Sonte në emisionin “Jeta në Kosovë”  transmetohet  reportazhi për helmimet në Spitalin e Prizrenit. Mësoni se si ndodhi që tre pacientë të operohen në të njëjtën ditë, në të njëjtin repart dhe në të njëjtin spital, e më pas të dërgohen urgjentisht për në QKUK të Prishtinës për trajtim të mëtutjeshëm? Gjithashtu, ndiqeni reportazhin që tregon se çfarë po ndodh me Liqenin e Batllavës. Cili është vendimi i MMPH-së dhe si po e presin banorët atë.

Çfarë ndodhi me këta tre pacientë, a u shëruan ata, cilat janë pasojat ë tyre shëndetësore, kush ishte buzë vdekjes nga ky helmim?

Po ashtu, mësoni se si ndodhi që Spitali i Prizrenit të mos ketë dokumentacion rreth operimit të tyre, pse personeli mjekësor nuk dinte se si u helmuan këta tre pacientë, cila ishte diagnoza përfundimtare e tyre?

Pse institutet që janë përgjegjëse për këto raste nuk dhanë asnjë konstatim se prej nga erdhi e gjithë kjo situatë, pse Departamenti për Krime Ekonomike i Policisë së Kosovës ngriti kallëzim penal dhe ndaj kujt e bëri atë, si ndodhi që prokurori i rastit ta hedh poshtë kallëzimin penal si të pabazuar, mbi çfarë baze e bëri ai atë?

Pse nuk i hyri në punë prokurorit raporti i Institutit Kombëtar të Shëndetit Publik në Prizren, i cili konstatoi se nga mostrat e marra në vendin e ngjarjes, doli se 65 për qind e sallave të operacioneve dhe në repart është e papastër?

Çfarë kërkojnë palët nga ky rast, pse ata kanë kundërthënie edhe me avokatin e tyre, kush e paditi Ministrinë e Shëndetësisë dhe Spitalin e Prizrenit për këto raste, a e dinë këto dy institucione se janë paditur?

Gjithashtu, ju mund ta ndiqni edhe reportazhin për Liqenin e Batllavës.

Çka ka marrë vendim Ministria e Ambientit dhe Planifikimit Hapësinor lidhur me plazhet e Batllavës, sa po e respektojnë qytetarët këtë vendim dhe sa është i pranueshëm për ta vendimi për ndalimin e çdo aktiviteti turistik në Liqenin e Batllavës, çka paraqet shqetësim serioz në këtë liqe për banorët e kësaj ane, si dhe për Komunën e Podujevës?

Emisionin “Jeta në Kosovë” mund ta ndiqni në RTK çdo të enjte prej orës 20:20, si dhe reprizën të nesërmen në mesditë.

Një person ka kërcuar pjesëtarët e Policisë së Kosovës në Suharekë. Kërcënimi është bërë gjatë kohës sa Policia ia shqiptonte një tiket të dënimit për kundërvjatje.

“Një person është arrestuar pasi që i njëjti pas shqiptimit të një tikete për kundërvajtje ka fyer dhe kërcënuar policët, duke mos zbatuar urdhrat e tyre. I dyshuari është dërguar në procedurë të shpejtë në gjykatë”, njofton Policia e Kosovës./PrizrenPress.com/

Pak ditë pas arrestimit të më shumë se 40 shtetasve kosovar nën dyshimin për lidhje me terrorizëm, në kanalin Youtube po qarkullon një video e të njohurit Hoxhë Irfan Salihut nga Prizreni.

Ai në këtë video disa minutëshe jep shpjegim se çka është ekstremizmi.

“Kush është ekstremist? Ai që ma ndalon në shkollë qikën teme me shku në shami.

Ai që ma shan mjekrën është ekstremist, sunetin e Muhamedit a.s”, ka thënë ndër të tjera imami i xhamisë.

Për më tepër ju ftojmë që ta ndiqni viedon.

Pjesëmarrësit dhe mysafirët e shumtë që do të jenë gjatë “DokuFestit” në Prizren, janë shumë të sigurt.

Asgjë nuk ka të vërtetë rreth publikimeve në rrjetet sociale se ky eveniment kulturorë do të sulmohet nga ithtarët e organizatës terroristë ISOS.

Aksionet e policisë së Kosovës, për të vënë në pranga edhe personin e fundit të dyshuar për pjesëmarrje në organizatën terroriste ISOS po vazhdojnë. Policia rajonale e Prizrenit, mbrëmë shoqëroi në mbajtje edhe Naser Abdylin nga Prizreni.

Personi në fjalë kohë më parë kishte qenë imamë në Ratkoc të Rahovecit, por, RTK merr vesh se me kërkesë të komunitetit atje, ai është përzënë nga ai fshat, për arsye se kishte përdorur fjalor fyes, thirrje për dhunë ndaj të gjitha organizatave botërore që veprojnë në Kosovë pas lufte, ndalesën e shkollimit të femrës myslimane e të tjera.

Por, arrestimi i këtyre personave, hapi edhe një temë tjetër që lidhet direkt në qytetin e Prizrenit. Siç dihet këto ditë në këtë qytet, starton ngjarja më e madhe kulturore në vend “DokuFest”, ndërsa u përhapën shumë fjalë se këta persona kishin cak sulmin e këtij evenimenti. Kjo u hodh poshtë nga Drejtori rajonal i Policisë në Prizren, Nexhmi Krasniqi.

“Për të gjithë pjesëmarrësit do të ketë siguri maksimale”, tha  Krasniqi.

Por, në stafin e “Doku Festit” ky lajm nuk ka dhënë asnjë ndikim. “Të gjithë jemi në vlugun e punës, duke u marrë me përgatitjet përfundimtare”, thotë Eroll Bilibani, Drejtor ekzekutiv i Festivalit, raporton RTK.

Festivali do të nis nesër në mbrëmje me hapjen e ekspozitës së fotografit amerikan Donald Weber, ndërsa për 9-të ditë, qyteti i Prizrenit, do të jetë qendra e kinemasë botërore, për filmin e shkurtër dhe atë dokumentarë.

Thyerja e veturave të mërgimtarëve vazhdon të jetë në fokus të hajdutëve këtë sezon të verës në qytetin e Prizrenit.

Policia Rajonale në Prizren thotë se kjo dukuri ka shënuar rritje këtë vit, ndonëse nuk jepet ndonjë shifër e saktë e numrit të veturave të plaçkitura. E, bashkatdhetarët, të cilët kanë qenë në shënjestër të hajnave, thonë se nëse policia nuk merr masa – atëherë ata janë të obliguar të mos e vizitojnë vendlindjen viteve të ardhshme.

Një zyrtar i Policisë së Kosovës në Prizren i ka thënë Radio Kosovës se këtë verë ka pasur rritje të numrit të veturave të thyera, të cilat i kanë raportuar nga mërgimtarët që kanë ardhur për pushimet në vendlindje. Sipas tij, thyerjet janë raportuar të kenë ndodhur gjatë ditës nëpër parkingjet publike, por edhe në orët e mbrëmjes në parkingjet e restoranteve ku mbahen ahengjet e ndryshme.

Të dëmtuarit, njofton Policia e Kosovës, kanë raportuar për dëmtim të dyerve të makinave, për plaçkitje të dokumentacioneve, syzeve dhe gjësendeve të domosdoshme për ngasjen e makinave.

Një mërgimtar, të cilit i është thyer vetura, por që nuk ka dashur t’i përmendet emri në Radio Kosova, ka thënë se kjo nuk është hera e parë që i është thyer vetura.. Sipas tij, gati për çdo vit, sa herë që vije për pushime, përballet me këtë problem.

“Jam shumë i zhgënjyer, sidomos me policinë, e cila kurrë nuk po arrin t’i kap hajnat. Nganjëherë më shkon në mend të mos vije fare me makinë për pushime”, ka thënë mërgimtari.

Zëvendëskomandanti i Policisë në Prizren, Avdi Kryeziu, ka konfirmuar për Radio Kosovën se Policia Rajonale në Prizren, po heton një numër të madh të thyerjes së veturave me targa të huaja.

Lëvizja Vetëvendosje! e konsideron të dëmshme euforinë dhe ekzaltimin që po ndërtohet në formë fushate, posaçërisht nga disa medie të regjimit, me rastin e arrestimit të 40 qytetarëve të Kosovës të dyshuar për terrorizëm e krime në luftë në Siri.

Sipas Lëvizjes Vetëvendosje, Prokuroria e gjyqësori, policia e AKI-ja, porsi Qeveria e Kosovës, janë të shquar për skandale e papërgjegjësi, për korrupsion e partizim prandaj nuk duhet të ngutemi me duartrokitje për një proces të cilit nuk i dihet mirë as fillimi se lëre më fundi.

Aq më tepër që, sipas VV-së, të njëjtit nuk i luftojnë as strukturat shtetërore të Serbisë dhe as krimin e kontrabandën në Kosovë me të cilat ndodhen në marrëveshje diku publike e të zhurmshme e diku xhentëlmene e të heshtur.

“Nëse del që policia i ka arrestuar këta 40 njerëz shumë më parë për bindjet dhe pamjet e tyre sesa për krimet e kryera, atëherë këto arrestime kollaj do të mund të bëhen kundërproduktive në të ardhmen”, thuhet në reagimin e Lëvizjes Vetëvendosje.

Lëvizja Vetëvendosje konsideron që Bashar al-Assadi, kryetari i Sirisë, është diktator që duhet rrëzuar nga pushteti, mirëpo jo pse është shiit, por për shkak se është diktator në krye të një regjimi vrastar.

“Lufta në Siri nuk është vetëm thjesht luftë politike e as kryengritje popullore kundër Assadit. Grupe e organizata nga më të ndryshmet marrin pjesë atje duke luftuar edhe njëra-tjetrën me motive e qëllime të panjohura tërësisht dhe me rezultate e pasoja të paparashikueshme plotësisht. Prandaj, qytetarët e Kosovës dhe shqiptarët në përgjithësi nuk duhet të shkojnë në atë luftë. Ne e njohim të drejtën universale të secilit për t’u solidarizuar me rezistencën dhe kryengritjet e popujve të shtypur e të shfrytëzuar nëpër botë por jemi të bindur që lufta në Siri nuk ka nevojë dhe madje pamundëson një solidaritet të tillë. Lufta në Siri nuk mund të jetë as lufta jonë e as luftë për ne”, vlerëson VV-ja.

Ndër tjerash, Vetëvendosje vlerëson se nëpërmjet këtyre arrestimeve, kryeministri në ikje dhe ministri i brendshëm në ikje po duan të duken më të mirë sesa 40 të arrestuarit.

“Mirëpo, nuk është kështu. Varfëria e papunësia që po rriten, arsimi e edukimi që po bien, predikimet fetare ekstreme që po shtohen dhe mediet që i promovojnë ato, e kanë bërë Kosovën tokë pjellore për ekstremizmin. Pikërisht ky kryeministër dhe qeveria e tij në ikje paraqesin përgjegjësit kryesor politik për këtë gjendje të rëndë. Ata janë shkaktarët e problemit dhe jo zgjidhja e tij. Kryeministri dhe qeveria e këtillë veprojnë vetëm atëherë kur janë duke e humbur pushtetin sepse vetëm te pushteti e kanë edhe mendjen edhe qenien. Për shkak të këtij pushteti që e ka kapur shtetin, kemi shërbim informativ partiak në vend të atij kombëtar e shtetëror dhe kemi banda e klane në vend të ushtrisë së Kosovës”, konsideron Lëvizja Vetëvendosje.

Në fund, VV-ja vlerëson se përveç logjikës së privatizimit që e copëtoi shoqërinë dhe e dëmtoi natyrën, përveç korrupsionit enorm qeveritar që e vodhi buxhetin dhe pamundësoi mirëqenien, edhe braktisja e bashkimit kombëtar shqiptar nga elita politike dhe institucionet e Kosovës ka krijuar terren për partikularizmat e skajshëm fetar.

“Kosova duhet të jetë shtet sekular ku shteti është i ndarë nga feja dhe ku liria e besimit dhe praktikimi i feve janë të garantuara. Mirëpo, Kosovën gjithnjë duhet parë si një pjesë të kombit shqiptar që vazhdon të jetë i ndarë padrejtësisht. Binarët e duhur të shqiptarëve përbëhen prej dy shinave historike: asaj ushtarako-kombëtare (prej Skënderbeut te Adem Jashari) dhe asaj politiko-filozofike (prej Sami Frashërit te Ukshin Hoti). Njëkohësisht, shinat e binarëve të shtetit të Kosovës duhet të jenë Republika me Social-demokraci dhe Shteti Zhvillimor në ekonomi”, përfundon reagimi i Lëvizjes Vetëvendosje. /PrizrenPress.com/