Nisma për Kosovën në Prizren ka kritikuar pushtetin komunal, për realizimin e projketit që është duke e bërë në sheshin e Lidhjes së Prizrenit.

“Duke u bazuar në informatat e dalura nga vet Komuna e Prizrenit lidhur me projektin për sheshin e Lidhjes së Prizrenit kinse për rivitalizimin e këtij sheshi sa historik aq domethënës për komunën tonë, Nisma për Prizrenin së bashku me grupin e ekspertëve të specializuar për çështje urbanistike,reagojmë ashpër lidhur me fillimin e implemtimit të këtij projekti”, thuhet në reagimin e Zyrës për Informim të Nismës për Kosovën-Dega Prizren.

“Ne konsiderojmë se më e natyrshme do të ishte që ky projekt të quhej degradim i vlerave historike dhe kombëtare dhe njëherit shkatërrim urbanistik i qytetit sesa rivitalizim”

“Prandaj të mos i dallosh këto dy koncepte që janë shumë të ndryshme me njëra tjetrën,është njësoj si të mos e dallosh të miren nga e keqja.
Pra rivitalizimi nuk nënkupton heqjen e kalldërmit duke e zëvendësuar atë me beton dhe rrasa.Një kalldërm që tregon shenja të një qytetërimi mijëvjeqar në qytetin tonë.Gjithashtu rivitalizimi nuk nënkuptohet me prerjen apo largimin e drunjëve nga kjo hapsirë,por ruajtjen dhe kultivimin e tyre”
“Merreni me mend se çfarë gjobe mund të jetë në qytete të ndryshme evropiane vetëm po të prehej një degë,derisa në qytetin tonë ku kërkesa për gjelbërim e drunj është imediate,shkatërrohet gjelbërimi dhe prehen me dhjetra e qindra drunj”.

“Dhe pushteti aktual justifikohet se gjoja ky veprim paraprakisht është konstatuar edhe nga ekspertët ndërkombëtar.Dhe sipas kësaj ekspertize thuhet se disa drunjë janë të tharë dhe të vjetër dhe si të tillë duhet të largohen.Do të donim të vlente i njejti parim edhe për njerëzit që qeverisin me komunën tonë”.

“Andaj me të të drejtë konsiderojmë se këta drunjë nuk mund t’a dëmtojnë qytetin më shumë se njerëzit që janë në pushtetin aktual në komunen tonë prej të cilëve kemi të vjeter dhe jo profesionist.

“Ne gjithashtu mendojmë se çështje më serioze në këtë projekt është mënyra e tenderimit e cila nuk ju ka nënshtruar sa duhet zbatimit të kritereve ligjore dhe si rrjedhojë e kësaj jemi mësuar të shohim kinse po punohet, e që në fund n’a dalin si punë të pabereqetshme”.

“Andaj përfundimisht konstatojmë se një projekt i tillë si : largimi apo prerja e drunjëve,zëvendësimi i kalldrëmit me beton dhe rrasa,era e kanalizimit që tmerrësisht kundërmon në këtë shesh,nuk guxon të quhet rivitalizim, e aq më pak në një Shesh siç është ai i Lidhjes shqiptare të Prizrenit”. /PrizrenPress.com/

Debateve lidhur me fatin e kishës ortodokse, e ndërtuar në oborrin e Universitetit të Prishtinës, i është bashkuar edhe avokati dhe analisti, Azem Vllasi, i cili ka propozuar t’i ndërrohet karakteri kishës dhe të shndërrohet në muze të krimeve të luftës.

“Në vend se të rrënohet, objekti i jashtëligjshëm i Kishës ortodokse serbe në kampin universitar të Prishtinës më mirë të shndërrohet në një muze kushtuar viktimave të luftës”, ka propozuar Vllasi, në një tekst autorial.

Sipas tij, nëse kisha do të rrënohej do të kishte pasoja për imazhin e Kosovës.

“Ideja që të rrënohet nëse është jashtë planit urbanistik dhe pa leje ndërtimore nuk është e mirë, sepse do të kishte pasoja politike për shtetin tonë dhe për imazhin e pushtetit ku dominojmë ne shqiptarët e besimit islam”, ka thënë ai.

Aleanca Kosova e Re (AKR) është partia e vetme që është deklaruar kundër mbajtjes së zgjedhjeve në muajin qershor. Sekretari i përgjithshëm i AKR-së, Ibrahim Makolli, ka numëruar për “Epokën e re” disa arsyet pse zgjedhjet nuk duhet të mbahen në muajin qershor.

“Ka disa arsye që zgjedhjet nuk do të duhet të mbahen në një afat nga e premtja prej pesë javësh. Arsyeja e parë është se këto zgjedhje mbahen me ligjin e vjetër zgjedhor, i cili është kritikuar nga të gjitha subjektet politike dhe është vlerësuar si shkaktari kryesor për vjedhjen industriale të votave. Arsyeja e dytë, është krejtësisht e pamundur edhe teknikisht të përgatiten zgjedhjet më 8 qershor. Dhe, arsyeja e tretë, duhet të miratohet ligji për zgjedhje, i cili është në procedurën e fundit parlamentare dhe t’i jepet kohë KQZ-së t’i përgatisë infrastrukturën dhe mekanizmin zgjedhor në pajtim me ligjin e ri zgjedhor”, ka deklaruar Makolli.

Sipas tij, duke iu referuar këtyre arsyeve, muaji qershor automatikisht duhet të përjashtohet si muaj i mbajtjes së zgjedhjeve.

“Nuk jam i kuptuar se pse është gjithë kjo nguti, që zgjedhjet të mbahen më 8 qershor. Nuk ka as mundësi teorike që KQZ-ja të përgatitet teknikisht që zgjedhjet të mbahen brenda pesë javësh. Nuk do të kemi kredibilitet të zgjedhjeve në rast se zgjedhjet mbahen brenda pesë javësh, sepse duhet të ftohen edhe vëzhguesit ndërkombëtarë. Ne mund të mbajmë zgjedhje të improvizuara, por jo zgjedhje kredibile”, ka deklaruar Makolli, duke shtuar se periudha më e mirë për mbajtjen e zgjedhjeve është muaji shtator.

“Mbajtja e zgjedhjeve në qershor mund ta dëmtojë të ardhmen e Kosovës sepse ne jemi para proceseve të rëndësishme për vendin dhe këto zgjedhje do ta përcaktojnë të ardhmen tonë në raport të brendshëm dhe të jashtëm”, ka thënë Makolli.

Kryetari i Kuvendit, Jakup Krasniqi i’u është kundërpërgjigjur akuzave të zëvendëskryeministrit të Kosovës, Behgjet Pacolli, që i bëri mbrëmë në një emision televiziv, ku edhe e quajti atë mashtrues, shpirt ligë e psikopat.

Krasniqi e ka ftuar Kryeministrin Hashim Thaçi që mos t’i jap shumë vodkë zëvendësit të tij Behgjet Pacollit, madje, e ka pyetur mos ishte vodka që Milloshevici i Moskës i përcolli përmes Dacicit për Bacin, siç e quan Krasniqi.

Më poshtë e keni reagimin e plotë të Krasniqit në Facebook:

Shumë, shumë vodkë paska pi baci i Kryeministrit?!

Kryeministër, mos i japë shumë dozë të Votkës bacit tënd, Zëvendëskryeministrit të parë e ish Presidentit të bërë me votat e çlirimtarëve?!!! A mos ishte ajo vodka që Millosheviqi i Moskës t’i përcolli përmes Daçiçit për Bacin?

Ju keni qenë në shtëpinë time Kryeministër, baci nuk ka qenë, por nëse besoni se vlen disa milion, unë po te them se e ke rastin të fitosh shumë para. Eja merre 1 milion shtëpinë time e shitja bacës për disa milion. Kurse unë prej a ti 1 milioni nja 600.000 do t’ua jap pa asnjë hezitim të pastrehëve te Kosovës.

Sipas asaj që e keni vlerësuar Ju, përveç qe fitoni ju te pangishmit e Qeverisë, rasti është te fitojnë edhe do fakira dhe unë aspak.

Nëse nuk doni me fitu shumë para se nuk besoni, atëherë me qëllim e keni mashtruar opinionin publik.

Ndalni mashtrimet Ju të pangishmit e Qeverisë se gazi i Botës u bëtë o te mjerë!

Nese faji është i Nismës qe do t’u len me gishta n’gojë.

Për të tjerat çështje, ju treguat shpirtin tuaj të lig, tamam ashtu si jeni, psikopatë, mashtrues e gënjeshtarë ordiner. Pasuria aske nuk e bënë njeri, as Ju.

Mjerë vendi që i keni hipur në qafë!