Koalicioni ndërkombëtar nën drejtimin amerikan sulmoi sot, për herë të parë, objektivat e grupit të Shtetit Islamik në provincën siriane të Homsit, sipas një OJQ-je.

”Sulmet kanë shënjestruar gjithashtu pozicionet e Shtetit Islamik në Minbej, qytet nën kontrollin e xhihadistëve në provincën Alepo, si dhe në Raqa, bastioni i tyre në lindje”, sipas Observatorit Sirian për të Drejtat e Njeriut (OSDH), një OJQ me qendër në Britaninë e Madhe që mbështetet në një rrjet të gjerë militantësh dhe burimesh mjekësore në terren. Drejtori i saj, Rami Abdel Rahman theksoi se objektivat e prekura në provincën e Homsit ndodhen larg linjës së frontit me forcat besnike të presidentit, Bachar al-Assad që kontrollon qytetin e Homsit, vendi i tretë në vend.

“Koalicioni ka sulmuar për herë të parë bazat e Shtetit Islamik në pjesën e pabanuar të provincës, që shtrihet deri në kufirin irakian”, shtoi Abdel Rahman duke nënvizuar se këto pozicione ndodhen në zonën Al-Hammad, në lindjen e qytetit antik të Palmyres.

Uashingtoni, që mbështet opozitën siriane që prej fillimit të revoltës në Siri në muajin mars 2011 dhe që degjeneroi në luftë civile, nuk ka dashur të bashkëpunojë me Damaskun në luftën kundër Shtetit Islamik, armiku i tyre i përbashkët.

Kuvendi Kombëtar i Partisë Demokratike nisi punimet dyditore, prej nga ku do të zgjidhen strukturat drejtuese, Këshilli Kombëtar dhe Kryesia.

Në këtë Kuvend marrin pjesë 7500 delegatë dhe pritet që të votohet edhe për ndryshimet në statut.

Kryetari i PD-së, Lulzim Basha, në fjalën e mbajtur përpara pjesëmarrësve, e vlerësoi këtë Kuvend si më të madhin dhe me demokratikun në historinë e vendit, ndërsa theksoi se prej nga këtu do të jetë edhe pikënisja e një rrugëtimi të ri.

“Partia Demokratike ka dalë nga shoku i humbjes së vitit të kaluar dhe është ringritur. Ne kemi hedhur bazat e të gjitha proceseve demokratike të Shqipërisë. Zgjedhja ime në krye në krye të PD-së është nder dhe përgjegjësi e madhe”, tha Basha, transmeton TCH.

Sipas tij, në PD është reflektuar për shkaqet e humbjes së zgjedhjeve të 23 qershorit të vitit 2013.

“Shkak që na coi në humbje ishte largësia me qytetarin. Kur njerëzit trokisnin për halle, disa prej nesh qëndronin indiferentë. Rastet e korrupsionit erdhën duke u shtuar vitet e fundit”, tha Basha.

Sipas tij, disa prej kandidatëve nuk bënë takime të drejtpërdrejta me elektoratin. “Ndjesë anëtarëve të Partisë Demokratike. Jemi të përkushtuar për përmirësim”, tha Basha.

Edhe pse Rusia nuk është anëtare e koalicionit të drejtuar nga nga SHBA, kundër ushtrisë së terrorit të IS, duket se Moska dhe Uashingtoni janë në një linjë. Kremlini ndjehet i konfirmuar në politikën e tij ndaj Sirisë.

Në pamje të parë gjithçka është si më parë. Televizioni shtetëror rus nuk humb asnjë rast për të kritikuar Perëndimin. Kështu një moderatore lajmesh të enjten në mbrëmje citonte me kënaqësi nga fjalimi i Presidentit iranian Hassan Ruhani në Asamblenë e Përgjithshme të Kombeve të Bashkuara në Nju Jork. Forcimi i milicëve të terrorit të “shtetit islamik” (IS) në Irak dhe Siri janë rezultat i “gabimeve strategjike të Perëndimit”.

Edhe thumbat verbalë kanë mbetur. “Për mua do të ishte e çuditshme që Presidenti i SHBA-së tha disa herë se bota është bërë më e lirë dhe më e sigurt”, thumbonte një ditë më parë edhe ministri i Jashtëm rus Sergej Lavrov për prezantimin e Barack Obamës në Asamblenë e Përgjithshme të OKB-së. Ai madje kishte pyetur veten nëse Obama kishte folur seriozisht, tha kryediplomati rus. Lavrovi u indinjua që Obama përmendi Rusinë në vend të dytë si rrezik për paqen në botë për shkak të shkeljeve të së drejtës ndërkombëtare në rastin e Ukrainës, direkt pas epidemisë së Ebolas dhe përpara terrorit islamik.

Avionë ushtarakë rusë për Irakun

Rasti i Ukrainës rëndon edhe më tej raportin mes Rusisë dhe Perëndimit. Por lufta kundër ushtrisë së terrorit IS në Lindjen e Afërt duket se i ka afruar më shumë se kurrë gjatë muajve të fundit Moskën dhe botën perëndimore. Rusia votoi të mërkurën bashkë me shtete të tjera në KS të OKB-së për rezolutën e paraqitur nga SHBA kundër milicëve të terrorit. Të gjitha shtetet obligohen të ndalojnë çdo lloj ndihme për ekstremistët.

Edhe për koalicionin e ngritur dhe drejtuar nga Uashingtoni kundër IS Moska deri tani ka pasur qendrim neutral. Por Kremlini nuk dëshëron të marrë pjesë në të. “Koalicioni kundër IS nuk është një festë klubi, ne nuk presim ftesë dhe nuk do të blejmë bileta hyrjeje”, tha një përfaqësues i Ministrisë së Jashtme për agjencinë ruse të lajmeve Interfax. Ai theksoi megjithatë se Rusia i mbështet tashmë ato shtete, që luftojnë kundër IS.

Fjala është në radhë të parë për ndihmën ushtarake për Irakun. Në verë Rusia sipas njoftimeve të medieve i livroi qeverisë në Bagdad një duzinë avionësh lufte të tipit “Suchoi” Su-25 dhe një numër të papërmendur helikopterësh lufte Mi-28. Në korrik mes Moskës dhe Bagadadit u nënshkrua një tjetër kontratë miliardëshe për livirmin e raketahedhësve të shumifishtë të tipit “Grad” si dhe paisje të tjera lufte. “Ne ndihmojnë prej një kohe të gjatë Irakun, Sirinë dhe shtetet të tjera në rajon, në luftën kundër kësaj të keqeje, pa qenë pjesë e asnjë koalicioni”, tha ministri i Jashtëm Lavrov duke iu referuar IS.

Shqetësimet e Moskës për shkak të Sirisë

Ndërkohë që në Irak, Rusia dhe Perëndimi janë praktikisht në një linjë, Siria shkakton ende tensione. Moska i sheh me sy kritik sulmet e fundit ajrore të flotës ajrore të SHBA dhe aleatëve të saj kundër pozicioneve të IS në Siri. Rusia kërkon që kjo të ndodhë vetëm me miratimin e Damaskut. SHBA e refuzojnë këtë pasi Uashingtoni nuk e njeh legjitimitetin e regjimit të Presidentit Bashar al-Assad për shkak të qendrimit të tij kundër opozitës.

Për Rusinë, Siria është për prej kohës së Bashkimit Sovjetik një aleate e ngushtë. Që prej shpërthimit të luftës civile në 20122 Rusia e ka mbrojtur regjimin e Assadit dhe ka penguar disa herë rezoluta të ashpra të KS të OKB-së. Para rreth një viti Moska e bindi Sirinë të lejojë shkatërrimin e armëve të saj kimike. Kështu Rusia pengoi sulmet ajrore të SHBA kundër trupave ruse. Tani Moska druan se SHBA mund të bombardojë jo vetëm IS por edhe ushtrinë e rregullt të Assadit.

Moska e akuzon Uashingtonin për “standarde të dyfishta” në rastin e Sirisë dhe sheh të konfirmuar politikën e saj të deritanishme ndaj Damaskut. “Kur ne bëmë thirrje që të mbështetej qeveria siriane në luftën kundër terroristëve, nuk na e vunë veshin”, tha ministri i Jashtëm Lavrov.

IS kërcënon Rusinë e Putinit

Mbështetja indirekte e Rusisë për luftën kundër “shtetit islamist” është edhe një vetëmbrojtje. Milicët e IS kërcënuan vetëm pak javë më parë Presidentin rus Vladimir Putin. Në një video në internet thuhej se IS do të “çlironte” Kaukazin Verior. “Kërcënimet me atentate terroriste duhet të merren seriozisht”, tha për këtë kryetari i Komisionit për Politikë të Jashtme në Këshillin Federativ, Mihail Margelov në një intervistë.

Ekspertë për çështje të sigurisë mendojnë se në Siri ka edhe luftëtarë nga Rusia në radhët e IS dhe aktivistë të “shtetit islamik” veprojnë në Rusi. Shifra të sakta nuk ka. Në fillim të shtatorit u arrestua një anëtar i dyshuar i IS në Moskë dhe në rrjetet sociale ruse bllokohen vazhdimisht faqe të përkrahësve të IS./DW/

Partia Demokratike mbledh sot Kuvendin. Burime pranë selisë blu thanë për gazetën shqiptare, se janë rreth 250 kandidatë që do të konkurrojnë sot për 150 vende në Këshillin Kombëtar. Sot në Kuvend do të flasin 30 vetë nga shoqëria civile dhe video-mesazhin kryesor do ta mbajë Jozef Daul.

Ndërkohë, në dy ditët e Kuvendit do të miratohet edhe statuti i ri i PD-së. Statuti i ndryshuar i Partisë Demokratike zgjeron forumet drejtuese të kësaj partie, shton departamentet dhe sanksionon parimin ‘një anëtar-një votë’. Projekt-statuti i demokratëve, i cili pritet të miratohet në Kuvendin e së shtunës, ndryshon nga statuti aktual në tri pika kryesore. Ndryshimi i parë thelbësor ka të bëjë me nenin 36 për Këshillin Kombëtar, ndryshimi i dytë me nenin 39, që ka të bëjë me Valentina Madani kryesinë, dhe ndryshimi i tretë ka të bëjë me një shtesë në nenin 43, i cili bën të detyrueshme shtimin e departamenteve.

Kuvendi Kombëtar i Partisë Demokratike do të mblidhet në datat 27 dhe 28 shtator, në Tiranë. Kuvendi Kombëtar i PD-së mblidhet pas procesit intensiv të zgjedhjeve të reja në parti në nivel seksionesh, grupseksionesh dhe degësh, në të gjitha rrethet e vendit

Kreu demokrat, Lulzim Basha iu uroi dje mirëseardhjen delegatëve nga mbarë Shqipëria në Kuvendin e sotëm të PD-së. “Nesër (sot) mblidhet në Tiranë, Kuvendi Kombëtar i PD-së, më i madhi në historinë tonë. Mbi 7500 delegatë që përfaqësojnë vullnetin e 101 mijë anëtarëve të PD-së do të marrin pjesë në Kuvendin e Bashkimit, Ripërtëritjes dhe Nisjes sonë të re. Në emër të PD-së iu uroj delegatëve dhe të ftuarve mirëseardhjen, dhe Kuvendit tonë Kombëtar punime të mbara”, shkruan Basha në Facebook.