Faqja zyrtare e “Forcave Speciale Serbe” ka publikuar në Facebook fotografi të dy raketahedhësve për të cilët thonë se mund të gjuajnë aq larg sa të bombardojnë Prishtinën.
Këto, për deputetin e Vetëvendosjes dhe ish-komandantin e UÇK-së, Rexhep Selimi, nuk është befasi.
“Nuk po duket e papritshme e nuk po duket befasi, në përputhje se çfarë qëndrimi mbaj Serbia ndaj Kosovës”, tha Selimi për Indeksonline, duke shtuar se ajo çka është publikuar në Facebook nga faqja zyrtare e “Forcave Speciale Serbe”, është një kërcënim i shpallur nga pala serbe.
“Kosova mbete vendi më i rrezikuar në rajon, nëse jo edhe në Evropë. Këtij shteti i kanoset një rrezik, tashmë kërcënim i shpallur nga Serbia”, tha ai.