0.8 C
Prizren
E diel, 29 Janar, 2023

UP-ja e falsifikimeve, identifikohen 40 raste të reja

UP-rektoratiArrestimet e vitit të shkuar të 11 personave, ish-studentë dhe asistentë të Universitetit të Prishtinës nën dyshimet për falsifikime dhe regjistrime të paligjshme, nuk e kanë ndalur këtë dukuri në UP.

Disa muaj pas arrestimit të tyre, në UP kanë ndodhur së paku edhe 40 raste të tjera të falsifikimeve të kësaj natyre.

Burime të “Kohës Ditore” brenda UP-së bëjnë të ditur se derisa po punohej në futjen e të dhënave mbi regjistrimin e studentëve në sistemin e teknologjisë informative (IT) në Administratën Qendrore, është parë se një numër i vërtetimeve mbi regjistrimet e studentëve, si dhe të fletëpagesave të semestrave, nuk unifikoheshin me sistemin.

Sipas burimit të gazetës, kur janë grumbulluar dokumentet, validiteti i të cilave tashmë konsiderohej i dyshuar, është parë se që të gjitha janë falsifikuar duke mbajtur vulën dhe nënshkrimin e njëjtë, e në shumë raste edhe numrin amë të njëjtë, por është ndryshuar vetëm emri i studentit që pretendohej të paraqitej si i regjistruar në UP, apo se ka paguar semestrin, si dhe fakulteti.

Më Shumë

Erdogan njofton se zgjedhjet do të mbahen më 14 maj

Presidenti i Turqisë, Recep Tayyip Erdogan, ka shpallur 14 majin si datën e zgjedhjeve të ardhshme parlamentare dhe presidenciale në vend, duke konfirmuar se...

Përvjetori i lindjes së Ismail Kadares

Më 28 janar të vitit 1936, 87 vjet më parë është lindur poeti dhe shkrimtari i shquar shqiptar, Ismail Kadare. Ai është lindur në...

Lajmet e Fundit