës raporton se dje në Prizren pas ka bastisur një shtëpi dhe kafiteri të një të dyshuari ka gjetur një sasi e substancave narkotike, me ç’rast janë arrestuar tre persona.

“Njësiti i hetimeve të trafikimit me narkotikë pas pranimit të një informate, me urdhër të prokurorit dhe me autorizimin Gjyqtarit të procedurës paraprake, në bashkëpunim me Njësitet e tjera policore kanë bastisur shtëpinë dhe kafiterinë e të dyshuarit mashkull K-Shqiptar me ç ’rast gjatë kontrollit janë gjetur dhe konfiskuar rreth 14.49 gr substancë të dyshuar narkotike, enë të ndryshme, peshore elektronike pesë(5) telefona mobil si dhe dy automjeti një Audi dhe një Nisan Patroll”, thuhet në një njoftim të Policisë.

Lidhur me rastin janë arrestuar tre të dyshuar meshkuj K-Shqiptar ndërsa i dyshuari-pronari i lokalit nuk është takuar. Pas intervistimit me urdhër të prokurorit të dyshuarit dërgohen në mbajtje.

Gjashtë pjesëtarë të Policisë së Kosovës në Prizren janë suspenduar nga detyra për 48 orë, pasi të njëjtit kishin qenë në ndërrim në kohën kur një i dehur ishte futur në stacion të policisë me automatik dhe kishte shtënë me të në mënyrë të pakontrolluar.

Vendimin për suspendim të policisë e ka marrë drejtori Rajonal i Policisë në Prizren, Nexhmi Krasniqi.

Policët fillimisht janë suspenduar për 48 orë, por varësisht prej hetimeve të njëjtëve mund t’u zgjatet kjo masë në afat të pacaktuar. Me rastin tani do të merret Inspektorati Policor i cili do të japë rekomandimet e tij dhe nëse ka elemente të veprës penale mund të ngritet edhe kallëzim penal ndaj tyre.

“Rasti ende nuk ka arritur në IPK, por sigurisht se do të vijë dhe varësisht prej hetimeve do të merren edhe masat konform ligjit”, ka thënë një zyrtar në IPK.

Por nuk janë vetëm këta zyrtarë policor subjekt i hetimeve. /Tribuna/

Vizitat e udhëheqësve shtetërorë të Kosovës në Beograd, nga serbët e Kosovës po shihen si diçka që tregon se edhe një shtet shqiptar po formohet në Ballkan.

Ata e akuzojnë Beogradin për tradhti. Ditë më parë në Beograd ishin dy ministra të Qeverisë së Republikës së Kosovës, e ftesë për të qëndruar në një takim atje, ka edhe Presidentja Atifete Jahjaga.

Për udhëheqësin e serbëve të veriut të Kosovës, Marko Jaksiq, kjo vizitë do të thotë edhe një tradhti e radhës që autoritetet serbe në Beograd, po bëjnë ndaj Kosovës.

“Pas nënshkrimit të Traktatit të Brukselit, që do të thotë shkëputje e Kosovës nga Beogradi, tashmë është duke u lëvizur në drejtimin e krijimit të një shteti tjetër shqiptar në Ballkan”, ka thënë Jaksiq, përcjell televizioni publik.

Ai beson se vizita e Presidentit rus, Vladimir Putin në Serbi shërben vetëm sa për t’i larë njollat këtij pushteti i cili po aplikon një politikë përmes të cilës po heq dorë nga territoret e Serbisë.