Kryetari i Komunës së Prizrenit, Ramadan Muja, do të jepë betimin për mandatin e ri katërvjeçar me 24 dhjetor të këtij viti. Në të njëjtën seancë, betimin do ta japin edhe këshilltarët e Asamblesë Komunale, të cilët kanë fituar mandatin në zgjedhjet e 3 nëntorit.

Ramadan Muja për të tretën herë më radhë betohet si kryetar i Prizrenit.Ai në zgjedhjet e fundit ka dalë fitues përballë kundërkandidatit të LDK-së, Eqrem Kryeziut.

Muja ka premtuar se edhe në mandatin e tretë do të vazhdojë të punojë për t’ia përmisuar jetën e qytetarëve të komunës së Prizrenit. /PrizrenPress.com/

Arlind B. është arrestuar nga Policia në Prizren për shkak të dyshimit të bazuar se ka konsumuar elemente të veprës penale të vjedhjes. Sipas raporteve hetimore thuhet se i dyshuari kishte hyrë në një shtëpi në rrugën ‘Beteja e Koshares’, ku kishte vjedhur gjësende të arta në vlerë rreth 2000 euro.

Vjedhja është denoncuar në polici, ndërkaq i dyshuari ka përfunduar prapa grilave. Prokurori i shtetit ka nënshkruar vendimin për ndalim, ndërsa grupi hetimor po punon për ndriçimin e rasteve tjera që mund të jetë i përfshirë ky i dyshuar.

Ndërkaq, në Malishevë, policia ka arritur ta ndalë një automjet të llojit Golf II i cili pas hetimeve të kryera menjëherë pas rastit, rezultoi se ishte vjedhur pak orë më parë në Rakovinë të Gjakovës.

“Vetura e vjedhur ishte vërejtur në një rrugë të Malishevës dhe pasi policia kishte tentuar t’i afrohet veturës, ngasësi dhe dy persona tjerë ishin larguar me shpejtësi të madhe duke u përpjekur t’i ikën patrullës. Kurse, patrulla ka filluar ndjekjen dhe duke e parë se të dyshuarit do të kapeshin nga policia, të njëjtit me shpejtësi e kanë braktisur veturën dhe kanë kapërcyer muret e oborreve në Lagjen e” Matoshve “ në Malishevëduke u larguar në drejtim të panjohur. Vetura e braktisur është sjell në stacion dhe është informuar pronari”, thuhet në një komunikatë të Policisë së Kosovës.

Megjithëse largoi nga posti dy presidentë vendi deri tani, Gjykata Kushtetuese e drejtuar nga Enver Hasani nuk po arrin që Kryeministrin Hashim Thaçi ta bind që të e zbatoi një vendim të saj.

Kjo gjykatë kishte vendosur kohë më parë në favor të punëtorëve të fabrikës së gypave në Ferizaj të privatizuar për një kompensim prej 25 milionë eurosh, por vendim ky që Qeveria Thaci ende nuk e ka zbatuar, megjithëse neni 116 i Kushtetutës së Kosovës specifikon që të gjitha evndimket e Gjykatës Kushtetuese janë të pa kontestueshme në zbatim.

Ky vendim nuk u zbatua kurrë dhe punëtorët ende nuk i kanë marr kompensimet e tyre të ligjshme, sipas vendimit në fjalë.

Së fundi,. Për ta zbatuar këtë vendim, Gjykata Kushtetuese nuk u ndal vetëm me punën e saj në nxjerrjen e tij, por shefi i saj, Enver Hasani i ka shkruar edhe një letër Kryeministrit Thaçi, shkruan Zëri

Brenda këtij muaji do të shpallet formimi i partisë së re nga Jakup Krasniqi dhe Fatmir Limaj.

Lajmi u publikua nga agjencia e lajmeve Ina nga Shkupi, dhe sipas burimeve të saj, Limaj e Krasniqi dhe bashkëpunëtorët e tyre të enjten kanë vendosur për themelimin e subjektit të ri politik.

“Janë bërë përgatitjet e para dhe se lider i subjektit të ri do të jetë kryetari i Parlamentit, Jakup Krasniqi, ndërsa në radhët e partisë së re do të aderojnë politikanë të njohur të skenës politike, akademikë dhe personalitete tjera publike dhe nga baza e partive tjera”, theksoi për agjencinë Ina një nga nismëtarët për themelimin e subjektit të ri.

Gjithashtu pritet edhe publikimi i emrit të ri të partisë.

Ky subjekt i ri do të nisë menjëherë parapërgatitjet për zgjedhjet e reja parlamentare që pritet të mbahen nga mesi i vitit të ardhshëm.

Sot në Gjykatën Themelore në Mitrovicë është mbajtur seanca e dytë, në rastin e aktakuzës kundër ish-komandantit të Shtabit të Përgjithshëm të UÇK-së, Sylejman Selimit, Ismet Haxhës, Shefki Hysenit dhe Nexhat Qubrelit, të akuzuar për vepra penale të krimeve të luftës.

Tomë Gashi, avokat i Sylejman Selimit, ka thënë se mbrojtja në këtë rast ka kërkuar që të hedhet poshtë aktakuza.

“Mbrojtja ka kërkuar që të hedhet aktakuza e prokurorit Salustro, si e pabazuar dhe pa asnjë provë, e cila do të vërtetonte maltretimin fizik të dy të dëmtuarve kinse të kryer gjatë periudhës së luftës 1998 dhe 1999 në Vaganicë të Mitrovicës dhe në Likovc të Drenicës”, ka thënë për “Epokën e re” Gashi, duke shtuar se gjyqtari nuk ka përcaktuar se kur do të vendosë nëse do të hedhë poshtë këtë aktakuzë me vendim, apo që sipas Gashit çështja do të shkojë në gjykim kryesor.

Në zgjedhje lokale dolën kundër partisë së tyre duke mbështetur iniciativat qytetare.

Fatmir Limaj dhe Jakup Krasniqi shpesh herë haptazi fajësuan lidershipin e partisë për diktat por edhe për epilogun e zgjedhjeve lokale.

E në zyrat e partisë ata nuk janë parë moti.

Por anëtari i Këshillit Drejtues të PDK-së Rexhep Hoti thotë se përkundër pakënaqësisë së tyre, të cilën e quan evidente, ata vazhdojnë të jenë pjesë e PDK-së, transmeton KlanKosova.

“Limaj dhe Krasniqi janë në PDK. Unë flas me fakte jo me spekulime. Ata as nuk kanë formuar parti të re, as nuk janë dorëhequr nga funksionet e as nuk kanë qenë pjesë e iniciativave qytetare, të cilat i kanë mbështetur. Edhe Jakupi edhe Fatmiri janë aq të mëdhenj sa me bë aventura të tilla, po e quaj në thonjëza”, theksoi Hoti si mysafir në Info Magazine të Klan Kosovës.

“Edhe Iniciativa Qytetare e Malishevës është PDK. Ata janë njerëz që e kanë themeluar partinë, ata janë PDK”, konstatoi ai.

Anëtari i këshillit drejtues i PDK-së tha se ekipi drejtues i partisë duhet ta merr iniciativën për tu ofruar përgjegjësinë që i takon Krasniqit dhe Limajt, kur u pyet për idenë e Hajredin Kuçit për t’i “rehatuar” të dytë në pozitat që i kishin më herët.

“Hajredin Kuçi është një nga njerëzit më të rëndësishëm në PDK. Unë mendoj se ata duhet të kthehen aty ku kanë qenë. Nëse Limaj dhe Krasniqi do të dëshironin pozita brenda udhëheqjes së partisë, unë mendoj se PDK-ja ka zemërgjerësi për tu ofruar ato. Madje edhe në ato pozicione që i kishin”, përfundoi Hoti.