Senati Akademik i Universitetit të Tiranës, do t’i ndajë çmimin “Doktor Honoris Causa”, kryetarit të Nisma për Kosovën, Fatmir Limaj.

Ky çmim do t’i ndahet Limajt, për kontribut të veçantë për çështjen kombëtare dhe ndërtimin e shtetit të Kosovës, si dhe forcimin e institucioneve dhe respektimin e shtetit të së drejtës, si garanci për të ardhmen e vendit.

Ceremonia zyrtare e pranimit të titullit “Doktor Honoris Causa” do të zhvillohet sot në mesditë në sallën e Senatit të Universitetit të Tiranës.

Pothuajse e tërë përbërja e legjislaturës së katërt të Kuvendit të Kosovës, përjashtuar disa emra, do të kërkojnë sërish votën e qytetarëve më 8 qershor

Legjislatura e Kuvendit të Kosovës e cila u vetëshkarkua më 7 maj, është konsideruar si më e dobëta në historinë e funksionimit të Kuvendit – shkruan gazeta Tribuna.

Por, kjo nuk i ka penguar partitë politike që sërish t’i kandidojnë po të njëjtët njerëz që kanë qenë në institucionin përfaqësues të vendit që nga viti 2011 e deri para dy javësh.

Madje shumë prej tyre që nuk e kanë thënë asnjë fjalë, ose kanë folur rrallë si puna e Azem Sylës, Flora Brovinës, Bali Muharremajt, Florin Krasniqit, e disa të tjerëve që kanë marrë numra të mirë në listat e kandidatëve në subjektet e tyre politike.

Nga një krahasim i thjeshtë me listat e vitit 2010, del se shumë pak figura të reja mund të shihen nëpër parti, ndërsa të vjetrit janë pothuajse të gjithë kandidatë sërish.

Vendimi i Gjykatës për transferimin e ‘Grupit të Drenicës’ nga QKUK-ja për në burgun në veri të Mitrovicës vlerësohet si veprim i gabuar dhe provokues
Njohësi i çështjeve të sigurisë, e ka quajtur të gabuar vendimin e gjykatës për transferimin nga QKUK të ‘Grupit të Drenicës’, për në burgun në veri të Mitrovicës – shkruan gazeta Tribuna.

Sipas tij, me këtë vendim gjykata ka dashur t’i provokojë të burgosurit, por edhe shoqatat e luftës së UÇK-së.

“Ka pasur vende boll ku kanë mundur t’i dërgojnë, siç është burgu i sigurisë së lartë në Gërdovc. Në këtë burg edhe kushtet janë më të mira. Pse është dashur t’i dërgojnë në veri? Nëse ka pasur dyshime se ata po e keqpërdorin QKUK-në, kanë pasur mundësi t’i dërgojnë në Gërdovc”, ka thënë Maloku.

Pavarësisht kësaj, mendon Maloku, dikush duhet të japë përgjegjësi për arratisjen që ndodhi në QKUK.

“Çdo arratisje që ndodh, duhet të thirren në përgjegjësi organet e Shërbimit Korrektues të Kosovës, sepse është mospërgjegjësi dhe moskryerje të detyrave të personelit ashtu siç e kanë pasur për obligim në bazë të rendit dhe ligjit. Për këtë duhet të përgjigjen njerëzit që e kanë në kompetencë këtë”.

Kryetarja e Alternativës Demokratike të Kosovës (ADK), Edita Tahiri, ka thënë se partia e saj ka hyrë në një koalicion me PDK’në për shkak se ka qasje vizionare euroatlantike.

Tahiri ka thënë se me liderin e PDK’së ka një bashkëpunim dhe respekt reciprok që nga koha e Konferencës së Rambujesë. “Me PDK dhe Thaçin na ka bashkuar programi për Kosovën euroatlantike”, është shprehur Tahiri duke bërë me dije se pas fitores së PDK’së me 8 qershor ajo prapë do të jetë pjesë e qeverisë së re. shkruan Epoka e Re.

NATO-ja ia ka bërë një portret të gjerë bazuar në vëzhgim dhe përcjellje të gjatë Elmi Reçicës.

Atë e cilëson si njeri shumë të fuqishëm që kontrollon tregun e drogës dhe të biznesit të naftës.

Këtë veprimtari thuhet se e zhvillon në Kosovë, Maqedoni, Bullgari, Çeki e Turqi.

KFOR-i zbulon detaje të shumta të veprimtarisë së Reçicës. Thotë se ai e kontrollonte dhe e zhvaste postën në Ferizaj, shkruan Koha Ditore.

PDK-ja për herë të parë ka thënë se nuk u beson këtyre raporteve. Zëdhënësi Blerand Stavileci ka thënë se ato informata janë të rreme

Kryetari i Degës së LDK-së në Prizren, Eqrem Kryeziu, bashkë me kandidatët për deputet,  është takuar me banorët e fshatit Korishë. Para banorëve të këtij fshati, ai ka shpalosur programin e LDK-së.

“Kosovës i nevojitet një qeverisje pa korrupsion.Këtë qeverisje pa korrupsion mund ta ofrojë vetëm Lidhja Demokratike e Kosovës”, tha Kryeziu.

“Rrotacioni i pushtetit është një element i demokracisë, të cilën duhet ta bëjmë si shoqëri në mënyrë që të tregojmë se sa jemi pjekur dhe jemi demokratizua si shoqëri”./PrizrenPress.com/

Kryeministri në largim i Kosovës, Hashim Thaçi në Konventën e PDK-së, ku edhe kandidoi zyrtarisht për kryeministër deklaroi se angazhohet për vende të reja të punës, zhvillim ekonomik dhe jetë më të mirë për qytetarët
Partia Demoktratike e Kosovës në konventën e partisë, për kryeministër ka propozuar kryeministrin në detyrë, Hashim Thaçi.

Duke ju referuar dy mandateve të shkuara, Thaçi ka thënë se dy misionet e para kishin për qëllim krijimin e shtetit, shtetndërtimin dhe njohjën ndërkombtarë të tij.

“Prandaj, unë kërkoj mbështetjen tuaj për Misionin tonë të Ri – zhvillimin e hovshëm ekonomik dhe krijimin e vendeve të reja të punës. Ne duhet ta ndërtojmë një ekonomi moderne ku do të ketë punë për çdo kosovar”, ka theksuar Thaçi.

Sipas tij, ky mision është po aq i rëndësishëm sikur ata që i realizuam deri më sot.

“Dy misionet e para kishin të bënin me shtetin tonë. Ky Misioni i Ri ka të bëjë me ju”, ka thënë Thaçi.

Ndërkaq kreu i PDK-së ka përfshirë për herë të parë prindërit dhe familjen e ngushtë gruan dhe djalin në fushatë. Që të gjithë ata kanë folur për bukurinë e fshatit Burojë dhe për të kaluarën e Thaçit.

Ka qenë një djalë që nuk ka bërë probleme dhe që nuk e ka lëshuar kurrë librin nga dora. Kështu ka thënë babai i Hashim Thaçit, Haxhiu, në një klip që u shfaq në konventën e PDK-së ku Thaçi deklaroi se po kandidon për kryeministër sepse më shumë se askush do ta realizojë planin për mirëqenie të shëndoshë për qytetarët.

Thaçi: Po kandidoj për kryeministër

Ka nisur konventa e PDK-së, ku Hashim Thaçi edhe zyrtarisht ka publikuar faktin se dëshiron që edhe për një mandat të tretë të jetë kryeministër i vendit.

Kreu i Partisë Demokratike të Kosovës, Hashim Thaçi, për herë të parë ka përfshirë edhe familjen e tij të ngushtë në fushatë.

Ka qenë një djalë që nuk ka bërë probleme dhe që nuk e ka lëshuar kurrë librin nga dora. Kështu ka thënë babai i Hashim Thaçit, Haxhiu, në një klip që u shfaq në konventën e PDK-së ku Thaçi deklaroi se po kandidon për kryeministër sepse më shumë se askush do ta realizojë planin për mirëqenie të shëndoshë për qytetarët.