Kuvendi Komunalnë Malishevës ka diskutuar të hënën për planifikimin e Zyrës së Prokurimit për vitin fiskal 2013. Menaxheri i Zyrës së Prokurimit, Elmi Paçarizi, tha se planifikimi në këtë Zyrë bëhet në harmoni me buxhetin komunal të miratuar nga KK dhe me prioritetet e kryetarit të Komunës, për investimet kapitale”.

Sipas tij, deri më tani është realizuar gati nëntëdhjetë për qind e planifikimit. Ai i është përgjigjur në pyetjet e anëtarëve të KK të Malishevës, si dhe ka dhënë sqarimet për paqartësitë eventuale. /PrizrenPress.com/

Kryetari i Kuvendit të Kosovës, Jakup Krasniqi deklaroi të hënën se sjelljen e lëvizjes Vetëvendosje nuk e ka konsideruar si “puq”, por më shumë një papjekuri politike.
Krasniqi këto komente i bëri pas mbledhjes së Kryesisë së Kuvendit të Kosovës.

Në pyetjen e gazetarëve se si është ndje kur i është marrë mikrofoni, Krasniqi tha,  sic transmeton Indeksonline, se e tëra është reflektuar edhe në publik.

Lëvizja Vetëvendosje u ka kërkuar falje të gjithë diplomatëve të huaj, të cilët e kanë ndjerë vetën në siklet nga turma e njerëzve, dhe që ndoshta si efekt anësor e kanë pësuar në protestën 27 qershorit.

Kërkimfaljen e bëri deputeti Glauk Konjufca, i cili tha se qëllimi i lëvizjes nuk ka qenë uzurpimi i Kuvendit, por parandalimi i ratifikimit të asaj marrëveshje të dëmshme për Kosovën, transmeton KTV. Ai ka pranuar se ndoshta atë ditë mund të jenë bërë edhe gabime.

“Pikërisht ka qenë rasti i ambasadores amerikane, por edhe ndonjë ambasadori tjetër të cilët nëse kanë përjetuar ndonjë situatë të pakëndshme, ne iu kërkojmë falje. Por, duke e analizuar dëmin e marrëveshjes, na është dukur e arsyeshme të veprojmë në atë mënyrë dhe nuk po them se nuk ka pasur edhe ndonjë gabim”, ka thënë Konjufca.

Ndërkaq kryetari i Kuvendit Jakup Krasniqi i ka quajtur veprime të papjekura dhe të pa matura ato të Vetëvendosjes, për shefin e Grupit Parlamentar të PDK-së Adem Grabovci veprimet e Vetëvendosjes nuk mund të quhen ndryshe veçse veprime me elemente të uzurpimit apo grushtetit. “Unë nuk kam nevojë ta emërtoj atë ajo e ka emrin e vet” ka thënë Grabovci.

Mbi 20 nëndegë të LDK-së në Prizren, kërkojnë nga lideri i tyre, Isa Mustafa, që të përzgjidhet me marrëveshje kandidati për kryetar të Prizrenit. Ata propozojnë që të mbahet një Kuvend, i cili do të nxjerrë një kandidat të pakontestueshëm nga askush. “Kërkojmë edhe nga Kryesia e LDK-së në Prizren, që emërimi i kandidatit për kryetar të Prizrenit, të dalë me marrëveshje gjithëpërfshirëse duke dëgjuar edhe zëri i të gjitha nëndegëve”, thuhet në kërkesën e nëndegëve të LDK-së në Prizren, dërguar liderit të tyre Isa Mustafa.

Kryesia e LDK-së në Prishtinë, dje ka emëruar një numër të kandidatëve për kryetarë të komunave të Kosovës. Edhe pse LDK-ja në Prizren, ka dërguar dy emra për kryetar, atë të Eqrem Kryeziut dhe Hanifi Muharremit, Kryesia në Prishtinë, nuk ka bërë emërimin i asnjërit prej tyre.

Lidhja Demokratike e Kosovës (LDK) Dega në Zhur, ndërkaq ka propozuar Nijazi Ademajn për kandidat për kryetar të Prizrenit. Emri i Ademajt është dërguar edhe në Kryesi të LDK-së në Prishtinë.

Dega e LDK-së në Prizren dhe ajo në Zhur, nuk kanë arritur të gjejnë gjuhën e përbashkët në përzgjedhjen e kandidatit për kryetar të Prizrenit.

Këto dy degë të LDK-së, në mungesë të gjetjes së një kandidati të përbashkët, veç e veç, i kanë dërguar propozimet e tyre në Prishtinë për kryetar të Prizrenit.

Kryetari i LDK-së në Zhur, Shukri Vezaj ka thënë se Nijazi Ademaj është propozuar për kryetar të Prizrenit, pasi që Dega e LDK-së në Prizren, nuk ka përfillur kërkesën për të dalur me një kandidat të përbashkët. “Po është e vërtet që LDK-ja në Zhur ka dal me kandidatin e vet për kryetar të Prizrenit. Kryesia ka propozuar që Nijazi Ademaj të kandidojë në zgjedhjet e ardhshme për kryetar të Prizrenit”, ka thënë Vezaj për “PrizrenPress”.

Burimet e “PrizrenPress-it”, bëjnë të ditur se arsye kryesore pse nuk është emëruar dje kandidati i LDK-së për kryetar të Prizrenit, ka qenë mospajtimet që kanë dal në mes Degës së Prizrenit, Zhurit dhë nëndegëve të tjera të LDK-së. “kandidati i pakontestueshëm do të unifikon dëget dhe nëndegët dhe kërkesat e elektoratit të LDK-së”, vlerësojnë përfaqësuesit e nëndegëve të LDK-së në Prizren. /PrizrenPress.com /

Më poshtë ju sjellim nënshkrimet nga nëndega e LDK-së në Prizren, dërguar krytarit të LDK-së, Isa Mustafa:

Deputeti i Lëvizjes Vetëvendosje! Visar Ymeri ka vlerësuar se marrëveshja marrëveshja Thaçi –Daçiç , e ka kthyer Kosovën, politikisht para shpalljes së Pavarësisë. “Ne jemi munduar në të gjitha ligjërimet tona, qoftë në Kuvend, emisione televizive dhe debate të tjera, t’i bëjmë të qarta dëmet e mëdha që kjo marrëveshje po i sjell vendit, para se të provojmë ta ndalojmë atë”, tha Ymeri, në një takim me qytetarët e fshatit Bukosh të Komunës së Suharekës.

Ymeri ka treguar edhe efektet e para të dëmshme të kësaj marrëveshje. Ai përmendi heqjen e logos së Republikës së Kosovës nga dokumentet zyrtare, emërimin i Nenad Gjuriqit për komandant rajonal,që sipas tij, ka qenë një ish -polic të Millosheviçit, si dhe zgjedhjet lokale, të cilat u shpallën nga Ivica Daçiç, ende pa u shpallur nga institucionet e Kosovës. “Kur t’i mbledhim këto fakte vijmë në konkludimin se Kosova ngadalë por sigurt po bie në varshmëri ndaj Serbisë, sepse tani çdo gjë po vendoset në koordinim me Serbinë”, tha Ymeri.

Ai po ashtu foli edhe për karakterin e marrëveshjes duke sqaruar që ratifikimi ishte i njëanshëm.“Serbia nuk e njeh Kosovën dhe nuk e ratifikon marrëveshjen, që tregon se nuk ka karakter ndërkombëtar”, tha Ymeri.

Ai foli edhe për dy çështje shumë negative që derivojnë nga marrëveshja,që sipas tij, janë Ligji për amnisti, që amniston një grup shoqëror, e liron atë përveç nga ndjekja penale edhe nga hetimi, si dhe rishikimi i buxhetit për ta akomoduar të ashtuquajturin Fondin Zhvillimor për Veriun.

“ Po krijohet një buxhet paralel nga i cili do të financohet Asociacioni i komunave serbe, e duke e varfëruar edhe më tepër buxhetin e varfër të Kosovës. Pas fjalës së tij ai u përgjigj në shumë pyetje të qytetarëve”, tha Ymeri.

Leonard Shala, kryetar i Qendrës Vetëvendosje! në Suharekë, në këtë takim foli për mobilizimin dhe strukturën e VV-së në këtë komunë dhe ndikimin e forcuar të saj në jetën politike dhe shoqërore./PrizrenPress.com/