Sazan Berishës, Arijanit Berishës, Shemsedin Berishës, Leutrim Avdylagës , Ramiz Avdylagës, Avni Bytyqit, Fadil Avdylagës, dhe Arbër Berishës iu është vazhduar edhe për dy muaj paraburgimi. Ata akuzohen për vrasje dhe posedim të armëve.

“Të pandehurve do t’i vazhdohet paraburgimi edhe për dy muaj”, njoftoi zëdhënësja e Gjykatës Themelore në Prizren, Afërdita Kicaj.

“Sazan Berisha, Shemsedin Berisha dhe Arbër Berisha akuzohen se kanë kryer veprën penale të vrasjes së rëndë, veprën penale mbajtje në pronësi, kontroll, ose posedim të paautorizuar të armëve dhe veprës penale shkaktim i rrezikut të përgjithshëm, ndërsa të pandehurit Leutrim Avdylaga, Ramiz Avdylaga, Fadil Avdylaga dhe Avni Bytyqi, se në bashkryerje kanë kryer veprën penale lëndim i rëndë trupor, gjatë së cilës kohë pritet që të pandehurit të dalin në gjykim para Departamentit për Krime të Rënda të Gjykatës Themelore të Prizrenit”.

“Gjyqtarja e Procedurës Paraprake e miratoi kërkesën e Prokurorisë Themelore të Prizrenit, për vazhdimin e paraburgimit ndaj të pandehurve”.
“Të pandehurit u akuzuan për shkelje të Kodit Penal, duke marrë parasysh peshën e veprave penale, mënyrën dhe rrethanat në të cilat janë kryer veprat penale, pasojat e të cilave kanë përfunduar me fatalitet, vdekjen e një personi dhe lëndimin e shumë të tjerëve, veprat penale janë kryer me pjesëmarrjen e shumë personave ku janë përdor armë dhe mjete të ndryshme, e që kanë rezultuar me pasoja shumë të mëdha , dënimet e parapara me ligj për veprat e lartë përmendura penale për të cilat të pandehurit dyshohen se i kanë kryer”/PrizrenPress.com/

Në gjashtë-mujorin e parë të këtij viti nga buxheti komunal i Prizrenit për dreka zyrtare janë shpenzuar afër 64 mijë euro, apo 18 mijë euro më shumë se sa në periudhën e njëjtë të vitit 2013.

Zyrtarët komunal kanë thënë ndërkaq se këto shpenzime nuk janë bërë vetëm nga Administrata komunale , pasi që në këtë buxhet hyjnë edhe shpenzimet e Drejtorisë së Arsimit dhe Shëndetësisë,shkruan KD.

Në raportin përmbëledhës të shpenzimeve nga 1 janari deri me 30 qershor 2014, është shënuar se për dreka zyrtare janë shpenzuar 64 mijë euro , derisa 11 mijë euro janë shpenzuar për manifestime të ndryshme dhe mbi 11 mijë euro për furnizim me ushqim dhe pije./PrizrenPress.com/

Kanë kaluar më shumë se gjashtë javë dhe ende s’ka asnjë të dyshuar për vrasjen e Elvis Pistës, ish-kandidat për deputet në Parlamentin e Kosovës.

Zyrtarët e Prokurorisë që po merren me këtë rast kanë thënë se mënyra profesionale e vrasjes së Pistës e ka vështirësuar zbardhjen e rastit.

“Vetë mënyra profesionale e vrasjes i tregon të gjitha”, ka thënë Kryeprokurorja Shpresa Bakija.

Megjithëkëtë, ajo premton se Prokuroria dhe organet tjera të hetuesisë janë duke punuar në të gjitha pistat për t’i nxjerrë autorët e vrasjes para drejtësisë.

“Nuk ka të dyshuar për momentin. Jemi duke punuar me të gjitha forcat për zbardhjen e kësaj vrasje”, ka thënë Bakija, për Express, të mërkurën.

“Pistat e hetimeve janë ato që kanë qenë në fillim. Jemi duke analizuar, shqyrtuar dhe duke ndërmarrë veprime të nevojshme hetimore. Ende nuk e kemi përfunduar”.

Elvis Pista ishte vrarë të dielën e tretë të muajit qershor, apo një javë pas përfundimit të zgjedhjeve nacionale, ku ai ishte kandidat i PDK’së për deputet në Kuvendin e Kosovës.

Deri më tash, më shumë se 40 persona janë intervistuar në cilësinë e dëshmitarëve, por te asnjëri s’kanë gjetur elemente se mund të jetë vrasësi i Pistës.

Ndryshe, në fotot e më poshtme mund ta shihni vendin se ku ishte vrarë Elvis Pista dhe prej nga kishte ikur vrasësi.

Instituti Demokratik i Kosovës (KDI) përmes një komunikate për media ka publikuar “Fletënotimin” i cili përmban analizë dhe notim për punën individuale të 31 anëtarëve të Kuvendit të Komunës së Malishevës dhe subjekteve politike të përfaqësuara në këtë kuvend për periudhën Janar-Qershor 2014, notim dhe analizë kjo e bazuar në nëntë shtylla të vlerësimit.

Sipas KDI-së “anëtarët që kanë treguar rezultate më të mira në të gjitha kategoritë në Kuvendin e Komunës së Malishevës janë: Muhamet Bytyqi (LVV) me 24.4 %, Januz Kastrati (LDK) me 16.7 %, dhe Ahmet Rrahmanaj (PDK) me 10.8 % të vlerësimit të përgjithshëm derisa Islam Vrenezi (IQM), Rifat Mazreku (IQM), Liridona Maloku (IQM) , Veton Telaku (PDK), Florentina Zulfaj (PDK), Donjeta Foniqi (LVV), Driton Halitaj (AAK) gjatë kësaj periudhe nuk kanë treguar asnjë rezultat dhe janë vlerësuar me 0.0 % të notimit të përgjithshëm”.

Në gjashtë mujorin e parë të punës së Kuvendit të Komunës së Malishevës janë ngritur gjithsej 259 çështje, prej të cilave 73 % e tyre kanë qenë të lidhura nga fusha me interes për qytetarët e Malishevës, ndërkaq 27 % e çështjeve të iniciuara kanë qenë të lidhura me aspekte procedurale të punës së organeve të Komunës së Malishevës.

Anëtarët e LDK-së prijnë për nga inicimi i çështjeve me gjithsej 42.0 % të çështjeve të ngritura, të përcjellë nga anëtarët e LVV-së me 28.0 % të çështjeve të ngritura dhe në këtë kontekst Muhamet Bytyqi (LVV) ka shënuar numrin më të lartë të çështjeve të ngritura me gjithsej 28 %, i përcjellë nga Januz Kasrati (LDK) dhe Ahmet Rrahamanaj (PDK) me nga 19.0 % përkatësisht 9.0 % të çështjeve të ngritura.

Sa i përketë pyetjeve parlamentare, në këtë periudhë anëtarët e këtij institucioni parashtrun gjithsej 35 pyetje ndaj ekzekutivit të kësaj komune nga të cilat 6 % kanë qenë të lidhura me aspektet procedurale të punës së organeve të Komunës së Malishevës ndërkaq 94 % nga fusha me interes për qytetarët e Malishevës.

Anëtarët nga radhët e LDK-së në këtë periudhë prijnë me numrin e pyetjeve të bëra me gjithsej 46 % të pyetjeve, të pasuar nga anëtarët e PDK-së me 43 % të pyetjeve të përgjithshme. E në parashtrimin e pytjeve më aktiv kanë qenë Ahmet Rrahmanaj (PDK) me 20.0 % i përcjellë nga Filloreta Bytyqi (LDK) dhe Muhamet Bytyqi me nga 14.0 % përkatësisht 9.0 % të pyetjeve të përgjithshme.

Në kuvendin e komunës së Malishevës në seancat e mbajtura gjatë kësaj periudhe ky institucion ka shqyrtuar apo ndryshuar Rregulloren komunale për ngarkesa, tarifa dhe gjoba komunale për vitin 2014. Krahas kësaj, Muhamet Bytyqi (LVV gjatë kësaj periudhe ka propozuar Rregulloren për ndarjen e bursave komunale.

Sa i përketë pjesëmarrjes në diskutim të anëtarëve lidhur me pikat e rendit të ditës të cilat janë shqyrtuar në gjashtë mujorin e parë të këtij viti, u vu re së diskutimi është nën trendin mesatarë.

Fletënotimi për periudhën Janar-Qershor 2014 është përgatitur në kuadër të projektit “Pjesëmarrja qytetare dhe principet për një qeverisje të mirë” projekt i mbështetur nga The Olof Palme Centre (OPIC)./PrizrenPress.com/