Koordinatori i Nismës për Kosovën në Prizren, Sejdullah Hoxha nuk dyshon në fitoren e Nismës në këtë qytet. Ai, madje me padurim po e pret ditën e zgjedhjeve.

Thotë se me 8 qeshor, Nisma për Kosovën në Prizren, do t’i befasojë të gjithë me një fitore të thellë.

” Nisma në Prizren edhe pse është një subjket i ri, është e gatshme dhe e përgatitur që t’i fitojë zgjedhjet e 8 qershorit”, tha Hoxha për TVO.

Ai tregon se Nisma në Prizren është duke punuar intensivisht që t’i fitojë zgjedhjet nacionale.

“Ne do t’i fitojmë këto zgjedhje, sepse ky qytet deri më tash vetëm është keqqeverisur”.

“Qytetarët e Prizrenit, por edhe të qyteteve të tjera të Kosovës, janë të intersuar për ndryshime dhe këtë ndryshim po e shohin tek Nisma”.

Hoxha tregon se Nisma në Prizren është zgjeruar më shumë se sa sa ka parashikuar.

“Jemi zgjeruar më shumë se sa kemi menduar. Intersimi i qytetarëve për t’iu bashkuar Nismës është i madh”.

Nisma për Kosovë n në Prizren në zgjedhjet nacionale do të garojë bashkë me Bashkimin Demokratik të Zafir Berishës.

Hoxha thotë se ky bashkim,do të sjellë një fitore të thellë në Prizren.

“Nisma dhe Bashkimi Demokratik me 8 qershor do të fesojnë bashkarisht fitoren në Prizren”, thotë Hoxha./PrizrenPress.com/

Morën paga të majme më shumë se nga 2 mijë euro brenda muajit, por asnjëherë askush nuk mundi t’iu dëgjojë zërin.

Janë më shumë se 10 deputetë të Kuvendit të Kosovës të legjislaturës së fundit që përgjatë tri viteve të mandatit të tyre morën nga buxheti i Kosovës deri në 80 mijë euro, por, që asnjëherë në asnjë rrethanë nuk morën mundin që të flasin në seanca plenare.

Në këtë mes hyjnë deputetët e të gjitha subjekteve politike pa përjashtim, të cilët morën besimin e qytetarëve që të ulën në Kuvend, por që patën fatin vetëm të marrin paga të majme dhe të gëzojnë shumë privilegje, por jo edhe të flasin për hallet dhe problemet e qytetarëve/Zeri/

Në bazë të disa drafteve të tekstit të MSA-së, cilat i ka parë “Koha Ditore”, dallimet më të mëdha të kësaj Marrëveshjeje me ato të vendeve të tjera të rajonit janë në pjesën e dialogut politik, shkruan sot Koha Ditore.

Përderisa shteteve të rajonit si qëllim u përmendet „integrimi i plotë në bashkësinë e kombeve demokratike dhe përafrimin gradual me Bashkimin Evropian“ në rastin e Kosovës pritet të shkruhet fjalia:

„Pjesëmarrjen e Kosovës në bashkësinë demokratike ndërkombëtare, nëse një gjë të tillë e lejojnë rrethanat objektive“. Në vend të „përafrimit me Bashkimin Evropian“ në rastin e Kosovës pritet të thuhet: „avancimin e perspektivës evropiane të Kosovës…“. Nuk është pranuar as fjalia „rruga e integrimeve Evropiane“.

Marrëveshja e Stabilizim Asociimit mes Kosovës dhe BE-së do të jetë dokumenti bazë, sipas të cilit së paku në dhjetë vitet e ardhshme do të zhvillohet bashkëpunimi në mes të BE-së dhe Kosovës.

Kur të nënshkruhet dhe pasi të hyjë në fuqi ai do të ketë një fazë kalimtare prej 10 vitesh për të përmbushur të gjitha pjesët e saj dhe ato janë vërtet gjithëpërfshirëse.

Fjalimi më shumë se 8-minutash i kryeministrit Hashim Thaçi është transmetuar në televizionet më kryesore të Kosovës, pikërisht ditën kur është dekretuar data 8 qershor për organizim të zgjedhjeve të parakohshme nacionale, shkruan sot Koha Ditore.

Së paku në disa televizione transmetimi është lejuar me pagesë. E, kompensimi monetar për kohën e transmetimit është sponsorizuar nga PDK-ja.

Kryeministri Hashim Thaçi është denoncuar të premten në Panelin Zgjedhor për Ankesa dhe Parashtesa (PZAP) për promovimin që i ka bërë nga zyrat e Qeverisë projektit më kapital me të cilin synon mandatin e tretë, “Misioni i ri”

Shumë shtetas të Kosovës që jetojnë jashtë vendit, mund të mbesin pa votuar në zgjedhjet e përgjithshme më 8 qershor. Jo pse ata mund të kenë probleme me dokumente apo çështje tjera, por që caktimi i afateve për regjistrim dhe votim jashtë vendit është shumë i shkurtër. Duke pasur parasysh se janë vetëm 30 ditë në dispozicion deri te dita e zgjedhjeve, Komisioni Qendror i Zgjedhjeve është detyruar që t’i shkurtojë të gjitha afatet e parapara në planin operativ.

Mërgata kosovare do të ketë në dispozicion gjashtë ditë për t’u regjistruar për votim, ndërsa pas kësaj do të jenë edhe nëntë ditë tjera kur ata duhet të gjejnë kohë për të nisur votën në Kosovës nëpërmjet postës. Në këtë rast periudha e regjistrimit për votim jashtë Kosovës është caktuar nga data 13 deri më 19 maj, ndërsa periudha e votimit jashtë Kosovës është vendosur nga data 27 maj deri më 6 qershor,shkruan Tribuna.

Në KQZ e pranojnë se koha e shkurtër mund të sjellë telashe njëkohësisht edhe numër të vogël të votuesve që janë shtetas të Kosovës dhe jetojnë jashtë vendit

Edhe sot do të vazhdojë “trendi” I aderiemve të reja në Lidhjen Demorkatike të Kosovës. Siç merr vesh Botapress sot në orën 13 në selinë e LDK-së do të aderojnë edhe Teuta Ibrahim Rugova, vajza e presidentit Ibrahim Rugova dhe profesor Valon Murtezaj.

Mbrëmë janë takuar lideri I LDK-së Isa Mustafa dhe Teuta Rugova dhe sot do të bëhet edhe ceremonia e pranimit zyrtar.

Edhe profesor Valon Murtezaj është emër I njohur për opinionin kosovar. Mendohet se që të dy do të jenë kandidat të listës së LDK-së për deputetë.
Kush do të aderojë sot në LDK?

Lidhja Demokratike e Kosovës nëpërmjet një njoftimi për media ka treguar se, do të mbajë një konferencë për media ku me ç’rast do të prezantojë aderimet e reja në këtë parti.
Ndryshe LDK-së dje i është bashkuar edhe analisti i njohur Bardhyl Meta.

“Kryetari i Lidhjes Demokratike të Kosovës, Isa Mustafa, do të mbajë konferencë për medie, me çrast do të prezantojë aderime të reja në LDK. ,Zyrat e LDK-së, kompleksi “Qafa”, ora 13:00” , thuhet në njoftimin e kësaj partie