Një shtetas nga Shqipëria është arrestuar nga Policia e Kosovës. Ai dyshohet se ka vjedhur në një shtëpi në Banjë të Malishevës.

“Është arrestuar i dyshuari mashkull, shtetas i Shqipërisë, pasi që i njëjti në shtëpinë e viktimës ka vjedhur disa orendi shtëpiake dhe tre telefona celularë”, njofton Policia e Kosovës.

“Njësiti policor gjatë kontrollit të veturës së ka gjetur disa dokumente personale të dyshuarit të dytë të mundshëm i cili gjendet në arrati”.
Me urdhër të prokurorit i dyshuari lirohet në procedurë të rregullt./PrizrenPress.com/

Clint Williamson po qëndron në Kosovë pak ditë para se të dalë me raportin e hetimeve të tij, hetime që janë bërë mbi raportin e Dick Martyt që thotë se UÇK’ja ka kryer trafikim ndërkombëtar të organeve nga serbët e romët që i burgosi në Shqipëri. A pati prova Marty? A gjeti të tjera prova Williamson? Çka u keqkuptua në këtë situatë? A ka lidhja në mes të këtyre hetimeve dh rastit gjyqësor “Medicus”? Express sjell një historik të këtij rasti, që tash e ka sjellë si fakt Gjykatën Speciale për krimet e supozuara të UÇK’së, mekanizëm i miratuar nga Kuvendi i Kosovës. Lexojeni të plotë edhe vetë raportin e Maryt në shqip
Prokurori amerikan, Clint Williamson sot po qëndron në Kosovë dhe duket të jetë hera e fundit e tij në vizitë në vendin për të cilin ka hetuar për një kohë të gjatë.

Express merr vesh se në fund të muajit Williamson do të dalë me një raport mbi të gjeturat e tij në një hetim special që u ngrit pas denoncimeve publike të ish-prokurorit zviceran, senatorit të Këshillit të Evropës, Dick Marty.

Gjasat janë që Clint Wlliamson të propozojë ngritjen e një aktakuze për krime të luftës nga prestarë të Ushtrisë Çlirimtare të Kosovës (UÇK), akuza që i shpalli botërisht Dick Marty.

Por, çka pretendon Marty që kanë bërë ushtarët e UCK’.së, më saktësisht, ai që Marty e quan “Grupi i Drenicës”? Ku e vendos ai Hashim Thaçin, kryeministrin kosovar që sot ende nuk e takoi as Williamson, në grupin, siç e quan ai kriminal, që bëri trafikim të organeve? Sa prova pati në dispozicion Marty? Pse u kontestua Marty dhe pak provat e tij?

Dick Marty është i sigurt: Shtëpia e verdhë në Burrel i ka shërbyer UÇK’së si sallë operimi për të zhvilluar kontrabandën e saj me organe njerëzish. Viktimat kanë qenë serbë dhe romë (Pikat 1-20, Faqe 1-4).

Përfundimi i Martyt: Të gjithë përpiqen të fshehin krimin

Gjatë konferencës për shtyp ku Marty prezantoi raportin e tij një gazetar e pyeti: Çka të fshehin?, “Dëshmitë natyrisht”, iu përgjigj Dick Marty. Cilat dëshmi? Ju nuk i keni ato, prej nga jeni i sigurt se ato ekzistojnë?!, e pyeti një gazetar tjetër. Pas një pauze, Marty me një lehtësi: “Do t’i gjejmë ato. Deri atëherë, durim, pra”.

Dhe Clint Williamson u angazhua me një ekip ekspertësh që t’i gjente këto prova. Por, a i gjeti ato, do të merret vesh në fund të këtij muaji.

Më duket që nuk do të ketë reagime, sido që të dalë raporti i Williamson, por kështu nuk ishte kur Marty tha akuzën e tij: UÇK’ja ka kryer trafikim ndërkombëtar të organeve dhe këtë grup e ka udhëhequr Hashim Thaçi

Qeveritë shqiptare në Prishtinë dhe Tiranë në kohën kur doli Marty reaguan plot mllef. Akuzat e Martyt nuk paskan të bëjnë me zbardhjen e plotë të rastit në fjalë, por bëhet fjalë, sipas tyre, për një intrigë të përgatitur mirë nga “antishqiptarët”. Ish-Presidenti shqiptar Bamir Topi kishte thënë se di më shumë. “Raporti i Dick Marty-t është i stimuluar nga ultrancionalistët serbë”, pati deklaruar Topi.

Edhe ish-opozitari i së majtës shqiptare, tash kryeministër, Edi Rama nuk pati një tjetër mendim: “Kësaj radhe edhe unë jam me mendimin e Berishës se Dick Marty është një sharlatan”, pati deklaruar atë botë Rama.

Hashim Thaçi, i cili akuzohet drejtpërdrejt nga politikani zviceran, kërcënoi se do ta paditë autorin e raportit. “Marty duhet shpejt të sjellë fakte për këto akuza, përndryshe duhet të llogaritë me një padi penale”,kështu deklaroi Thaci si Kryeministër dhe si ish-Drejtor Politik i UÇK’së, por ai kurrë nuk e bëri një padi kundër Martyt. Ai nuk bëri një padi as kundër “The Guardian”, prestigjiozes britanike që e kishte botuar draftin e Martyt, para se ai të miratohej në Këshillin e Evropës.

Ky raport, në Këshillin e Evropës mori vota pro edhe nga shqiptarët e përfaqësuar aty, dhe nga disa prej tyre morri një abstenim, por nuk pati shqiptarë që Këshillin e Evropës që votoi kundër raportit të Dikc Martyt.

U fajësua SHBA’ja se po i mbron shqiptarët

E vrulli i shqiptarëve për ta baltosur Martyn, një ish-prokuror me çmime ndërkombëtare në luftimin e trafiqeve internacionale, e mbi të gjitha i njohur si zbuluesi i burgjeve sekrete të CIA’së në Evropë, dukej në atë kohë që vinte nga vetë Evropa.

Ish-administratori i parë në Kosovë, Bernard Kouchner pati thënë se raporti është thjeshtë “zhurmëmadh”. Eksponentë të NATO-s dhe SHBA-ve demantuan konstatimet e Marty-t gjoja të kenë qëndruar indiferent ndaj hetimeve të rastit së “Shtëpisë së Verdhë”.

Fyerjeve të fundvitin 2010 kundër Martyt në pothuajse të gjitha mediat shqiptare, e sidomos në rrjetet sociale, benzin u kishte vënë një deklaratë e ish-hedhësit të EULEX’it, Christina Herodes.

“Pas një hulumtimi të gjatë të rastit hetuesit e EULEX-it nuk gjetën dëshmi në «shtëpinë e verdhë», të cilat do të konfirmonin akuzat rreth kontrabandimit me organe njerëzish”, pati deklaruar ai.

“Nuk është diçka sensacionale që hetuesit nuk kanë gjetur gjë, kundërshtoi Carla del Ponte. Pse? Sepse: Kosova është fëmija e dashur e SHBA-ve”, pati deklaruar ajo në një intervistë me të përditshmen zvicerane nga Berna “Der Bund”.

Pra ajo la të kuptohet që SHBA- të janë ato që pengojnë zbardhjen e të së vërtetës. Dhe pikërisht nga SHB’ja është Williamson, i cili do të dalë me një raport pas disa ditësh.

Por, çka përmban pjesa e raportit të Maryt, dokumenti bazik mbi të cilin ka hetuar amerikani Williamson, kur lëshohemi në detaje?

Edhe më interesant është pjesa e dytë e raportit- “konkludimet”. Marty aty parashtron disa pyetje (Pikat 85 – 77), të cilat kërkojnë vëmendje: Në qoftë se EULEX dhe instancat tjera ndërkombëtare në Kosovë dhe Shqipëri paskan hulumtuar në mënyrë të rregullt rastin dhe paskan ardhur në rezultate përmbyllëse, atëherë pse këto nuk i kanë dorëzuar në mënyrë zyrtare e publike në Këshillin e Evropës, në parlamentin e saj, pse ato nuk ia kanë dorëzuar po në të njëjtën formë siç bën Dick Marty Komisioneve të OKB-së për të drejtat e njeriut e të ngjashme?

A do të ketë lidhje me Medicus?

Shqiptarët edhe sot me ngulm e mohojnë të ketë ndodhur një trafikim organesh. Ata përdorën edhe disa ekspertë që thanë se në kushtet e “Shtëpisë së Verdhë” nuk mund të bëhej teknikisht një gjë e tillë.

Por, shqiptarët e Kosovës, nuk ishin krejt të pa lidhur me trafikimin ndërkombëtar të organeve. Së paku disa persona, përfshirë këtu edhe dhëndrin e shefit të shtabit të UÇK’së, Azem Syla, urologun Lutfi Dervishi, i ka shpallur fajtor drejtësia ndërkombëtare për këtë krim morbid: trafikim ndërkombëtar me veshka.

Rasti u quajt ‘Medicus I”.Dhe besohet se do të ketë edhe një tjetër rast “Medicus”, ku mund të preken njerëz që punuan ngushtë me Kryeministrin Thaçi, derisa në rastin e parë si dëshmitarë ishte thirru para gjykatës edhe ish-këshilltari për shëndetësi i Thaçit, Shaip Muja.

Express kohë më parë ka publikuar një hulumtim, ku një pacient pretendon që i është vjedhur veshka në një operacion urgjence ku përsëri përfshihet urologu i “Medicusit”, Lutfi Dervishi.

Sugjerimi për nxjerrjen e trupave

E tëra historia pati filluar në fund të vitit 2010, kur e përditshmja The Guardian solli një version të shkurtër, me rrëfimin për Raportin e Dick Martyt e në të cilin Kryeministri i Kosovës Hashim Thaçi, por edhe bashkëpunëtorë të tij akuzohen, mes tjerash edhe për trafikim organesh.

Ky fakt bëri bujë dhe tronditi opinionin shqiptar por edhe atë botëror. Pak media në atë kohë, patën marrë mundin që ta botonin variantin e plotë të tij i cili më pas edhe u aprovua në Këshillin e Evropës dhe me këtë edhe solli hetimet të cilat tashti Kosovës po i sjellin edhe Gjykatën Speciale për Krime të Luftës, ose për krimet e supozuara të UÇK’së.

Raporti i sjell në shqip, në versionin e tij origjinal, shtron mbi të gjitha dilemën- a kishin të drejtë shqiptarët kur u morrin drejt me Martyn?

Tash para vetës, nga ky raport, më të cilin më së paku murrën autoritete, duke u marrë me emrin pak a shumë qesharak të hartuesit të tij (Dick), kemi një fakt: Gjykatën Speciale, të cilën e ka miratuar Kuvendi i Kosovës, funksionalizimi teknik i së cilës (Sekretariati) pritët të filloi edhe pak muaj, me ç’rast do të kemi edhe të dyshuarit e parë që do të nxirren para kësaj gjykate, që duhet të shkojnë me ftesa, ose në rastin më të trishtueshëm, me pranga e në helikopter.

Ata do të jenë kryesisht njerëz drejtues të UÇK’së. Express pati botuar statutin e kësaj gjykate, që sugjeron që kjo gjykatë mund të merret edhe me rastet që i kanë kryer gjykatat vendase.

Express pati raportuar kohë më parë që akuza për trafikim të organeve edhe mund të bije nga hetimet e prokurorit Williamson, por diçka e pa shmangshëm që do të mbetet është: Zhdukja e njerëzve.

Revista amerikan “The NeW Yorker” në një hulumtim të sajin mbi një vit më parë ka sugjeruar që krejt kjo situatë mund të zgjidhet, por propozon një zgjidhje radikale. “Nxirrni trupat”, thotë hulumtimi i saj.

Drejtoria Antidrogë e Policisë së Kosovës, mbrëmë rreth orës 21:00, ka realizuar një operacion të suksesshëm në rrethinën e Prizrenit, me ç’rast ka sekuestruar mbi 84 kilogram substanca narkotike-marihuanë dhe dhjetë saksi të mbjellura me kanabis.

Personi i arrestuar është S. B. i lindur me 1963 m/sh/kosovar.

“Operacioni policor ka filluar me bastisje të shtëpisë së personit të dyshuar në rajonin e Prizrenit dhe një shtëpi pronë e vëllait të personit të arrestuar, por e cila ishte nën përkujdesje të personit tashmë të arrestuar. Gjatë bastisjes në shtëpinë e dytë në një pjesë ndarëse nga shtëpia (aneks) janë gjetur 8 thasë të zinj në të cilët gjendeshin gjithsej 164 paketime me substancë narkotike që dyshohet të jetë e llojit marihuanë. Pas matjes nga zyrtarët e forenzikës ka rezultuar se pesha e substancës së dyshuar e llojit marihuanë që tashme është konfiskuar është 84 kilogram e 32 gram”, njofton PK-ja.

“Gjatë bastisjes në oborr gjithashtu janë gjetur të mbjella në dy saksi 10 bimë kanabis sativa të cilat janë konfiskuar. Me dyshimin se janë fituar në mënyrë të paligjshme tek personi i dyshuar pasi që janë gjetur janë konfiskuar ne cilësi te provave materiale 1000 franga zvicerane, 320 euro, si dhe 1 telefon Nokia C 3. Ndërsa në një lokacion tjetër në shtëpinë e vëllait të personit të dyshuar janë gjetur dhe konfiskuar 3900 euro, 300 kruna, 2900 lekë të Shqipërisë, 10 dinarë të Serbisë dhe 3 pasaporta dhe një dokument udhëtimi, të gjitha në emër të vëllait të të dyshuarit. Gjatë bastisjes janë gjetur po ashtu dhe konfiskuar 20 fishekë, kalibri 38 mm”.

Të gjitha veprimet policore janë kryer me urdhër të prokurorit përkatës dhe të gjyqtarit të procedurës paraprake janë bërë të gjitha veprimet policore dhe janë konfiskuar gjësendet e lartcekura. Ndërsa personi i dyshuar tashmë i arrestuar është dërguar në mbajtje për 48 orë. /PrizrenPress.com/

Treshja e koalicionit Isa Mustafa, Ramush Haradinaj dhe Fatmir Limaj janë takuar sot për të diskutuar rreth hapave tjerë në kompletimin e Kryesisë së Kuvendit, trupave punuese të tij dhe pastaj për formimin e Qeverisë së Kosovës.

I mandatuari i Bllokut LDK-AAK-Nisma për Kryeministër, Ramush Haradinaj, tha se nuk ka kthim në pikën zero, po ka vazhdim të seancës dhe kompletimit të Kryesisë së Kuvendit dhe pastaj formimit të Qeverisë.

Pas takimi që Treshja e zhvilloi në zyrën e Kryetarit të Kuvendit Isa Mustafa, Haradinaj tha se ky ishte një takim pune i partnerëve të koalicionit LDK-AAK-Nisma me Kryetarin e Parlamentit, Isa Mustafa, ku kanë biseduar për etapat që i presin për përgatitjen e vazhdimit të ndërtimit të institucioneve përfshirë edhe punët që i presin pas seancës.
Haradinaj thotë se ata e shohin që seanca e kaluar e ka kryer një pjesë të punës së vet, zgjedhjen e Kryetarit dhe të një Nënkryetari, por ai thotë se nuk ka kthim në pikën zero nga Gjykata Kushtetuese, sipas ankesës së PDK’së.

“Unë s’e di kush po i shpik këto termat, pikën zero, apo të zgjedhjeve”.

“E di që ka sponsorizim prej Kryetarit të Qeverisë në shkuarje dhe prej opozitës së ardhshme përplot analiza, qëndrime se çka do të ndodhë, ose cili do të jetë verdikti i Gjykatës Kushtetuese.”

“Ne e dimë që nuk ka pikë zero, ka vazhdim, seanca ka ndodhur, është votuar nga 82 deputetë, do të thotë nga dy të tretat e Kuvendit, dhe kjo është e pakalueshme, është vendim politik i Parlamentit, njerëzve të zgjedhur, është zgjedhur Kryeparlamentari, kanë mbetur punë tjera.

Pretendenti për ta drejtuar Qeverinë e ardhshme thotë se është jam i mirë që vetë po i marrin përgjegjësitë.

“Është lajm i mirë për Kosovën që ne vetë po i marrim përgjegjësitë e vendit, e kemi arritur të bashkëpunojmë me partitë shqiptare, me komunitetet etnike.”
“Në rast se nesër Kosova me sukses e lufton korrupsionin, ne nuk e bëjmë këtë për t’i hyrë në hatër bashkësisë ndërkombëtare, por e bëjmë se kemi nevojë. Nëse bëjmë rend e ligj, nuk bëjmë vetëm për shkak të liberalizimit të vizave, por për shkak se duam të jetojmë si shoqëri ligjore, në rast se hapim vende pune, prapë e bëjmë për shkak të qytetarëve të vendit”.
Dalja në opinion e disa kushteve që Lista Srpska i ka vënë Bllokut, në mënyrë që t’i përkrahë në të ardhmen, Haradinaj tha se ai ende nuk i ka parë ato kushte.
Haradinaj ka ritheksuar përsëri se ka mundësi të bashkëpunimit me Vetëvendosjen në të ardhmen, pasi kanë pasur biseda përmbajtjesore, edhe pse e kanë ditur se e kanë mbështetjen e minoriteteve.

“Minoritetet na kanë shpjeguar herët që do të jenë me shumicën shqiptare, na kanë thënë këtë, edhe pse është bazë kushtetuese, edhe pse ne duke ditur këtë fakt kemi bashkëpunuar me VV’në, ka pasur një diskutim përmbajtjesor, mund të rikthehen këto bisedime, këto diskutime, dhe formimi i Qeverisë është interes i gjithë neve, spektrit politik shqiptar, duke përfshirë edhe VV’në”.

Kreu i AAK’së tha se Qeveria e udhëhequr nga ai do të bashkëpunojë me të gjithë, përfshirë edhe opozitën e ardhshme, që sipas tij, është PDK.

Haradinaj e Limaj në zyrën e Kryeparlamentarit Mustafa
Ka nisur takimi mes krerëve të koalicionit, LDK-AAK-Nisma, thonë burime të Gazetës Express të afërt me tre liderët.

Sipas tyre, Ramush Haradinaj dhe Fatmir Limaj kanë shkuar në zyrën e Kryeparlamentarit, Isa Mustafës, për t’u marrë vesh rreth hapave të ardhshëm për krijimin e Qeverisë së re, të koalicionit LDK-AAK-Nisma.

“Në këtë takim, pritet të sqarohet shumëçka rreth Qeverisë së re”, tha një burim i besueshëm për Gazetën Express.

Njohësi i çështjeve kushtetuese, Mazllum Baraliu, ka vlerësuar se përgjigjja e Gjykatës Kushtetuese lidhur me çështjen e kryeparlamentarit mund ta kthejë çështjen në pikën zero.

Njohësi i çështjeve kushtetuese, Mazllum Baraliu, ka thënë se vendimi i Partisë Demokratike të Kosovës (PDK), për të çuar në Gjykatën Kushtetuese çështjen e kryeparlamentarit, është e drejtë legjitime por, sipas tij, më këtë veprim kjo parti pretendon të blejë kohë për t’i bërë numrat në Kuvendin e Kosovës. “Në radhë të parë e shoh si një të drejtë legjitime të një subjekti politik kur mendon dhe konsideron se diçka nuk është në rregull dhe në përputhje me Kushtetutën dhe Rregulloren e Kuvendit nga një subjekt tjetër politik. Këtë veprim e shoh edhe si tentativë për të blerë kohë më tepër për të pasur mundësi t’i krijojë numrat në Kuvendin e Kosovës. E shoh pse jo edhe pa e mohuar qëllimin që vërtet Gjykata Kushtetuese ta vërtetojë se cili nga taborët ka të drejtë ta konsiderojë veten grupi më i madh parlamentar”, ka thënë Baraliu për “Epokën e re”.

Duke folur për vendimin që mund ta jap Gjykata Kushtetuese për seancën konstituive të Kuvendit, Baraliu ka thënë se përgjigjja e kësaj gjykate mund ta kthejë çështjen në pikën zero. “Nuk mund ta paragjykoj vendimin e Gjykatës Kushtetuese, por gjykuar në bazë të verdiktit të kësaj gjykate lidhur me mandatarin për formimin e qeverisë, mendoj se do të ketë përafërsisht ose saktësisht në frymën e kësaj një përgjigje e cila ndoshta mund ta kthejë çështjen fare në fillim, në pikën zero. Kjo mund të kushtojë shumë dhe mund të çrregullojë shumëçka në aspektin e funksionimit të shtetit siç është çështja e buxhetit dhe të tjerat që mund të zvarriten deri në pakufi, pastaj të shkaktohet krizë”, është shprehur Baraliu. Sipas tij, ka shumëçka shqetësuese në qoftë se rrjedhat nuk shkojnë rrugës së duhur drejt konstituimit të institucioneve të reja. Por, Baraliu ka thënë se është e nevojshme të bëhet interpretimi i duhur i Kushtetues dhe dispozitave të saj, në mënyrë të mos ketë interpretim politik. “Të mos bëhet interpretim politik, por interpretim juridik kushtetues sepse ajo është gjykatë e drejtësisë kushtetuese. Po ashtu, do të duhej pasur parasysh edhe dispozitat e tanishme që janë relativisht të qarta kësaj radhe dhe mund të nxirret konkluzion se mandatari për shembull, herën e parë t’i jepet partisë që ka marrë më së shumti vota nga zgjedhjet e fundit, kurse herën e dytë mos t’i jepet së njëjtës parti me një kandidat tjetër sepse është iluzore dhe gati e pakuptimtë. Mirëpo t’i jepet koalicionit paszgjedhor në mënyrë që ta provojnë mundësinë të dyja taboret dhe ai që ka fuqinë më të madhe politike në aspektin e ulëseve në Kuvend i merr votat dhe shkohet përpara”, ka deklaruar ai.

Baraliu nuk e ka hedhur poshtë edhe mundësinë e mbajtjes së zgjedhjeve të jashtëzakonshme për tejkalimin e kësaj situate. “Ka mundësi edhe për zgjedhje të jashtëzakonshme. Ndoshta arma e fundit që pretendohet nga njëri prej taborëve politikë është që, nëse nuk realizohen qëllimet parësore të tyre, atëherë të pamundësohen qëllimet e taborit tjetër, në mënyrë që vendi të çohet në zgjedhje të jashtëzakonshme dhe si rezultat të mos fitojë askush, por të humbin të dyja palët”, ka thënë Baraliu, duke shtuar se mbajtja e zgjedhjeve të parakohshme nuk i konvenon asnjë partie politike. “Për asnjë subjekt politik zgjedhjet e reja nuk janë të dobishme, prandaj do të ishte mirë që të gjithë ta kenë këtë parasysh. Për interesa të vendit duhet të kursehet buxheti dhe populli nga zgjedhjet e jashtëzakonshme në mënyrë që të mos shkaktohet më shumë dëm për interesa të grupeve politike, për të cilat në plan të parë janë interesi politik e partiak, pastaj interesi shtetëror e popullor”, ka theksuar ai. Në këtë kontekst, Baraliu ka thënë se në skenën politike më tepër po ka vardisje dhe vrap në relacion me pushtetin drejt pushtetit sesa për shtetin, konstituimin e tij dhe mbarëvajtjen e institucioneve. “Edhe pushtetin edhe opozitën duhen kuptuar si diçka normale, sepse në demokraci nuk është e thënë se gjithmonë dikush ta marrë dhe ta mbajë me tapi pushtetin ose të tjerët të pretendojnë se në forma të ndryshme jolegjitime dhe jodemokratike të vijnë në pushtet. Duke i pasur parasysh të gjitha këto rrethana, të dy taborët duhet t’i lëshojnë vend formimit të institucioneve dhe ta kenë parasysh shtetin dhe interesat e shtetit dhe të qytetarëve, e jo të pushtetit me çdo kusht dhe privilegjet dhe interesat që sjell ky pushtet”, ka vlerësuar Baraliu.

Kurse sa i përket seancës konstituive të 17 korrikut, ai ka thënë se ka pasur shkelje të procedurave dhe si e tillë ka lënë shumë për të dëshiruar. “Ka pasur shumëçka për të dëshiruar, ka pasur shkelje procedurale dhe shkelje që kanë qenë fillimisht nga koalicioni i partisë në pushtet, pastaj ka pasur disa veprime që mund të merren si të diskutueshme më tutje në rrjedhën e kësaj seance konstituive. Marrë në përgjithësi, nuk mund të jepet një vlerësim i gjithëmbarshëm dhe meritor para se të bëhen analizat dhe t’i kemi në dispozicion të gjithë indikatorët për të bërë analiza të plota dhe studimore”, ka deklaruar Baraliu, duke shtuar se vlerësimi i kësaj seance, para se të vijë një përgjigje nga Gjykata Kushtetuese, është i parakohshëm ose paragjykim.