Instituti Demokratik i Kosovës(KDI) kërkon nga asamblistët që mbajnë dy pozita publike të japin dorëheqje nga njëra prej tyre.

Përfaqësuesi i KDI-së,Naim Cahanaj thotë se asamblistët me Ligjin e Vetëqeverisjes Lokale, e kanë të ndaluar t’i gëzojnë dy pozita publike.

“Ligji e specifikon qartë se drejtorët komunal, institucioneve dhe ndërmarrjeve nën autoritetin e Komunës dhe nëpunësit civil të Administratës së Komunës nuk mund të jenë anëtar të Kuvendit të Republikës së Kosovës apo Kuvendit të Komunës ku ata punojnë”, shprehet Cahanaj.

Sipas tij, një numër i asamblistëve të Prizrenit, gëzojnë edhe nga një pozitë tjetër publike.

“KDI kërkon që asamblistët të respektojnë ligjin dhe të japin dorëheqje nga njëra pozitë”.

Cahanaj tregon se KDI është duke i mbledhur të gjitha të dhënat për këtë cështja dhe se do të kërkojë sqarim dhe interpretim nga MPL-ja rreth vlefshmërisë të votës së këtyre asamblistëve.

“Në ligj nuk është i specifikuar vlefshmëria e votës së as që ushtrojnë edhe një pozitë publike. Logjikisht vota e këtyre asamblistëve duhet të jetë jo i vlefshëm pasi që ata me ligj e kanë të ndaluar t’i ushtrojnë dy pozita”.
“KDI është duke i marrë të gjitha të dhënat e asamblistëve që ushtrojnë dy pozita publike dhe do t’i dërgoj në MPL për të interpretuar votën e tyre që shfrytëzojnë”. /PrizrenPress.com/

Avokatit Ruzhdi Berisha i ka dal punë për të mbrojtur kryetarët e dy komunave, Prizrenit dhe Dragashit. Ai që nga fillimi i procesit gjyqësor është angazhuar për të mbrojtur kryetarin e Prizrenit, Ramadan Mujën, i cili nga Prokuroria e EULEX-it, akuzohet për keqpërdorim të detyrës. Në kë të proces, Berisha ishte angazhuar pas dorë heqjes së kolegut të tij, Engjjëll Cetta.

Ende pa e përfunduar procesin gjyqësor të Ramadan Mujës,avokati Ruzhdi Berisha është “ngarkuar” edhe me një lëndë të një kryetari tjetër të Komunës, Salim Jenuzit.

Fillimisht Jonuzi ishte përcaktuar për një avokat tjetër, mirë po për shkak problemeve shëndetësore dhe trajtimit mjekësor jashtë vendit, është detyruar të angazhojë “avokatin e Mujës”, Ruzhdi Berishën.

Procesi gjyqësor ndaj kryetarit të Dragashit, Salim Jenuzi dhe ish -kryesuesit të Kuvendit Komunal, Lulzim Rifaj, të mërkurën është shtyrë për muajin shkurt.

Kryetari i Dragashit Salim Jenuzi, nuk ka arritur të shmang mospërfshirjen në konteste gjyqësore. Ndaj tij dhe ish-kryesuesit të Kuvendit Komunal, Lulzim Rifaj, është ngritur aktakuzë nga Prokuroria e Qarkut të Prizrenit për shpërdorim të pozitës zyrtare.

Në aktakuzë thuhet se të akuzuarit, me qëllim të përfitimit të kundërligjshëm i kanë shkaktuar dëme ndërmarrjes shoqërore “Sharr Prodhimi” në Dragash, të cilën e menaxhon AKP-ja. Sipas aktakuzës së prokurorisë, Jenuzi ka urdhëruar drejtorin e Urbanizmit që të bartë pronën shoqërore në sipërfaqe prej 29.727 hektarësh, prej ndërmarrjes shoqërore në pronësi të Komunës.

Pastaj këto patundshmëri u janë dhënë në shfrytëzim pa ndonjë bazë juridike personave fizikë, blegtorëve. Sipas Prokurorisë , me kë to veprime Jenuzi e Rifaj u kanë mundë sur përfitim të kundërligjshëm material personave fizik,blegtorë ve në dëm të ndërmarrjes shoqërore”Sharr Prodhim”. /PrizrenPress.com/

Logo e Republikës së Kosovës ka mbetur e mbuluar në fletët e nënshkruara të betimit nga asamblistët dhe kryetarët e zgjedhur të veriut. Burime të gazetës kanë shpjeguar se pavarësisht përpjekjes së zyrtarëve të Ministrisë së Administrimit të Pushtetit Lokal dhe disa zyrtarëve evropianë që menjëherë pas nënshkrimit, mbulesa (stikeri v.j.) të hiqet nga fletët e nënshkruara të betimit, një gjë e tillë ka qenë e pamundur.

Sipas disa zyrtarëve që kanë marrë pjesë në këtë proces, mbulesa që është vendosur mbi logon e Republikës ka qenë aq mirë e ngjitur për letrën e betimit, saqë e vetmja mënyrë për ta hequr atë ka qenë shqyerja e letrës.

Në fakt, zyrtarët e MAPL-së, sipas burimeve të gazetës, kanë planifikuar që të kërkohet ndihmë profesionale në heqjen e këtyre mbulesave, por një gjë e tillë nuk ka ndodhur.

Si rezultat i kësaj, fletët e votimit kanë mbetur me logo të mbuluar dhe janë arkivuar. Kosova dhe Serbia kanë diskutuar me ditë të tëra në Bruksel për mënyrën se si do të bëhej betimi i asamblistëve dhe kryetarëve të zgjedhur në veri të vendit/tribuna/

Qeveria e Kosovës nuk heq dorë nga vënia në krye të Gjykatës së Tenderëve, një njeri të dyshuar për korrupsion. Për herë të dytë ka propozuar, Hysni Hoxhën, për Kryesues tëOrganit të Shqyrtues të Prokurimit.

Po synon që edhe për një mandat të vendosë në krye të këtij institucioni, ani se Hoxha po ndiqet penalisht për veprime që lidhen me punën e tij, shkruar Koha Ditore.

Në gushtë Prokuroria ka nisur një hetim për një tender kundër Hoxhës. Prokuroria dyshon se Hysni Hoxha, Arben Gjukaj dhe Hasan Pruthi i janë nënshtruar presionit të Sami Lushtakut për t’i dhënë një tender mbi gjashtë milionë eurosh kompanisë së nipit të tij, Milazim Lushtaku, për sigurimin fizik të objekteve të KEK’ut. Tenderi konsiderohet i paligjshëm.

Ndërkohë, Hoxha ka udhëhequr OSHP në pesë vitet e fundit.

Qeveria e Kosovës në dhjetor ka miratuar listën për anëtarë të OSHP’së. Hysni Hoxha është propozuar për Kryesues, Ekrem Salihu, Tefik Sylejmani dhe Vjollca Kurtishaj për anëtarë.

Por, një muaj më herët Kuvendi i Kosovës kishte votuar kundër kësaj përbërje. Ata nuk kishin marrë vota të mjaftueshme për t’i bërë gjyqtarë në OSHP.

Qeveria e Kosovës nuk ka dhënë sqarime se pse ka propozuar njerëzit e njëjtë për anëtarë të OSHP’së.

Hajredin Kuçi ka thënë se këtë cështje duhet ta sqarojë stafi i Zyrës së Kryeministrit.

Sekretari i Qeverisë, Fitim Krasniqi ka thënë se ai ka kryer vetëm punët teknike derisa ka treguar se propozimet e emrave kanë ardhur nga stafi politik./Koha ditore/

Gjatë vizitës së saj në Bruksel, Ministrja ?itaku pati një prezantim publik në Qendrën per Politika Europiane (European Policy Centre – EPC) ku foli për të arriturat dhe sfidat në procesin e liberalizimit të vizave para një publiku të përfaqësuesve të institucioneve të Bashkimit Evropian, përfaqësues të shteteve anëtare të BE-së, gazetarëve dhe shoqërisë Civile.

Në prezantimin e saj të titulluar: “Përafrimi i Kosovës me BE-në: hapat e ardhshëm drejt liberalizimit të vizave” foli edhe për agjendën evropiane të vendit, kontekstin në të cilën janë bërë zhvillimet e fundit në integrimin evropian, përfshirë zhvillimet politike në vend dhe marrëdhëniet rajonale.

Fokusi i prezantimit të Çitakut ishte për rëndësinë e liberalizimit vizave për qytetarët e Kosovës në një kohë sa më të shkurtër. Ministrja Çitaku foli për punën dhe rezultatet e shumta të arritura nga gjitha institucionet e përfshira në adresimin e kritereve të udhërrëfyesit për liberalizim të vizave për Kosovës duke përshkruar arritjet në secilin nga blloqet që përfshijnë procesin e riatdhesimin, riintegrimin e personave të riatdhesuar, sigurinë e dokumenteve, menaxhimin e kufijve dhe çështje të azilit, si dhe të drejtat themelore të ndërlidhura me lirinë e lëvizjes.

Ministrja Çitaku foli për rëndësinë e përshpejtimit të dinamikës nga ana e Komisionit Evropian. Ajo tha që “presim nga ana e BE-së të jetë e thuktë në vlerësime, por të sigurohet që të ketë trajtim fer për Kosovën. Ngritja e volumit të shkëmbimeve do të jetë me përfitim për procesin e reformave evropiane. Ne kemi përmbushur shumë nga kërkesat e këtij procesi, dhe për këtë presim misionet vlerësuese nga ana e Komisionit Evropian në mënyrë që të përmbyllet i gjithë procesi sa më shpejt”.