Kryetari i Kuvendit të Republikës së Kosovës, Jakup Krasniqi, priti sot në një takim delegacionin e Asamblesë Parlamentare të NATO-së, përkatësisht Nënkomisionin për Mbrojtjen Transatlantike dhe Bashkëpunim në lëmin e Sigurisë, kryesuar nga kryetari Sverre Myrli.

Jakup Krasniqi i bëri një vështrim situatës politike dhe të sigurisë në Kosovë, në këtë fazë të ndërrimit të institucioneve.

Ai përmendi edhe disa vështirësi në pjesën veriore të vendit, megjithëse edhe atje ka ecje progresive.

Kosova, tha Krasniqi, po ecën përpara, ajo ka një bashkëpunim mjaft të mirë me faktorin ndërkombëtar, ashtu si edhe me KFOR-in, si prezencë ushtarake e NATO-s në Kosovë.

Ai shprehu besimin se ndikimi i Brukselit do të ndikojë në normalizimin e mëtejmë të marrëdhënieve të Kosovës me Serbinë.

HughBayley, president i Asamblesë Parlamentare të NATO-s, shprehu kënaqësinë që Kosova ka rolin e vëzhguesit në NATO. Udhëheqësi i delegacionit, SverreMyrli, theksoi se ndërmjet Asamblesë Parlamentare të NATO-s dhe Kuvendit të Kosovës ekziston një bashkëpunim shumë i mirë, i cili do të avancohet edhe më në të ardhmen.

Në diskutimin e tij, anëtari i Kryesisë, Xhavit Haliti, theksoi se NATO-ja ka bërë një veprim tepër human duke krijuar mundësi që edhe qytetarët e Kosovës të jetojnë në liri bashkërisht me shtetet tjera të Evropës.

Ai tha se Kosova po ecën në rrugën e perspektivës, duke e ilustruar këtë edhe me faktin se raportet ndërnacionale janë shumë të mira dhe se të gjithë qytetarët lëvizin lirshëm.

Edhe anëtari i Kryesisë së Kuvendit të Kosovës, Sabri Hamiti, shprehu falënderimin e tij për pranimin e Kosovës si vëzhguese në Asamblenë e NATO, si një mundësi për thellimin e bashkëpunimit në fushën e sigurisë në Kosovë, në Rajon dhe më gjerë ne Evropë.

Arsim Bajrami, profesori i së drejtës kushtetuese, ndryshe flet si profesionist e ndryshe si politikan.

Këto ditë, ai ka qenë i zëshëm në “argumentimin” se koalicioni LDK-AAK-Nisma nuk mund ta formojë Qeverinë, pasi që, sipas Kushtetutës – thoshte Bajrami, Presidentja obligohet ta mandatojë partinë ose koalicionin fitues të zgjedhjeve.

Por në librin e tij, “Parlamentarizmi”, ai e thotë të kundërtën, ose thënë më mirë i mëshon argumentit të njëjtë të koalicionit LDK-AAK-Nisma; pra, që Presidentja obligohet t’ia jap mandatin partisë ose koalicionit që e ka shumicën në Parlament, e jo partisë ose koalicionit që ka marrë më së shumti vota në zgjedhje, shkruan Express.

“Cakton mandatarin për formimin e Qeverisë së re, pas propozimit të partisë politike ose koalicionit që përbën shumicën në Kuvend”, shkruan Bajrami në librin e tij.

Ndryshe, kjo çështje tashmë ndodhet në Gjykatën Kushtetuese, e cila duhet t’i jap përgjigje Presidentes për këtë ngërç institucional.

LDK-ja ka hedhur poshtë spekulimet qe është arritur pajtimi i koalicionit për t’i pranuar kushtet e Lëvizjes Vetëvendosje.Anëtari i Kryesisë së LDK-së, Kujtim Shala, tha se Isa Musafa nuk ka pasur takime gjatë javës me kreun e Lëvizjes Vetevendosje, Albin Kurti.

Ai i ka quajtur spekulimet raportimet e sotme se blloku opozitar LDK-AAK-Nisma i kanë pranuar kushtet e Vetëvendosjes dhe do ta kenë mbështetjen e partisë së Kurtit në Kuvend.

“Ne si LDK s’kemi zhvillu takime të reja me Lëvizjen Vetëvendosje, por po vazhdojmë punën me partnerët e koalicionit dhe do të bëjmë edhe bisedat tjera me VV-në dhe gjithçka tjetër është spekulim. Nuk kemi pas takime përpos takimeve të javës së kaluar që kanë qenë publike”, ka thënë Shala, transmeton Indeksonline.

Ndryshe, partia që e udhëheq Albin Kurti, ka përkrahur bllokun opozitar LDK-AAK-Nism, për të pamundësuar qeverisjen “Thaçi 3.”

Mirëpo, kjo përkrahja është e kushtezuar. Për të mbështetur koalicionin e këtyre tri partive, Vetëvendosje ka kërkuar ndërprerjen e bisedimeve me Serbinë, ndaljen e privatizimit dhe shqyrtimit të ndërmarrjeve të privatizuara deri tash, si dhe kushti i tretë ka qenë funksionalizimi i Trepçës.

Nuk do të ketë qeveri të ardhshme pa Partinë Demokratike të Kosovës, shprehet nënkryetari i kësaj partie, Enver Hoxhaj, përkundër se thotë që janë duke pritur interpretimin e Gjykatës Kushtetuese. Këto komente, Enver Hoxhaj, njëherit edhe Ministër i Punëve të Jashtme i Qeverisë në largim, i bëri në RTK 1.

Për Shqipërinë marrja e statusit të vendit të kandidatit për anëtarësi në Bashkimin Evropian, sipas diplomatit Hoxhaj, pas tranzicionit demokratik një dekadësh, kjo është ngjarja më e madhe që i ka ndodhur Shqipërisë, dhe me këtëka ndodhë “rikthim i plot në civilizimin evropian”.

Ai pret që Shqipëria në një periudhë prej dy vitesh të mund të hapë edhe negociatat për anëtarësim dhe thotë se “mund të ndodhë sipas dinamikës në një periudhë dhjetë vjeçare të jetë anëtare e BE”.

Sipas tij, 5 vende të reja janë në procedurë për ta njohur Kosovën, tri të Bashkimit Evropian si Greqia, Rumania e Sllovakia Ministri i Punëve të Jashtme, Enver Hoxhaj, pret se do ta njohin këtyre muajve Kosovën dhe dy vende të Afrikës veçse kanë marrë vendimin pë r njohje të Kosovës në qeveritë e tyre.

Spanja, sipas tij, për arsye të brendshme nuk arrinë ta njohë Kosovën, por presin ndikim edhe tek Qiproja përmes Greqisë, pas njohjes nga kjo e fundit.

Deri në vitin 2020, ministri Hoxhaj beson se Kosova do të arrijë të anëtarësohet në Organizatën e Kombeve të Bashkuara dhe në agjencionet e saj.

“Kur ne të anëtarësohemi në OKB, dhe në një periudhe pesë vjeçare një gjë e tillë është e mundur, nga një studim të ekspertëve më të mirë dhe partnerëve strategjik”, shprehet ai.

Në krye të këtij rrjeti kriminelësh ishte një kosovar, i cili u arrestua në Saint–Malo, pas të cilit qëndronte një bandë prej 12 personash.
Rreth 200 shqiptarë pa dokumente që kishin për synim depërtimin në mënyrë ilegale nga Franca në Britaninë e Madhe, kapen nga policia franceze.

Policia ka arrestuar edhe 12 persona të tjerë të implikuar në këtë ngjarje, ku ndodheshin emigrantë nga Shqipëria dhe nga Kosova.

Kontrabandistët merrnin 7 deri në 10 mijë euro për person.

Madje, një familje shqiptare me 4 fëmijë ka paguar 15 mijë euro për të kaluar nga Franca drejt Britanisë së Madhe.

Punëtorët e Administratës së Prizrenit planifikojnë që të mos e shfrytëzojnë pushimin vjetor gjatë tre muajve të verës. Koordinatori, Ruzhdi Hoxha tha se ditëve të fundit janë shtuar kërkesat e qytetarëve për të nxjerrë dokumente. Sipas tij, punëtorët e Administratës janë mobilizua për të kryer të gjitha kërkesat e qytetarëve.

“Këtë vit kemi bërë angazhime shtesë dhe qëndrim i yni është që mos të shkojmë në pushim vjetor”, thotë Hoxha.

Sipas tij, kërkesat më së shumti janë shtuar nga bashkatdhetarët të cilët pushimet e tyre vjetore I kalojnë në Kosovë.

“Dëshirojmë të jemi në shërbim të kërkesave të qytetarëve dhe tashmë edhe bashkatdhetarëve tanë të cilët vazhdojnë të kenë edhe kërkesa të shumta”.

Ai thotë se nëse kërkohet, do të shtohet edhe orari i punës.

“Brenda ditës në këtë sektor lëshohen mbi 600 ekstrakte mbi 100 certifikata dhe dokumente tjera sipas kërkesave të qytetarëve”.

Qytetarët e Prizrenit, ndërkaq shprehen të kënaqur me shërbimet e Administratës.

Alajdnin Berisha nga Prizreni tregon se në Administratë ka hasur një mirëkuptim dhe efikasitet të punës.

“Shërbimi është i shpejt dhe mund të them se nëse kështu vazhdojnë ne do të kemi vetëm fjalë të mira për Administratën”.

Komuna e Prizrenit edhe viteve tjera është munduar që në shërbim të bashkatdhetarëve të bëjë shumë, duke zgjatur edhe orarin e punës./TV Besa/