Kryetari i Lidhjes Demokratike të Kosovës, Isa Mustafa, ka votuar në qendrën e votimit 1922e në vendvotimin 05r në Shkollën Fillore ‘Emin Duraku’.

Kreu i LDK-së, tha se qytetarët e vendit me votën e tyre do të vendosin për qeverisjen e ardhshme të vendit, shkruan Express.

Ai po ashtu ka ftuar të gjithë qytetarët me të drejtë vote që ta kryejnë obligimin e tyre.

Prokurorja e shtetit, Laura Pula dhe zëdhënësi i policisë, Baki Kelani në një konferencë për medie kanë thënë se deri më tani në të gjitha vendvotimet nuk është shënuar asnjë incident me përjashtim të një rasti në Prizren ku një qytetare është penguar nga një zyrtar zgjedhor i cili është ndërruar menjëherë dhe procesi i votimit ka shkuar normalisht.

Prokuroria bëri me dije se në terren janë 100 prokurorë dhe 300 ndihmës për vëzhgim.

Institucione funksionale, luftë kundër korrupsionit, përmirësim i gjendjes ekonomike dhe ulje e shkallës së papunësisë, janë ato që qytetarët e Kosovës presin pas zgjedhjeve të parakohshme parlamentare të 8 qershorit.

Disa qytetarët të Prishtinës, të cilët thonë se do të dalin në zgjedhje, shprehen optimistë lidhur me ndryshimet pozitive pas zgjedhjeve, por ka edhe të tillë që janë skeptikë në këtë drejtim.

Samir Mustafa, thotë se fillimisht pret që zgjedhjet të jenë fer dhe më pas, kushdo që fiton, të angazhohet për përmirësimin e jetës së qytetarëve.

“Do të dal në zgjedhje dhe pres që të kemi zgjedhje të rregullta, do të thotë, pa asnjë problem ose ekses dhe le të fitojë më i miri. Pres një jetë, në përgjithësi, më të mirë për qytetarët e vendit, ndryshime në sistemin ekonomik. Do të thotë, të jetë një zhvillim më i madh ekonomik, ngritjen e bizneseve të vogla dhe të mesme dhe jo ngufatjen e tyre me tatime. Papunësia, me zhvillimin ekonomik, hiqet”, shprehet Samiri.

Shemsie Hajrizi pas zgjedhjeve pret qeverisje shumë më të mirë se sa ato që kanë qenë deri më tani:

“Kushdo qoftë që vjen në qeveri, mendoj se së pari duhet të luftohet korrupsioni. Pastaj të vijë në pah punësimi, të riaktivizohen fabrikat, të cilat kanë qenë para luftës në Kosovë. Në qoftë se nuk do të punojnë fabrikat, nuk do të ketë as punë. Nuk mundet ashtu, sikurse deri më tani që kanë premtuar, punësim dhe paga marramendëse. Ato nuk mund t’i realizosh në qoftë se nuk punon”.

Gazmend Fetahaj thekson se shpresa ekziston se gjërat mund të marrin drejtim më të mirë për qytetarët pas zgjedhjeve të 8 qershorit.

“Dalim në zgjedhje dhe unë kisha shpresuar që në çdo lëmi të jetë më mirë. Së pari për punësim, sepse ka shumë rini dhe janë shumë të papunë. Kur njeriu punësohet, atëherë nuk e mendon të keqen. Por, brengosem që, në të ardhmen, nëse nuk punësohen këta të rinj, atëherë do të ketë shumë telashe”, pohon Gazmendi.

Mimoza Bajraktari thotë se do të dalë në zgjedhje, por ajo nuk pret se situata mund të ndryshojë për të mirë pas zgjedhjeve.

“Patjetër që dal në zgjedhje. Por, nuk pres shumë, sepse asnjëherë nuk janë bërë ndryshime aq të mëdha”, thekson Mimoza.

Hekuran Neziri pret që pas zgjedhjeve të 8 qershorit, Kosova ta ketë, siç thotë ai, një qeveri funksionale:

“Patjetër që do të dal në zgjedhje. Pritjet e mia kryesore janë… mendoj se duhet të ketë një ndryshim, për shumë arsye, por kryesorja është që të kemi një qeveri funksionale, një parlament funksional, që e zbatojnë ligjin dhe që interesohen pak për qytetarët vet, e sidomos për zhvillimin ekonomik dhe për gjëra të tilla”.

Valdete Krasniqi thotë se do të dalë në zgjedhjet e 8 qershorit dhe pret që në krye të vendit të vijë një forcë që lufton korrupsionin.

“Ajo që pres pas zgjedhjeve është që të vij një forcë politike në Kosovë që do ta luftoj korrupsionin, do të jetë e gjithanshme për gjithë qytetarët dhe të punoj sa më shumë për ekonominë e Kosovës. Natyrisht, jam shumë optimiste”, thotë Valdetja.

Në anën tjetër, zgjedhjet e parakohshme parlamentare të Kosovës pritet të mbahen edhe në veriun e vendit. Qytetarët serbë të Mitrovicës së veriut kanë mendime të ndryshme edhe për zgjedhjet, por edhe për pritjet pas zgjedhjeve.

Ivan Jokanoviq, student, thotë se kushdo që fiton zgjedhjet, duhet të fokusohet në përmirësimin e jetës për të rinjtë:

“Duhet të fokusohen te të rinjtë, sepse ata nuk kanë kurrfarë perspektive këtu, për çkado qoftë. Ata i janë lënë vetvetes dhe duhet t’ju kushtohet më shumë vëmendje atyre, në mënyrë që ata të kenë interesime të ndryshme”.

Millan Popoviq thotë se do të dalë në zgjedhje dhe pret që pas tyre të sigurohet rendi dhe ligji në hapësirën ku jeton:

“Duhet të dalim në zgjedhje dhe do të dalim. Është gjendje e mjerueshme, në kuptimin se këtu nuk ka pushtet. Kur nuk ka pushtet, nuk ka as ligj”.

Por, Nikola Kovaçeviq thotë se nuk ka ndonjë interesim për të dalë në zgjedhje.

“Nuk jam i interesuar për këto zgjedhje, në asnjë rast. Jo pse kam mosbesim, por të gjithë ne e dimë se ku çojnë ato zgjedhje. Ato çojnë në drejtim të gabuar dhe unë nuk kam interesim për to”, thekson Nikola. /REL/

Kryetari i komunës së Dragashit, Salim Jenuzi, i shoqëruar me Lulzim Rifajn ish-kryesues i Kuvendit Komunal, aktualisht konsull në Ambasadën e Kosovës në Sofje të Bullgarisë kanë dalë  para Gjykatës Themelore të Prizrenit, në vazhdimin e gjykimit për keqpërdorim të detyrës ose autoritetit zyrtar.

Seanca gjyqesore ishte rezervuar për të dëgjuar përfaqësuesin e Agjencisë Kosovare të Privatizimit, Fahredin Purova, në cilësinë e dëshmitarit.

Ai foli për vendimet e kësaj agjencie lidhur me pronat e ndërmarrjes “Sharr Prodhimi”.

“AKP-ja, Zyra Rajonale në Prizren më 17 shtator 2009, i ka dërguar një shkresë kryetarit të Komunës së Dragashit, me të cilën është kërkuar që të anulohet vendimi i Kuvendit Komunal të Dragashit, i cili ka të bëjë me pronat e ‘’Sharr Prodhimit’’ të Dragashit’’, tha Purova.

Aktakuza e Prokurorisë Themelore në Prizren e ngarkon kryetarin e Dragashit, Salim Jenuzin, dhe ish-kryesuesin e kuvendit komunal Lulzim Rifajn, aktualisht konsull në Ambasadën e Kosovës në Sofje të Bullgarisë, se më 27 gusht 2009, me qëllim të përfitimit të kundërligjshëm të dobisë pasurore për tjetrin, i kanë shkaktuar dëm ndërmarrjes shoqërore “Sharr Prodhimi” në Dragash, e cila është nën menaxhim të Agjencisë Kosovare të Privatizimit (AKP).

“Ne kemi ndërmarrë edhe veprime të tjera, Departamenti Ligjor i AKP-së ka iniciuar padi ndaj kryetarit dhe kryesuesit të kuvendit, me kërkesën për anulimin e vendimit të datës 27.08.2009’’, u shpreh ai.

Më tutje, Purova deklaroi para trupit gjykues se Zyra Ligjore e AKP-së nuk ka iniciuar asnjëherë kallëzim penal ndaj asnjë rasti, edhe pse në mandatin e saj mund të bëhet një gjë e tillë.

Purova e njoftoi trupin gjykues, se menaxhmenti i ‘’Sharr Prodhimit’’ ka iniciuar kallëzim penal kundër kryetarit të Komunës dhe kryesuesit të Asamblesë Komunale të Dragashit.

Zyrtari i AKP-së ka thënë se kjo agjenci ka marrë këto vendime për shkak se AKP-ja ka menaxhuar me paluajtshmërinë e pronave të “Sharr Prodhimit”.

Purova, po ashtu tha se deri më datën 27gusht.2009 “Sharr Prodhimi”, ka shfrytëzuar paluajtshmëritë në atë mënyrë që një pjesë ua ka lëshuar me qira blegtorëve dhe një pjesë tjetër e ka shfrytëzuar për vete, ngase vetë ‘’Sharr Prodhimi’ ka pasur një numër të konsiderueshëm të kullosave, madje edhe sot vazhdon të ketë kullosa të veta.

Meqë zyrtarit ligjor i duheshin disa përgatitje shtesë, seanca gjyqësore u ndërpre, ndërsa seanca e radhës me marrjen në pyetje të të njëjtit dëshmitar, do të vazhdojë më 14 korrik.

Sipas prokurorisë, pas marrëveshjes së tyre paraprake, Jenuzi dhe Rifaj akuzohen se shpërdoruan pozitën e tyre zyrtare, duke tejkaluar kompetencat, në atë mënyrë që i akuzuari i parë në cilësi të kryetarit të Komunës së Dragashit, urdhëroi drejtorin e Urbanizmit dhe Kadastrës që ta bartë pronën shoqërore, patundshmërinë në sipërfaqen prej 29,7 hektarësh prej pronarit të ndërmarrjes shoqërore “Sharr Prodhim” në pronë të KK të Dragashit.

Më pas, këtë patundshmëri, i akuzuari Jenuzi ua dha në shfrytëzim pa ndonjë bazë juridike blegtorëve si persona fizikë.

I akuzuari i dytë, Lulzim Rifaj, si kryesues i Kuvendit Komunal të Dragashit, sipas aktakuzës, paraprakisht e ka vënë në rend dite këtë bartje të pronës shoqërore, duke bindur asamblistët që ta votojnë propozimin, edhe pse e dinte se një veprim i tillë është në kundërshtim me ligjet në fuqi, pasi menaxhimi i pronës shoqërore me ligj i përket AKP-së.

Ligji për AKP-në e përcakton këtë agjenci si administratore të ndërmarrjeve publike, pavarësisht nëse ndërmarrjet i janë nënshtruar ose jo transformimit./Gazeta Jeta ne Kosove/

Procesit të votimit i është bashkangjitur edhe kryetari i Aleancës për Ardhmërinë e Kosovës, Ramush Haradinaj. Haradinaj ka dhënë votën e tij në Qendrën e Votimit në Shkollën e Mesme të Mjekësisë, “Dr. Ali Sokoli”, në Prishtinë.

Qendra e votimit janë hapur sot që nga ora 7 e mëngjesit dhe do të jenë të hapura deri në ora 19, ndërsa procesit të votimit pritet t’i bashkohen 1 milion e 782 mijë e 54 qytetar me të drejt vote.

Të gjitha qendrat e votimit janë hapur edhe në Prizren. Kryetari i KKZ-së në Prizren, Nusret Bytyci tha se procesi i votimit ka filluar në mënyrë të rregullt dhe pa pengesa.

“Të gjitha qendrat e votimit janë hapur në ora 7:00”, tha Bytyci.

Në Prizren janë hapur 67 qendra të votimit me 211 vendvotime. Sipas listës së KKZ-së në Prizren të drejt vote kanë 157 mijë votues./PrizrenPress.com/

Udhëheqësi i rrjetit të OJQ-ve, Demokracia në Veprim, Ismet Kryeziu, në një intervistë për gazetën “Zëri” ka thënë se ky rrjet i OJQ-ve është përgatitur për vëzhgimin e zgjedhjeve, me ç’rast rreth 2800 vullnetarë nga Demokracia në Veprim do të vëzhgojnë mbarëvajtjen e procesit zgjedhor në të gjitha komunat e Kosovës, duke përfshirë edhe ato në veri të vendit