Festivali ndërkombëtar veror i filmit, Durrës (Durres International Film Summerfest), Edicioni i 7 (9 -14 shtator 2014) u prezantua të shtunën para medieve vendore të qytetit organizator.

Në konferencën për shtyp të zhvilluar, më 6 shtator 2014, në teatrin “Aleksandër Moisiu” drejtorja e festivalit Anilë Varfaj falënderoi eprorin e bashkëshortit, Vangjush Dako, për mbështetjen financiare të bashkisë, dhe për këmbënguljen për organizimin për herë të parë të një bienaleje të artit pamor.

Kryetari i bashkisë Vangjush Dako vlerësoi rëndësinë e festivalit të Durrësit për potencialin që krijon ai me të gjithë artistët dhe vizitorët që vijnë gjatë ditëve të veprimtarisë, raporton agjencia e lajmeve “Dyrrah”.

Regjisori dhe shkrimtari i njohur durrsak, personalitet i kulturës në nivel kombëtar, Gjergj Vlashi, ndihej i nderuar për caktimin e tij si një nga anëtarët e jurisë ndërkombëtare (juria e edicionit të 7-të të Durrës International Summer Fest kryesohet nga Leon Vitali, aktor dhe asistent-regjisor për më shumë se 20 vjet i mjeshtrit Stenli Kubrik (Stanley Kubrick, 1928-1999), ardhja e të cilit u mundësua nga ambasada amerikane në Tiranë).

Organizatorët e konferencës, që programin e kishin bërë publik në shtypin e Tiranës prej disa ditësh dhe pa u pasqyruar ende në faqen ueb, bënë reklamë para përfaqësuesve të medieve të Durrësit si për një ngjarje të madhe shfaqjen në amfiteatër të filmit turk të restauruar, prodhim i vitit 1978 Shamikuqja (titulli origjinal: Selvi Boylum, Al Yazmal?m), mbështetur në një novelë të shkrimtarit të njohur kirgiz Çingiz Aitmatov (1928-2008), me titullin “Shtatselvia ime me shami të kuqe” (origjinali rusisht: Topoljok moj v krasnoj kosinke), botuar në vitin 1976.

Me këtë rast është ftuar dhe interpretuesja e heroinës së filmit Shamikuqja, aktorja 69-vjeçare e mbi 100 filmave, njëkohësisht regjisore dhe shkrimtare Tyrkan Shoraj (Türkan ?oray), ardhja e së cilës bëhet e mundur nga Instituti turk “Yunus Emre” (shtypi i vendit euroaziatik i ka bërë jehonë këtij fakti).

Në konferencën për shtyp folën edhe kuratorët, italiani Xhuliano Otaviani (Giuliano Ottaviani) dhe artisti durrsak i specializuar në Itali David Kryemadhi, të bienales ndërkombëtare të artit pamor “Durrës Art”, si pjesë e festivalit të filmit.

Me sa duket, mungesa e parave ka ulur pjacën e festivalit: kur nuk ke gjithmonë “pula” si Coppola, do të kënaqesh me sorrën.

Info

Edicioni i tij i 7-të do të zhvillohet në datat 9-14 Shtator, në qytetin e Durrësit dhe në katër qytete të tjera të Shqipërisë: Tiranë, Vlorë, Pogradec dhe Sarandë me një program të vecantë për këto qytete.

Këtë vit, Festivali Veror i Durrësit do të shtrihet në ekspozitën e artit figurativ në galerinë “Nikolet Vasia” (8-14 shtator 2014) me pjesëmarrjen e artistëve pamorë nga gjithë Evropa si dhe atyre të rinj nga Shqipëria.

Mbrëmjet do t’u kushtohen jo vetëm filmave në konkurrim por dhe mikut të nderit për këtë vit: kinemasë dhe turke në 100-vjetorin e saj ditën e hapjes së festivalit., ku do të jenë të ftuar disa muzikantë për të luajtur live kolonën zanore të filmit “Shamikuqja”; më tej Turqia do të konkurrojë për “Gladiatorin” me dy filma.

Stafi i festivalit ka përzgjedhur gjashtë filma nga prodhimet më të fundit evropiane për konkurrimin në seksionin “Vizione bashkëkohore”.

Një përzgjedhje të filmave më të mire janë në konkurrim në seksionin “Botë Ballkanike”.

“Gladiatori i Artë në karrierë” është për aktoren, regjisoren, shkrimtaren Tyrkan Shoraj; çmimi i karrierës për regjisorin Viktor Gjika (1937-2009) dhe aktoren durrsake Marta Burda (1926-1995).

“Çmimet e Argjendta të Durrësit” do të shkojnë për aktorin serb Miki Manojloviç dhe aktorin/regjisorin anglez Leon Vitali.

Për herë të parë do të jepet çmimi për “Studentin më të mirë shqiptar të filmit me metrazh të shkurtër” nga Shqipëria, Kosova, Mali i Zi dhe Maqedonia.

Do të nderohen filmat më të realizuar në jetën artistike të Miki Manojloviçit si dhe dy filmat e Viktor Gjikës (“Nëntori i Dytë” dhe “Gjeneral Gramafoni”) si dhe një përmbledhje nga filmografia e Marta Burdës.

Gjashtë leksione “Master Class” do të jepen nga Leon Vitali, Per Nielson, Tom van Avermaet.

Përderisa librat e Murakamit po vazhdojnë të kërkohen nga lexuesit, ndërsa suksesi arriti kulmin me botimin e novelës më të re “Colorless Tsukuru Tazaki and his years of pilgrimage”, botuesi i autorit ka vendosur që novelën e tij të parë “Hear the Wind Sing” ta ribotojë.

Vepra e botuar në origjinal në Japoni në vitin 1979, dhe e përkthyer në anglisht tetë vite më vonë, sot gjindet shumë rrallë. Botuesi ka vendosur që veprën ta ribotojë tani dhe ajo të dalë për botim vitin tjetër, kjo nga vizita e Murakamit në Londër në një Panair libri.

Versioni i ri i novelës vjen i përkthyer nga Ted Goossen, professor i shkencave shoqërore në York University në Tokio, ky përkthyes edhe i dy novellave të Haruki Murakamit. Vepra flet për një narrator 21 vjeçar i cili merret me Stadiumin Meji Jingu, dhe shkruan çdo natë në të njëjtën orë, për katër muaj rresht. Me këtë vepër autori morri Gunzo Literature Prize.

Murakami po ashtu në fund të vitit boton edhe librin me tregime “The Strange Library”.

Drejtoria e Arsimit në Prizren, ka marrë vendim që këtë vit t’i mbyllë të gjitha shkollat për publikun dhe inspektorët. Përfaqësuesit e Organizatave Joqeveritare (OJQ) dhe inspektorët e Arsimit (SIA) nuk mund të hyjnë në asnjë shkollë të Prizrenit, pa pëlqimin e Drejtorisë së Arsimit.

“PrizrenPress” ka siguruar qarkorën e drejtorit të Arsimit në Prizren, Nexhat Çoçajt, të cilën ia ka dërguar të gjithë drejtorëve të shkollave.

Në pikën 6 të kësaj qarkore, drejtori Çoçaj kërkon nga drejtorët që të mos lejojnë asnjë OJQ dhe inspektor të Arsimit (SIA) në shkolla nëse paraprakisht nuk kanë njoftuar dhe marrë pëlqimin e Drejtorisë së Arsimit.

“Drejtorët e shkollave, obligohen që asnjë organizatë, OJQ, institucion të mos e pranojnë në shkollë, pa njoftimin paraprak të DKA-së. Kjo vlen edhe për inspektorët e Arsimit (SIA) nëse nuk kanë dëshmi me shkrim nga DKA. Askujt,që nuk lajmërohet së pari në DKA, nuk duhet t’i pranoni në shkollë e as t’i afroni asnjë të dhënë, qoftë gojore apo me shkrim”, thuhet në pikën 6 të qarkores së Drejtorisë së Arsimit në Prizren.

Për këtë qarkore, “PrizrenPress” ka kërkuar sqarime nga drejtori i Arsimit në Prizren, Nexhat Çoçaj, mirëpo edhe pse janë dërguar pyetje që tri ditë deri në momentin e publikimit të lajmit nuk ka kthyer përgjigje.

Bashkimi Demokratik në Prizren, vlerëson se me këtë qarkore Drejtoria e Arsimit vitin e ri shkollor e ka filluar me vetëizolim.

“Viti i ri shkollor, nis me Qarkoren përmes së cilës kërkohet të vetëmbyllet – vetëizulohen shkollat ndaj publikut të gjerë dhe institucioneve shtetërore”, vlerëson BD-ja në Prizren. /PrizrenPress.com/