Menaxhmenti i Universitetit “Ukshin Hoti” në Prizren, ka reaguar rreth deklaratave që ish-ushtruesit të të Fakultetit të Shkencave Kompjuterike dhe profesorit z. Ermir Rogova, ka lëshuar në drejtim të këtij institucioni.
“Menaxhmenti i UPZ-së e ka pritur me befasi dorëheqjen e u. d. Dekanit të Fakultetit të Shkencave Kompjuterike dhe profesorit z. Ermir Rogova”
“Menaxhmenti i UPZ-së e inkurajon debatin e brendshëm dhe atë publik si vlerë e shtuar e demokracisë, nëse bëhet për çështje parimore dhe me qëllim të avancimit të mëtutjeshëm të UPZ-së dhe interesit të përgjithshëm. Mirëpo, akti i dorëheqjes së njëanshme dhe pohimet e Rogova nuk janë aspak parimore dhe nuk i kontribuojnë zhvillimit të Universitetit dhe institucioneve publike të arsimit të lartë në Kosovë. Deklaratat e tij se gjoja jep dorëheqje për arsye të pranimit të stafit jo adekuat nuk qëndrojnë aspak, dhe janë shpifje të tij të ulëta”

“ UPZ ka pranuar një sërë kuadrosh të reja, me vendim të Senatit, me qëllim të shtimit të stafit të rregullt akademik në këtë universitet, i cili i ka munguar. Profesorët e pranuar kanë thirrje adekuate akademike dhe i duhen universitetit, si një institucion universitar në zgjerim e sipër”.
“Për më tepër, dorëheqja e tij nuk është aspak parimore, pasi që është bërë pak kohë pasi ka marr një kontratë të rregullt pune të nivelit menaxherial, me pagë më të lartë se në UPZ, në një institucion privat të arsimit të lartë. Pra janë arsyet materiale ato që e kanë shtyrë z. Rogova të jep dorëheqje dhe jo çështjet parimore”.

“Aq më tepër, kur dorëheqja e z. Rogova bëhet në kohën kur UPZ gjendet në një proces zgjedhor të brendshëm, dhe rizgjedhja e tij në këtë pozitë është sfiduar pasi që në Fakultetin e Shkencave Kompjuterike, janë tetë mësimdhënës të rregullt, të cilët potencialisht mund të ja zënë pozitën, pas procesit zgjedhor demokratik”.

“Menaxhmenti i UPZ-së sqaron opinion e gjerë se arsyeja pse ka qenë deri më tani z. Rogova u. d. i Dekanit në Fakultetin e Shkencave Kompjuterike, është nga mungesa e stafit të rregullt në këtë Fakultet. Menaxhmenti vazhdimisht ka shpreh pakënaqësi ndaj mospunës së tij, duke marr parasysh edhe ankesat e një pas njëshme të studentëve, por gjerë më tani nuk ka pas alternativ pasi ka munguar stafi akademik i rregullt në këtë Fakultet”.

“Për më tepër, dorëheqja e tij nuk është komfor Statutit dhe Ligjit, pasi që z. Rogova ka obligime ndaj Universitetit të Prizrenit, pasi që ai ka kontratë të rregullt pune, dhe në UPZ e ka marr gradën akademike “Profesor asistent”, dhe nuk mund ta shfrytëzoj atë për t’i siguruar favore një institucioni privat të arsimit të lartë”.

“Pasi që pohimet publike të z. Rogova nuk përkojnë me realitetin, dhe nuk i kontribuojë aspak zhvillimit të mëtutjeshëm UPZ-së, dhe pasi që ai ka shkelur detyrimet që janë në Kontratën e Punës, përmes dorëheqjes së një anshme të pa arsyeshme, komfor Ligjit për arsimin e lartë, Statutin e Universitetit dhe Kodeksit të Etikës, menaxhmenti i UPZ-së do të kërkojë nga organet përgjegjëse të UPZ-së që të rishqyrtohet thirrja akademike e tij “Profesor asistent” të siguruar në UPZ. Rogova është i detyruar të vazhdon kontributin e tij në UPZ, dhe me aktin e tij të tanishëm, ai nuk ka arritur t’i përmbush detyra e punës si “Profesor asistent”, për më tepër e ka keqpërdor këtë thirrje për përfitime të tij materiale dhe të institucionit privat të arsimit të lartë”/PrizrenPress.com/

Deputeti i LDK’së, Eqrem Kryeziu ka thënë se askush s’mund të mbrojë Rektorin Ibrahim Gashi.

Ai ka thënë se Rektorin s’mund ta mbrojë as Kryeministri, as Partia e madhe, as Ministri, e madje as ushtria.

“Nëse mendon se do të mbrojë njeriu i fuqishëm dhe Partia e fuqishme. E unë po ju them, zonja dhe zotërinj, nëse njeriu s’ka integritet as marinsat amerikane s’mund ta mbajnë në këmbë”, ka thënë ai, shkruan Express

Ai është marrë edhe më Këshillin Drejtues të UP’së, të cilin e ka quajtur të shpërfytyruar.

“Këtu Këshilli Drejtues është përfitues”, ka thënë ai.

Kryeministri Hashim Thaçi ka akuzuar njerëzit e politikës se prej vitit 1990 e deri më tash ka pasur politizim të Universitetit të Prishtinës.

“Njerëzit e insitucioneve të Republikës së Kosovës, prej vitit 1991 deri këtu. Ata më të zhurmshit janë këtu”, ka thënë ai.

“Nëse është bërë magjistër pa fakultet duhet t’i vijë turp të flas për UP’në”, ka thënë ai.

Ai ka kërkuar nga të gjithë deputetët që të verifikohen të gjitha gradat shkencore prej vitit 1991 e deri më sot.

“Të verifikohen thirrjet akademike krejt njerëzit e politikës”, ka thënë ai.

Instituti Demokratik i Kosovës (KDI), në kuadër të projektit “Pjesëmarrja e qytetarëve dhe principet për një qeverisje të mirë”, ka monitoruar punën e kuvendeve komunale të Regjionit të Prizrenit gjatë mandatit të kaluar të këtyre institucioneve, përkatësisht gjatë periudhës 2009 – 2013.
POSTUAR 11:55 / 06.02.2014
Në këtë funksion është edhe ky publikim, i cili ka për qëllim të ofrojë një pasqyrë të përgjithshme për zhvillimet politike në komunat e Regjionit të Prizrenit dhe të shërbejë si një udhërrëfyes për qytetarët e këtij regjioni.

Në këtë publikim është përfshirë përfaqësimi i qytetarëve në kuvendet komunale të Regjionit të Prizrenit në mandatin e kaluar (2009-2013), përfaqësimi i qytetarëve në institucionet lokale të këtyre komunave të dalë nga Zgjedhjet Lokale 2013dhe rekomandimet e KDI-së në lidhje me avancimin e punës së kuvendeve të komunave të regjionit të Prizrenit për transparencën, llogaridhënien dhe pjesëmarrjen e qytetarëve në vendimmarrje.

Në tabelën e mësipërme është paraqitur numri i ulëseve të fituara nga subjektet politike për Kuvendin e Komunave të regjionit të Prizrenit në vitin 2009 dhe 2013. “Nga 176 ulëse sa kanë kuvendet e komunave të regjionit të Prizrenit, nga to Partia Demokratike e Kosovës prinë edhe për nga numri i ulëseve në këto kuvende me gjithsej 46 ulëse, LDK me 41 ulëse, AAK-LDD me 24 ulëse dhe IQM me 11 ulëse.

PDK në zgjedhjet lokale 2013 ka pësuar rënie të ulëseve përkatësisht 12 ulëse në krahasim me numrin e ulëseve që kishte nga zgjedhjet e vitit 2009 dhe LDK ka pësuar rënie prej 9 ulëseve në krahasim me zgjedhjet lokale 2009. Edhe koalicioni AAK-LDD në këto zgjedhje ka pësuar rënie derisa në zgjedhjet lokale 2009 këto subjekte ishin të përfaqësuara me 31 ulëse në zgjedhjet lokale 2013 këto dy subjekte politike që hynë në garë si koalicion para-zgjedhorë arritën ti sigurojnë vetëm 24 ulëse në kuvendet e komunave të regjionit të Prizrenit.

Pesë subjekte politike të cilat kanë garuar për herë të parë në zgjedhjet lokale 2013 kanë arrit të sigurojnë më tepër se një ulëse pranë kuvendeve komunale të komunave të regjionit të Prizrenit. Derisa Iniciativa Qytetare për Malishevën (IQM) iniciativë kjo e dalë si rezultat i fraksioneve të degës së PDK-së në Malishevë, në këto zgjedhje lokale 2013 ka arrit ti sigurojë 11 ulëse pranë kuvendit të komunës së Malishevës. Lëvizja Vetëvendosje ka arrit të siguroje 9 ulëse në kuvendet e komunave të regjionit të Prizrenit, KTAP po ashtu 9 ulëse, Bashkimi Demokratik (BD) dhe Centar Demokratske Unije (CDU) kanë arrit të sigurojnë nga 5 ulëse në kuvendet e komunave të regjionit të Prizrenit – tha Naim Cahanaj përfaqësues i KDI-së.

Arben Hoxha, zyrtarë i KDI-së vazhdoj me tej mbi problemet që kanë hasur në transparencën komunale dhe përfshirjen e qytetarëve në vendimmarrjen komunale.

Me qëllim të avancimit të punës së kuvendeve të komunave të regjionit të Prizrenit lidhur me transparencën dhe llogaridhënien, Instituti Demokratik i Kosovës (KDI) ka analizuar angazhimin e kuvendeve të komunave në regjion të Prizrenit në përdorimin e mekanizmave për transparencë dhe llogaridhënie institucionale. Shikuar në këndvështrimin e krijimit të bazës ligjore në rritjen e transparencës në nivel lokal ka përparime të dukshme nga kuvendet komunale të komunave të regjionit të Prizrenit ku vlen të potencohet miratimi i Rregulloreve për Transparencë mirëpo implementimi i mekanizmave ligjorë, si atyre lokal por edhe qendror që rregullojnë fushën e transparencës së institucioneve publike kanë çaluar edhe në mandatin e fundit katërvjeçarë.

Andaj KDI i rekomandon përfaqësuesve të dalë nga zgjedhjet lokale 2013 që të rrisin angazhimin në: përdorimin e ueb faqeve të komunave për publikimin e çdo vendimi dhe dokumenti strategjik të nivelit lokal në komunat përkatëse, të rekrutojnë Zyrtarin për Informim (Komuna e Dragashit dhe Mamushës) si dhe të funksionalizohen dhe fuqizohen zyrat për marrëdhënie me publikun në komunat e regjionit të Prizrenit, të hartohen Planet vjetore për transparencë komunale në komunat e regjionit të Prizrenit, të transmetohen punimet e seancave nga mediet lokale në komunat të cilat nuk kanë praktiku deri më tani një gjë të tillë, të ri drafohen Rregulloret për transparencë në komuna si dhe të përdorin një link në ueb faqet e komunave për lehtësimin e kërkesave për qasje në dokumente publike.

Edhe në aspektin e përfshirjes së qytetarëve në vendimmarrje, Instituti Demokratik i Kosovës (KDI) përfundimisht, rithekson se komunat e Regjionit të Prizrenit nuk kanë treguar interesim të theksuar në drejtim të zbatimit të përpiktë të kërkesave ligjore me qëllim të sigurimit të përfshirjes së qytetarëve në proceset e vendimmarrjes.

KDI i rekomandon përfaqësuesve të dalë nga zgjedhjet lokale 2013 që të rrisin angazhimin në: praktikumin e procesverbaleve në takimet dhe konsultimet publike dhe të njëjtët të prezantohen pranë kuvendit të komunës, në shqyrtimin me më seriozitet të gjitha nismave dhe iniciativat qytetare nga organet e vetëqeverisjes lokale, në inicimin e hartimit të rregullores komunale për përfshirjen e qytetarëve në hartimin e buxhetit komunal, në hartimin e rregullores për konsultimin e akteve komunale para miratimit të tyre në kuvend si dhe në krijimin e Komiteteve Konsultative dhe miratimin e Rregullores për organizimin dhe funksionimin e këtyre komiteteve konsultative.- tha Arben Hoxha përfaqësues i KDI-së.

Largimi i Fatmir Limajt e Jakup Krasniqit nga Partia Demokratike e Kosovës, nuk do të kalojë pa pasoja për subjektin aktualisht më të madh në vend. Gjatë gjithë ditës së mërkurë pothuajse asnjë nga zyrtarët e lartë të PDK-së nuk kanë qenë në gjendje të flasin për vendimin e Limajt, për krijimin e partisë së re bashkë me Jakup Krasniqin.

Pavarësisht insistimeve të gazetës, duke u nisur nga nënkryetari Hajredin Kuçi, anëtarë tjerë të kryesisë, Blerand Stavileci, madje edhe deputeti Adem Grabovci, asnjëri nga ta nuk kanë qenë në gjendje ta thonë asnjë fjalë. Ata gjatë gjithë ditës janë parë në aktivitetet e tyre nëpër institucionet shtetërore, porse i kanë ikur çdo kontakti me gazetarë,shkruan Tribuna

Shumica prej tyre, duke përfshirë edhe kreun e partisë Hashim Thaçi, nuk janë parë në disponim të mirë gjatë kohës sa ishin në mbledhje të rregullt të Qeverisë. I vetmi që ka thënë pak fjalë për deklaratat e Limajt, ka qenë Bajram Rexhepi, por edhe ky i fundit është përgjigjur vetëm për pjesën ku Limaj ka kritikuar punën e Ministrisë së Punëve të Brendshme