17.8 C
Prizren
E mërkurë, 5 Tetor, 2022

Kryeziu: Për ribashkimin e LDK-së di vetëm Astrit Haraqija, trashëgimia politike e Rugovës s’është në rrezik

Eqrem KryeziuAnëtari i Kryesisë së LDK’së, Eqrem Kryeziu ka ironizuar me deklaratën e Astrit Haraqisë, i cili tha se Ukë Rugova nisi mbrëmë projektin e tij për rikthimin e njerëzve në LDK, duke përfshirë edhe bashkimin e Isa Mustafës me Fatmir Sejdiun.

Eqrem Kryeziu ka thënë për Express se për këtë nismë ka njohuri vetëm Astrit Haraqija.

Ai ka thënë se është aventurë e madhe të komentohet një deklaratë e tillë.

“Është e pamundshme të komentohen gjërat për te cilat ka njohuri vetëm Astrit Haraqija.

Për moshën time, kjo do të ishte aventurë e madhe”, ka thënë Kryeziu për Express.

Duke komentuar arrestimin e djalit të Ibrahim Rugovës, Kryeziu ka thënë se është zhgënjyese dhe dëshpëruese, por askush s’duhet të frikësohet për trashëgimin politike të Rugovës.

“Sigurisht që lajmet e tilla zhgënjejnë njerëzit. Kam parë reagimet e njerëzve, të cilët, kryesisht, dëshpërohen dhe kane drojë për trashëgiminë politike të Presidentit të ndjerë.

Në këtë pikëvështrim them se trashëgimia e Rugovës nuk është peng e njerëzve të gjallë”, ka thënë ai.

Ndryshe, Astrit Haraqija ka thënë se Ukë Rugova posa t’i kryen procedurat në EULEX do të rinisë misionin e tij për ribashkimin e anëtarëve të LDK’së.

Ndryshe, sot, EULEX’i ka arrestuar djalin e Ibrahim Rugovës, Ukën, si të dyshuar për krim të organizuar dhe keqpërdorim të autoritetit.

Uka është në ndalin policor prej 48 orësh.

Më Shumë

Duda Balje ‘rroket’ me kryeministrin Kurti në një takim për ditën e boshnjakëve: Nuk keni informata

Deputetja e komunitetit boshnjak, Duda Balje, edhe sot ka shprehur pakënaqësi në mënyrë indirekte në raportet e saj me Kurtin. Në një takim me kryeministrin...

Totaj uron nxënësit

Kryetari i Prizrenit, Shaqir Totaj, ka uruar të gjithë nxënësit për fillimin e procesit mësimor. "Rrugët e Prizrenit u vërshuan sot me fëmijë të buzëqeshur,...

Bota sot

Lajmet e Fundit