Aderimet e pjesëtarëve të shoqërisë civile në partitë politike analistët politikë i shohin si përpjekje të pasuksesshme për reformimin e partive, që nuk do të mund të sjellin ndryshimin e madh.
Aderuesit e rinj, sipas tyre, nuk do të mund të ndikojnë drejtpërdrejt në formulimin, zbatimin dhe monitorimin e politikave publike, sepse, siç thonë ata, subjektet politike nuk do t’u lejojnë hapësirë për të manifestuar njohuritë e tyre, shkruan Koha Ditore.

Sipas analistëve, nëse pjesëtarët e shoqërisë civile kanë kritikuar partinë në qeverisje për keqqeverisje, atëherë çdo ndryshim i këtyre mendimeve nuk është gjë tjetër pos tentim për legjitimim të hapët të keqqeverisjes në vend.

Por, ata nuk përjashtojnë mundësinë se aderuesit mund t’u sjellin kualitete të reja partive.

 Kosova pritet të bëhet me qeverinë e re diku nga fundi i muajit korrik apo fillimi i gushtit. Agjenda e procesit zgjedhor të 8 qershorit nuk premton që qeveria e re do të mund të formohet më herët. Kësisoj, vera e sivjetme tashmë parashihet të jetë e ngrohtë për kah temperaturat, ajo mund të jetë e gjatë dhe e nxehtë edhe për kah zhvillimet politike, ngaqë nuk do të ketë pushim fare.

Bazuar nga përvojat e mëhershme, procesi zgjedhor do të mund të përmbyllet nga 8 qershori deri në javën e parë të korrikut, me certifikimin e rezultatit. Për shkak se Kosova është një zonë zgjedhore, certifikimi nuk mund të bëhet pa u shqyrtuar të gjitha ankesat e subjekteve politike. Nëse do të ketë parregullsi, mund të ndodhë të organizohen edhe rivotime në qendra apo vendvotime të caktuara,shkruan Tribuna.

Burime të gazetës kanë deklaruar se gjatë konsultimeve të partive politike dhe presidentes Atifete Jahjaga kryesisht është lakuar një muaj kohë si i domosdoshëm për ta përmbyllur gjithë procesin. Kjo, sipas të njëjtave burime, ka qenë arsyeja pse nuk është pranuar data 15 qershor për organizimin e votimeve, ngase procesi do të shtyhej në verën e vonë.

Kryetari i Degës së LDK-së në Prizren, Eqrem Kryeziu është takuar me elektoratin e LDK-së në fshatin Romajë të Hasit.

Ai në këtë takim ka shpalosur platformën politike të LDK-së.

“Kjo platformë e e LDK-së do te fitojë në zgjedhjet nacionale që do mbahen më 8 qershor te këtij viti”, tha Kryeziu.

Sipas tij, Kosovës i nevojitet një qeverisje pa korrupsion.

“LDK-ja në Prizren ka dhënë prova që mundet të qeveriset mirë në zbatim të ligjit, dhe pa korrupsion”.

“Rrotacioni i pushtetit është një element demokracie, të cilën duhet ta bëjmë si shoqëri ne mënyrë që të tregojmë se sa jemi pjekur dhe jemi demokratizua si shoqëri”./PrizrenPress.com/

Partia Demokratike e Kosovës si duket do të ketë edhe përçarje të reja me fillimin e hartimit të listave për deputetë. Lideri i partisë, Hashim Thaçi është duke menduar që në listën e PDK-së për deputet të mos futën kandidatë të cilët kanë humbur komunat në zgjedhjet e fundit lokale, si dhe ata që janë nën hetime dhe kanë probleme me ligjin.

Kështu i ka thënë Gazetës Blic një përfaqësues i lart i PDK-së, duke mos dashur të prononcohet me emër.

Sipas tij, edhe Thaçi mendon se nëse listën e PDK-së nuk duhet të përfshihen emrat e atyre që kanë humbur pushtetin në komuna, sepse kjo mund të dëmtoj me vota partinë.

“Ish – kryetari i Gjilanit, Qemajl Mustafa, ish – kryetari i Malishevës, Isni Kilaj, ai i Ferizajt Agim Aliu dhe ai i Mitrovicës Avni Kastrati, kanë shprehur ambicie për të qenë kandidat për deputet. Por shumica në parti mendojnë së të gjithë këta qe i kanë humbur komunat e mëdha në të cilat ka qeverisur PDK-ja, nuk do të duhej të ishin në listën e kandidatëve për deputet. Po të kishin voto dhe të kishin punuar mirë PDK-ja do i kishte ato komuna”, ka thënë ky zyrtar i PDK-së.

Sipas tij, kjo edhe mund të shkaktoj pakënaqësi, por më mirë është te kemi pakënaqësi të individëve sesa të elektoratit.

Menjëherë pas përfundimit të zgjedhjeve lokale, në një mbledhje të këshillit Drejtues të PDK-së, kreu i partisë Hashim Thaçi dhe zëvendësi i tij, Kadri Veseli kishin kërkuar nga humbësit e komunave që të reflektojnë. Në të kundërtën ata kanë paralajmëruar se do të marrin masa ndaj tyre.
Ndërkohë një burim tjetër ka bërë të ditur se njëri prej ministrave aktual të PDK-së, i cili është edhe ndër njerëzit kryesor të partisë e ka paralajmëruar liderin e partisë se në rast se në listë përfshihen emrat e atyre që janë nën hetime dhe që kanë probleme me ligjin, ai nuk do të futet në listë për deputet.
Sipas këtij zyrtari, përpilimi i listës së PDK-së do të ketë si pasojë paraqitjen e shumë pakënaqësive.
Ndërkaq, deri më tani janë disa prej njerëzve kyc të partisë si Hajredin Kuci, Ramë Buja e disa të tjerë që kanë paralajmëruar se më nuk do të jenë pjesë e listës së PDK-së për deputetë. /Gazeta Blic/

Nisma e Rinisë për Kosovën sot ka mbajtur një takim pune me të gjitha kryesitë e NISMËS së Rinisë për Kosovën të të gjitha komunave. Ky ishte një takim pune, që në përmbajtje të tij kishte informimin rreth ecurisë së NISMËS për Kosovën në gjithë vendin, dhe mobilizimin e mëtutjeshëm dhe aktivizimin sa më të madh të të rinjve të NISMËS për zgjedhjet e qershorit.

Kryetari i NISMËS për Kosovën, Fatmir Limaj, ka falënderuar të rinjtë e NISMËS që sipas tij, me vullnet dhe sinqeritet të plotë po angazhohen çdo ditë e më shumë për ta ndalur këtë gjendje të keqe në Kosovë.

“Me shpresë që shumë shpejt me anë të vizionit të NISMËS për Kosovën të fillojmë që së bashku të punohet ndershëm për Kosovën. Ju rinia jeni intelektualët, jeni ju ata qytetarët, që e keni përgjegjësinë kryesore për ndërtimin e shtetit të Kosovës”, është shprehur Limaj.

Ndërkaq, kryetari i NISMËS së Rinisë për Kosovën, Kreshnik Cukaj, ka thënë se, si të rinj po kalojnë ditët më të vështira të vendit tonë. “Andaj prezenca juaj këtu tregon se me tepër se çdo kush, jemi ne të rinjtë e NISMËS për Kosovën, që mundemi dhe sigurisht do t’i themi jo kësaj qeverisje aktuale, e cila që një kohë të gjatë është duke e shkatërruar rininë me anë të politikave përjashtuese”, ka thënë Cukaj.

Zyrtarë brenda AKR’së kanë konfirmuar se brenda javës së ardhshme do të zyrtarizohet kalimi i ish-Kryeministrit Bajram Kosumi në Partinë e Behgjet Pacollit.

Ai pritet të jetë në listën për deputetë të kësaj partie.

Aktualisht, Bajram Kosumi është profesor në Universitetin e Prishtinës.

Kosumi më herët ka qenë udhëheqës i Partisë Parlamentare të Kosovës, e cila më vonë iu bashkua AAK’së,shkruan Express.

Për një vit, Kosumi ishte Kryeministër i Kosovës në koalicionin LDK-AAK.

Ish kryeparlamentari Nexhat Daci thotë se gjëja më e mirë që i ka ndodhur vendit, ka qenë shpërndarja e Parlamentit.

Ai i ka thënë KTV’së se nëse nuk do të shpërndahej Parlamenti, atëherë vendi rrezikonte të shndërrohej në një Bosnjë të dytë.

Daci ka thënë se fakturën më të keqe po e paguajnë qytetarët.

“Nëse do të vazhdohej me këtë garniturë, Kosova po rrëshqiste të bëhej një Bosnjë”, ka deklaruar Daci.

Siç raporton KTV, Daci ka kritikuar edhe punën e kreut të deritashëm të legjislativit, Jakup Krasniqin që sipas tij nuk e ka pasur parësore punën e Kuvendit por shpesh luftën personale me politikanë të caktuar.

Serife N. nga Komuna e Dragashit prej se di për vete orientimin në kohë e bën me dy festa: Shëngjergjin dhe Shmitrin, siç i referohet ajo Shën Mitrit. “Kam lindur 4-5 ditë para Shëngjergjit”, thotë 73-vjeçja e cila mban veshjen tradicionale, me fustanellë të zezë dhe këmishë të bardhë me qëndisje, gati e njëjtë me atë që ka mbajtur si nuse e re që dallon veç në këmishë me ngjyra. Mban në mend të jetë martuar “3 javë pasi ka hyrë Shmitri”.

Më 6 maj bashkë me nuset e djemtë kanë ardhur nga Vrenishta në Vllashkë, shkruan sot “Koha Ditore”. Fshati prej nga vijnë është nja 7 kilometra prej Dragashit, jo fort larg edhe prej fshatit nuk ndihen fort jabanxhi. Në mesin e qindra njerëzve tjerë ata festojnë Shëngjergjin.

“Po festojmë se është bërë nxehtë. Ka ardhur vera”, thotë kjo grua pjesëtare e komuniteti goran. Megjithëse në Kosovë festohet nga një numër i madh njerëzish, pak nga ta e dinë historikun e festës.

Më të vjetrit e shpjegojnë si “festë e verës”, ndërsa të rinjtë thonë së është pjesë e traditës, por nuk e dinë kuptimin. Disa e lidhin edhe me ilir përderisa për jo pak fetarë është festë pagane. Për ata më ekstremë është “haram” të shënohet