Në ditën kur organizohen aktivitete për të promovuar vlerat e popujve të Evropës, në Therandë dje u hap ekspozita e cila simbolizon vlerat Evropiane e humane të kombit shqiptar të treguara më së miri para plotë 70 vjetësh në periudhën më të errët të njëzimit në kohën moderne, Holokaustit

Ekspozita “Shpëtimi i hebrenjve në Kosovë” vazhdon promovimin e fisnikërisë shqiptare të treguar gjatë Luftës së Dytë Botërore duke mos e ndalur udhëtimin nëpër Kosovë.

Pak ditë pas përmbylljes së ekspozitës në Malisheve ajo zuri vend në Qendrën për Trashëgimi Kulturore në Therandës. Të pranishmit patën rastin të kuptojnë për së afërmi zhvillimet e asaj periudhe kur Besa Shqiptare luajti rolin kulmor gjatë shekullit të kaluar.

Ekspozita do të qëndroj e hapur tri javë në Qendrën për Trashëgimi Kulturore në Therandë.

Në po këtë ditë, në Prishtinë para zyrës së Bashkimit Evropian në Prishtinë, organizohet protestë për Liberalizimin e Vizave me BE-në.

E po ashtu do të mbahet edhe turne në futboll rruge. Ndërsa Unioni i Studentëve Pro Europian realizon dy aktivitete përmes të cilave do të shprehë pakënaqësinë e studentëve për kufizimin e lëviz jes së lirë të qytetarëve të Kosovës.

Deklarata e 9 majit 1950 është data kur u hodh hapi i parë drejt krijimit të asaj që sot njihet si Bashkimi Evropian. Ministri i Jashtëm i Francës, Robert Shuman, lexoi për shtypin ndërkombëtar një deklaratë ku i bënte thirrje Francës, Gjermanisë dhe vendeve të tjera evropiane për të bashkuar prodhimet e tyre të qymyrit dhe çelikut që do të ishte “themeli i parë konkret për një Federatë të ardhshme Evropiane”.

Vendet të cilave u drejtohej thirrja kishin dalë të rrënuara materialisht dhe moralisht nga konfliktet me njëra tjetrën. Ajo që propozonte Schuman ishte krijimi i një institucioni evropian mbi kombëtar, i cili do të administronte industrinë e prodhimit të qymyrit dhe çelikut, sektor i cili në atë kohë ishte baza e fuqisë ushtarake.

Vite më vonë, në Samitin e Milanos në 1985, krerët e BE-së vendosën që data 9 maj të shpallej dhe festohej si “Dita e Evropës” .

Nënkryetari i AAK-së Ardian Gjini, ka thënë se ky subjekt politik në këto zgjedhje parlamentare po hyn shumë më i përgatitur se herëve të tjera.
Ai është shprehur i bindur në fitoren e AAK’së më 8 qershor për faktin se sipas tij, pas 10 vjetësh listës së AAK’së në këto zgjedhje parlamentare do t’i prijë lideri i saj, Ramush Haradinaj.

Gjini për “Epokën e Re” tha se në listën e AAK’së për deputetë nuk do të jetë asnjë individ që ka probleme me ligjin.

Ai ka thënë se PDK’ja me aleatët e saj që ka qenë në pushtet duhet të shkoj në opozitë.

Laboratorët publikë dhe privatë akuzohen për pasaktësi gjatë nxjerrjes së rezultateve të analizave mjekësore.

Organizatat joqeveritare që merren me mbrojtjen e të drejtave të pacientëve pohojnë se kanë të evidentuara shumë ankesa të qytetarëve.

Besim Kodra, drejtues i Shoqatës për të Drejtat e Pacientëve në Kosovë, ka shprehur shqetësimin se gjendja e laboratorëve dhe mënyra e funksionimit të tyre nuk është e mirë. “Inspektorati është përgjegjës për këtë situatë, sepse ka mungesë të kontrollit. Ata duhet të merren me kontrolle, shqiptim gjobash dhe, nëse është nevoja, edhe mbyllje të atyre laboratorëve që nuk janë në rregull”, ka thënë ai,shkruan Koha Ditore.

Ndërsa, përfaqësuesit e laboratorëve privatë ankohen se nuk kanë kontrolle të cilësisë dhe se rezultatet e tyre mund të kontestohen nga çdokush.

Nuk ka norma ligjore që ia kufizojnë Qeverisë ndonjë kompetencë në rastet kur shpërndahet Kuvend.

As Kushtetuta e Kosovës dhe as ligjet në fuqi nuk përmbajnë ndonjë dispozitë, me të cilën do të kufizoheshin kompetencat e ekzekutivit pas shpërndarjes së Kuvendit.

Në shoqërinë civile kanë theksuar se praktikat e mirëqeverisjes i pamundësojnë Qeverisë të ushtrojë kategori të kompetencave në fusha të ndryshme, transmeton koha.net.

E në Kabinetin Qeveritar kanë dhënë zotimin se do të vetëpërmbahen dhe nuk do të marrin vendime strategjike dhe as aso që prodhojnë vota.

Megjithëkëtë, është lënë e hapur mundësia që dialogu me Serbinë të vazhdojë./Koha Ditore/

Kreu i LDK-së, Isa Mustafa ka thënë sonte se në listën e LDK-së për deputetë mund të hyjë edhe vajza e vetme e presidentit të ndjerë, Ibrahim Rugova, Teuta, derisa ka paralajmëruar aderimin e analistit, Bardhy Meta në LDK.
Ai në emisionin Zonë e Debatit të Klan Kosovës, ka folur për publikimin e videos ku përfshihej djali i tij, duke thënë se metoda të tilla nuk ka përdorur as Stalini.
Në këtë pikë, ai ka folur edhe për koalicionet e mundshme. I pyetur për koalicion me Vetëvendosjen ai tha se dëshiron të ketë bashkëpunim me të gjithë por se “nuk do të donte të ishte përballë dikujt që ke frikë se mos është me kamera e mikorofonë”.

Mustafa duke folur për bashkëpunimin me partitë politike, tha se kanë bashkëpunime me të gjithë por ai tha nuk ka pasur se pse ta lus askënd që të shkojnë nëpër takime sepse siç tha ai “nuk ka asnjë zor ta bëjë këtë”.
Mustafa duke iu referuar Vetëvendosjes, tha se është parti shumë e vogël për LDK-në.

“PDK është rivali ynë në këto zgjedhje. Ajo (Vetëvendosje) është parti shumë e vogël për neve. Nuk kemi pse t’i lusim për asgjë”, ka thënë veç tjerash Mustafa.

Koalicione të paparashikuara dhe garë e ashpër mes partive politike pritet të kemi në muajin në vazhdim. Të paktën kështu kanë vlerësuar analistët politikë në emisionin “Rubikon” të KTV-së, ku kanë diskutuar për partitë politike dhe zgjedhjet e 8 qershorit.

Madje, sipas tyre, këto zgjedhje do të vendosin edhe fatin e liderëve si Hashim Thaçi, Isa Mustafa e Behgjet Pacolli.

Duke folur për fushatat dhe organizimin e partive politike para zgjedhjeve, ata kanë vlerësuar se PDK-ja, megjithëse ka një panik, është duke menaxhuar mirë situatën. Për LDK-në kanë thënë se deri më tani ka qenë e mbyllur për prurjet e reja, ndërsa aderimet në Vetëvendosje janë cilësuar si jo të përputhshme, raporton Koha.net.

Kryeredaktori i “Kohës Ditore”, Agron Bajrami ka thënë se fitorja e kryeqytetit nga Shpend Ahmeti ka bërë që individë të caktuar të afrohen me Vetëvendosjen. Sipas Bajramit, LDK-ja duhet falënderuar për një gjë.

“LDK-ja ka llogaritur që të insistojë që të mos i kemi vendet e rezervuara dhe për këtë duhet falënderuar. Partia e dytë, pra LDK-ja, është shumë afër, por ajo nuk e ka të rezervuar fitoren dhe për këtë duhet të luftojë për të”, ka thënë Bajrami, teksa ka komentuar edhe kryeministrin në detyrë Hashim Thaçi.

“Thaçi ka shpërfaqur panik, me faktin e ngritjes së pagave dhe premtimeve marramendëse”, ka thënë Bajrami.

Sipas tij, “Nisma..” e Limajt dhe Krasniqi do ta kalojë pragun, derisa një gjë të tillë ai mendon se nuk do të mund ta bëjë AKR-ja e Behgjet Pacolli.

Analistja Laura Kryeziu ka thënë se është e çuditshme se si partia në pushtet sillet sikur do ta marrë pushtetin, ndërsa LDK-ja sillet sikur u lodhë nga pushteti dhe ajo ende nuk ka treguar vullnet për fitore.

“Isa Mustafa e ka humbur Prishtinën, është fajtor për këtë presidente dhe edhe pse është afër fitimit, sillet sikur i lodhur”, ka thënë Kryeziu.

“Ndërsa në PDK ka një mobilizim edhe përkundër panikut, ata po mundohen ta tejkalojnë këtë”, ka shtuar më tej ajo.

Ndërsa analisti Astrit Gashi, thotë se LDK-ja e pat një momentum pas zgjedhjeve lokale, por menjëherë u struken, hynë sikur në zgafellë.

“Ata janë duke punuar në terren por problemi i tyre qendror është se ata fushatës se tyre nuk i kanë vënë titull dhe nuk kanë ofruar asgjë konkrete. Dhe sipas mendimit tim, nuk kanë qenë të hapur mjaftueshëm për prurje të reja”, ka thënë Gashi.

“Ndërkaq, paniku i PDK-së ka rezultuar me gjithë ato premtime populiste që i bëri Thaçi”, ka shtuar më tej Gashi.

Analisti Imer Mushkolaj, ka thënë se fushata arrogante e bezdisshme dhe intensive e Hashim Thaçit me rritje të pagave dhe që ishte kryekëput populiste i ka gjetur të papërgatitura partitë politike.

“LDK-ja sikur është frikuar t’u kundërvihet këtyre veprimeve”, ka thënë Mushkolaj.

Analistët, më tej i kanë vlerësuar tejet të dobët dhe pa kulturë parlamentare ligjvënësit që dje shkarkuan vetën, madje ata janë shprehur se shumë prej tyre Kuvendin e kanë shfrytëzuar si strehë për t’u ikur hetimeve të ndryshme, sidomos ata që kanë ardhur nga SHIK-u.

Agron Bajrami është i mendimit që ish-deputetët më së pakti kanë përfaqësuar popullin por ata, sipas tij, janë përdorur si servis nga ndërkombëtaret dhe vendorët për të votuar procese të ndryshme.

I të njëjtit mendim është edhe Mushkolaj, i cili madje ka shkuar edhe më larg, duke thënë se ata nuk kanë pasur as kredibilitet për të kundërshtuar apo për të debatuar më për çështje të ndryshme por janë përdorur vetëm si makineri votimi.