Policia e Kosovës ka arrestuar katër persona në rajonin e Prizrenit. Arrestimi i tyre është bërë me kërkesë të Gjykatës Themelore në Gjakovë.
Sipas policisë, të arrestuarit nuk iu kanë përgjigjur obligimeve që kanë pasur ndaj organave të drejtësisë. Arrestimet janë bërë në Rahovec dhe Malishevë.
Më poshtë e gjeni raportin e Policisë së Kosovës për arrestimet në regjionin e Prizrenit.
“Fsh. Senik, Malishevë 26.09.2014 – 11:30. Në bazë të urdhëresës së lëshuar nga Gjykata Themelore në Gjakovë është arrestuar i dyshuari mashkull K-Shqiptar dhe i njëjti dërgohet në vuajtje të dënimit në burgun e Pejës.
Rr. “Xhelal Hajda”, Rahovec 26.09.2014 – 13:30. Në bazë të urdhëresës së lëshuar nga Gjykata Themelore në Gjakovë-dega Rahovec është arrestuar i dyshuari mashkull K-Shqiptar dhe i njëjti pasi ka kryer obligimet ndaj gjykatës është liruar.
Fsh. Joviq, Malishevë 26.09.2014 – 13:45. Në bazë të urdhëresës së lëshuar nga Gjykata Themelore në Gjakovë është arrestuar i dyshuari mashkull K-Shqiptar dhe i njëjti pas përfundimit te procedurave është liruar.
Fsh. Ratkoc, Rahovec 26.09.2014 – 14:00. Në bazë të urdhëresës së lëshuar nga Gjykata Themelore në Gjakovë-dega Rahovec është arrestuar i dyshuari mashkull K-Shqiptar dhe i njëjti pas përfundimit të procedurave është liruar”, thuhet në raportin e Policisë. /PrizrenPress.com/