Të gjithë ata imam, profesor të Medresesë “Alauddin” dhe zyrtar të BIK, që kanë marrë diploma nga “Universiteti i Hapur i Amerikës” në Kajro, nuk vlejnë. Kjo pasi vet ky universitet ende nuk është i akredituar.

Kjo është konfirmuar nga vet ueb-faqja e Universitetit në të cilin shkruan “jemi duke pritur konfirmimin mbi kërkesën tonë për rikthim të marrëveshjes për akreditim me Al-Azhar. Sapo të marrim përgjigje do ta bëjmë publike menjëherë”, shkruan Zëri.

Kjo dëshmon se ky Universiteti nuk posedon akreditim.

Me kushtetutë është përcaktuar se Kuvendi mund të shpërbëhet me vullnetin e 2/3 të deputetëve.

Në një rast të tillë të pritshëm, shpërndarja bëhet me dekret të Presidentes së Republikës së Kosovës.

Orientimisht, Kuvendi mund të shpërbëhet para fillimit të majit, në mënyrë që zgjedhjet e parakohshme të mbahen kah mesi i qershorit,shkruan Tribuna.

Kështu, marrëveshja në parim e arritur mes dy liderëve të PDK’së dhe LDK’së pritet t’ua shkurtojëmandatin deputetëve së paku tetë muaj para kohe.

Një skandal tjetër me vënien në haraç të donatorëve ka ndodhur tash në Kosovë.

Organizata “Gjysmëhëna e Kuqe”, që udhëhiqet nga Adem Ademi, zyrtar i Partisë së Drejtësisë, ka nënshkruar një memorandum mirëkuptimi me Ferid Aganin, ministër i Shëndetësisë dhe kryetar i PD’së, shkruan Tribuna.

Por, një donator arab është ankuar se pas kësaj marrëveshje i janë kërkuar para për t;u jetësuar faza e dytë e një projekti që 20 fëmijëve kosovarë do t’ua kthejë dëgjimin dhe të folurit.

Kosovarët në Siri shkojnë në mënyrë të organizuar dhe për arsye financiare. Kështu është thënë në një dokument të Ministrisë së Punëve të Brendshme të Kosovës.

Organizatorët e shkuarjes atje, nuk i ka përmendur por arsyet pse kosovarët po shkojnë në Siri, po. Pagat e majme në këmbim të luftës, besohet po i qojnë kosovarët në atë luftë.

MPB këto shpjegime i ka dhënë në memorandumin shpjegues të Projektligjit për ndalimin e bashkimit në konflikte të armatosura jashtë territorit të vendit. Sipas këtij dokumenti të siguruar nga Koha Ditore, kosovarët gjithë atë udhëtim e marrin në mënyrë të organizuar, derisa askund nuk përmendet se kush është ai organizator që i shpie atje.

Akademik Rexhep Qosja ka thënë se Kosova është duke u dëmtuar nga korrupsioni, nepotizmi, krimi i organizuar dhe intrigat e denoncimet nëntokësore të LDK-së ndaj subjekteve politike të dala prej UÇK-së.

“Gjashtë vjetët e shkuara ishin vite të entuziazmit pse, më në fund, u bëmë shtet, prandaj edhe nuk ua kemi kushtuar vëmendjen e duhur vështirësive me të cilat ballafaqohej Kosova e këto vështirësi ishin: pengesat, problemet, diversionet që na shkaktonte Serbia në veriun e Kosovës: problemet në procesin e ndërrimit demokratik të institucioneve shtetërore; problemet që shkaktoheshin në funksionimin e këtyre institucioneve -të vetëdijshme a të pavetëdijshme, denoncimet e dyshimta që disa parti, në radhë të parë LDK-ja, ua bënin partive të dala prej UÇK-së para ndërkombëtarëve dhe, sidomos, korrupsioni, krimi i organizuar dhe nepotizmi”, ka thënë Qosja në një intervistë për “Epokën e re”.

Ai ka vlerësuar se Kosovën gjatë këtyre gjashtë vjetëve prej se është shpallur shtet i pavarur dhe sovran e ka parë si shtet në ndërtim e sipër.

“Si shtet që, megjithatë, ka shënuar disa përparime, por përparimit të të cilit një varg pengesash ia kemi bërë ne vetë. E kam parë si shtet për punët e të cilit më shumë se sa sovrani i vërtetë – populli, vendosin faktorë ndërkombëtarë ,para së gjithash EULEX-i si me të tjerë”, ka deklaruar Qosja.

Duke folur për kohën e mbajtjes së zgjedhjet parlamentare, Qosja ka thënë se do të ishte mirë që zgjedhjet të mbahen në muajt e parë të vjeshtës.

“Kjo është punë me të cilën duhet të merren dhe të vendosin, partitë e, sidomos, Gjyqi Kushtetues i Kosovës. Si qytetar i Kosovës për këtë çështje lejohem të them: sa më shpejt do të duhej të miratohej reforma zgjedhore e, mandej, të mbahen zgjedhjet që, ndoshta, do të ishte më së miri në muajt e parë të vjeshtës – në shtator a në gjysmën e parë të tetorit”, ka thënë akademik Qosja.

(E plotësuar) Adem Demaçi tha se ndarja e Fatmir Limajt dhe Jakup Krasniqit, nuk ishte ndarje në bazë të parimeve për Kosovën. Ai thotë se harruan Kosovën dhe hynë në interesa personale.

“Nuk ka parime për Kosovën , kanë harru Kosovën dhe hynë në interesa personale. Për hesapin tim ata kur kanë hyrë në luftë kan menduar të vdesin”, thotë veç tjerash Demaçi.
Demaci: Ndarja e Limajt e paarsyeshmeby GazetaExpressTV

Adem Demaçi: Doja të bashkohej Kosova me nënën Shqipëri, por dy vendet u bënë motra

Adem Demaçi thotë se ka kaluar vjetët në burg, duke kërkuar që Kosova të çlirohej nga Serbia dhe të bashkohej me Shqipërinë.

Në emisionin “Shqip” Demaçi thotë se donte që Kosova t’i bashkohej nënës Shqipëri.

“Doja të çlirohej Kosova nga Serbia dhe të bashkohej me nanën Shqipëri. Mirëpo dy vendet u bënë motra”.

Ai tha se burgu nuk kalohet pa një ideal të fortë, e ai tha se kishte ideal lirinë.

Demaçi tha se u dëshpërua kur e pa se Shqipëria dhe Tirana nuk ishin ato që ai i kishte menduar. Kjo për të, ishte vdekja e dytë, pasi si vdekje të parë e merr arrestimin dhe burgimin.

Kryetari i Prizrenit, Ramadan Muja, e ka vlerësuar historike dhe ditë të bekuar 17 Shkurtin-Ditën e Pavarësisë së Kosovës.
Ai tha se për të arritur deri të këjo ditë është sakrifikuar shumë.

“Falë luftës së UÇK-së dhe gjakut të dëshmorëve sot festojmë 6 vjetorin e Pavarëisë së Kosovës”, tha Muja.

Sipas tij, për 6 vjet të pavarësisë, Kosova ka shënuar shumë përparuime.
Edhe përfaqësuesit e subjekteve politike kanë vlerësuar historike datën e 17 Shkurtit./PrizrenPress.com/

Për nder të ditës së Pavarësisë, është përuruar sot në Prizren objekti i ri i Emergjencës, objekt në të cilin Komuna e Prizrenit ka investuar rreth 500 mijë euro dhe i cili do të fillojë punën që nga dita e nesërme. Me rastin e përurimit të këtij objekti, kryetari Muja tha se tashmë Prizreni e ka një qendër moderne të emergjencës.

Ai duke u lutur që qytetarët të kenë sa më pak nevojë për shërbime shëndetësore tha se me këtë emergjencë sigurohen shërbime shumë të shpejta shëndetësore dhe shumë cilësore.

Drejtori i Qendrës kryesore të mjekësisë familjare Mehmedali Hoxha, tha se për ndërtimin e këtij objekti meritat më të mëdha i shkojnë kryetarit Muja. Pa angazhimin e kryetarit tha ai ky objekt nuk do të mund të ndërtohej, ndërsa objektin e quajti grandioz.

Ky objekt është i pajisur me aparaturën më moderne.

Drejtori i Shëndetësisë Nexhip Berisha tha se me këtë objekt  plotësohen nevojat për shërbime emergjente. Puna në këtë objekt do të fillojë që nga dita e martë.